புதிய அனுபவம்

 

பாகீரதியிடம் தெருக்கோடி வீட்டு பையன் ஓடி வந்து, “உங்க வீட்டுக்குபுதுசா ஒருத்தர் வந்திருக்காரில்லயா? அவரை போலீஸ் பிடிச்சுண்டு ஜீப்புலே அழைச்சுண்டு போனா. நான் ஸ்கூலுக்கு போறபோது பார்த்தேன்” என்றபோது பாகி “ஐயையோ, புதுப்பையன் கன்னடமும் தெரியாது. இங்கிலீசும் பேசத்தெரியாது. எங்கே போய் தேடறது?’’ என்று கவலைப்பட்டாள்.

”மல்லேச்வரம் போலீஸ் ஸ்டேஷனுக்குத்தான் கூட்டிக்கொண்டுபோயிருப்பார்கள் ” என்றுசொன்ன பையன் விளையாட ஓடிவிட்டான். மணி மாலை நாளுக்கு மேலாகிவிட்டது.

மாடியில் தெரிந்தவர்கள் குடியிருந்தார்கள். அவர்களிடம் சென்று உதவும்படி பாகி கேட்டாள். “ஹோசூர்லேருந்து எங்க வீட்டுக்காரர் வருவதற்குள் நேரமாகிவிடும். நீங்கள் முதலில் உங்கள் கணவருக்கு போன் செய்து விவரத்தைச் சொல்லுங்கள்” என்று அந்த வீட்டவர்கள் ஆலோசனை கூறினார்கள்.

பாகீரதியின் கணவன் வைத்தி. அவன் கிராமத்துக்கு போயிருந்தான். வரும்போது

பஞ்சுவை பெங்களூர் சுத்திப்பார்க்க அழைத்து வந்தான். தினமும் ஹோசூருக்கு வேலைக்கு போகிறான் வைத்தி. சனி, ஞாயிறில் பஞ்சுவை வெளியே அழைத்துச்சென்று சிலஇடங்களை சுத்திக் காட்டினான். இன்று திங்கட்கிழமை ஆபீஸ் புறப்படும்போது பஞ்சுவையும் கூட அழைத்துப்போனான். வைத்தி பஸ் ஏறியவுடன் பஞ்சு வீட்டுக்குவந்துவிடுவதாகத்தான் சொல்லி காபி மாத்திரம் குடித்து கிளம்பினான்.

திரும்பி வராததால் வைத்தி தன்னுடன் ஹோசூர் அழைத்துப் போயிருப்பாரென்று

பாகியும் பேசாமலிருந்தாள். போலீஸ் அவனை எதற்கு பிடித்தது? எங்கே

வைத்திருக்கிறார்கள்? பாகிக்கு என்னசெய்வதென்றே தெரியவில்லை.

அதற்குள் மாடிவீட்டு நாயர் தான் நேராக போலீஸ் ஸ்டேஷன் வருவதாகவும் பாகியை அங்கே வரச்சொல்லி போன் செய்தார். பாகி உடனே புறப்பட்டுப் போனாள். ராயர் போலீஸாரிடம்,“பாவம்! கிராமத்து பையன் பெங்களூர் பார்க்க வந்தவன். கன்னடமோ, இங்கிலீஸோ தெரியவில்லை. அதற்காக போலீஸில் பிடித்து வைத்து விட்டீர்களா? ”, என்று கேட்டார்.

“இல்லை, ஸார். என்ன கேட்டாலும் திரு திரு என்று விழிக்கிறான். அட்ரஸ்கூட சொல்லத் தெரியவில்லை. நேற்று போதைப் பொருள் கடத்தும் கும்பலைப் பிடித்தோம்.அதில் இரண்டு, மூன்று பேர் தப்பிவிட்டார்கள். அவர்களும் இப்படித்தான் வெகுளிபோல நடிப்பார்கள். அதனால் சந்தேகப்பட்டுதான் பிடித்தோம். யாரும் தேடிவரவில்லையே என்றுதான் பார்த்தோம். சாப்பாடு, காபி கொடுத்தாலும் வேண்டாமென்று விட்டான். வைத்தி வைத்தி என்றுதான் சொன்னான்.’’

“ஆமாம். அவன் வைத்தி என்பவருடன் அவர் வீட்டில்தான் தங்கி இருக்கிறான்’’ இது வைத்தியின் மனைவி”என்று நாயர் சொன்னார்.

