அவள்…!

 

எதிர்பாராதவிதமாக நந்தினியைப் பூங்காவில் தன்னந்தனியே பார்த்ததும் எனக்குள்ளிருந்த ஆசை துளிர்விட்டது.

இவள் என் பால்ய சினேகிதி. ஒரே ஊர். பக்கத்துப் பக்கத்துத் தெரு. நாங்கள் ஒரே பள்ளிக்கூடம். ஒரே வகுப்பில்தான் படித்தோம். சின்ன வயசிலேயே அவள் பேரழகி.

அப்போதிருந்தே எனக்கு அவள் மீது ஒரு கண். தொட்டுவிளையாட ஆசை. நான் முயற்சி செய்வதற்குள் இன்னொருத்தன் முந்திக்கொண்டு விட்டான்.

அவனும் எங்களோடு படித்தவன். கொஞ்சம் பணக்காரன். நல்ல வாட்டசாட்டம். நந்தினி மயங்கிவிட்டாள். அவன் மயக்கி விட்டான்.

அவர்கள் பெயர்கள் பள்ளிக்கூடச் சுவர் கழிவரையெல்லாம் நாறிவிட்டது. எனக்கும் ‘ ச்சீ. .! ‘ என்று ஆகிவிட்டது.

பதினொன்றாம் வகுப்பிற்குப் பிறகு எங்கள் பாதையில் மாற்றம். அவள் பெயில். நான் பாஸ். கல்லூரிப் பக்கம் தலை வைத்தேன். நந்தினி அதே ஆண்டு பரிட்சை எழுதி பாஸ். தட்டச்சுப் பயிலப் போனாள் . எத்தனையோ பேர்கள் சைட்டடிக்க. .. இவளும் வழிய. .. அங்கேயும் அவள் பெயர் பாழ்.

அடுத்து வேலைக்குப் போனாள். அங்கும் ஒழுங்கு இல்லை. இரு சக ஊழியர்கள், இவளுக்காகவே நாடு பிரதான சாலையில் கட்டிப்புரண்டு சண்டை போட்டார்கள். இரண்டு மூன்று கருக்கலைப்புகள். உடல் நலிவு. முடிவில் ஒரு இளிச்சவாயனுக்கு இரண்டாம் தாரமாக வாழ்க்கைப் பட்டாள். அவனுக்கு ஏற்கனவே பெண்டாட்டி, பிள்ளைகள் உண்டு. அந்த வாழ்க்கையும் இவளுக்கு முழுமையாக இல்லை. இரண்டாண்டுகளுக்குப் பிறகு பிரிவு. கடந்த ஓராண்டு காலமாக தனியே வாழ்கிறாள்.

இவ்வளவிற்குப் பிறகும் நந்தினி அழகு குறையவில்லை.!

எனக்குள் இருந்த உள்ளுணர்வும் மறையவில்லை.!!

” நந்தினி. .! ” அருகில் சென்றேன்.

” சிவா. .” அவள் அதிசயித்தாள்.

” எப்படி இருக்கே. .? ”

” நல்லா இருக்கேன் ”

” அலுவலக வேலையெல்லாம் எப்படி. .? ”

” நல்லா போய்க்கிட்டிருக்கு. ” என்றவள். .. ” ஒரு சந்தோசமான சமாச்சாரம் சிவா . ” என்றாள் மலர்ச்சியுடன்.

” என்ன. .? ”

” ரெண்டு மாசமா நானும் , என் வீட்டுக்காரரும் சேர்ந்து வாழறோம். அவராகவே வந்தார். ” சொன்னாள்.

எனக்கு அவள் ஒவ்வொரு அணு, அசைவும் அத்துப்படி.

” அப்படியா. .? ! ” என்று ஆச்சரியப்பட்டவனாக விழிகளை உயர்த்தினேன்.

” ஆமாம் ! ” என்றாள்.

