உங்கள் கருத்து

டிசம்பர் 2022க்குப்பிறகு சிறுகதைகள்.காம் தளத்தை இப்போதுதான் பார்வையிடுகிறேன். சிறப்பான மாற்றங்களைக் காண்கிறேன். வாழ்த்துகள்!

என் கதைகளில் பெரும்பாலானவை தங்கள் இணையதளத்தில் ஒரே இடத்தில் மிகவும் நேர்த்தியாக வடிவமைக்கப்பட்டு மறுபிரசுரம் செய்யப்பட்டு இருப்பதைக் காணும்போது மிகவும் மகிழ்ச்சியாக இருக்கிறது. சில கதைகள் 1989-1990ல் கணையாழி சிற்றிதழில் பிரசுரம் ஆனவை. பெரும்பாலான கதைகள் 2020-22 காலங்களில் சொல்வனம், திண்ணை போன்ற இணைய இதழ்களில் பிரசுரம் ஆனவை. ஒரு கதை ஆங்கிலத்தில் மொழிபெயர்க்கப்பட்டு சாஹித்ய அகாடமியால் வெளியிடப்பட்டது. இவை எல்லாவற்றையும் சிறுகதைகள் தளத்தில் மறுபதிப்பு செய்து வைத்திருப்பதற்கு மிகவும் நன்றி.

இன்னொரு மகிழ்ச்சி தரும் விஷயம் நீங்கள் வடிவமைத்திருக்கும் முறை -- design features. மேலும், கதைப்பதிவு நாள், பார்வையிட்டோர் மதிப்பீடு, ஒப்புகை, அச்சிடவும் மற்றும் கையடக்க ஆவண வடிவமைப்பில் பதிவிறக்கவும் வசதி இவை அனைத்தும் கவனமாகச் செய்யப்பட்டு இணையதளத்தின் மதிப்பைக் கூட்டுகின்றன.

கதாசிரியர்கள் சுயவிவரம் பகுதியில் எப்படிப் பதிவிடுவது? உங்களுக்கு மின்னஞ்சல் இணைப்பாக அனுப்ப வேண்டுமா?

மீண்டும் வாழ்த்துகளும் நன்றிகளும்!

மனதில் சுயமாகத் தோன்றும் எண்ணங்களையும், அனுபவங்கள் மூலம் கிடைக்கும் நிகழ்வுகளையும் என் போன்ற சிலர் எழுத்துகள் வழியாக அல்லது சின்னச்சின்ன கற்பனைகளும் சிறுகதைகள் ஆக வெளியிட எண்ணுகிறார்கள். ஆனால் பல்லாயிரக்கணக்கான எழுத்தாளர்கள் இருக்கும்போது என் எழுத்தை யார் ஊக்குவிப்பார்கள், யார் அங்கீகாரம் செய்து வெளியிட முனைவார்கள் என்ற அச்சம் இருந்தது உண்மை. ஆனால் சிறுகதைகள்.காம் என்ற இந்த இணையதளம் இந்த தயக்கத்தை எளிதாக வெளியேற்றி என்னை ஊக்குவித்து, என்னுடைய கதைகளை பிரசுரம் செய்தமைக்கு கோடானுகோடி நன்றிகள். என்னைப்போன்ற பல புதிய, அறிமுக சிறுகதை எழுத்தாளர்களை மிகவும் உற்சாகப்படுத்தி அவர்களின் அந்த திறமையை வெளிக்கொணர்வதற்கு நல்ல உந்துதல் தருகிறது 'சிறுகதை.காம்' தளம். அவர்கள் மேன்மேலும் புகழ் அடையவும், இப்பணி சிறப்பாக அமைய, பல வெற்றிகள் காண்பதற்கு நான் இறைவனை மனமார வேண்டுகிறேன். மீண்டும் நன்றிகள் பல.🙏

வெகு ஜன இதழ்கள் புறக்கணித்த காலங்களில் சிற்றிதழ்களே கை கொடுத்தன. சன்மானம் எதிர் பாராமல் சிற்றிதழுக்கான வளர்ச்சியில் பங்கெடுத்து சிறுகதைகள் பதிவு செய்து குறைந்த பட்ச படைப்பாளனாக அறியவரும் எனை போன்ற எழுத்தாளனுக்கு சிறுகதைகள்.காம் பட்டுக் கம்பளம் விரித்து வரவேற்பது ஒரு வரப்பிரசாதம்தான். மகிழ்கிறேன்!

சிறுகதைகள் .காம் இணையதளத்தின் சேவையை எப்படி பாராட்டுவது என்றே தெரியவில்லை. எனது ஒவ்வொரு கதையும் இந்த இணையத்தில் பதிவேற்றம் செய்யப்படும் பொழுது என்னுள் அத்தனை மகிழ்ச்சி. தள ஆசிரியரின் சேவைக்கு என்றும் கடமைப்பட்டுள்ளேன். சிறப்பான தளம்.

புதிய முகமாக அறிமுகமானாலும் எனது எழுத்தாக்கத்திற்கு உதவிய இத்தளத்திற்கு எனது வாழ்த்துக்களும் நன்றிகளும்.

மிகச்சிறப்பு.

போட்டிகள் நிறைந்த இக்காலகட்டத்தில் புதிய எழுத்தாளர்களுக்கு இத்தளம் ஊக்கத்தை கொடுக்கிறது. அது மேலும் அவர்களை செம்மைப் படுத்த உதவும். உங்கள் தொண்டு வளர்க.

1. கதாசிரியர்களின் பெயர்களை அகரவரிசையில் பட்டியல் / நிரல் இலக்கமிடும் முறையை மாற்றவேண்டாம்.
2. கதாசிரியர்களுக்கு அவர்களின் எந்த எந்தக்கதைகள் இங்கே தரவேற்றப்பட்டுள்ளன என்பதை ஒரே முறையில்/ கிளிக்கில் காணும் வசதிவேண்டும். நன்றி

திரு.பொன்.குலேந்திரன் அவர்கள் இயற்கை எய்துவிட்டதாக செய்தி வந்துள்ளது. அவரின் குடும்பத்தாருக்கு நம் வலைத்தளத்தின் அனுதாபங்களை தெரிவித்து கொள்வோமே.
சிறந்த எழுத்தாளர், அறிவியல் பூர்வமான விசயங்களை சொல்வதில் மிகவும் வல்லவர்.அவர்து ஆன்மா சாந்தியடையட்டும்.

ரொம்ப நாள் கழித்து சிறுகதை படிக்க தொடங்கி இருக்கேன். ரொம்ப நல்ல இருக்கு. மிக்க நன்றி