Warning: Cannot modify header information - headers already sent by (output started at /home/content/42/10186442/html/index.php:2) in /home/content/42/10186442/html/wp-content/themes/Clipso/functions.php on line 189
Sirukathaigal - Sirukathai - Short Stories in Tamil

இனிது காதல் இனிது

 

சாரு.. தன் மொபைலில் விடியற்காலையில் மிஸ்டு கால் வந்ததை பார்த்ததும், ஏதேதோ உணர்வுகள் அவளுள் வந்தன.

இரண்டு நாளா இப்படி அடிக்கடி நடக்குது. கட்டானதும் மெஸெஜ் வரும் ‘ப்ளீஸ் கால் மீ ‘ ஆர் மெஸெஜ், என்று.

அப்பா, அம்மாவும் யாரும்மா இந்த நேரத்திலே என கேட்கத் தொடங்கிவிட்டனர். என்னச் சொல்வது எதைச் சொல்வது என்ற குழப்பம்.

திரும்ப மிஸ்டு கால் வரட்டும், இந்தத் தடவை பேசிடனும், ஏன் இப்படி பண்றீங்க? உங்களுக்கு என்ன வேணும்னு கேட்டிடனும், அப்பத்தான் மனசு நிம்மதியாக இருக்கும். நினைத்தது போல் வந்தது.

எடுத்துப் பேசினாள்.

“என்ன வேணும் ? உங்களுக்கு இப்படி ஓயாம கால் பண்றீங்க?. இங்க இருக்கிறவங்க எல்லாம் யாரு யாருனு கேட்கிறாங்க!”, எனப் பொறிந்தாள்.

“சாரிங்க, நான் வெளியூரிலே இருக்கிறதினாலேதான், இன்றைக்கு காலையிலே ஊருக்கு வந்துட்டேன், இன்று மாலை 5.00 மணிக்கு நாம நேரு பார்க்குல சந்திப்போமா?. உங்ககிட்டே தனியா நேரிலே பார்த்து பேசனுமே, இன்றைக்கு காதலர் தினம் வேறே”, எனக் கெஞ்சினான் பாலா.

“அதெல்லாம் முடியாது, எனக்கு காலேஜ் இருக்கு”.

“ப்ளீஸ், இன்றைக்கு மட்டும் வந்துடுங்க. நாளை முதல் நான் போன் பண்ணி தொல்லை பண்ணவே மாட்டேன்”.

“அப்படின்னா, நான் வருகிறேன்”, என்றாள் சாரு.

நேரு பார்க்..மாலைநேரம்.

கூட்டமே இல்லை, காதலர் தினம் என்பதால்,ஒரு சில காதல் ஜோடிகள் ஆங்காங்கே பேசிக்கொண்டும், பரிசு பொருளுடனும் நின்றுக்கொண்டு இருந்தனர், அத்தனை பேரும் அலுவலகத்திலிருந்தும், கல்லூரியிலிருந்தும் நேரடியாக வந்தது போல தெரிந்தது.

நடைப்பயிற்சி செய்பவர்கள்கூட இன்று குறைவுதான், அவர்களும் காதலர்களுக்காக இடம் விட்டு கொடுத்து இருப்பார்களோ? என எண்ணி மனதுக்குள் சிரித்துக்கொண்டாள்.

காத்திருக்கும் நேரமெல்லாம் வேகமாய் கழியக்கூடாதா என்று ஏங்கினாள்..

சீய்! காலேஜ் பக்கத்திலே இருந்ததால் சீக்கிரம் வந்து விட்டோம், நாம ஏதோ ஆர்வமா இருக்கோம்னு நினைச்சுடப் போறார், கொஞ்சம் லேட்டா வந்து தவிக்க விட்டு இருக்கலாமோ? என யோசித்தாள்.

“ஹலோ,சாரு! எப்படி இருக்கே?”, என தன் நண்பனுடன் வந்தான் பாலா.

“நீ பேசிட்டு வாடா, நான் போய் ஒரு தம்மை போட்டு வர்றேன்”, எனக் கிளம்பினான் நண்பன்.

கையில் உள்ள பரிசு பொருளை அவளிடம் தந்து மண்டியிட்டு, “சாரு! ஐ லவ் யூ” என்றான் பாலா.

இதை சற்றும் எதிர்பாராத சாரு, வெட்கத்தில் நகர்ந்துக் கொண்டாள்.

