இடமாறு தோற்றப் பிழை

 

சுனாமியே வந்து கதவைத் தட்டினாலும் தலையைப் பத்து முறை வாரிக் கொண்டு இரண்டாம் தடவையாக ஃபேர் அண்ட் லவ்லியை அப்பிக் கொண்டு சாவகாசமாகத்தான் வருவான் ப்ரதீப்.

காரை ஸ்டார்ட் பண்ணி உட்கார்ந்து ஐந்து நிமிஷங்கள் ஆகி விட்டன. பொறுமை இழந்து செல்போனைத் தடவினேன். கையில் சில பூங்கொத்துக்களோடு ஒரு வழியாய் வந்தே விட்டான்.

” இதை விட்டுட்டோம். ” சொல்லிக் கொண்டே அவசர அவசரமாய்க் காரின் உடம்பில் பூக்களை ஒட்டினான். ஏற்கெனவே கார் பூக்களாலும் பலூன்களாலும் நிரம்பி ஜிகுஜிகுவென இருந்தது.

எங்களோடு பர்கரும் பிட்ஸாவும் ஒரே தட்டில் சாப்பிட்டு, ஒரே படுக்கையில் உருண்ட மாணிக் இன்றைக்கு புத்தம்புது மனைவியோடு இந்தியாவிலிருந்து வருகிறான். அவனை வரவேற்கத்தான் இத்தனை ஆர்ப்பாட்டம். போன வாரமே அபார்ட்மென்ட் பார்த்து கட்டில் மெத்தை, கவுச், டிவி, நான்-ஸ்டிக் பாத்திரங்கள் என்று சகலமும் வாங்கிப் போட்டாயிற்று. மாணிக் வந்து குடித்தனம் நடத்துவதுதான் பாக்கி.

முன்னிருக்கையில் அவன் உட்கார்ந்த பின் பெல்ட் போட்டானா என்று பார்த்துக் கொண்டு காரை நகர்த்தினேன். ” ஏர் இந்தியா அரைவல் டைம் செக் பண்ணிட்டியா ப்ரதீப்? ”

” கரெக்ட் டயத்துக்கு வருது. அஞ்சு நாப்பது. ”

ல·பாயட் ரோட் தாண்டுவதற்குள் எதிரே வந்த இரண்டொருவர் பூக்களால் அலங்கரித்திருந்த எங்கள் காரைப் பார்த்து விட்டு உற்சாகமாய்க் கையசைத்தார்கள்.

” ப்ரதிப், இந்த வெள்ளைக்காரங்க சின்ன சின்ன விஷயத்துக்கெல்லாம் ஓவரா ரியாக்ட் பண்ணறாங்க. மாணிக் ஒரு சுத்து பெருத்திருப்பானா? ”

” நிச்சயம் ஆனவுடனேயே ஆள் வெயிட் போட்டுட்டான். அஞ்சு வருஷமா ஒர்க் அவுட் பண்ணின உடம்பில் அஞ்சே வாரத்தில் தொந்தி விழுந்தாச்சு. ”

நெடுஞ்சாலை 65-ஐ எட்டியபோது – எதிரே வருபவர்களில் சிலர் கார் ஜன்னலை இறக்கி விசிலடித்து கையசைத்து விட்டுப் போனார்கள். எனக்கு முதல் முறையாக ஏதோ நெருடியது.

அடுத்த சிக்னலில் ஒரு மூத்த குடிமகள், ” இந்த முறை புஷ் உங்களுக்கெல்லாம் வெக்கப் போறார் ஆப்பு. ” என்று ஆங்கிலத்தில் கத்தினார். அவர் காரிலிருந்த இளம்பெண்கள் களுக் மளுக்கென்று சிரித்தார்கள்.

” ப்ரதிப், ஸம்திங் ராங். ”

காரை அடுத்த ரெஸ்ட் ஏரியாவில் ஓரங்கட்டி நிறுத்தினேன். இறங்கிப் பார்க்கிற போதே, ப்ரதீப் ஞாநோதயம் வந்தவனாய் அலறினான்.

