குடும்ப கௌரவம்!

 

“ முரளி!….உங்கிட்டே ஒரு விஷயம் சொல்லணும்…..உன் ‘வொய்ப்’ அகல்யா சிநேகிதமெல்லாம் அவ்வளவு சரியில்லே!….”

“ என்ன அண்ணா சொல்லறீங்க?…”

“ நேற்று. … புருஷனைப் பற்றி கண்டபடி பத்திரிகையில் பேட்டி கொடுத்து டைவர்ஸ் வாங்கிய அந்த சித்ராவோடு இவ ‘ஷாப்பிங்மாலில்’ பேசி சிரிச்சிட்டிருந்தா!…அந்த மாதிரி சிநேகிதமெல்லாம் வச்சிட்டா நம்ப குடும்ப கௌரவம் பாதிக்கும்!.”

“ சரியண்ணா!….நான் விசாரிக்கிறேன்!..”

முரளியும், அவங்க அண்ணாவும் பேசிக் கொண்டிருந்ததை கேட்டுக் கொண்டே அங்கு வந்தாள் அகல்யா.அதை முரளியும் கவனித்தான்.

மறுநாள்.

“ அண்ணா!…உங்கிட்டே ஒண்ணு சொன்னா நீ தப்பா நினைக்க கூடாது!…”

“ சும்மா…சொல்லு…என்ன சமாச்சாரம்?….”

“ அண்ணியோட தம்பி..அடிக்கடி அண்ணியை வந்து பார்த்திட்டுப் போறான்…அண்ணி உனக்குத் தெரியாமே ஏதாவது பண உதவி செய்வாங்கனு நினைக்கிறேன்!…”

அதற்குள் அங்கு அகல்யா வர, தங்கை சித்ரா பேச்சை நிறுத்திக் கொண்டாள்.

அகல்யா ஒரு சாதாரண பள்ளி ஆசிரியர் மகள். முரளி ஒரு கோடீஸ்வர தொழிலதிபரின் மகன். அகல்யாவை கல்யாணம் செய்தால் அவர்கள் குடும்ப கௌரவம் பாதிக்கும் என்று எல்லோரும் தடுத்தார்கள். முரளியின் பிடிவாதத்தால் தான் அவர்கள் திருமணமே சமீபத்தில் நடந்தது.

கடந்த பத்து நாளாக தனிமையில் அகல்யா அண்ணனும், தங்கையும் சொன்ன புகார்களைப் பற்றி கேட்பாள் என்று எதிர் பார்த்தான் முரளி.

அகல்யா அதைக் கண்டு கொண்டதாகவே காட்டிக் கொள்ளவில்லை! பொறுக்க முடியாமல் முரளியே கேட்டு விட்டான்.

அகல்யா சிரித்துக் கொண்டே சொன்னாள் .“என் கல்லூரித் தோழி சித்ராவுக்கு வாய்த்த ஒரு கணவன் காசுக்காக பெண்டாட்டியையே விற்கத் துணிந்த கயவன்…அந்த அயோக்கியனின் முகமூடியைப் போராடி கிழித்து ‘டைவர்ஸ்’ வாங்கிய பாரதி கண்ட புதுமைப் பெண் அவள்…ஒழுக்கமான அந்த உத்தமியோடு பழகுவதில் எந்த தப்பும் இல்லை என்று எனக்குத் தெரியும்!

என் ஒரே தம்பி அக்கா மேல் உயிரையே வைத்திருக்கான்….ஒழுக்கமான குடும்ப சூழ்நிலையில் வளரும் அவன் மானம் மரியாதைக்கு முன்பு பணம் காசை துச்சமாக மதிப்பவன் அவனிடம் போய்…பணக்காரக் குடும்பத்தில் பிறந்தவர்களுடைய மனசு எப்படியெல்லாம் கேவலமாக சிந்திக்கிறது என்று விளக்கிச் சொன்னால், நம் குடும்ப கௌரவம் பாதித்து விடும் என்று தான் .பாசத்தாடு என்னை பார்க்க வருபவனிடம் இதை எல்லாம் நான் சொல்வதில்லை!”

