ஒருவரிடமும் சொல்லாதீர்கள்!

 

எதற்கெடுத்தாலும் கணவனைப் பிடுங்கி, ‘அந்த கோர்ஸில் சேருகிறேன், இந்த கிளாசில் சேருகிறேன் என்று பேப்பரில் பார்க்கும் விளம்பரங்களுக்கெல்லாம் அப்ளிகேஷன் போடுவது, பணத்தைக் கட்டுவது, பின் இரண்டு கிளாஸ் கூட அட்டெண்ட் பண்ணாமல் ஜகா வாங்கி விடுவது. நிறைய மனைவிமார்களிடம் இப்படி ஒரு பாஷன் இருக்கும் போலிக்கிறது!

என் மனைவி உஷா முதலில் யோகா கிளாஸ் என்றாள். ‘சரி, தொலை’ என்றேன். பின், ‘மெடிடேஷன் கிளாஸ் ஆரம்பித்திருக்கிறார்கள்… இங்கேதான் அருகில் பள்ளிக்கூடக் கட்டடத்தில்… மாலை ஒரு மணி நேரம் போய் விட்டு வந்து விடுகிறேன்” என்றாள்.

‘சரி, ஒழியட்டும்… நாத்தனாரையும், மாமியாரையும் பற்றிச் சதா கோள் சொல்வதும், எதிர் வீட்டுத் தொழிலதிபரின் பணக்கார மனைவி ஊர்மிளா தினம் தினம் மாற்றும் புதுப் புடவைகளைப் பார்த்துப் பெருமூச்சு விடுவதுமான இவளுடைய மன உளைச்சல் குறையட்டும்’ என்று அனுப்பி வைத்தேன்.

ஒரு வாரம் கூடப் போயிருக்க மாட்டாள். “என்னைப் போன்ற குடும்பப் பிரச்னையுள்ள பெண்களால் மனம் ஒன்றித் தியானம் செய்ய முடியாது. இதெல்லாம், எதிலும் பட்டுக் கொள்ளாமல் ‘மேம்புல் மேயும்’ ரகப் பெண்களுக்குத் தான் லாயக்கு” என்று யாரோ தனக்கு வேண்டாத பெண்மணியைக் குத்திக் காட்டும் விதமாக என்னிடம் காரணம் சொல்லித் திருப்தியடைந்தாள்…

இப்படியே தான் ஏதோ ஒரு காரணத்தால் என் பாக்கெட்டெல்லாம் காலியாகிறது.

‘பெயிண்டிங் கிளாஸ்’ என்பாள் ஒரு நாள். ‘தையல் கிளாஸ்’ என்பாள் மறுநாள். “மெஷின் எம்பிராய்டரி சொல்லித் தருகிரார்களாம். நம் வீட்டு குஷனுக்கெல்லாம் புதிதாக உரை வாங்கி விடுங்கள். நாம் ஜம்மென்று எம்பிராய்டரி செய்து விடுகிறேன்” என்று என்னை விரட்டு விரட்டென்று விரட்டித் தையல் மெஷின் வாங்கினாள்.

சாதாரணத் துணிகளை வாங்கினால் தான் கஷ்டப்பட்டுப் போட்ட எம்பிராய்டரி எல்லாம் எடுப்பாகத் தெரியாது என்று பிரசித்தி பெற்ற மில்களின் துணிகளை மீட்டர் மீட்டராக வாங்கினாள். அதெல்லாம் இப்போது எங்கே என்று கேட்கிறீர்களா? தையல் மெஷினுக்குப் பக்கத்தில், டி.வி.யின் அட்டை பெட்டி ஒன்று வைத்திருக்கிறாள். அதைத் திறந்து பார்த்தல் தெரியும். ஆனால் நான் அந்தப் பக்கமெல்லாம் போவதில்லை. அதை போய்த் திறப்பானேன், வயிற்றுக்குள் கபகபவென்று ஏதோ உணர்ச்சி எழும்ப, அவளிடம் நறுக்கென்று ஒரு வார்த்தையில் நம் ஆத்திரத்தைக் கொட்டுவானேன்? பின் இரண்டு, மூன்று நாட்களுக்கு ஆபீஸ் காண்டீனில் சாப்பிட்டு வயிற்றைக் கெடுத்துக் கொள்வானேன்!

ஒரு நாள் என் மனைவி, “புதிதாகத் தொடங்கியுள்ள ஒரு யுனிவர்சிடியில் சேர்ந்து, பி.ஏ. படிக்கப் போகிறேன்” என்று என் மீது பெரிய குண்டாகத் தூக்கிப் போட்டாள்.

எனக்குப் பகீர் என்றது. படிப்பு என்றால் சும்மாவா? அதுவும் மூன்று வருடங்களுக்குப் படிக்க வேண்டுமே! இவளுக்கு உடம்பு வணங்குமா?

“இதை யார்கிட்டேயும் சொல்லாமல், நான் ரகசியமாக பி.ஏ. டிகிரி வாங்கிக் காட்டாவிட்டால், என் பெயர் உஷா இல்லை’ என்று சபதம் வேறு போட்டு விட்டாள்.