” அப்புறம் நந்தினி. .? ” என் மனதிலிருப்பத்தைச் சொல்ல பிள்ளையார் சுழி போட்டேன்.

” சொல்லு. .சிவா. ”

அவள் கண்களிருந்து பார்வையை விலக்காமல். ..

” சொ. .. சொன்னா தப்பா எடுத்துக்கக்கூடாது. ……”

” இல்லே… ”

பெண்ணுக்குப் புகழ்ச்சி பிடிக்கும் என்பது பாலபாடம்.!

” நீ தங்க பஸ்ப்பம் சாப்பிடுறீயா. .? ”

” இல்லேயே ஏன். .?”

” என்றும் பதினாறாய் இருக்கே. .?! ”

” பொய் சொல்றே. ..! ” வாய் சொன்னாலும் முகம் வெட்கத்தில் சிவந்தது.

” நிசம் நந்தினி. படிக்கும்போது நானும் உன்மேல ஆசைப்பட்டேன் தெரியுமா. .? ”

” தெரியும் ! ” சொல்லி என்னை அதிர வைத்தாள்.

” எப்படி. .? ”

” ஆண்களோட பார்வை, பேச்சு பெண்களுக்குத் தெரியும், புரியும் !”

‘ அட. .! இதனால்தானா. ..ஆண்கள் திருட்டுத்தனமாக பெண்ணின் எந்த இடத்தைப் பார்த்தாலும் அந்த இடத்தைத் திருத்திக் கொள்கிறார்கள், மறைத்துக் கொள்கிறார்கள் ! ‘ எனக்குள் வியப்பு.

” இன்னைக்கும் உன்மேல உள்ள அந்த ஆசை எனக்கு குறையல. ”

நந்தினி பதில் பேசாமல் தலைகுனிந்தாள்.

” அதைத் தீர்த்து வைக்க முடியுமா. .? ”

” மு. .. முடியாது ! ”

” ஏன். .”

” வேணாம் ! ”

” என் மேல ஆசை இல்லியா. .? ”

” இருக்கு . ஆனா வேணாம் . ”

” புரியல . .?! ”

” தப்பு ! ”

‘ தப்பானவள் தப்பு சொல்கிறாள்!! எப்படி, ஏன். ..? ‘ எனக்குள் குழப்பம்.

” உனக்கும் எனக்கு நாப்பது வயசு. நாம இளமையா தெரிஞ்சாலும் காலம் ஓடிடுச்சு. நாம படிச்ச நாட்களெல்லாம் இனிப்பாய் இருக்கு. வாழ்க்கை. .?! .. நடப்பெல்லாம் கசப்பாய் இருக்கு. என்னுடைய சூழ்நிலை. என் அழகும் ஆசையும் என்னை ரொம்பவே கெடுத்துச்சு. நான் வேலையில இல்லேன்னா எப்பவோ செத்திருப்பேன். ”

” என்ன சம்பந்தா சம்பந்தமில்லாம பேசறே. .? ”

” வர்றேன். பழசையெல்லாம் ஒதுக்கிட்டேன், விலக்கிட்டேன். இனி நேர்மையா வாழனும்ன்னு நினைக்கும்போதுதான் மனசுக்குத் திருப்தியாய் இருக்கு. நாம ஒழுங்கா இருக்கணும், புருஷனுக்குத் துரோகம் செய்யக்கூடாது என்கிற நினைப்பே என்னை அவளோட சேர்த்து வைச்சிருக்கு. நல்ல எண்ணத்துக்கு எத்தனை வலிமை. !! எனக்கே ஆச்சரியமா இருக்கு. இனி சாகிற வரை தப்பே செய்யக் கூடாது என்கிற முடிவுக்கு வந்துட்டேன்.”

