உங்கள் கருத்து

ஆசிரியர் அவர்களுக்கு,

கதைகளை PDF வடிவில், அழகிய எழுத்துக்களில், ஓவியத்துடன் அச்சில் பிரதி எடுக்கும் வசதி மிகுந்த மகிழ்ச்சி அளிக்கிறது! மின்னனுவில் வருவதைபோல, தலைப்புக்கு கீழே கதாசிரியர்களின் பெயரும் அச்சில் இடம் பெற செய்ய வேண்டும்! கூடவே கதை முடியும் கடைசி பக்கத்தில் அடியில் "சிறுகதைகள்.காம் "--கதையின் தலைப்பு -அச்சில் வர வேண்டும் மற்றும் தொடக்கத்தில் வரும் *வாசிப்பு____நிமிடங்கள்* வரிகளுக்கு கிழே கொஞ்சம் இடைவெளி கொடுத்து கதை தொடங்க வேண்டும்! இந்த தொழில்நுட்ப வடிவமைப்பு மாற்றங்கள் இணைய தளத்தை மேலும் அழகுற செய்யும்! நன்றி!
-ரகுராமன் சீனிவாசன்'

ஆசிரியர் குழுவிற்கு, வணக்கம்!

எனது *கமலாவின் தோழிகள்* சிறுகதையை வெளியிட்டமைக்கு மிக்க நன்றி!

கண் இமைக்கும் நேரத்தில் கூட காசு பண்ண ஒடும் ஒரு தேசத்தில் உட்கார்ந்து கொண்டு, நெல்முனையளவு கூட வணிக நோக்கம் இல்லாமல், நகரும் தங்கள் இலக்கிய பணிக்கு மீண்டும் எனது வணக்கம்!

ஒவ்வொரு இதழும், தளங்களும் தங்களுக்கென்று ஒரு குழுவை அமைத்து கொண்டு, ஏதோ ஒரு சித்தாந்த குறிக்கோளோடு செயல்படுகிற இன்றைய சூழலில், *எந்த சார்புமின்றி*
சிறுகதை இலக்கியத்தை முன்னெடுக்கிற உங்கள் உயரிய நோக்கம் மகிழ்ச்சி அளிக்கிறது!

தங்களின் இணைய தளத்தில் தொடர்ந்து எழுதுவேன்!

எண்ணிக்கை எனக்கு முக்கியமில்லை!

வேளைக்கு ஒரு கதை என்பதில் எனக்கு ஒருபோதும் உடன்பாடில்லை!

எழுதுவதற்கான காலமும், சூழலும் உருவாகும் போதே நல்ல கதைகள் பிறக்கும் என்பது என் கருத்து!

நவீன சிறுகதை உலகின் முன்னோடியாக கருத்தப்படுகிற
சிறுகதை இலக்கியத்தின் தவிர்க்க முடியாதசக்தியாக திகழ்கிற *மௌனி* எழுதிய சிறுகதைகளின் எண்ணிக்கை மொத்தம் 24 தான்!

மீண்டும் தொடர்பில் வருவேன்!
நன்றி!
அன்புடன்
ரகுராமன் சீனிவாசன்!
மூத்த இதழாளர்!
*சென்னை*

சிறுகதை Com எனும் இந்த இணைய தளத்திற்கு எனது நன்றிகளை தெரிவித்துக்கொள்கிறேன்

மேலும் என் சிறுகதையை பிரசுரித்து என்னை மேலும் ஊக்குவித்தமைக்கு எனது நன்றிகள்

முதலில் சிறுகதை.com இணைய இதழிற்கு நன்றிகளைத் தெரிவித்துப்கொள்கிறேன்.என்னுடைய சிறுகதைகளை பதிவிடுவதற்கு மிக்க நன்றி. கதைகளை நிறைய வாசகர்கள் பார்வையிடுவது மிகுந்த மகிழ்ச்சி யைத் தருகிறது.கதைகள் அனைத்தும் ஒரே தளத்தில் அமைந்து படிப்பதற்கும் எளிதாக உள்றது. ஈடு இணையில்லாத உங்களது பணி மேன்மேலும் சிறக்க வாழ்த்துகள்.

தங்களது சிறுகதை.காம் தளத்தில் எம்மை போன்ற எழுத்தாளர்கள் கதைகளை பதிவேற்றம் செய்து ஊக்கம் தந்து வருகிறீர்கள்... தங்களது தளம் பல எழுத்தாளர்கள் கதை எழுத ஏதுவாக உள்ளது... தங்களது ஆத்மார்த்தமான இந்த முயற்சி எப்போதும் போற்றுதலுக்குரியது... வாழ்த்துக்கள் சிறுகதை தளத்திற்கு 🙏🎉💐✍️

உயர்தரமான சிறுகதைகளைத் தேர்ந்தெடுத்து வெளியிடும் இச்சிறுகதைகள் இணையதளத்திற்கு எனது மனமார்ந்த நன்றிகளைத் தெரிவித்துக் கொள்கிறேன். எழுத்தாளர்களின் படைப்பாற்றலை ஊக்குவிக்கும் நோக்கில், மாதம் அல்லது வருடத்திற்கான சிறந்த பத்து (Top 10) சிறுகதைகளையும், அவற்றின் ஆசிரியர் விவரங்களையும் வெளியிட்டு, சிறுகதைகள் இணையதளத்தின் சார்பாக அவர்களுக்கு ஒரு அங்கீகாரச் சான்றிதழ் வழங்கினால் அது இன்னும் சிறப்பாக அமையும்.

