பித்தன்

 

சில வருடங்களாகவே பைத்தியம் பிடித்து அலைந்தான் கதிரவன்.மதுசூதனன் எழுத்து மீது அவ்வளவு ஆர்வம் அவனுக்கு.பழைய புத்தகக் கடைகளில் தேடி எடுத்துப் படித்தான்.அவர் தொடர் வெளிவரும் வார, மாத இதழ்களை வாங்கிக் குவித்தான்.

இத்தனைக்கும் அவன் மென்பொருள் வல்லுநராக வேலை பார்ப்பவனில்லை.ஒரு போட்டோ ஸ்டியோவில் சொற்ப வருமானத்தில் வேலை பார்த்து வந்தான்.அவனையொத்த வயதுடைய இளைஞர்களின் சிந்தனையிலிருந்து அவன் மாறுபட்டிருந்தான்.

அவன் எங்கு சென்றாலும் பையில் எடுத்துச் செல்லும் புத்தகம் ரமணருடையது.நான் யார் என தன்னையே அடிக்கடி கேட்டுக் கொண்டான்.விடை காண முடியாத கேள்வி வேதாளமாக அவன் தோளில் வந்தமர்ந்து கொண்டது.

சமூகத்துக்கு சுயசிந்தனையாளன் ஆபத்தானவன் அல்லது மனநலம் பாதிக்கப்பட்டவன்.அவன் படித்த படிப்புக்கும் வேலை பார்ப்பதற்கும் சிறிதும் சம்பந்தமில்லை ஆட்டோமொபைல் டிப்ளமோ முடித்துவிட்டு போட்டோ ஸ்டியோவில் மவுஸை பிடித்துக் கொண்டிருந்தான்.

அவன் எப்படி பைத்தியமானான் என்ற கதை மிகவும் சுவாரஸியமானது.ஐந்தாம் வகுப்பு படிக்கும் போது விடுமுறையில் அம்மன் கோயில் திருவிழாவுக்கு சாந்தி என்ற பெண் வருவாள்.அப்பா வசதியானவர் என்பதால் காரில் வந்து இறங்குவாள்.

அந்தப் பெண் மீது ஒருவித ஈர்ப்பு கதிரவனுக்கு.வருடா வருடம் அம்மன் கோயில் திருவிழாவை எதிர்பார்த்து காத்திருந்தான்.அப்பெண் வராத போது பிரமை பிடித்தவன் போல் வீட்டினுள் முடங்கிக் கிடந்தான்.

இது அவனுக்குப் புதிது.இந்த நொடி வரை இப்படி அசைவற்று, மனம் சிதைந்து இருந்ததில்லை.அந்தப் பெண்ணை பார்க்கவில்லையென்றால் என்ன என்று சுலபமாக நீங்கள் கேட்கலாம்.இந்த நாளில் பார்க்கவில்லை என்றால் இன்னும் ஒரு வருடம் காத்திருக்க வேண்டுமே.அது போல ஒருவரின் மீது பிடிப்பு வருவதற்கு என்ன காரணம் என்று சொல்ல முடியாது;எந்த விஷயம் நம்மை ஈர்த்ததோ அது பிறருக்கு மிகச்சாதாரணமாக கூட இருக்கலாம்.

ஒரு வருடத்தில் ஒரு நாளுக்காக ஆசைப்பட்டு மற்ற நாட்களை ஏனோதானோ என்று கடத்துகிறவன் அரைப் பைத்தியம் இல்லாமல் வேறென்ன.

இப்போது அரைப்பைத்தியம் ஆகிவிட்டான் அல்லவா அவனை முழு பைத்தியம் ஆக்க வேண்டுமே, அதற்காகவே கதிரவன் வாழ்வில் இன்னொருத்தி புகுந்தாள்.

இது நடந்தது அவன் +1 படிக்கும்போது.அதே பள்ளியில் படிக்கும் பெண் தான் அவளும்.முன்னது ஒரு ஈர்ப்பு என வைத்துக் கொள்வோம்.இது மட்டும் காதலா என்று கேட்காதீர்கள் அதுவும் படிக்கிற வயதில்.இந்த ஹார்மோன்கள் செய்யும் ஜாலம் இருக்கிறதே.அந்த வயதைக் கடந்து வந்தவர்கள் தானே நாமும்.

மழையோ, புயலோ அவளைப் பார்ப்பதற்கென்று தினமும் பள்ளியில் ஆஜராகிவிடுவான் கதிரவன்.அவள் பெயர் பைரவி.பிரேயருக்கு எல்லா வகுப்புகளும் ஒன்று கூடும் போது பார்வைகளை பறிமாறிக் கொள்வார்கள்.வேண்டுமென்றே நண்பர்கள் அவள் அருகே சென்று கதிரவன் என அவன் பெயரைச் சொன்னதும் அப்பெண் கன்னம் சிவந்து சிரிக்கும்.