” மாணிக்குக்காக காரைச் சுத்தியும் ஜஸ்ட் மேரீட் ஸ்டிக்கர் ஒட்டி வெச்சேண்டா. ”

- மே 11, 2006 

தொடர்புடைய சிறுகதைகள்
ஒரு பிஸ்டல் தூசு துடைக்கப்படுகிறது!
'மதிப்பிற்குரிய அணு ஆராய்ச்சிநிலைய சேர்மன் அவர்களுக்கு... உங்களுக்காக ஒரு சைலன்ஸர் பிஸ்டல் தூசு துடைக்கப்பட்டுக் கொண்டுடிருக்கிறது.காரணம் உங்களுக்கே தெரியும்! ஆகையால் - அடுத்த நிமிஷத்திலுருந்தே இறப்பதற்குத் தயாராகவும். இப்படிக்கு, 'ரேடியேஷன்' எதிர்ப்பு குழு. சேர்மன் ராகவராவ் முகத்துக்கு, வியர்வை முத்து, முத்தாக மேக்கப் போட்டு விட்டிருந்தது. முற்றிலும் ...
மேலும் கதையை படிக்க...
ஈரக் கோழி மாதிரி வெடவெடவென நடுங்கிக் கொண்டிருந்தான் அனந்து. அவ்வப்போது விலுக் விலுக்கென்று உடம்பு தூக்கிப் போட்டது. சிவந்த கண்களும், உலர்ந்த உதடுகளும் ஒரு மாதிரி கோணிக் கொண்டிருக்க, போர்வைக்குள் சன்னமாய் அனத்திக் கொண்டிருந்தான். இரண்டு மாதங்களாகத்தான் அவனை எனக்குத் தெரியும். அமெரிக்காவுக்குப் புதுசு ...
மேலும் கதையை படிக்க...
சந்திரிகா கோபத்தில் சிவந்திருந்தாள். ஏர் கண்டிஷன் குளிர்ச்சியையும் மீறி அவள் முகத்திலுருந்து வெளிப்பட்டன உஷ்ணக்கதிர்கள். அவளுடைய பரந்த மேஜையின் மேல் அவள் கோபத்துடன் விசிறியடித்த ஃபைல் தவிர ரத்தச் சிவப்பில் இண்டர்காம், அதே நிறத்தில் கார்ட்லெஸ் டெலிபோன், மேஜை காலண்டர், மார்க்கர் பேனாக்கள், ...
மேலும் கதையை படிக்க...
அவன் செத்துக் கிடந்தான். அரசாங்க ஆஸ்பத்திரியின் அழுக்கான வார்டு. " ஸ்டார்வேஷன் டெத். நாலு நாளா கொலைப்பட்டினி கிடந்திருப்பான் போல. பசி மயக்கத்தில் கிறங்கி, நடு ரோட்டில் மயங்கி விழுந்துட்டான். " ஏட்டிடம், " இவன் பாக்கெட்டை சோதனை போடு. " என்றார் இன்ஸ்பெக்டர். சர்ட் ...
மேலும் கதையை படிக்க...
வராந்தா முழுவதும் விரக்தியான முகங்கள். "மக்கள் குறை தீர்க்கும் நாள்" வெள்ளை நிறப் பின்னணியில் நீலவர்ண எழுத்துக்களோடு பேனர் காற்றில் நெளிந்தது. எல்லோருமே கலெக்டரிடம் கொடுப்பதற்காகக் கையில் மனு வைத்திருந்தார்கள். '......உயர்திரு கலெக்டர் சமூகம் அவர்களுக்கு, எனது கணவரும் மாமியாரும் வரதட்சணை கேட்டுப் ...
மேலும் கதையை படிக்க...
ஒரு பிஸ்டல் தூசு துடைக்கப்படுகிறது!
ஆம்புலன்ஸ்
சந்திரிகா
காதல்
குறுநில மன்னர்கள்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)