இப்போதாவது என் கண் கண்டதே. மெத்த மகிழ்ச்சி. இது போன்றதொரு உற்சாகம் தரும் வெப்சைட்டை காண்பதற்கு. எழுதுபவரும், அதனைப் படிப்போரும் பயன் பெற இத்தனை வாய்ப்புகளா!! வியந்து போனேன். எழுதி வைத்திருக்கும் சிறு கதைகளை உங்கள் மூலமாக வெளியிட விழைகிறேன்.

டிசம்பர் 2022க்குப்பிறகு சிறுகதைகள்.காம் தளத்தை இப்போதுதான் பார்வையிடுகிறேன். சிறப்பான மாற்றங்களைக் காண்கிறேன். வாழ்த்துகள்!

என் கதைகளில் பெரும்பாலானவை தங்கள் இணையதளத்தில் ஒரே இடத்தில் மிகவும் நேர்த்தியாக வடிவமைக்கப்பட்டு மறுபிரசுரம் செய்யப்பட்டு இருப்பதைக் காணும்போது மிகவும் மகிழ்ச்சியாக இருக்கிறது. சில கதைகள் 1989-1990ல் கணையாழி சிற்றிதழில் பிரசுரம் ஆனவை. பெரும்பாலான கதைகள் 2020-22 காலங்களில் சொல்வனம், திண்ணை போன்ற இணைய இதழ்களில் பிரசுரம் ஆனவை. ஒரு கதை ஆங்கிலத்தில் மொழிபெயர்க்கப்பட்டு சாஹித்ய அகாடமியால் வெளியிடப்பட்டது. இவை எல்லாவற்றையும் சிறுகதைகள் தளத்தில் மறுபதிப்பு செய்து வைத்திருப்பதற்கு மிகவும் நன்றி.

இன்னொரு மகிழ்ச்சி தரும் விஷயம் நீங்கள் வடிவமைத்திருக்கும் முறை -- design features. மேலும், கதைப்பதிவு நாள், பார்வையிட்டோர் மதிப்பீடு, ஒப்புகை, அச்சிடவும் மற்றும் கையடக்க ஆவண வடிவமைப்பில் பதிவிறக்கவும் வசதி இவை அனைத்தும் கவனமாகச் செய்யப்பட்டு இணையதளத்தின் மதிப்பைக் கூட்டுகின்றன.

கதாசிரியர்கள் சுயவிவரம் பகுதியில் எப்படிப் பதிவிடுவது? உங்களுக்கு மின்னஞ்சல் இணைப்பாக அனுப்ப வேண்டுமா?

மீண்டும் வாழ்த்துகளும் நன்றிகளும்!

மனதில் சுயமாகத் தோன்றும் எண்ணங்களையும், அனுபவங்கள் மூலம் கிடைக்கும் நிகழ்வுகளையும் என் போன்ற சிலர் எழுத்துகள் வழியாக அல்லது சின்னச்சின்ன கற்பனைகளும் சிறுகதைகள் ஆக வெளியிட எண்ணுகிறார்கள். ஆனால் பல்லாயிரக்கணக்கான எழுத்தாளர்கள் இருக்கும்போது என் எழுத்தை யார் ஊக்குவிப்பார்கள், யார் அங்கீகாரம் செய்து வெளியிட முனைவார்கள் என்ற அச்சம் இருந்தது உண்மை. ஆனால் சிறுகதைகள்.காம் என்ற இந்த இணையதளம் இந்த தயக்கத்தை எளிதாக வெளியேற்றி என்னை ஊக்குவித்து, என்னுடைய கதைகளை பிரசுரம் செய்தமைக்கு கோடானுகோடி நன்றிகள். என்னைப்போன்ற பல புதிய, அறிமுக சிறுகதை எழுத்தாளர்களை மிகவும் உற்சாகப்படுத்தி அவர்களின் அந்த திறமையை வெளிக்கொணர்வதற்கு நல்ல உந்துதல் தருகிறது 'சிறுகதை.காம்' தளம். அவர்கள் மேன்மேலும் புகழ் அடையவும், இப்பணி சிறப்பாக அமைய, பல வெற்றிகள் காண்பதற்கு நான் இறைவனை மனமார வேண்டுகிறேன். மீண்டும் நன்றிகள் பல.🙏