” சிவா. .. ! என் மேல உள்ள ஆசை அழிய உன் மனைவிகிட்ட என்னை மற. நீயும் யோக்கியமில்லே. அதோட மட்டுமில்லாம உன் பத்துப் பதினைந்து வருட தாம்பத்திய வாழ்க்கையில் இருட்டுல எல்லா பொம்பளைங்களும் ஒன்னு என்கிறதை புரிஞ்சிருப்பே. அனுபவங்களால் நானும் எல்லா ஆண்களும் ஒன்னு என்கிறதைத் தாமதமா புரிஞ்சிக்கிட்டேன். இப்போ சரியாகிட்டேன்.நீயும் நெறிப்படுத்திக்கோ. மனைவிக்குத் துரோகம் வேணாம் ! ” நிறுத்தினாள்.

கண்கெட்ட பிறகு சூரிய நமஸ்காரகம் என்றாலும் நந்தினி கெட்டு திருந்திவிட்டாள் ! – எனக்கு ஆச்சரியமாக இருந்தது.

” நன்றி ! ” சொல்லி எழுந்தேன்.

பூங்காவிற்கு வெளியே எனக்காக காத்திருந்த அவள் இளிச்சவாய் புருஷனான என் நண்பனிடம்..

” உன் சந்தேகத்திற்கு முற்றுப்புள்ளி வை சுந்தர். நந்தினி சுத்தமா திருந்திட்டாள். இனி தப்பே செய்ய மாட்டாள். நான், நீ சொன்னபடி அவளை சோதிச்சுட்டேன். ” என்று சொல்லி என் ஆசைக்கும் முற்றுப்புள்ளி வைத்தேன்.

சுந்தர் முகம் மலர்ந்தான். 

