மாமன்னர் அசோக சக்ரவர்த்தி!..பராக்!….பராக்!…

 

“மாமன்னர் அசோக சக்ரவர்த்தி அவர்களே! ….வருக! வருக!…என் கோரிக்கையை ஏற்று பூலோகத்திற்கு, அதுவும் எங்கள் கோவை மாநகருக்கு வருகை தந்தற்கு மிக்க நன்றி மாமன்னா!..”

“தம்பி இளவலே சரவணா! நீயோ ஒரு பள்ளிச் சிறுவன்!……எதற்கு நான் சொர்க்கத்திலிருந்து உங்க கோவை மாநகருக்கு வருகை தந்து எதை நான் பார்த்து ரசிக்க வேண்டுமென்று இவ்வளவு கடுமையான தவம் செய்தாய்?..”

“மன்னா!…பரிட்சைக்கு சரித்திரப் பாடம் படித்துக் கொண்டிருந்தேன்!….அழகான சாலைகள்!.. இருபக்கமும் நிழல் தரும் மரங்கள்!..என்றெல்லாம் உங்க ஆட்சியைப் பற்றி வர்ணித்திருந்தார்கள்!….இந்த விஞ்ஞான உலகத்தில் தமிழ் நாட்டுச் சாலைகள் எப்படி இருக்கிறது என்று உங்களுக்கு காட்ட வேண்டும் என்ற தீராத ஆசை எனக்கு வந்தது!…அதனால் தவமிருந்து சொர்க்கத்திலிருந்த உங்களை இந்த கோவைக்கு வரவழைத்தேன்!”

“அப்படியா?…எனக்கும் இந்த நவீன வசதிகள் பெருகியிருக்கும் விஞ்ஞான உலகில் உங்க நாட்டு நவீன சாலை வசதிகள் எப்படி இருக்கிறதென்று தெரிந்து கொள்ள ஆசையாகத் தான் இருக்கு! ….முதலில் என்ன பார்க்கலாம்?..”

“ராமநாதபுரம் சிக்னலில் இருந்து நஞ்சுண்டாபுரம் இரண்டு கிலோ மீட்டர் தூரம் தான்! கோவையில் போக்குவரத்து மிகுந்த தினசரி இலட்சக்கணக்கான மக்கள் பயணம் செய்யும் சாலை இது! இந்த சாலையில் உங்களை அந்த இரண்டு கிலோ மீட்டர் தூரத்தை என் பைக்கில் கூட்டிக் கொண்டு போய் காட்டப் போகிறேன்! கிட்டத் தட்ட தமிழ் நாட்டுச் சாலைகள் எல்லாம் அப்படித் தான் இருக்கும்!…”

“அப்படியா!..நானும் உங்க சாலைகளின் நவீன வசதிகளைத் தெரிந்து கொள்கிறேன்!.”

சிறிது நேரத்தில் ராமநாதபுரம் சிக்னலில் தயாராக இருந்த பைக்கில் மாமன்னன் அசோக சக்கரவர்த்தியை ஏற்றிக் கொண்டு புறப்பட்டான் சரவணன்.

பைக் இருநூறு அடி கூடப் போயிருக்காது! “ ஐயோ!…ஐயோ!….” என்று அலறினார் மாமன்னர்.

“ என்ன மன்னா?…”

“நீ என்னை சாலையில் தானே கூட்டிக் கொண்டு போவதாகச் சொன்னாய்?…இப்பொழுது குளம், குட்டைக்குள் எல்லாம் பைக்கை விடுகிறாயே?!…”

“ இல்லை மன்னா!…இது தான் இங்கு சாலை!…”

“ ஐயோ!…எதிரே கிணறு வருகிறதே!..”

“ மன்னா!…அது கிணறு இல்லை!..மூடப் படாத பெரிய சாக்கடைக் குழி!.. மக்களின் பாதுகாப்பே லட்சியமாக கொண்ட எங்க அரசு அதற்குப் பக்கதில் ஒரு குச்சியோடு ஒரு செடியை கட்டி நட்டு வைத்திருக்கிறார்கள்!…அதைப் பார்த்து நாம் ஒதுங்கிப் போய் விட வேண்டும்!..

மேலும் ஒரு கிலோ மீட்டர் சரவணன் கடந்திருப்பான். அதற்குள் மாமன்னர் கூச்சல் போட்டார்.

