மகளுக்காக…

 

கடற்கரைக்குக் காற்று வாங்கச் சென்ற அலமேலு இடியை வாங்கிக் கொண்டு திரும்பி வந்து சோபாவில் அமர்ந்தாள்.

சேகரும் திவ்யாவும் நெருங்கி அமர்ந்து சுண்டல் தின்று மகிழ்ச்சியாக இருந்த காட்சி அவளால் நம்ப முடியவில்லை. நம்பாமலும் இருக்க முடியவில்லை. இடியின் உறுத்தலாய் இன்னும் மனதை விட்டு விலகாமல் இம்சை.

திவ்யாவிற்காக செண்பகம் பட்டபாடு கொஞ்சமில்லை. பிறந்த ஆறு மாதத்திலேயே தாயும் மகளையும் தவிக்க விட்டுவிட்டு எவளோடோ ஓடினவன்தான் பெற்றவன். அப்புறம் திரும்பிப் பார்;க்கவி;ல்லை. ஏன் இன்றுவரை இருக்கானா இல்லையா தெரியவில்லை.

காதலுக்காக வீட்டைத் துறந்து…. கணேசனே கடவுள் என்று வந்தவளுக்கு…. அந்த கடவுளே காணாமல் போனபிறகு…..குச்சு வீட்டில் பிழைக்க வழி தெரியாமல் கூழுக்கும் கதி இல்லாமல் கிடந்தவளைக் காப்பாற்றி கரை சேர்த்தது இந்த விதவை அலமேலுதான். இவ்வளவிற்கும் இருவருக்கும் ஒட்டுமில்லை, உறவுமில்லை. ஏழ்மையின் பிடிப்பில் ஒருவருக்கொருவர் அன்பு, அனுதாபம்.

இருவரும் அந்த கிராமத்தில் இருக்கப்பிடிக்காமல் ஏதோ ஒரு முடிவெடுத்து பட்டினம் வந்தார்;கள். ஒரு ஓலைக்குடிசையில் ஒண்டிக்கொண்டு சித்தாள் வேலையில் பழகினார்கள். யார் நல்ல காலமோ தெரியாது. இவர்கள் சித்தாட்களாக வேலை செய்த கட்டிடத்தில் ஒரு நாள் படப்பிடிப்பு நடந்தது. அன்று அந்த இயக்குநரின் கண்ணில் பட்டாள் செண்பகம். அடுத்து பெயர் கூட மாற்றாமல் ஓகோ.

அந்த இயக்குநர் ரொம்ப நல்லவர். அப்படி இப்படி ஆசைப்படாதவர். செண்பகத்திடம் ;புகை படிந்திருந்த அழகை, திறமையை துலக்கி, விலக்கி, தோண்டி எடுத்து உச்சத்திற்குக் கொண்டு வந்து விட்டார்.

இந்த இயக்குநரையும் செண்பகத்தையும் இணைத்து எழுதாத பத்திரிக்கைகளேக் கிடையாது. அவரும் இவளும் அவைகளைக் கண்டு கொள்வதே இல்லை. உண்மை இருந்தால்தானே உறுத்த. இல்லை என்கிற போது…..? அது குப்பை.

அப்படியும் ஒரு நாள் செண்பகம் அந்த இயக்குநரிடம், ”சார்! நம்மைப் பத்தி இப்படி கன்னாபின்னான்னு எழுதுறாங்க. அதுல உங்களுக்குக் கோபம், வருத்தம் இல்லையா ? ” கேட்டாள்.

அதற்கு அவர், ”குப்பையை மதிச்சாலும் கோபுரமாகாது. மதிக்காம இருந்தாலும் கோபுரமாகாது. அப்புறம் எதுக்குக் அதைப் பத்தி சிந்தனை, கவலை ? ” கேட்டார்.
”இதையெல்லாம் உங்க மனைவி படிப்பாங்களா ? ” செண்பகம் விடவில்லை.

”படிப்பாள்.!”

”அப்புறம் ? ”

”சிரிப்பாள்.!”

”சார் !!”

”அவ்வளவு நம்பிக்கை.!”

”சரி. இந்த பொய்யை மெய்யாக்கனும்ன்னு உங்க மனசுல என்னைக்காவது தோணினதுண்டா ? ”

”உனக்கு தோணிச்சா ?”

”இல்லை.”