முரளி இப்பொழுது எது குடும்ப கௌரவம் என்று புரியாமல் தலையில் கை வைத்துக் கொண்டான்! 

தொடர்புடைய சிறுகதைகள்
“ இன்னைக்கு....ஞாயிற்றுக் கிழமை….சரியா ஒன்பது மணிக்கு நீங்களும், உங்க அருமைப் பொண்ணும் டைனிங் டேபிளில் வந்து உட்கார்ந்திடுவீங்க!...நான் அதற்குள் சிக்கன் குழம்பு, வறுவல், இட்லி, தோசை எல்லாம் தயார் செய்ய வேண்டாமா?...சீக்கிரமா போய் ‘லெக் பீஸா’ நீங்களே பார்த்து.... இளங்கறியா வாங்கிட்டு ...
மேலும் கதையை படிக்க...
“என்ன....சரவணா...பேப்பரில் அப்படி முக்கியமான நியூஸ்?....அம்மாவும் மகனும் அப்படி விரித்து வைத்து பார்த்துக் கொண்டிருக்கிறீங்க?.....” “அப்பா!....நேத்து சாயந்தரம் என்ன நடந்ததுனு உங்களுக்குத் தெரியாதா?..” “சொன்னாத்தாண்டா.....தெரியும்.?....” “நம்ம ரயில்வே கேட் இருக்கல்ல?.....” “நீ காலேஜூக்குப் போகும் வழியில் இருக்கே!...அதுவா?...” “அதே தானப்பா!....நேத்து மாலை 5-30 மணிக்கு வழக்கம் போல கேட் மூட ...
மேலும் கதையை படிக்க...
கோவை மாநகரில் வீற்றிருக்கும் பத்ரகாளியம்மன் கோவில் கும்பாபிஷேகத் திருவிழா. கோவில் அருகே வாகனங்கள் வராதபடி போக்குவரத்தை ஒரு நாள் முன்பே காவல் துறையினர் மாற்றி அமைத்து விட்டார்கள். இருந்தாலும் பல்லாயிரக்கணக்கான ஆண்களும், பெண்களும் காலை ஐந்து மணிக்கே கோவில் முன்பு ‘ஜே! ஜே!’ என்று ...
மேலும் கதையை படிக்க...
அமெரிக்காவில் ஐ.டி. நிறுவனத்தில் வேலை செய்யும் ஷியாமை கல்யாணம் செய்து கொண்டு,அங்கேயே செட்டிலாகி விட்ட தன்னுடைய ஆருயிர் தோழி சிந்துஜா பத்தாண்டுகளுக்குப்பிறகு, இன்றுதான் சொந்த மண்ணை மிதிக்கிறாள். அவளை வரவேற்க விமான நிலையத்திற்கே போயிருந்தாள் ஆர்த்தி. விமான நிலையத்திலிருந்து புறப்பட்ட ஆர்த்தியின் கார் ...
மேலும் கதையை படிக்க...
அன்று அதிகாலை. குருமூர்த்தியின் வீட்டுப் போன் அலறியது. “ காந்திமதி உடனே போய் போனை எடு..கண்மணி தான் இந்த நேரத்தில் கூப்பிடுவாள்!....” காந்திமதி ஓடிப் போய் போனை எடுத்தவுடன் “ நல்லா இருக்கிறாயா அம்மா… ஏன் இந்த ஒரு வாரமா போனே பண்ணலே” என்று ...
மேலும் கதையை படிக்க...
சமயம் பார்த்து அடிக்கணும்
இரண்டுமே வேறு! வேறு!
தெய்வம் நின்று கொல்லுமோ?
தமிழ் நாட்டு அரசியல்!
அமெரிக்க நாகரிகம்!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)