“ ஐயோ!..என் இடுப்பே போய் விட்டது!…கொஞ்சம் ஓய்வு எடுத்துக்கொண்டு போகலாம்!…நிழல் பார்த்து வண்டியை நிறுத்து!..”

“ என்ன மன்னா!…தமாஷ் செய்றீங்க? ..சாலைக்குப் பக்கத்தில் இந்தக் காலத்தில் எங்கும் நிழல் இருக்காது!.”

“ அது சரி!..நீ என்னிடம் நஞ்சுண்டாபுரம் ரோட்டில் போவதாகச் சொல்லி விட்டு, குளம், குட்டையாகப் பார்த்து வண்டியை ஓட்டுகிறாயே….இது நியாயமா?..”

“ இந்தக் காலத்தில் குளம், குட்டையெல்லாம் தனியாக கிடையாது மன்னா! .அவையெல்லாம்…. சாலைகளுக்கு மத்தியில் தான் இருக்கும்!..”

சரவணன் மேடு, பள்ளம், குண்டு குழிகளில் இருந்து தப்பிக்க பைக்கை வளைத்து நெளித்து எதிரே வரும் வண்டிகளில் மோதாமல் இருக்க சர்க்கஸ் வேலைகள் செய்து பைக்கை ஓட்டிக் கொண்டு போனான்.

ஒரு மேடு ஏறும் பொழுது பைக் மெதுவாகப் போனது. அந்த நேரம் பார்த்து அசோகச் சக்கரவர்த்தி கீழே குதித்து தலை தெரிக்க எதையோ தேடிக் கொண்டே ஓடினார். சரவணன் பைக்கைப் போட்டு விட்டு, “மன்னா! மன்னா…..” என்று அவரைத் துரத்திக் கொண்டுபோய் பிடித்து விட்டான்!

“ என்ன மன்னா எதைத் தேடி ஓடுகிறீர்கள்?”

“ எதாவது பக்கத்தில் மரம் இருக்கிறதா என்று பார்க்கத்தான்!..”

“ சாலைக்கு பக்கத்தில் எல்லாம் இந்தக் காலத்தில் எங்கும் மரத்தைப் பார்க்க முடியாது!…அப்படி ஒன்று ரண்டு இருந்தால் ஏதாவது காரணத்தைச் சொல்லி உடனே அந்த மரத்தை நாங்க வெட்டி விடுவோம்! உங்களுக்கு மரம் எதற்கு?..”

“ தூக்குப் போட்டு இந்த உயிரைப் போக்கிக் கொள்வதற்கு!…”

“ உங்களுக்கு அவ்வளவு கஷ்டம் வேண்டாம் மன்னா!..இப்படியே போத்தனூர் வரை உங்களைக் கூட்டிக் கொண்டு போகிறேன்! ..அதற்குள் உங்கள் உயிர் தானாகப் போய் விடும்!..” என்று அசோகச் சக்கரவர்த்தியை சரவணன் உடும்பு பிடியாக பிடித்துக் கொண்டான். அசோக சக்கரவர்த்தி திமிறிக் கொண்டே இருந்தார்.

“ டேய்!…அறிவு கெட்ட முண்டம்!…சரித்திரப் பாடம் பரிட்சைக்குப் படிப்பதாகச் சொல்லி விட்டு இங்கு வந்து குறட்டை விட்டுத் தூங்குகிறாயே!…” என்று சொன்ன சரவணின் தாய் அன்னம்மா ஒரு வாளி தண்ணீரை அவன் தலையில் அப்படியே கொட்டினாள்!

