யாரை கட்டிப்போடுவது?

 

ஒரு விவசாயி தன் குடும்பத்தோடு நகரத்தை நோக்கிப் போய்க்கொண்டு இருந்தார். பயணத்தின் இரண்டாவது நாள் மதியம் அவர்கள் ஒரு பெரிய ஆலமரத்தைப் பார்த்தார்கள். அதன் கீழ் சற்று நேரம் ஓய்வெடுக்க நினைத்தார்கள்.

சும்மா உட்கார்ந்திருக்கும் நேரத்தில் கயிறு திரிக்கலாமே என்று நினைத்தார் விவசாயி. தன் மூத்த மகனை அழைத்து, பக்கத்திலே இருக்கற கடையில போய் கொஞ்சம் சணல் வாங்கிட்டு வா’’ என்றார்.

இரண்டாவது மகனை காய்கறி வாங்க அனுப்பினார்.

மூன்றாவது மகனை மளிகை சாமான்கள் வாங்கச் சொன்னார்.

மருமகள்களுக்கும் வேலை கொடுத்தார். ஒருத்தி சென்று தண்ணீர் எடுத்து வரவேண்டும். அடுத்தவள் விறகு எடுத்துவர வேண்டும். கடைசி மருமகள் மாவு பிசைய வேண்டும்.

தேவையான எல்லாப் பொருட்களும் வந்து சேர்ந்ததும் கயிறு திரிக்க மரத்தடியில் உட்கார்ந்தார் விவசாயி.

அந்த மரத்தில் ஒரு ராட்சசன் வசித்துவந்தான். விவசாயியும் குடும்பத்தினரும் மரத்தடிக்கு வந்து உட்கார்ந்ததில் இருந்து நடந்தது அத்தனையையும் ராட்சசன் கவனித்துக்கொண்டு இருந்தான். விவசாயி ஏன் கயிறு திரிக்கிறார் என்பது ராட்சசனுக்குப் புரியவில்லை. மரத்தில் இருந்து இறங்கி வந்தான். ‘‘ஏன் கயிறு திரிக்கிறாய்?’’ என்று கேட்டான்.

விவசாயிக்கு ரொம்ப பயமாக இருந்தது. அதை மறைத்துக்கொண்டு, ராட்சசனை முறைத்துப் பார்த்தார். ‘‘உன்னைக் கட்டத்தான் கயிறு தயாரிக்கிறேன்…’’ என்றார்.

இப்போது ராட்சசனுக்கு பயமாகிவிட்டது. உருவத்தில் பெரிதாக இருந்தாலும் அவனுக்கு பயந்த குணம்.

தடாலென்று விவசாயியின் காலில் விழுந்தான். ‘‘என்னை ஒண்ணும் பண்ணிடாதே. நான் உன்னைப் பணக்காரனாக்கறேன்’’ என்ற ராட்சசன், ஒரு புதையலைத் தோண்டி எடுத்து விவசாயியிடம் கொடுத்தான்.

விவசாயிக்கு குஷியாகிவிட்டது. தன் பயணத்தை முடித்துக்கொண்டு பெரிய பணக்காரனாக கிராமத்திற்குத் திரும்பினார்.

நடந்த விஷயங்களை விவசாயி மூலமே கேள்விப்பட்ட பக்கத்து வீட்டுக்காரர், தானும் தன் குடும்பத்தாருடன் ராட்சசன் தங்கி இருந்த மரத்தடிக்குப் போனார். தன் மகன்களிடமும் மருமகள்களிடமும் வேலையைச் சொன்னார். மகன்கள், ‘‘மர நிழல் சுகமாக இருக்கிறது. எங்களால் வெயிலில் போகமுடியாது’’ என்று சொல்லிவிட்டார்கள். மருமகள்களும் அவர் சொன்னதைக் கேட்கவில்லை.

அவர், தேவையான பொருட்களை தானே சேகரித்து மரத்தடியில் உட்கார்ந்து கயிறு திரிக்க ஆரம்பித்தார். மரத்தில் இருந்து ராட்சசன் இறங்கி வந்தான். பயமாக இருந்தது.

‘‘ஏன் கயிறு திரிக்கறே?’’ என்றான் ராட்சசன்.

‘‘வேற எதுக்கு உன்னைக் கட்டிப்போடத்தான்’’ என்றார் இவர்.

ராட்சசன் ஒன்றும் சொல்லவில்லை.

‘‘பயமா இருக்கில்லே..? எனக்கு புதையல் கொடுக்கலைன்னா உன்னை விடமாட்டேன்’’ என்றார் அவர்.

‘‘உன் குடும்பத்தைச் சேர்ந்தவங்களே உனக்கு பயப்படாதப்ப நான் எப்பிடி பயப்படுவேன்?’’ என்று கேட்டுவிட்டு சிரித்தான் ராட்சசன்.

மரத்தின் மீது ஏறிக்கொண்டே அவன் சொன்னான்: ‘‘வேற யாரையும் கட்டறதுக்கு முன்னாலே உன் மகன்களையும் மருமகள்களையும் கட்டிப்போடு..!’’