தொடர்புடைய சிறுகதைகள்
' இந்திய நேரம் காலை சரியாய் எட்டு மணியளவில் ஐநூறு பயணிகளுடன் துபாயிலிருந்து இந்தியா நோக்கி வந்த விமானம் இயந்திர கோளாறு காரணமாக நடுவானில் வெடித்துச் சிதறி கடலில் மூழ்கியது. அதில் பயணம் செய்த அத்தனைப் பயணிகளும் பலி! ' - ...
மேலும் கதையை படிக்க...
'' எந்த சிறுக்கிடி எம் புள்ளைய நாக்குல நரம்பில்லாம பேசினது...? தைரியமிருந்தா..என் முன்னால வந்து பேசுங்கடி...'' அந்த மத்தியான வெய்யிலில் போவோர் வருவோரைப் பற்றிக் கவலைப் படாமல் பத்ரகாளி போல ஏழரைக் கட்டைச் சுருதியில் கத்தி கூப்பாடு போட்டாள் ராக்கம்மா. அந்தத் தெருவில் ...
மேலும் கதையை படிக்க...
மார்ச் மாத விடியலில் ஐந்து மணிக்குப் புறப்படும் முதல் சென்னை - புதுச்சேரி அரசு பேருந்தில் ஏறி.. குளிருக்கு அடக்கமாய் நடுவில் இடம் பிடித்து உட்கார்ந்து தன் கையில் இருக்கும் மஞ்சள் துணிப்பையை மடியில் பத்திரமாக வைத்து இறுக்கிப் பிடித்துக்கொண்டு அமர்ந்தான் ...
மேலும் கதையை படிக்க...
ரஜனி திரைப்படத்தின் இரண்டாவது ஆட்டம் முடிவு. கொட்டிக் கவிழ்த்த நெல்லிக்காய்கள் போல் மக்கள் கூட்டம் கொளேரென்று திரையரங்கிலிருந்து சிதறியது. சேகரும் அதில் ஒருவனாக வெளி வந்தான். நேற்று வெளியான படம். நண்பன் ஒருவன் அதில் நடித்திருப்பதால் பார்த்து பதில் சொல்ல வேண்டிய கட்டாயம். அண்ணா ...
மேலும் கதையை படிக்க...
சுவேதா ஸ்கூட்டியைக் கொண்டு வந்து வாசலில் நிறுத்த.... அதிலிருந்து இறங்கிய கணவர் சுரேசைப் பார்த்த பூமிகாவிற்குள் சின்ன அதிர்ச்சி. 'போகும்போது இவர்தானே ஒட்டிக்கொண்டு சென்றார். வரும்போது எதற்கு இந்த மாற்றம்.? ' திடீர் கேள்வி. சின்னப் பெண். அதுவும் வீட்டிற்கு விருந்தாளியாக வந்த இவள் ...
மேலும் கதையை படிக்க...
சனிக்கிழமை. அலுவலக விடுப்பு நாள். காலை மணி 10. 00 தாசில்தார் பாலு. வயது 40. கைலி பனியனில் தன் வீட்டைவிட்டு வாசலில் வந்து அமரும்போதுதான் பால்ய நண்பன் ரகு அவனைத் தேடிக்கொண்டு வாசலுக்கு வந்தான். "ஒரு உதவிடா..."அருகில் அமர்ந்தான். "என்ன..?" "என் தம்பி தனசெயனுக்கு திருமணம் ...
மேலும் கதையை படிக்க...
எதிர் வீட்டு எதிரி, எமன் வடிவில் தன் கல்லூரி வகுப்பறைக்கு வாத்தியாராக இப்படி எதிரில் நிற்பாரென்று வருண் கொஞ்சமும் எதிர்பார்க்கவில்லை. 'நிச்சயம் இந்த ஆள் எதிரி, எமன்தான்.!! சந்தேகமே இல்லை. அதிலும் முக்கியப்பாடத்திற்கு ஆசிரியர். தியரில் நன்றாக எழுதி தப்பித்தாலும் செய்முறை வகுப்பில் ...
மேலும் கதையை படிக்க...
துணிக்கடையிலேயே ஆரம்பித்துவிட்டது எனக்கும் என் மனைவிக்குமான முரண். தீபாவளி நெருக்கம். கடையில் கூட்ட கசகசப்பு. தரை தளத்தில் புடவையைத் தேர்வு செய்யத் தொடங்கியதுமே என் மனைவி, ''படைக்க ஒரு வேட்டி துண்டு எடுத்து வந்துடுங்க.'' சொன்னாள். அவளால் மாடி ஏற முடியாது. முழங்கால், ...
மேலும் கதையை படிக்க...
காலை 8.00 மணிக்கே கைபேசியில் அழைப்பு. சோபாவில் உட்காhர்ந்து தினசரி விரித்துப் படித்துக்கொண்டிருந்த கோபால் அதை எதிரிலுள்ள டீபாயில் வைத்து விட்டு ஒலித்த கைபேசியை எடுத்துப் பார்த்தார். அருமைக்கண்ணு.! ஆத்மார்த்தமான நண்பர். நான்கு வருட வயது வித்தியாசமிருந்தாலும் சிறுவயதிலிருந்தே ஒரே ஊர். பக்கத்துப் பக்கத்துத் தெரு. ...
மேலும் கதையை படிக்க...
கையில் பூக் கூடையுடன் கோயில் பக்கவாட்டில் உள்ள மரத்தில் தொட்டில் கட்டில் திரும்பியவளை நெருங்கினாள் அவள். . தொட்டில் கட்டியவளுக்கு வயது 28. நல்ல களையான முகம். எடுப்பான நாசி. அழகு சொட்டும் நல்ல அகலமான கண்கள். புருவ மத்தியில் பொட்டு. இவளை நெருங்கியவளுக்கும் ...
மேலும் கதையை படிக்க...
திருமணம்…!
பொய் முகம்..!
வேதனை!
கடவுள் பாதி மிருகம் பாதி…
எதுக்கு இப்படி?
மனிதர்கள்!
பண்பு…!
படையல் துணி!
சுருதி பேதங்கள்..!
ரம்யா…!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)