”எனக்கும் இல்லை. செண்பகா.! எனக்கு நல்ல மனைவி, மக்கள் அமைஞ்சிருக்காங்க. அப்புறம் எதுக்கு வீணாசை ?! இந்தத் துறையில இனாமா கிடைக்குதுன்னு எதையும் எடுத்துப் பூசிக்கக்கூடாது. அதுதான் நல்ல மனுசாளுக்கு அழகு. இதுல ஒரு சிலர் பேர் உதாரணமாய் இருக்காங்க. அதுல நானும் ஒருத்தன்.” சொன்னார்.

படப்பிடிப்பு இடைவேளை. தங்களைச் சுற்றி குழுவினரே கூடி இருக்கிறார்கள் என்கிற உணர்வின்றி, ”ஐயா..ஆ !” என்று அவர் காலில் விழுந்து வணங்கி கலங்கினாள் செண்பகம். அருகிலிருந்த அலமேலும் அந்த உணர்ச்சிப் பிரவாகத்தில் கரைந்து கண்களைத் துடைத்தாள்.

கைக்குழந்தையை வைத்துக்கொண்டு நடிப்புத் தொழில் செய்வதென்பது சாதாரண விசயம் இல்லை. சுமக்கும் பொறுப்பை அலமேலு ஏற்றுக் கொண்டாலும் குழந்தை பசியென்று கத்தினால் நடிப்பை விட்டு ஓடிவந்து… நிறைய இயக்குநர்களிடம் திட்டு வாங்கி இருக்கிறாள்.

ஒரு நாள் ஒரு இயக்குநர், ”இப்படி வேலையை வீணடிச்சா அடுத்து யாரும் உங்களுக்கு வாய்ப்புக் கொடுக்க மாட்டாங்க.” சொன்னார்.

”பரவாயில்லே சார். இந்தத் தொழில் இல்லேன்னா….கௌரவமா பொழைக்க பழைய சித்தாள் தொழில் இருக்கு.” சொன்னாள்.

ஏன் ? இப்படி கேட்ட கதாசிரியர்கள், உதவி இயக்குநர்கள், மொத்தப் பேர்களிடமுமே இதே பதிலைச் சொன்னாள்.

அடுத்து இவளிடம் யாரும் இது பற்றி பேசவில்லை. கெட்டதிற்கு…… குழந்தை கை கேடையம், காவலாகவும் இருந்தாள். அதையும் தாண்டி வருபவைகளைச் செண்பகம் தடுத்தாள், மறுத்தாள்.

பெற்ற பெண்ணின் மேல் செண்பகத்திற்கு அளவுக்கதிமான பாசம்.

”அலமேலுக்கா ! என் பொண்ணு நல்லா படிச்சு டாக்டர், இன்ஞினியர்; ஆக விருப்பமில்லே. எல்லாரும் மதிக்கிற கலெக்டராகனும். சத்தியமா இந்தத் தொழிலுக்கு வர விடமாட்டேன். அசந்தா… ஆளைக் கொத்திக் குதறும் தொழில். முகச் சாயம் அடிக்கிற ஒப்பனை ஆளிலிருந்து….ஆடை வடிமைப்பு, அது இது அத்தனை பேர்களிடமும் மரக்கட்டையாய் நிக்கனும். ஒளிப்பதிவாளர், இயக்குநர், நடனக் கலைஞர்கள் எல்லாம் சொல்றபடி செய்யனும். ஜொள்ளு வழிவதைத் தொடைக்கனும் படுக்கைக்கு அழைக்கிறவனுக்கு தடுப்பு சொல்லனும்ன்னு இப்படி ஆயிரத்தெட்டு குளறுபடி. இப்போ மொத்தத்துக்கும் ஆபத்தாய்….அரசியல்வாதிகள், ரவுடிகள் புகுந்து அட்டகாசம். ஆசிட் வீச்சு, கொலைன்னு தப்பிக்க முடியாத அளவுக்கு மிரட்டல.; வாய்ப்புப் பிடிக்கனும்ன்னு வேற விருந்து அது இதுன்னு பெண்கள் வலிய போய் நாசம். திவ்யாவை இப்படி சீரழிய விடமாட்டேன். கலெக்டர்தான். !”