பார்த்தேன், கோர்ஸ் விவரங்களுக்காகவும், சிலபஸுக்காகவும், புத்தகங்களுக்காகவும் என்னையும் என் பர்சையும் நாயாய் அலைய வைப்பதை பார்த்தேன். அனுபவித்தேன். அன்றே தீர்மானித்து விட்டேன்.

உஷா புதிதாக ஏதாவது கிளாசில் சேரும்போது அதை பற்றித் தன் பிரண்ட்ஸ் யாரிடமும் சொல்ல மாட்டாள். இம்முறை நாமே இதை அம்பலப்படுத்திவிட்டால்?

அன்று ஆபீஸ் போனதும் முதல் வேலையாக என் நண்பர்கள் எல்லோரையும் கூட்டி விஷயத்தைப் போட்டு உடைத்து விட்டேன்.

“என் மனைவி உஷா பி.ஏ. கோர்ஸில் சேர்ந்திருக்கிறாள். இரவும் பகலுமாக விழுந்து விழுந்து படிக்கிறாள்”.

அன்று மாலையே என் டெக்னிக் நன்றாக வேலை செய்தது.

நான் எதிர்பார்த்தது போல் என் ஆபீஸ் நண்பர்கள் எல்லோரும் தவறாமல், தங்கள் மனைவிமார்களிடம் அறிவிக்க, அவர்கள், காய்கறிக் கடையிலும், கோயிலிலும், பார்க்கிலும், லைப்ரரியிலுமாக உஷாவைச் சந்திக்க நேர்ந்த இடங்களிலெல்லாம் இதைப் பற்றி விசாரிப்பதுமாக இருந்தார்கள்.

நான் விடாமல், எங்கள் வீட்டுக்கும், உஷாவின் அக்கா, தம்பி எல்லோருக்கும், உஷா பி.ஏ வில் சேர்ந்த விஷயத்தை, ஏதோ கல்யாணக் காரியம் போல் கார்டில் தெரியப் படுத்தினேன். அவர்களும் தாங்கள் கடிதம் எழுதும் போதெல்லாம், ‘உன் பி.ஏ. படிப்பு எதுவரை இருக்கிறது?’ என்று மறக்காமல் விசாரித்து எழுத ஆரம்பித்தார்கள்.

இப்படி அநியாயமாகக் கணவர் எல்லோரிடமும் தம்பட்டம் அடித்து விட்டாரே என்ற ஆத்திரத்தில், ‘தான் பெயில் ஆனால் எல்லோரும் தன்னைப் பார்க்கும் பார்வை எப்படியிருக்கும்? பாஸானால் எப்படியிருக்கும்?’ என்றெல்லாம் கற்பனை செய்து பார்த்து ராத்தூக்கம் இல்லாமல் சில நாட்கள் தவித்தாள் உஷா.

இதன் பலனாக, உஷா பி.ஏ. கோர்ஸில் சேர்ந்து ஒரு வைராக்கியத்துடன் உருந்து புரண்டு படித்து எப்படியோ பாஸாகி விட்டாள். எப்படி என் ஐடியா? ஆனால், இதை மட்டும் ஒருவரிடமும் சொல்லிவிடாதீர்கள், சார், ப்ளீஸ்!.

-ஆனந்த விகடன், 15-5-1988 இதழில் பிரசுரமானது. 

