பூமராங்

 

வேலையில்லாப் பட்டதாரிகளான அந்த நால்வரும் தினமும் மாலையில் குறிப்பிட்ட அந்தப் பாலத்தின் மீது அமர்ந்து, நேரம் போவது தெரியாமல் அரசியல், சினிமா, விளையாட்டு, நடிகைகளின் அந்தரங்கம் என பொறி பறக்க அலசுவார்கள்.

அதிலும் சினிமா நடிகைகளைப் பற்றிய அலசல் என்றால் அவர்களுக்கு ஆர்வம் அதிகம்.

விவேக் வேகமுடன் சொன்னான், “பிலிம் இண்டஸ்டிரில எல்லா நடிகைகளும் படுத்துதாண்டா ஆகணும்…அதனாலதான் நல்ல குடும்பத்துப் பெண்கள் எவரும் நடிக்க வர மாட்டாங்க. ஹரிசாண்டல் அக்ரிமென்ட் முடிந்தப்புறம்தான் நடிப்பதற்கான அக்ரிமெண்டே, புரியதா?”

சங்கர், “எல்லோரையும் அப்படிச் சொல்ல முடியாது மச்சி, என்னோட ஹீரோயின் லதாங்க்கினி பேமிலி பேக்கிரவுண்டே தனி….அவ கான்வென்ட்டில் படிச்சவ, எவனும் அவள தொட்டிருக்க முடியாது தெரியுமா?” என்றான்.

விவேக் கிண்டலாக, “நீ என்ன லதாங்கினி பெட்ரூம் வரையிலும் போய்ப் பார்த்த மாதிரி பேசறியே” என்றதும் மற்ற நண்பர்கள் வெடித்துச் சிரித்தார்கள்.

மூர்த்தி அவசரமாக “நவீன், நீயே முழு சிகரெட்டையும் முடிச்சுடாதே, ரவுண்ட்ஸ் விடு” அவன் கையிலிருந்த சிகரெட்டை வாங்கி புகை இழுத்தான்.

விவேக் தொடர்ந்து, “கேவலம் எட்டாயிரம், பத்தாயிரம் சம்பளத்துக்காக ஆபீஸ்ல வேலை பார்க்க வர்ற பெண்களையே அவனவன் ஓரம்கட்டி படுக்கைல தள்ளிடராணுங்க, லட்ச லட்சமா சம்பளம் வாங்கிற நடிகைகளை மட்டும் விட்ருவானுங்களா என்ன? அது ஒரு மோசமான இண்டஸ்டிரி அதுல ஒருத்தியும் யோக்கியமில்லை அத முதல்ல புரிஞ்சுக்க” என்றான்.

நவீன் “சினிமால பெஸ்ட் மாரிட் கப்பிள் யார் தெரியுமா? அந்தக் கப்பிளைதான் எல்லோரும் கல்யாணத்திற்கு மணத் தம்பதிகளை வாழ்த்த அழைப்பார்கள்..”

“……………”

“அவர்கள்தான் ராதிகாவும், சரத்குமாரும். சரத் மூன்று முறையும், ராதிகா நான்கு முறையும் ஏற்கனவே கல்யாணம் ஆனவங்க…அதுனால அவங்கதான் பெஸ்ட் மாரிட் கப்பிள்” நவீன் சொன்னதும் அங்கு ஒரே சிரிப்பு.

இரவு எட்டு மணிக்கு அவர்கள் அரட்டை கலைந்து, விவேக் வீடு திரும்பிய போது, தன் வீட்டு வாசலில் படகு போன்று ஒரு வெள்ளை நிற பென்ஸ் கார் நிற்பதைப் பார்த்து வியப்புடன் உள்ளே சென்றான்.

வீட்டினுள் அவன் குடும்பத்தினர் முகங்களில் மகிழ்ச்சி பொங்க, கூடத்தின் நடுவே நடுத்தர வயதில் அமர்ந்திருந்த ஒருவரை பரபரப்புடன் உபசரித்துக் கொண்டிருந்தார்கள்.