படிக்கிறவர்கள் படம் பார்க்காமல் இருப்பார்களா?அதுவும் அந்தப் படத்தையா கதிரவன் பார்த்து தொலைக்கணும்.பார்த்துவிட்டு வீட்டுக்கு வந்து படுத்தவன் தான்.சினிமாவுக்கு இருக்கும் வல்லமை இருக்கு பாருங்கள்.

அப்படி என்ன தான் சொன்னார்களாம் அந்தப் படத்தில்.வேலையில் இருந்து கொண்டு காதல் செய்யச் சொன்னார்களாம்.விடுவானா கதிரவன்.சீக்கிரத்தில் வேலை கிடைக்குமென்று நினைத்து +2வை பாதியிலேயே நிறுத்திவிட்டு பாலிடெக்னிக்கில் சேர்ந்தான்.

அவன் கவனமெல்லாம் படிப்பில் இருந்தது.பைரவியைப் பார்க்காமல் அவளைப் பற்றிய தகவல்களை மட்டும் கேட்டுத் தெரிந்து கொண்டான்.இந்த காலம் இருக்கிறதே எவ்வளவு வேகமாய் ஓடுகிறது.படிப்பை முடித்துவிட்டான், அவளோ கலைக்கல்லூரியில் இறுதி ஆண்டு படித்து வந்தாள்.கதிரவன் தன் காதலைச் சொல்ல இது தான் தக்க தருணம் என நினைத்தான்.இதில் லாஜிக் பார்க்கக்கூடாது.ஏனென்றால் இப்போது, தான் ஒரு தகுதியுள்ள ஆண் என்று கதிரவன் கருதியிருக்க வாய்ப்பிருக்கிறது.ஒரு திரைப்படம் இளைஞர்களின் மனோபாவத்தை எந்தளவு மாற்றுகிறது பாருங்கள்.

அவள் கல்லூரியிலிருந்து வீட்டுக்குத் திரும்பும் வழியில் அவளது இருசக்கர வாகத்தை வழி மறித்தான்.அவளும் நின்றாள், பார்த்த முகமாய் இருக்கிறது என்று நினைத்திருப்பாள் போலிருக்கு.காலம் சாம்ராஜ்யத்தையே சுவடு இல்லாமல் செய்துவிடக் கூடியது என்றால் மனிதர்கள் எம்மாத்திரம்.காலம் பைரவி மனதில் மாற்றத்தை ஏற்படுத்தி இருக்கும் என்று எண்ணாமல் விட்டுவிட்டான் கதிரவன்.அவள் நின்றதும் எப்படி இருக்கீங்க என்றான்.செளக்கியம் தான் என்று இழுத்தாள் அவள்.மறைத்து வைத்திருந்த காதல் கடிதத்தை எடுத்து நீட்டினான்.பதற்றம் கொண்ட அவள் அக்கடிதத்தை வாங்காமல் வண்டியை கிளப்பிச் சென்றாள்.ஒரு வேளை அவள் கதிரவன் பார்த்த திரைப்படத்தை பார்க்க நேர்ந்திருக்காமல் இருக்கலாம்.

இப்போது அவன் கிடைத்த வேலையில் தொற்றிக் கொண்டு.எழுத்துக்களில் காதலைப் படித்து சிலாகித்துக் கொண்டும் இருக்கிறான்.அவனை அரைப் பைத்தியம், முழு பைத்தியம் ஆக்கியவர்கள் எல்லாம் கல்யாணமாகி குழந்தை குட்டிகளோடு சேமமாக வாழ்கிறார்கள். 