தொடர்புடைய சிறுகதைகள்
"சத்தியப் பிரமாணம் என்பது அளவுகோல். நான் என் வாழ்க்கைக்கு இந்த விழுமியங்களை அளவுகோலாகக் கொண்டு வாழ்வேன். இவற்றில் எதாவது ஒன்றையாவது தவறினேனானால் அந்த பாவம் என்னை தீவிரமாக பீடிக்கும்" என்றான் உத்தமன் பரதன். தான் எவற்றை அளவுகோல்களாகக் கொண்டு வாழ்ந்து வந்தானோ அவற்றையே ...
மேலும் கதையை படிக்க...
தினமும் நான் அலுவலகத்திலிருந்து வந்ததும் எங்கள் வீட்டுத் தோட்டத்தை ஒரு தடவை சுற்றிப் பார்த்து விடுவது வழக்கம். அன்றும் அப்படித்தான்... கொல்லையின் மத்தியில் இருந்த மாமரத்தில் நிறைய பிஞ்சுகள், கொத்துக் கொத்தாய். இந்த ஆண்டு மாம்பழமே வாங்க வேண்டாம் போலிருக்கிறதே! என் மகிழ்ச்சியைப் ...
மேலும் கதையை படிக்க...
பிரபஞ்சத்திற்கு மூலமாகவும், சாட்சியாகவும், சக்தியாகவும் இருந்து நடத்துவிக்கும் இறைவனின் சைதன்யத்தை பல விதமாக தரிசித்து, கண்டடைந்த அற்புதங்களை தியான சுலோகங்களாகவும் ஸ்தோத்திரங்களாகவும் நம் மகரிஷிகள் நமக்களித்துள்ளார்கள். அதிலிருந்து ஒரு தியான சுலோகத்தை ஆராய்ந்து பார்த்து, அதில் உள்ள தெய்வீக விஞ்ஞானத்தை அறிந்து கொள்ள ...
மேலும் கதையை படிக்க...
ஒரு சிலந்திப் பூச்சி, தன் வாயிலிருந்து வந்த நூலால் சிவனுக்கு கோவில் எழுப்பியது. ஒவ்வொரு கணமும் அந்த ஆலயத்தை உன்னிப்புடன் கவனித்து, சரி செய்தபடி, சதா சிவ தியானத்திலேயே நேரத்தைச் செலவிட்டது. பூர்வ புண்ணிய பலனால் ...
மேலும் கதையை படிக்க...
தாயும், குழந்தையும் கட்டிக் கொண்டு இருப்பது போல...குழந்தை பத்துப் பதினைந்து கைகளைக் கொண்டு தாயை இறுக்கிக் கொண்டு கிடப்பது போல...குழந்தையின் அணைப்புக்குக் கொஞ்சமும் குறையாமல் தாயும் இறுக்கிப் பிடித்துக் கொண்டிருப்பது போல...பூமித்தாயில் வேர்கள் பரந்து படர்ந்து அடி ஊடுருவிக் கிடந்தன. தாயிடமிருந்து ...
மேலும் கதையை படிக்க...
நம் பாரத தேச இதிஹாசச் செல்வங்களுள் ஒன்றான மகாபாரதம் ஐந்தாவது வேதமாகப் போற்றப்படுகிறது. அபாரமான வேத தர்மங்களையும், ரகசியங்களையும், கதைகளோடும் உப கதைகளோடும், உபதேசங்களோடும் தர்மம், அர்த்தம், காமம், மோக்ஷம் என்னும் சதுர்வித புருஷார்த்த சாதனமாக அளித்துள்ளார் வேத வியாச மகரிஷி. பிரஸ்தான த்ரயத்தில் ...
மேலும் கதையை படிக்க...
நித்திய​ பாராயண ஸ்லோகங்களுள் ஒன்றான அன்னபூரணி துதி மிகவும் பிரபலமான ஒன்று. அன்னபூர்ணே! சதா பூர்ணே! சங்கர பிராண வல்லபே! ஞான வைராக்ய சித்யர்த்தம் பிக்ஷாம் தேஹி ச பார்வதி இந்த நான்கு வரி ஸ்லோகத்தில் ஒரு பரிபூரணம் காணப்படுகிறது. முதல் வரி - "அன்னம் சம்பூர்ணமாக உள்ள தாயே!" இரண்டாம் ...
மேலும் கதையை படிக்க...
குழந்தைகளுக்குப் படித்துப் படித்துச் சொல்லியாகிவிட்டது. "சரிம்மா", என்று தலையை ஆட்டுகிறார்கள். நாளைக்கு அவர்கள் முன் மானத்தை வாங்காமல் இருக்க வேண்டுமே என்று கவலைப்பட்டாள் ஜெயம். "நீ ஏன் அனாவசியமா அலட்டிக்கறே? வரப் போறது யாரு? எங்க அம்மா அப்பா தானே? தாத்தா பாட்டிகிட்டே ...
மேலும் கதையை படிக்க...
காதல் கதைகளை விட காதல் கொலைகளையே தற்போது அதிகம் கேட்டு வருகிறோம். கணவனை உயிர்ப்பிக்க, யமனைப் பின் தொடர்ந்த சாவித்திரியை நாம் அறிவோம். ஆனால் திருமணம் நிச்சயிக்கப்பட்ட தன் காதலியை உயிர் பிழைக்கச் செய்ய தன் உயிரையே தியாகம் செய்த காதலனின் ...
மேலும் கதையை படிக்க...
கலாசாரம், தர்மம், விஞ்ஞானம்...​ இவையனைத்தும் பரம்பரையாக வரக்கூடியவை. ஒருவரிடமிருந்து ​மற்றவருக்குக் கிடைப்பவை. ஒரு காலத்தில் அல்பமாகத் தோன்றுவது பின்னால் வரும் வம்சாவளிக்கு அதிக பலத்துடன் கூடியதாகிறது. எனவே தான் ஒவ்வொரு பரம்பரையினரும் தம் பின் வரும் பரம்பரைகளுக்காகத் தகுந்த கவனம் செலுத்த வேண்டும். ஒரு ...
மேலும் கதையை படிக்க...
பரதன் எடுத்த சபதம்
விடுதலை… விடுதலை …
இறைவனின் சொரூபம் – சாந்தாகாரம் புஜக சயனம்!
ஸ்ரீ காளஹஸ்தீஸ்வரர் பெயர் தோன்றிய கதை
வேப்ப மரத்தை வெட்டிய போது …
ஸ்ரீ விஷ்ணு ஸஹஸ்ரநாமம் பின்னணியும், மகிமையும்
அன்னபூர்ணே! சதா பூர்ணே!
பட்டால் தான் தெரியும்
காதலிக்காக உயிரை தியாகம் செய்த காதலன்
பரம்பரையின் மகத்துவம்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)