விவேக் ஒன்றும் புரியாமல் விழிக்க, அவனுடைய அப்பா சந்தோஷத்துடன் சொன்னார், “விவேக், நல்ல காலம் பொறந்திருச்சுப்பா… காலேஜ் விட்டு வீடு திரும்பிக் கொண்டிருந்த உன் தங்கச்சி ரம்யாவைப் பார்த்த பிரபல தயாரிப்பாளர் மதனகோபால் அவருடைய புதுப் படத்துக்காக நம்ம ரம்யாவை ஹீரோயினா புக் பண்ண வீடு தேடி வந்து மூன்று லட்சம் அட்வான்ஸும் கொடுத்திருக்கார்.” 

தொடர்புடைய சிறுகதைகள்
(‘இல்லாள்’ கதையைப் படித்தபின் இதைப் படித்தால் புரிதல் எளிது.) மனைவி மரகதத்தின் காரியங்கள் முடிந்ததும், மகள்கள் இருவரும் சபரிநாதனை தங்களுடன் வந்து இருக்கும்படி வருந்தி வருந்தி அழைத்தனர். ஒரு மாற்றத்திற்காக ஹைதராபாத் மகள் வீட்டில் சில நாட்களும்; பெங்களூர் மகள் வீட்டில் சில நாட்களும் ...
மேலும் கதையை படிக்க...
தன்னுடன் அலுவலகத்தில் பணி புரியும் சுந்தரத்தை வீட்டுக்கு அழைத்து வந்திருந்தார் தீனதயாளன். இருவரும் வரவேற்பறையில் அமர்ந்து அலுவலக விஷயங்களைப் பற்றிப் பேசிக் கொண்டிருந்தார்கள். சிறிது நேரத்தில் பேச்சு குடும்ப விஷயத்துக்குத் திசை திரும்பியது. எட்டாவது படிக்கும் தன் மகன் சரியாகவே படிக்கமாட்டேன் ...
மேலும் கதையை படிக்க...
சென்னை அண்ணா சாலையில் உள்ள அந்தக் கம்பெனியில் வனிதாவுக்கு ஒரு தற்காலிக வேலை கிடைத்ததும் பூரித்துப்போனாள். அவளது மூன்று வருடக் கொலைக் கனவு நனவாகப் போகிறது என்பதால் சந்தோஷித்தாள். ஜெயராமனைக் கொல்ல, மூன்று வருடங்களுக்கு முன்பே – வனிதாவின் அக்கா தற்கொலை செய்துகொண்டபோதே ...
மேலும் கதையை படிக்க...
என் பெயர் அருண். வயது இருபது. மானேஜ்மென்ட் படிக்கிறேன். இரண்டு தங்கைகள். அடையாறில் வீடு. அப்பா சென்னையில் ஒரு பெரிய கம்பெனியின் மானேஜிங் டைரக்டர். நான் மிகவும் மென்மையானவன். என் அப்பாதான் எனக்கு ஆதர்ஷ புருஷர். அப்பா எனக்கு நல்ல நண்பர். என் முதுகில் அன்பாகத் ...
மேலும் கதையை படிக்க...
மாலை நான்கு மணிக்கு என்னை சென்னை மத்திய சிறையில் இருந்து விடுவித்தார்கள். ஒரு திருட்டு கேஸ்ல ரெண்டு வருஷம் உள்ள போய்ட்டு வெளிய வரேன். எனக்கு வயது இருபது. விவரம் தெரிந்த நாளிலிருந்தே வீட்டுக்கு அடங்கியதில்லை. திருட்டு, ஏமாற்று, பொய், குடி, பீடி, ...
மேலும் கதையை படிக்க...
சமையல்காரன்
மதிப்பெண்கள்
திட்டமிட்டக் கொலை
ஈர்ப்பு
கடைசி மூச்சு

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)