அந்த சமயம் தனது தெருவில் வசிக்கும் கண்ணன் மாமா, “நடக்கட்டும், நடக்கட்டும்” என சிரித்தபடி கூறியவாறே கடந்து போனார்.

இவளோ பயந்து வெட்கி நின்றாள், நிச்சயம் இன்றைக்கு வீட்டுக்கு செய்தி போயிடும்.

“நீ சொல்லு ,என்னைப் பிடிச்சிருந்தா?”, என்றார் பாலா.

“ஐ லவ் யூ டூ!”, என்றாள் சாரு

“உங்க வீட்டில் நம்ம கல்யாணத்துக்கு இப்போதைக்கு ஒத்துக் கொள்ள மாட்டாங்கன்னு தெரியும், நான் இந்த வருடம் வெயிட் பண்ணுகிறேன், அடுத்த வருடம் அவங்க ஒத்துக்கலைன்னாலும், யார் தடுத்தாலும் உன்னை தூக்கிட்டுப் போய் கோயில்லே திருமணம் செய்வேன், அதுக்கெல்லாம் ஆளு இருக்கு”, என்றான் தைரியமாக.

ரொம்ப தைரியம்தான்!

“எத்தனை வாட்டித்தான் தூக்குவீங்க? அனுமதி பெற்று திருமணம் செய்கிற ஐடியாவே இல்லையா?”.

முப்பத்துமூன்று வருட காதல் வாழ்க்கையை நினைத்து வாய் விட்டுச் சிரித்து மகிழ்ந்தனர் இனிய காதல் ஜோடிகள் சாருவும் பாலாவும்.

“நீ எப்போ என் வீட்டிற்கு சாரி, நம்ம வீட்டிற்கு வருகிறாய்?” என்றான் பாலா என்கிற பாலசுப்ரமணியன்.

ஓய்வுப்பெற்ற கல்லூரி பேராசிரியர், ஆய்வுக்காக வெளியூர் சென்று இருந்தார்.

அடுத்த வருடம் அறுபதாம் கல்யாணம் செய்துக்கொள்ள இருப்பவர்.

“நாளைக்கு கட்டின புடவையோடு வந்து விடுகிறேன்”, என்றாள், அடுத்த வருடம் ஓய்வு பெறப்போகிற பேராசிரியை.

பாலா ஊரில் இல்லாததால் பாதுகாப்பிற்காக தன் தாய் வீட்டில் இருந்த சாரு என்கிற சாருமதி. 