- வெளியான தேதி: 16 பெப்ரவரி 2006 

தொடர்புடைய சிறுகதைகள்
நாடோடிக்கதை வரிசை-19: மணிப்பூர் அந்தப் பெண்ணுக்கு ஒரே மகன்தான். பிறர் வீடுகளில் பாத்திரம் தேய்த்து வாழ்க்கை நடத்தி வந்தாள். ஒருமுறை ஒரு வீட்டில் தானியம் அரைத்துக் கொடுத்தாள். பதிலுக்கு அவளுக்குக் கொஞ்சம் தானியம் கிடைத்தது. அதை விற்பதற்காக சந்தைக்குப் புறப்பட்டாள். ‘‘மகனே, உனக்கு ...
மேலும் கதையை படிக்க...
நாடோடிக்கதை வரிசை-23 ஹரியானா மாநிலம் அந்த விவசாயி தன் தொழிலின் மேல் மிகவும் ஆர்வம் கொண்டவர். எந்த நேரமும் வயல்காடே கதி என்று கிடப்பார். தன் வயல், தோட்டம் ஆகியவற்றின் ஒவ்வொரு அங்குலமும் அவருக்கு அத்துப்படி. விவசாயத்தில் புதிது புதிதாக ஏதாவது செய்துகொண்டே இருப்பார். ...
மேலும் கதையை படிக்க...
ஒரு பண்டிதர் ஒரு வயல் வழியாகப் போய்க் கொண்டிருந்தார். வாய்க்குள் ஏதோ இருப்பதுபோல் தோன்றவே, காறித் துப்பினார். ஒரு சிட்டுக்குருவியின் இறகு வந்து விழுந்தது. அது எப்படி தன் வாய்க்குள் வந்தது என்று அவருக்குத் தெரியவில்லை. வீட்டுக்கு வந்து தன் மனைவியிடம் ...
மேலும் கதையை படிக்க...
நாடோடிக் கதை வரிசை-24 : பஞ்சாப் ஒரு நரி ஆற்றுப் பக்கம் தண்ணீர் குடிக்கப் போனது. எதிர்க்கரையில் இருந்த ப்ளம் மரங்களில் நிறைய பழங்கள் பழுத்துக் குலுங்கிக்கொண்டு இருந்தன. என்ன செய்வது, அந்த நரிக்கு நீச்சல் தெரியாதே.... ஏக்கத்தோடு பழங்களைப் பார்த்துக்கொண்டு இருந்தது ...
மேலும் கதையை படிக்க...
குரங்குக் கூட்டம் ஒன்று ஒருநாள் உண்ணாவிரதம் இருக்க முடிவு செய்தன. ‘‘உண்ணாவிரதத்தைத் தொடங்குவதற்கு முன்னால், ஒரு காரியம் செய்யவேண்டும். விரதத்தை முடிக்கும்போது சாப்பிடுவதற்கான உணவை முதலிலேயே தயாராக வைத்துக் கொள்வோம்’’ என்றது கிழட்டு தலைமைக் குரங்கு. மற்ற குரங்குகளும் தலையசைத்து அதை ஆமோதித்தன. உணவு ...
மேலும் கதையை படிக்க...
மீன் விற்கும் பெண் அரண்மனைப் பக்கமாகப் போனாள். ஜன்னலில் இருந்து எட்டிப் பார்த்த ராணி அவளை அழைத்தாள். அப்போது கூடையில் இருந்து ஒரு பெரிய மீன் வெளியே விழுந்து துள்ளியது. ‘‘இது ஆண் மீனா, பெண் மீனா? எனக்கு பெண் மீன்தான் ...
மேலும் கதையை படிக்க...
நாடோடிக் கதை வரிசை-21 (தமிழ்நாடு) மரத்தின் மீது அமர்ந்து இனிய குரலெடுத்துப் பாடிக்கொண்டு இருந்தது குயில். அதன் தொண்டையில் இருந்து வெளிப்பட்ட குக்கூ, குக்கூ என்ற இசை, கானகம் எங்கும் பரவியது. அந்த மரத்தின் அருகில் ஒரு குட்டை இருந்தது. அதில் ...
மேலும் கதையை படிக்க...
ஊரில் அனைவருக்கும் அந்தத் துறவியைப் பிடிக்கும். ஊரின் ஒதுக்குப்புறத்தில் ஒரு சிறிய குடிசையைப் போட்டுக்கொண்டு தன் சிஷ்யனோடு எளிமையாக வாழ்ந்துவந்தார். தன்னைத் தேடி வருபவர்களுக்கு நல்ல கருத்துகளைச் சொல்லி ஆசீர்வதிப்பார். ஒரு நாள் அவர் தியானம் செய்துகொண்டு இருந்தார். அப்போது அவரது மனக்கண்ணுக்கு ...
மேலும் கதையை படிக்க...
இது போச்சு… அது வந்தது… டிரம்..டிரம்..டிரம்!
எடு, என் பங்கை!
நாடோடிக்கதை வரிசை-23
பறவைகள் படைப்பவன்!
கட்டிக்கோ!
குரங்குகளின் உண்ணாவிரதம்!
ஏன் சிரித்தது மீன்?
பாட்டுப் பாடவா…
பன்றியைக் கொன்று விடு!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)