- பாக்யா பிப் 17-23 2017 இதழ் 

தொடர்புடைய சிறுகதைகள்
பத்து வருடங்களாக தமிழ் திரையுலகில் கொடி கட்டிப் பறக்கும் நட்சத்திரம் ஸ்வர்ணலதா. தமிழ் நாட்டில் உள்ள அனைத்து முன்னணி நடிகர்களுடனும் ஜோடி சேர்ந்து நடித்தாகி விட்டது! முதலில் தன் கவர்ச்சியால் திரை உலகைக் கட்டிப் போட்ட ஸ்வர்ணலதா, இப்பொழுது நடிப்பில் சாவித்திரிக்கு ஈடாகப் ...
மேலும் கதையை படிக்க...
காலை ஆறு மணியிலிருந்து பரமசிவத்தின் வீட்டுப் போனும், கைபேசியும் தொடர்ந்து அடித்துக் கொண்டே இருந்தன. பரமசிவமும் விடாமல் எடுத்து நன்றி சொல்லிக் கொண்டே இருந்தார். காலை ஒன்பது மணி வரை அவருக்கு அதே வேலையாக இருந்தது. போன் மணி ஓய்ந்தவுடன், கம்பியூட்டரில் உட்கார்ந்து ...
மேலும் கதையை படிக்க...
சாந்தியின் அன்பு மகன் மோகனுக்கு அவனுடைய மூன்றாவது வயசிலேயே போலியோ தாக்கப்பட்டு வலது கால் சூம்பிப் போய் விட்டது. பிறப்பும், இறப்பும் யார் சொல்லியும் வருவதில்லை. அது போல் தான் இந்த ஊனமும்! யாரும் விரும்பி ஊனம் அடைவதில்லை! பிறப்பால், விபத்தால், வியாதியால் ...
மேலும் கதையை படிக்க...
என் தோழிக்கு மூணு வேளை சாப்பாடும், போட்டுக்கத் துணியும் கொடுத்தா வீட்டிலேயே தங்கி, கூப்பிட்ட நேரத்திற்கு ஆஜராகி இரவு பகல் எந்த நேரத்திலும் வேலை செய்ய ஒரு வேலைக்காரி தேடிக் கொண்டிருந்தாள்! இந்தக் காலத்தில் நடக்கிற காரியமா இது? எனக்கு நம்பிக்கை இல்லை! ஆனால் ...
மேலும் கதையை படிக்க...
அன்று ஞாயிற்றுக்கிழமை. ராகவனும், பிருந்தாவும் ஹாலில் ஓய்வாக உட்கார்ந்திருந்தார்கள். ராகவனின் வயசான அப்பா சுந்தரம் அன்றைய தினசரி பத்திரிகையில் வந்த பரபரப்பான ஊழல் வழக்கு தொடர்பான செய்திகளில் மூழ்கியிருந்தார். பேரன் செல்வம் அந்த நேரம் ஏதோ வேலையாக ஹாலுக்கு வந்தான். பிருந்தா மகனை ...
மேலும் கதையை படிக்க...
இரவு 8-50 டவுனுக்கு வந்த சேகர், பைக்கில் இரவு வீட்டிற்கு திரும்பிக் கொண்டிருந்தான். சுங்கம் சிக்னலில் சிவப்பு விளக்கு விழுந்து விட்டதால் பைக்கை நிறுத்தினான். பின்னால் வேகமாக வந்த ஒரு கார் பைக் மேல் இடித்து விட்டு நின்றது. சேகர் இறங்கி, “ ஏய்!...உனக்கு கொஞ்சமாவது ...
மேலும் கதையை படிக்க...
அமெரிக்காவில் ஐ.டி. நிறுவனத்தில் வேலை செய்யும் ஷியாமை கல்யாணம் செய்து கொண்டு,அங்கேயே செட்டிலாகி விட்ட தன்னுடைய ஆருயிர் தோழி சிந்துஜா பத்தாண்டுகளுக்குப்பிறகு, இன்றுதான் சொந்த மண்ணை மிதிக்கிறாள். அவளை வரவேற்க விமான நிலையத்திற்கே போயிருந்தாள் ஆர்த்தி. விமான நிலையத்திலிருந்து புறப்பட்ட ஆர்த்தியின் கார் ...
மேலும் கதையை படிக்க...
