சொத்தக்கத்திரி!

 

“ஏனுங்கம்மிச்சி கத்திரிக்காய நீங்கதான் விளைவிக்கறீங்க.இத்தன கத்திரிக்காய் மலையாட்ட கொட்டிக்கெடக்கறப்ப உங்க சாப்பாட்டுக்கு எதுக்கு சொத்தக்கத்திரிக்காய அறிஞ்சு போடறீங்க?” என தன் தாயின் தாயான தவசியம்மாளைப்பார்த்து வெகுளியாக அதே சமயம் அறிவார்ந்த வார்த்தையால் கேள்வியாகக்கேட்டாள் பத்து வயது சிறுமி காம்யா!

“சொத்தக்கத்திரிக்காய் விலைக்கு போகாது சாமி.ஆனா சொத்தை இருக்கற பக்கத்தை அருவாமனைல அறிஞ்சு போட்டு,நல்ல பக்கத்த பொறியல் பண்ணிக்கலாம்.எங்கம்மாவும்,எங்கம்மாவோட அம்மாவும் இப்படித்தான் பண்ணுவாங்க.நல்ல காய்களை சனிக்கிழமை சந்தைக்கு அனுப்புனம்னாத்தான் நாலு காசு சுருக்குப்பைக்கு வந்து சேரும்.அத வச்சு அரைப்பவுனுங்காப்பவுனும் எடுத்து சேத்ததாத்தான் உம்பட சீருக்கு ஒறவுக்காரங்க முன்னால மரியாதையா நானும் நிக்க முடியுங்கண்ணு.ஒன்னம் மூணு வருசத்துல வயசுக்கு வந்துருவியில்ல…?” என தனது சேமிக்கும் பழக்கத்தை நொங்கு போன்ற கொங்கு பாசையில் எடுத்துரைத்தார் விவசாயி மனைவி தவசியம்மாள்.

தவசியம்மாளின் தந்தையும் ஒரு விவசாயி என்பதால் விவசாயிகளின் சிரமங்களை சிறு வயது முதலே நன்கு அறிந்தவர்.படிப்பு பிடிக்காமல் போகவே பருவமடைந்து சில வருடங்களிலேயே தாயை சிறுவயதிலேயே இழந்த காரணத்தாலும்,தந்தையும் வறுமை நிலையிலிருந்த நான்கு பெண்களுக்கு திருமணம் முடித்து கடன் பட்ட நிலையிலும், முதல் சகோதரி இரண்டு குழந்தைகளுடன் இறந்து விட, வேறு பெண் மருமகனுக்கு இரண்டாந்தாரமாக வாழ்க்கைப்பட்டால் அவளது குழந்தைகளின் நிலைமை மோசமாகி விடுமென தனது கடைசி பெண் தவசியம்மாளை இரண்டாவது தாரமாக கொடுக்க அப்பா முடிவெடுத்ததாலும் மச்சானுக்கே வாழ்க்கைப்பட நேர்ந்தது.

தன் கணவனுக்கும் தவசியம்மாளுக்கும் பதினைந்து வருட இடைவெளி.மறுமணமாகி இரண்டாண்டுகளில் கணவர் பாம்புக்கடிக்கு இரையாகிவிட,இளம் விதவையானார்.தமக்கு குழந்தைகள் பிறக்காவிட்டாலும் தம் கணவருக்கும் அக்காவுக்கும் பிறந்த இரண்டு பெண் குழந்தைகளை தம் குழந்தைகளாகவே எண்ணி பாசமுடன் வளர்த்து,திருமணம் செய்து வைத்தவர் தனியாக இருந்து விவசாயம் செய்து அதன் வருமானத்தில் வாழ்வதோடு, அவர்களுக்கு முறைப்படி சீர் சிறப்பும் செய்து வந்த நிலையில்,மூத்த மகளின் குழந்தை காம்யா விடுமுறையில் வந்திருந்த போது குழந்தையுடன் தாமும் குழந்தைபோல தன் நினைவுகளை கூறியதோடு,அக்குழந்தையின் அறிவாற்றலைக்கண்டு வியந்து போனார் தவசியம்மாள்.