பாகியும் “நல்ல பையன். கிராமத்தை விட்டு வெளியில் வந்ததில்லை-. ஆயிரம் தேங்காயைக் குவித்தாலும் உறித்து தள்ளிவிடுவான். தென்னை மட்டைகளை கீத்துமுடைந்து அடுக்கிவிடுவான். சைக்கிளில் கட்டியே மூட்டை மூட்டையாக எடுத்துப்போய் நெல்லை அரிசியாக்கி வந்து அடுக்கிவிடுவான். நல்ல உழைப்பாளி. எங்க வீட்டுக்காரரின் நண்பர்” என்று அவர்கள் கிராமத்தைப் பற்றியும் சொன்னாள்.

”ஒரு காரணமுமில்லாமஒரு நாஷீமீ பூரா சோறு தண்ணி இல்லாம ஜெயில்ல இருக்கவா பெங்களூர் வந்தா?என்று கேட்டு வைத்தியும் வந்துவிட்டான்.

”ராமதாசர் எறும்பைப் பிடித்து வீட்டில்பூச்சியைப் பிடித்து விளையாடி ஜெயிலிலிருந்ததாக கதை சொல்வார்கள். நான் என்ன குற்றம் செய்து எந்த ஜீவனை வருத்தினேனோ? எனக்கும் ஜெயில்வாசம் விதித்திருந்தது. என் நினைவு தெரிந்து எந்த ஜீவனையும் வருத்தவில்லை. நான் பிடிபட்டது உங்களுக்கு தெரிந்ததால்தானே இப்போது விடுதலை கிடைத்தது. நான் ஊருக்குப் போயிருப் பேன் என்ற பேசாமலிருந்திருந்தால் நானும் சிறையில்தானே கிடக்கவேண்டும். முருகன் அருள்தான்”, என்றான் பஞ்சு.

“ஆமாம். கணேசன் என்ற கோடி வீட்டுப் பையன் சொன்னதால்தான் விஷயமே தெரிந்தது. போகும்போது பிள்ளையார் கோவிலில் தேங்காய் உடைக்கிறேன்”, என்றாள் பாகி.

வைத்தியும், “ நீ ஏன் பயப்படவேண்டும். படபடவென்று உண்மை விவரத்தை தமிழிலேயே சொல்லிவிட்டால் அவர்கள் ஓரளவு புரிந்துகொண்டு குற்றவாளி இல்லை என்ற நினைக்கலாமில்லையா? என்றான்.

”நான் சட்டென்று போலீஸ் பிடித்ததில் பயந்து விட்டேன். என் ஊரில் நான் ராஜா.

எல்லாருக்கும் தெரிந்தவன். வைத்தி. என்னை என் ஊருக்கே அனுப்பிவிடு. பெங்களூரெல்லாம் எனக்கு பார்க்கவே பிடிக்கவில்லை’’ என்று பரிதாபமாக பஞ்சு

சொன்னான்.

வைத்தி தானே அழைத்துப்போய் பஞ்சுவை அவனுடைய கிராமத்தில் விட்டு வந்தான்.