”அப்புறம் கலியாணக் கதையைக் கேளு. நம்ம ரெண்டு பேருக்கும் உள்ளது போக…மத்ததெல்லாம் அவளுக்குத்தான். முடிக்கொரு பவுன் கோர்ப்பேன். தம்பதிகளுக்குத் தங்கக் கட்டில் கொடுத்து சென்னைப் பட்டினமே திரும்பிப் பார்க்கிற அளவு திருமணம் முடிப்பேன்.”

”சரி சரி. கனவு, கற்பனைகள் போதும்.” அலமேலுதான் அவளை அடக்குவாள். ஆசுவாசப் படுத்துவாள்.

அந்தத் தாயின் மொத்த கனவுகளை இதோ திவ்யா தகர்க்கிறாள். தாயின் கால்ஷீட்டுகளைக் கவனிக்கும் இளைஞன் சேகர் மேனேஜரைக் காதலிக்கிறாள். எப்படி ஒட்டி உட்கார்ந்து….????

நினைத்துப் பார்க்கவே தலை சுற்றியது. அலமேலுவிற்கு.

செண்பகத்திற்கு இது தாங்கவே தாங்காது.!! வழி ?….

யோசனையில் அப்படியே இறுகி… சோபாவில் அமர்ந்திருந்தாள் அலமேலு.

மணி 7.00.

உள்ளே வந்த திவ்யா வழியில் அமர்ந்திருந்த அலமேலுவை அழைக்காமல் நேரே அடுப்படி சென்று காபியோடு வந்து அவள் அருகில் அமர்ந்து அருந்தி….

”பெரியம்மா ஒரு சேதி !” என்றாள்.

”அதுக்கு முன்னாடி நான் உனக்கு ஒரு சேதி சொல்லனும்…”

”சொல்லுங்க ? ” காபியை முடித்து கீழே வைத்தாள்.

”இந்தக் குடும்பத்துல என்னை எப்படி நினைக்கிறே ? ”

”என்ன பெரியம்மா கேள்வி.! நீ இல்லேன்னா இந்த குடும்பமே இல்லே. நீதான் இந்தக் குடும்பத்துக்கு மூத்தவள், முதல். உன் பேச்சுக்கு இங்கே மறுபேச்சுக் கிடையாது.”

”அப்படின்னா என் பேச்சைக் கேள். சொல்றதைச் செய்.”

”சொல்லுங்க ? ”

”உன் காதலைக் கொலை செய்.”

”பெரிம்மா….ஆ!” திவ்யா அதிர்ந்தாள், அலறினாள்.

”செண்பகம் சத்தியமாய் இடிஞ்சிடுவாள், சாய்ஞ்சிடுவாள்!”

திவ்யாவிற்கு இடி இடி மேல் இடியாய் மீள முடியாத அதிர்ச்சி.

”என்ன பெரிம்மா சொல்றீங்க? ”

”அவ காதுக்குப் போறதுக்கு முன்னாலேயே அதை அழிச்சுடு. கலைச்சுடு.”

திவ்யா கண்களுக்குள்ளிலிருந்து கண்ணீர் புறப்பட்டு வழிந்தது.

”அதுக்கான காரணம் வேணாம்மா. சொன்னால் உன்னால தாங்க முடியாது.”

”வேணாம் சொல்லவேணாம் அக்கா. திவ்யா சேகர் திருமணம் நிச்சயம் நடக்கும்!” என்றபடி செண்பகம் உள்ளே வந்தாள்.

அலமேலும் திவ்யாவும் அவளை அதிர்ந்து பார்த்தார்கள்.

”படப்பிடிப்பு விட்டு வந்து வாசல்ல நின்னு நான் நீங்க பேசுன பேச்செல்லாம் கேட்டேன். சேகர் நாலு நாளைக்கு முன்னாடியே என்கிட்ட எல்லா விசயத்தையும் சொல்லிட்டார். மகளுக்காக கனவுகளைக் கலைக்கலாம். ஆசாபாசத்தைத் துறக்கலாம்.! அதனால இனி தப்பு தவறு கூடாதுன்னு சரியாய்க் கண்டிச்சு இவுங்க காதலுக்குப் பச்சைக் கொடி காட்டிட்டேன். அக்கா ! உங்ககிட்ட சொல்ல நேரம் இல்லே. மன்னிச்சுக்கோங்க.” சொல்லி மகள் அலமேலு இடையில்; அமர்ந்தாள்.