“உங்க கிட்ட நாலு ஏக்கர் பூமி இருக்கு. ஒரு ஏக்கர் ஒரு கோடிக்கு போகுதுன்னு எங்கப்பா சொன்னார். ஒரு ஏக்கரா மட்டும் ஒருகோடிக்கு வித்து பாதிய பேங்ல போட்டு வட்டிப்பணத்த வாங்கி செலவு பண்ணிட்டு, பாக்கிய சித்திக்கும் எங்கம்மாவுக்கும் கொடுத்துட்டு, விவசாயம் பண்ணி கஷ்டப்படாம இருக்கலாமில்ல..?” எனக் கூறிய காம்யாவை கட்டியணைத்து உச்சி மோந்து “உனக்குத்தான் எத்தனை மூளை…?” என பெருமூச்சு விட்டவர், “அப்படி நம்ம முன்னோர்கள் வித்துட்டு பாடு படாம இருந்திருந்தா நமக்கு இந்த சொத்து கிடைச்சிருக்குமா? வாயைக்கட்டி,வயத்தக்கட்டி பாடுபட்டு மிச்சம் பண்ணினதாலதானே நமக்கிருக்கு? இத பங்கு போட்டா சித்திக்கு ரெண்டு ஏக்கரா, உங்கம்மாவுக்கு ரெண்டேக்கராத்தானே வரும். அதுல உனக்கு ஒரு ஏக்கரா, உம்பட தம்பிக்கு ஒரு ஏக்கராத்தானே கெடைக்கும்…? இன்னைக்கு பூமி விக்கிற வெலைக்கு நீங்க படிச்சு வேலைக்குப்போயி வாங்கற சம்பளத்துல வாங்க முடியாது கண்ணு. நானெப்படியோ அரைக்கஞ்சீமு, காக்கஞ்சீங்குடிச்சு விக்காம காப்பாத்திப்போட்டனாக்கும்.ம்…எப்படியோ எம்பட உசுருக்கப்புறமும் நீங்க விக்காம காப்பாத்தி போடோனும்.அஞ்சனப்போ, பத்தனப்போ பூமினு இருக்கோனுமாக்கு. அப்பத்தான் சொந்த பந்தம் மதிக்குஞ்சாமி” எனக் கூறியவர் சந்தைக்கு விற்பதற்க்காக அனுப்பி வைக்க கத்தரிக்காய்களை தரம் பிரித்து சாக்குப்பையில் போட்டு கோணூசியால் தைத்து அடுக்கி, வாடாமலிருக்க தண்ணீரை எடுத்து மிகுந்த ஈடுபாட்டுடன் சாக்கு பையை நனைத்து விட்டார் கடின உழைப்பாளியான தவசியம்மாள். 