“ஏய்! ……வாட்ச்மேன்!...உள்ளேபோய்உங்கமுதலாளியைஉடனேவெளியே வரச்சொல்!....” “ எதற்குசார்?...” “ சொன்னதைச்செய்!...இல்லாவிட்டால்உனக்கு உதை கிடைக்கும்!...ஜாக்கிரதை!..” என்றுகைகளைஓங்கிக்கொண்டுஅந்தகோடவுன்வாசலில்வந்துசத்தம் போட்டான் முரளி. அந்தவயசானவாட்ச்மேன்பயந்துபோய்விட்டான். உள்ளேஓடிப்போய்முதலாளியிடம், “சார்!...யாரோஒருஆள்வாசலிலில்உங்களைக்கூப்பிடச்சொல்லிஅடிக்கவருகிறார்!” ஆடி தள்ளுபடி விற்பனைக்காகஒருபெரியகோடவுனைவாடகைக்குப்பிடித்துதற்காலிகமாக ஜவுளிவிற்பனைக்கடையைப்போட்டிருந்தார் அருமைநாயகம். வடநாட்டுமில்களிலிருந்துஏகப்பட்டஜவுளிகளைக்கொண்டுவந்துகுவித்திருந்தார்! நிறையவிளம்பரம்செய்திருந்தார். அதனால்ஏகப்பட்டகூட்டம்! அருமைநாயகம்ஒருஅமைதியானமனுஷன்! வாட்ச்மேன்சொன்னதைக்கேட்டுஎன்னவோஏதோஎன்றுவெளியேஓடிவந்தார். அவரைப்பார்த்தவுடன் “நீங்கஎன்னநெனைச்சிட்டிருங்கீங்க?....ரோட்டைஎல்லாம்விலைக்குவாங்கிட்டநெனப்பா?...கொஞ்சமாவதுஅறிவுவேண்டாம்?..” “ தம்பி!....என்னவிஷயம்என்றுசொல்லு!...தப்பாஇருந்தாசரிசெய்திடலாம்!...” “ உங்களுக்குகண்ணாஇல்லை?....அங்கேநீங்களேபாருங்க!...” முரளிசுட்டிக்காட்டியபகுதியில்காம்பௌண்ட்சுவர்ஓரம்நிறையவாடிக்கையாளர்கள்தாங்கள்கொண்டுவந்தடூவீலர்களைவரிசையாகநிறுத்தியிருந்தார்கள். யாரோஒருவர்அந்தவரிசைக்குப்பின்னால்ரோட்டில் தன்டூவீலரைநிறுத்தியிருந்தார். “யாரோஅவசரத்தில்நிறுத்திவிட்டுப்போயிருக்காங்க…தம்பி! வேண்டுமானால்வாட்ச்மேனைவிட்டுத்தள்ளிவைக்கச்சொல்கிறேன்…நீங்கடூவீலரில்தானேவந்தீங்க..அப்படியேகொஞ்சம்தள்ளிஒதுங்கிப்போயிருக்கலாமே?..” “ என்னசார்!.. நீங்கரோட்டைஅடைச்சுஉங்கவண்டியைநிறுத்துவீங்க!...நான்ஒதுங்கிப்போகவேண்டுமா?…. இப்படிஅறிவுகெட்டத்தனமாபேசறீங்க?...நான்அந்தவண்டிமேலஎன்வண்டியைஏற்றி அதைடேமேஜ்செய்திடுவேன்!..அல்லது ...
மேலும் கதையை படிக்க...
“ என்ன.....மேஸ்திரி.....பையன் யாரு?....” “எம் பையன் தான் முதலாளி!....இப்பவே நம்ம தொழில் நுணுக்கங்களையெல்லாம் கூடவே வச்சு சொல்லிக் கொடுத்துக் கொண்டிருக்கேன்!....” “அப்படியா?....ரொம்ப சந்தோஷம்!... இப்ப நீ வேலை செய்யற கட்டிட வேலை எந்தளவுக்கு இருக்கு?..” “ரூப் சிலாப் போட்டாச்சு....ரூப் பிரிக்கும் வரை சில்லறை வேலை செய்யச் ...
மேலும் கதையை படிக்க...
கோவை திருச்சி ரோட்டில் வேகமாக வந்த ரமேஷ் கூட்டத்தைப் பார்த்து பிரேக் போட்டு, காரை நிறுத்தினான். தேர்தல் நெருங்கும் நேரத்தில் கூடவா சாலை மறியல்? காவல் துறையினர் மறியலில் ஈடுபட்டிருந்தவர்களிடம் பேச்சு வார்த்தை நடத்திக் கொண்டிருந்தார்கள். ரமேஷுக்கு மேற்கொண்டு அந்த சாலை வழியாகப் போவது ...
மேலும் கதையை படிக்க...
இழப்பு!
உண்மை!
உலகை மாற்றும் திறனாளி!
வேலைக்காரி!
ஆரம்பம்!
கோபம்!
தமிழ் நாட்டு அரசியல்!
ஆடித் தள்ளுபடி!
நுட்பம்!
தடை செய்யும் நேரம்!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)