தொடர்புடைய சிறுகதைகள்
யோவ்..இங்க வாய்யா! இதை போட்டுக்க, 202 எண் கொண்ட கைதி உடையை கொடுத்தனர். ஒழுங்கு மரியாதையா நடந்துக்கனும், இருக்கிற இடம் தெரியாம இருந்துக்கனும், அங்கே போ! உடல் பரிசோதனைக்கு டாக்டர் வருவார்! என்று விரட்டினர். மருத்துவர் வந்த பின் அவரது உடல் முழு பரிசோதனை ...
மேலும் கதையை படிக்க...
பாரு...காபி கொண்டு வாம்மா! என்றார் ராமன். ராமன், இரு சக்கர வாகன உதிரி பாகங்கள் விற்பனை கடை ஒன்று சிறிதாக டவுனில் வைத்துள்ளார். நிலபுலங்கள் கிராமத்தில் இருந்தும் படிப்புக்காக புறநகர் வந்து வீடு கட்டி குடியேறிய நடுத்தர குடும்பம். இதோ அப்பா, அம்மா கலந்துண்டுருக்கா! ...
மேலும் கதையை படிக்க...
அப்போ வருடம் 2019ன்னு நினைக்கின்றேன், இப்போ இருக்கிறது போல ஊரு அமைதியாக இல்லே, பட்டித் தொட்டியெல்லாம் இதே பேச்சு, பட்டித்தொட்டினா? ஊரெல்லாம் இதே பேச்சுதான். அப்போ நான் எங்கே இருந்தேன்? நீ சாமிகிட்டே இருந்து இருப்பாய். என தன் பத்து வயது பெயரன் பரத்திடம் கூறிக்கொண்டு இருந்தார் ...
மேலும் கதையை படிக்க...
ஏய்! சிவகாமி, என்ன இது சாம்பாரா? ஒரேயடியா புளிக்குது, என சாப்பாட்டில் பாதியிலே கோபித்து எழுந்துப் போனார் கனகசபை எண்பது வயதைக் கடந்த சிவகாமி அம்மாளின் கணவர், ஓய்வாக வாழ் நாளை கழிக்கும் ஓய்வுப்பெற்ற ஆசிரியர். ஏன் இதுக்கு என்ன? புளி புதிசு. ...
மேலும் கதையை படிக்க...
ராசம்மா,ஒற்றைக் கிழவியாய் வசிக்கும் குடிசை வீடு. இட்டிலி வியாபாரம். மிச்சமீதி இட்டிலிக்காக நாள் முழுவமும் காத்து கிடக்கும் எலும்பும் தோலும் வெளியே தெரிய மணி என்கிற நாய். ராசம்மா கணவன் குடியால் உயிர் பிரிய, தனது கணவன் பேரை நாயிக்கு வைத்தாள் திட்டுவதற்காகவே. அருகே ...
மேலும் கதையை படிக்க...
பாலையூர் போலீஸ் ஸ்டேசனா? சார்! சீக்கிரமா வாங்க, இங்க பூட்டின வீட்டுத் தோட்டத்திலே ஒருத்தன் விழுந்து கிடக்கின்றான். என்ன, ஏது, யாருனு தெரியலை என்று அன்றைய சூரியோதயத்தை ஆரம்பித்து வைத்தனர் , வளர்ந்து வரும் பகுதியான கவி நகர் குடியிருப்பு வாசிகள். ஆய்வாளர் வேற ...
மேலும் கதையை படிக்க...
60 வயசு ஆச்சு, உங்களுக்கும், இன்னும் ஒழுங்கா சாப்பிடக் கூட தெரியலை, கீழே சிந்தாம சாப்பிடக் கூடாதா? என்னமோ? உங்க வளர்ப்பே சரியில்லை என முகம் இழுத்தாள், சீதா. நீயும் புலம்பின்டே இரு, சிந்தினா என்ன? சுத்தம் பண்ணினாப் போச்சு, எனக்கும் கை ...
மேலும் கதையை படிக்க...
ஏண்டி!, மீனாட்சி, நீ வேலை செய்யற ஆபிசர் காலனி வூட்டிலே கல்யாணமாமே, சொல்லவே இல்லே. ஆமா யக்கா,அது சொல்ற மாதிரி ஒன்றும் இல்ல ,என பீடிகை போட்டாள். நல்ல வூடு, நல்ல அம்மா, நல்லப் பொண்னு எல்லாமே என்கிட்டே பாசமாத்தான் இருக்கும். ஐயாதான் கொஞ்சம் ...
மேலும் கதையை படிக்க...
எலே! ஏன்டா! அந்த வேலியைத் தாண்டி போய் போய் நிக்கிறீக? அதான் வாரா வாரம் வந்து கேஸைப் போட்டு நம்ம தாலியை அறுக்குறனோ இல்ல. அப்புறம் ஏண்டா? என ஒரு பெரிசு அதட்டியது ரமேசையும் அங்கே நின்ற பாபுவையும்.. ரமேசு கையில் உள்ள ...
மேலும் கதையை படிக்க...
அமைதியாகத்தான் இருந்தது. உறவினர்கள் வரும் வரை அந்தக்குடியிருப்பு பகுதி , அதில் வசித்த வயது அறுபதைக் கடந்த தம்பதியருக்கு வாரிசு என்று யாரும் இல்லை, அது பற்றிய அவர்கள் கவலையும் கொண்டதில்லை அனைவரிடமும் அன்பு காட்டிப் பழகுவார்கள் , சொந்த ஊர் நாகப்பட்டினம் ...
மேலும் கதையை படிக்க...
கைதி எண் 202
அனுபந்தம்
அத்தி வரதா! வரம் தா!
அனுசரி. அதுதான் சரி
காவல்காரன்
கு(கொ)லை விழும் நேரம்
பிரியா வரம்
தகவல் எந்திரம்
காலனி களவானிகள்
பிரிவில் சந்திப்போம்

இனிது காதல் இனிது மீது 2 கருத்துக்கள்

  1. பா.அய்யாசாமி says:

    உங்கள் பாராட்டுக்கு நன்றி

  2. Riyas Al Mohamed says:

    எத்தனையோ காதல் கதை படித்துஇருக்கிறேன் அனால் இந்த கதை என் வாழ்வில் நிகழ வேண்டும் என்று …மிகவும் ஆசையாக உள்ளது .. கதையின் உரிமையாளருக்கு என் மனமார்ந்த பாராட்டுக்கள்.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)