தொடர்புடைய சிறுகதைகள்
கிராமங்களில் ஏதுமறியாமல் வெகுளித்தனமாக இருப்பவர்களை வெள்ளச்சோளம் என்பார்கள்.அவ்வாறு பதிமூன்று வயதிலும் மூன்று வயது சிறுவன் போல் மனதில் தோன்றுவதை தோன்றியபடியே பேசிக்கொண்டு,தன்னை விட வயது குறைந்த குழந்தைகளுடன் விளையாட விருப்பத்தோடு இருப்பவன் தான் குணத்துக்கேற்ற பெயர் கொண்ட குழந்தைசாமி! ஐந்து வயது வரை ...
மேலும் கதையை படிக்க...
முரளிக்கு மூக்கில் சளி அடைத்துக்கொள்ள மூச்சு விடுவதில் சிரமமாக இருந்தது.தலையில் பாறாங்கல்லை வைத்து அமுக்குவது போல் வலி ஏற்பட்டது.எச்சில் சுவையும் மறத்துப்போன நாக்கில் மறுப்பு சொன்னது.உடல் வெப்பம் கூடியிருந்தது.உடன் படுத்திருக்கும் மனைவி மலரின் நெற்றியில் கை வைத்து பார்த்தான்.நார்மலாக காட்டியது. இரவு அதிக ...
மேலும் கதையை படிக்க...
நிகாவுக்கு துக்கம் தொண்டையை அடைத்தது.பள்ளியில் சக மாணவர்கள் முன் ஆசிரியை திட்டியதை தாங்கிக்கொள்ள முடியவில்லை.ஓடிச்சென்று கழிவறையில் புகுந்து தாழிட்டுக்கொண்டு தேம்பி தேம்பி அழுதாள்.பின் தன்னைத்தானே ஆசுவாசப்படுத்திக்கொண்டு முகத்தை கழுவி கைக்குட்டையால் துடைத்துக்கொண்டு வெளியே வந்தவளை பள்ளித்தோழி மேகா கட்டியணைத்து ஆறுதல் சொன்னாள். "நான் ...
மேலும் கதையை படிக்க...
"ஏண்டி,ஏட்டக்கீழ வச்சுப்போட்டு ஊட்டக்கூட்ட மாட்டியாக்கும்?"என்று அதட்டிய அம்மாவை மிரட்சியுடன் பார்த்து விட்டு,துடைப்பத்தைக்கையிலெடுத்தாள் நான்காம் வகுப்பில் படிக்கும் ஒன்பது வயது நிரம்பிய ஏழைப்பெண் கண்ணம்மா. "ஏண்டி கண்ணு,அடி உன்னத்தான்,அடுப்புல இருக்கிற சோத்தக்கிளறி உடு.பத்தாமயே பத்துன வாசமடிக்கும் கூப்பன் அரிசி சோறு.வேற பத்திப்போச்சுன்னா வாயில வைக்க ...
மேலும் கதையை படிக்க...
ரங்கசாமிக்கு தூக்கம் வர மறுத்தது.தந்தை சிறுவயதிலேயே இறந்து போனதால் தோட்டத்தை கவனிக்க வேண்டிய நிலையில் பள்ளிப்படிப்பை பாதியிலேயே விட வேண்டிய பரிதாபம்.ஆனால் படிப்பின் மேல் கொள்ளைப்பிரியம்.பகல் பொழுதில் ஏரோட்டுவது,பாத்தி கட்டுவது,நீர் பாய்ச்சுவது,குப்பை இறைப்பது,மாடு மேய்ப்பது,பால் கறப்பது என வேலை நெம்பெடுக்கும்.இடுப்பு சில ...
மேலும் கதையை படிக்க...
தொழில் நஷ்டத்தால் ஏற்பட்ட கடனை அடைக்க வழியின்றி திணறினான் பகின்.பகினுக்கு திருமண வயது வந்தும் படிப்பும்,அழகும் இருந்தும் தொழில் அமையாததால் யாரும் பெண் கொடுக்க முன் வரவில்லை.வேலையும் அமையவில்லை என்பதை விட வேலைக்கு செல்ல மனமில்லை.விரக்தியில் நண்பர்களுடன் குடிக்கும் அடிமையாகி விட்டான். ஒரு ...
மேலும் கதையை படிக்க...
ஆற்றுப்படுகையிலிருந்த குடிசையிலிருந்து வெளிவந்த பேரழகி சகுந்தலைக்கு இளஞ்சிவப்பு நிற சூரியனிலிருந்து வெளிவந்த ஒளிக்கதிர்கள் வதனத்தில் பட்டதால் மேலும் அழகு கூடியிருந்தது! வீரச்சக்கரவர்த்தி விஸ்வாமித்திரருக்கும், தேவலோக அப்ஸரஸ் மேனகைக்கும் பிறந்த தேவலோக இளவரசி என்பதை சற்றும் அறியாதவளாய் ,வெகுளியாய் புள்ளிமான் போல் துள்ளி விளையாட ...
மேலும் கதையை படிக்க...
வெள்ளச்சோளம்!
கொரோனா பயம்!
பள்ளிப்பாடம்!
கண்ணம்மா!
கதாசிரியர்
பணவெறி
பரதநாடு!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)