தொடர்புடைய சிறுகதைகள்
குருகுல வம்சத்தில் தோன்றிய சந்தனு ராஜனுக்கு கங்கையின் மூலம் பிறந்த ஏழு குழந்தைகளையும் நதிக்குள் வீசியெறிந்துவிட்டாள் கங்காதேவி.எட்டாவது குழந்தையை வீசச் செல்லும் போது, தான் கொடுத்த வாக்கையும் மீறி சந்தனு அரசன் அவளைத் தடுக்க முற்பட்டான்.உரிய வயதில் உன் புதல்வன் உன்னிடம் ...
மேலும் கதையை படிக்க...
விடிஞ்சா தீபாவளி. வீடே எனக்கு அந்நியமாத்தான் தெரியுது. ஆத்தா தான் சோறூட்டணும், ஆத்தா கூடத்தான் படுத்துக்கணும், ஆத்தா தான் குளிப்பாட்டணும்னு எல்லாத்துக்கும் இந்த ஆத்தா தான். இந்த நிசப்தம் என்னைய ஏதோ செய்யுது. மனுசனை உசிரோட சிலுவையில அறையறது மாதிரி. கால்ல ...
மேலும் கதையை படிக்க...
சேதுப்பிள்ளை சென்னைவாசி. நகரத்து டாம்பீகமெல்லாம் கேட்காமலேயே அவரை வந்து ஒட்டிக்கொண்டன. வள்ளி பவனில் முறுவல் தோசையை சாப்பிடாமல் ஒருநாள் முடியாது அவருக்கு. இந்த சாம்பார் ருசிக்காக ஹோட்டல் நடத்தரவனுக்கு கோயில் கட்டலாம் என்ற ரகம் அவர். காபியையும் சாப்பிட்டு கும்பகர்ணன் மாதிரி ...
மேலும் கதையை படிக்க...
ஐந்து அவதாரங்கள் வந்து சென்றுவிட்ட நிலையில் பூமிக்கு பரிபூரணம் தேவைப்பட்டது. பிரம்ம ஞானத்தைக் காப்பாற்ற சத்ரிய தைரியம் தேவையாய் இருந்தது. ஜமத்க்னிக்கும் ரேணுகாதேவிக்கும் ஐந்தாவதாக பிறந்த குழந்தை சத்ரிய வம்சத்தையே வேரறுக்கும் என யாரும் அப்போது நினைத்துப் பார்க்கவில்லை. பிராமணவம்ச பரசுராமருக்கு ...
மேலும் கதையை படிக்க...
பேரழகி இந்த வார்த்தைக்கு ஏற்ற வனப்புடையவள் உலகில் ஒரே ஒருவள் தான், அவள் தான் அகலிகை. அழகு என்பது பெண்களுக்கே உரித்தான ஒன்று. பெண்ணின் ஒளிவீசும் கண்களை எந்த ஆடவனாலும் எதிர்நோக்க முடியாது. பெண் அதீத கனவுகளுடன் தான் வளர்த்தெடுக்கப்படுகிறாள். தான் ...
மேலும் கதையை படிக்க...
மவளே,மவளே என்று அந்த வார்டிலிருந்து முனகிக் கொண்டிருந்தார் பஞ்சு. உண்மையில் பஞ்சு பிரம்மச்சாரி.வயது அறுபதுக்கும் மேல்.அப்புறம் எப்படி மவளே என்று பாதி பிரக்கனையில் அழைக்கிறார் என்று கேட்கிறீர்களா. அவர் கணவன் ஆகின்ற யோக்கிதை இல்லை என்று மறுத்த சமூகம் தான் அவர் தனிமரமாய் ...
மேலும் கதையை படிக்க...
எப்படியாவது தன் மகன் இஞ்சினியரிங் பட்டம் வாங்க வேண்டுமென்பதில் பிடிவாதமாக இருந்தார் சுப்பையன்.ஆனால் அவரது மகன் சுந்தரோ வேறு மார்க்கத்தை பின்பற்றப்போவதை மனதில் வைத்துக் கொண்டு படிப்பை தொடர மாட்டேன் என பிடிவாதமாக இருந்தான்.+2 முடித்துவிட்டு பையனை வீட்டில் வைச்சிருந்தா ஏன், ...
மேலும் கதையை படிக்க...
அளவில் சிறிய கோவில் தான் சிலசமயம் அர்ச்சகரையும், கைலாசநாதரையும் தவிர வேறு யாரும் இருக்கமாட்டார்கள். சிறிய பிரகாரம், நவகிரக சந்நதி, பைரவர் எல்லாம் உண்டு. அம்மன் பெரியநாயகி, லோகத்துக்கும் அவள் தான் பெரியநாயகி. நாயகன் யாரென்று என் வாயால் சொல்ல வேண்டுமா? ...
மேலும் கதையை படிக்க...
ராமையாப்பிள்ளைக்கு வர்ஷினியிடம் அலாதிப் ப்ரியம் என்ன இருந்தாலும் தவமிருந்து பெற்ற பிள்ளையல்லவா, பாசம் இல்லாமல் போகுமா. வாழ்க்கையில் ஏதாவது ஒரு பிடிப்பு வேண்டுமே – ராமையாப்பிள்ளைக்கு பிள்ளைப் பாசம். வர்ஷினிக்கு ஏதாவது ஒன்று என்றால் ராமையாப்பிள்ளைக்கு மூஞ்சி செத்துப் போய்விடும். இரண்டரை ...
மேலும் கதையை படிக்க...
தொழிற்சங்கவாதியான பரமானந்தம் மேடையில் ஏறி மைக்கைப் பிடித்துப் பேச ஆரம்பித்தார் “எனதருமைத் தொழிலாளர் தோழர்களே கதிரவனைப் போன்றவன் தொழிலாளி அவன் தன் இயக்கத்தை ஒரு நாள் நிறுத்தினால் உலகமே ஸ்தம்பித்துப் போகும்.காலம் காலமாக உழைக்கும் வர்க்கத்தை தொழிலாளர் தினத்தன்று மட்டும் புகழ்ந்து ...
மேலும் கதையை படிக்க...
சரதல்பம்
வீடு
மேடை
பரசு
மோகத்தீ
பலிபீடம்
வாசல்
நந்தி
பொம்மை
பிராணன்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)