- 03 செப்டம்பர், 2012 

தொடர்புடைய சிறுகதைகள்
கணேசனின் தந்தை இறந்தபின் அவனுக்கு முன்னோர்கள் கடன் செய்வதில் சிரத்தைஅதிகம் ஏற்பட்டது. அம்மாவுக்கும் ரொம்ப திருப்தி. கருப்பு எள்ளு, பலாமூசு, வாழைத்தண்டு, என்று தேடித்தேடி வாங்கிவருவாள். நல்ல வெண்ணெயை வாங்கி காய்ச்சி ஹோமங்களுக்கும் சமையல் சாப்பாட்டுக்கும் பக்ஷணங்களுக்கும் வைப்பான். நுனிவாழைஇலை வாங்கி ...
மேலும் கதையை படிக்க...
நான் வீட்டை விட்டுக் கிளம்பி பத்துநாட்கள் ஆகிவிட்டன. புறப்படும்போது வித்யா திரும்பத்திரும்பச் சொன்னாள். ”இரண்டு தோசை சாப்பிட்டுவிட்டுப் போங்கள்” என்றாள். என் வேலைகளின் நடுவில் நேரமேயில்லை. அதனால் எனக்கு எந்தச் சிற்றுண்டி சாப்பிடும்போதும் என் வித்யாவின் தோசையே மனதில் நின்றது. கண்ணன் பாட்டில் ...
மேலும் கதையை படிக்க...
நந்தகுமார் கல்லூரி மாணவன். பெற்றோருக்குக் கடைசி மகன். செல்லப்பிள்ளை. நல்ல வசதியுள்ள குடும்பம். தாயார் அவனுக்கும் மணமுடிக்க ஆசைப்பட்டாள். உறவுமுறையில் ஒரு செல்வந்தரின் மகள் இருந்தாள். அந்தப் பெண் இந்துமதியை மணம் செய்விக்க முயற்சி செய்தாள். நந்தகுமாரின் அக்கா, தங்கைகள் இந்துமதியின் ...
மேலும் கதையை படிக்க...
ஒரு முக்கியமான வைபவத்திற்காக இரண்டு நாட்கள் நாங்கள் சென்னை போய் வந்தவுடன் என் மாமியார் ஒரே புலம்பல். மொலு மொலுவேன்று பொரிந்து தள்ளினார். “இங்கே பாரு சுசீலா, இப்படி முன்னே பின்னே பழக்கமில்லாத புது எடத்துல என்னத் தனியா விட்டுட்டு இனிமே ...
மேலும் கதையை படிக்க...
அப்போது எனக்கு பத்தொன்பது வயது. மாலாவுக்கு ஒன்றரை வயது. அவள் என் தங்கைகளுடன் என் பிறந்த வீட்டிலேயே தானிருப்பாள். என்னைத் தேடவே மாட்டாள். மின்விளக்குவசதிகூட இல்லாத அந்த வீட்டில் நாங்கள் குடியிருந்தோம். பதினெட்டு ரூபாய் வாடகை; ஒரே மாதம் அட்வான்ஸ். ஒரு பெரிய அறை, ஒரு ...
மேலும் கதையை படிக்க...
கௌசல்யாவை திருமணம் செய்துகொண்ட தசரதன் தன் மனதில் தீர்மானித்தான்: ’ஒருத்திக்கு ஒருவன் என்றே வாழுவேன், மற்றொருபெண்ணை மனதில்கூட நினைக்கமாட்டேன்’ என்று உறுதி எடுத்துவிட்டான். ஆனால் ராமனைப் பெற்றவுடன் கௌசல்யா இறந்துவிடவே கௌசல்யாவின் தந்தையே வற்புறுத்தி கேதகியை (இரண்டாம் மகளை) மணமுடித்து வைத்தார். ...
மேலும் கதையை படிக்க...
பரசுவால் நீலு பேசும் ஒரு வார்த்தைளை பொறுத்துக் கொள்ளவோ மன்னிக்கவோ முடியவே இல்லை. கோபித்து கொள்ளவோ தடுக்கவோ தைரியமுமில்லை. அவளுடைய பேச்சுக்குப் பேச்சு அதை கேட்க நேர்ந்தது. மனம் திடுக்கிட்டு பதறுகிறது. ஆனால் அதற்கு ஒரு காரணமிருந்தது. அவன் சிறுவயதிலேயே யாரோ ...
மேலும் கதையை படிக்க...
சைதன்யனும் சைத்ராவும் காதலர்கள். அவன் தன் தங்கையின் திரு மணத்திற்காகவும் அவள் தன்னுடைய அக்காவின் கல்யாணத்திற் காகவும் காத்திருக்க வேண்டிவந்தது. மூன்றுவருடங்களும் ஓடிவிட் டன. இவர்களுடைய திருமணப்பேச்சு வந்தபோது இருகுடும்பங்க ளும் சற்று முறைத்துக்கொண்டன. பிறகு, காலத்திற்குத் தக்கபடி அடுத்ததலைமுறையின் நல்வாழ்வுகருதி ...
மேலும் கதையை படிக்க...
பிருந்தா என்று பெயரிட்டதாலோ என்னவோ அவளுக்கு துளசி என்றால் ரொம்பவும் பிடிக்கும். சிறு வயது முதலே துளசிச் செடி வைத்து நீர் ஊற்றி கோலங்கள் போட்டு விளக்கேற்றி தோத்திரம் படித்து பிரதக்ஷினம் நமஸ்காரம் என்று பெரியவர்கள் போல சிரத்தையுடன் செய்வாள். திருமணமாயிற்று. புருஷன் ...
மேலும் கதையை படிக்க...
மாடி வராண்டாவில் பளபளவென்று உடையணிந்தபடி பட்டாம்பூச்சிபோல் நின்றிருந்த ஸஹானாவை கீழே இருந்து அர்ஜுன் கூப்பிட்டான். “ஸஹானா” என்று ராகத்துடன்! உடனே, “ஹாய்!” என்று கையசைத்துச் சிரித்தாள் ஸஹானா. “ஆச்சு, மணி நாலடிச்சாச்சு. கிளம்பிட்டா ராணி! இனிமே இருட்டினாத்தான் உள்ளே நுழைவாள்”, என்று அம்மா ...
மேலும் கதையை படிக்க...
மஹாளயத்தில் பொன்னம்மா யார்?
சிறிய பொருள் என்றாலும்…
அவனுடைய காதலி
நேற்றைய நினைவுகள் கதை தான்
அப்படியோர் ஆசை!
தசரதன் இறக்கவில்லை!
ஓடியது யார்?
சைத்ரா செய்த தீர்மானம்
கங்கை சொம்பு
சின்னஞ்சிறு கிளியே…!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)