Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

குட்டி ஏதாவது கேட்டு விடுவாளோ…?

 

வீடு திரும்புவதற்கு பஜார் தெருவைத்தவிர வேறு மாற்றுப் பாதை இல்லை.

கூடவே கீழ்ப்புற சட்டையைத் தொங்காத குறையாகப் பிடித்துக் கொண்டு ஊஞ்சலாடிக்கொண்டு வரும் ஏழு வயதுச் செல்லமகள் குட்டி.

மேல் சட்டையின் உள்பையில் இரண்டு மற்றும் ஐந்து ரூபாய் தாள்களாக மடக்கி வைக்கப்பட்டிருந்த பணம் இரு நூறு ரூபாய். வியாபாரத்தில் நொந்து போயிருந்த முதலாளியிடம் அவ்வளவுதான் பிராண்ட முடிந்தது.

தீபாவளிக்கு மனைவி போட்டிருந்த பட்ஜெட்டில் இது ஒரு கடுகு.

முந்தின இரவில் மனைவி போட்ட சண்டை மனத்தைக் கசக்கியது. இந்த துரும்பை வைத்து இந்தத் தீபாவளியைக் கடப்பது எப்படி?அதை விட இந்த பஜார் தெருவை பணம் செலவளிக்காமல் கடப்பது எப்படி? என்ற பிரச்சனை பூதாகரமாக நின்றது.

காரணம் பட்டாசு வாங்கக் கேட்டு அடம் பிடிப்பாளோ என்ற குறுகுறுப்பு.

மெதுவாக ஓரக்கண்ணால் குட்டிப் பெண்ணைப் பார்த்தான்.

குட்டி தெருவின் இரண்டு பக்கங்களிலும் பரப்பி வைக்கப்பட்டிருந்த பட்டாசுக் கடைகளை மலர்ந்த முகத்துடன் துருதுருவென்று பார்த்துக் கொண்டிருந்தது.

அவ்வப்போது கற்பனையில் ஏதோ நினைத்துக் கொண்டு தலையையும் ஆட்டிக் கொண்டது.

குட்டியின் ஒவ்வொரு தலையாட்டலும் அவனது ரத்த அழுத்தத்தை ஏற்றிக் கொண்டிருந்தது. அண்ணாந்து பார்க்கும் விலையில் பட்டாசு கேட்டு ஆர்ப்பாட்டம் செய்வாளோ?

பேச்சில்லாமல் தெருவைக் கடந்து விட்டார்கள். திரும்ப நேரமில்லாத தூரம் வந்ததும் தாள முடியாமல், “பட்டாசு வாங்கலாம்னுதான்…”என்று சமாதானம் ஆரம்பித்தான்.

“வேணாம்பா, அப்புறம் அம்மாவுக்குப் பணம் பத்தாது. தம்பிக்கு வேடிக்கை காட்ட கொஞ்சம் பொட்டுக்கேப்பு மட்டும் வாங்குங்கப்பா” என்றாள் குட்டி.

அவனுக்கு மனசு பொறுக்கவில்லை.”ஒரு துப்பாக்கியும் சேர்த்து வாங்கிர்ரம்மா”என்றான்.

“வேண்டாம்பா, போன வருசத் துப்பாக்கியையே பத்தரமா தொடைச்சி வச்சிருக்கேம்பா,”என்றாள்.

அவனின் மனமெல்லாம் குட்டி மத்தாப்பாக, கலங்கரை விளக்காக, ஒளிர்ந்தாள். 

தொடர்புடைய சிறுகதைகள்
மனமெல்லாம் மத்தாப்புவீடு திரும்புவதற்கு பஜார் தெருவைத்தவிர வேறு மாற்றுப் பாதை இல்லை. கூடவே கீழ்ப்புற சட்டையைத் தொங்காத குறையாகப் பிடித்துக்கொண்டு ஊஞ்சலாடிக்கொண்டு வரும் ஏழு வயதுச் செல்லமகள் குட்டி. மேல் சட்டையின் உள்பையில் இரண்டு மற்றும் ஐந்து ரூபாய் தாள்களாக மடக்கி ...
மேலும் கதையை படிக்க...
என்றுமில்லாமல் அன்று முதலாளி கல்லாவில் உட்கார்ந்திருந்தார். வழக்கமாகக் கல்லாப் பார்க்கும் அவரது ஒரே மகன் சாப்பிடுபவர்களிடம் பந்தி விசாரித்துக் கொண்டிருந்தான். கல்லாவில் இருந்து பார்த்தால் தெருக்கோடி வரை தெரியும். வாடிக்கையாளர்கள் கூட்டம் சற்றுக் குறையத் தொடங்கிய போது ஓய்வாகச் சற்றுத் தலையை நிமிர்த்திப் பார்த்தவர், ...
மேலும் கதையை படிக்க...
தம்பி வீட்டு விஷேசத்திற்கு வந்த அண்ணன் மனைவியுடன் புறப்படத் தயாரானார். தூங்குவது போல சோபாவில் சரிந்து உட்கார்ந்திருந்த தம்பியைத் தயக்கத்துடனேயே நெருங்கினார். அவனது இரண்டாம் கல்யாணத்திற்கு ஒத்துழைக்காதலால் தன் மீது கோபத்தில் இருப்பானோ என்று மனத்துள் பட்டது. அதற்கேற்றாற்போல தம்பியும், கொஞ்ச நாட்கள் தங்கி ...
மேலும் கதையை படிக்க...
மனமெல்லாம் மத்தாப்பு
தொழில் இரகசியம்?
அண்ணன் என்னடா தம்பி என்னடா…?

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)