திவ்யா மலர்ந்து, ”அம்மா !” என்று அவள் தோளில் முகம் பதித்து கேவினாள்.

இன்னும் அதிர்வு அகலாத அலமேலுவை செண்பகம் ஆதவராக அணைத்து கலங்கினாள்.

அந்த கண்ணீரில் கரைவது செண்பகம் – சேகர் உறவு என்பது அலமேலுவிற்கு துள்ளியமாகத் தெரிந்தது.!! 

தொடர்புடைய சிறுகதைகள்
எதிர் வீட்டு நித்யாவைப் பார்க்கப் பிரவீனாவிற்குப் பொறாமையாக இருந்தது. இவளுக்கும் அவளுக்கும் தொழில் ஒன்று. பலான தொழில். பிரவீனாவிற்கு ஆள் கிடைப்பது அரிதாயிருக்கிறது. நித்யாவிற்கு அப்படி இல்லை. நிறைய கிடைக்கிறார்கள் . தனக்கு அழகில்லையா...? எழுந்து சென்று கண்ணாடியில் பார்த்தாள். நித்யாவை விட இவள் எந்தவிதத்திலும் ...
மேலும் கதையை படிக்க...
காலை 8.00 மணிக்கே கைபேசியில் அழைப்பு. சோபாவில் உட்காhர்ந்து தினசரி விரித்துப் படித்துக்கொண்டிருந்த கோபால் அதை எதிரிலுள்ள டீபாயில் வைத்து விட்டு ஒலித்த கைபேசியை எடுத்துப் பார்த்தார். அருமைக்கண்ணு.! ஆத்மார்த்தமான நண்பர். நான்கு வருட வயது வித்தியாசமிருந்தாலும் சிறுவயதிலிருந்தே ஒரே ஊர். பக்கத்துப் பக்கத்துத் தெரு. ...
மேலும் கதையை படிக்க...
மூன்றாம் வகுப்பு மகேஷ், பேரனை அழைக்க அந்த பள்ளிக்கூட வளாகத்திற்குள் நுழைந்த தாமோதரன் அவன் வந்ததுகூட அறியாமல் அங்கு பிரமாதமாய் நிழல்கொடுத்து பிரமாண்டமான நின்ற மரத்தை இரு கை விரித்து ஆசையாய் அணைத்தார். அருகில் வந்து நின்ற அவனுக்கு ஆச்சரியம். ''தாத்தா!'' அவர் சட்யைப் ...
மேலும் கதையை படிக்க...
பூங்காவின் ஓரத்தில் தன் மூன்று சக்கர வாகனத்தை விட்டு இறங்காமல் தூரத்தை வெறித்தான் தினகரன். அருகில் உள்ள சிமெண்ட் இருக்கையில் மாதவி. அதிக நேர வெறிப்பிற்குப் பின்....... ''நீ உன் முடிவை மாத்திக்கோ மாதவி..! "மெல்ல சொன்னான். "ஏன்...??...." "சரிப்படாது !" "அதான் ஏன்னு கேட்கிறேன்..!" "உன் காதலை என்னால் ஏத்துக்க ...
மேலும் கதையை படிக்க...
நான் நண்பர் வீட்டில் அமர்ந்து பேசிக்கொண்டிருக்கும்போதுதான் அவர் பையன் பெரிய துணிப்பையில் எதையோ வாங்கி வந்தான். "என்னப்பா அது...?" என்றேன். "கோதுமை சார் ."என்றான். "எங்கே இருந்து வாங்கி வர்றே..? '' "நியாய விலைக் கடையில சார்" சொல்லிச் சென்றான். அடுத்த வினாடி எனக்குள்ளும் வாங்க வேண்டும் என்கிற ...
மேலும் கதையை படிக்க...
' இந்திய நேரம் காலை சரியாய் எட்டு மணியளவில் ஐநூறு பயணிகளுடன் துபாயிலிருந்து இந்தியா நோக்கி வந்த விமானம் இயந்திர கோளாறு காரணமாக நடுவானில் வெடித்துச் சிதறி கடலில் மூழ்கியது. அதில் பயணம் செய்த அத்தனைப் பயணிகளும் பலி! ' - ...
மேலும் கதையை படிக்க...
''அம்மா. .! அம்மா ...! '' முகம் நிறைய மகிழ்ச்சியைச் சுமந்து கொண்டு விரைவாய் வரும் மகனைக் கண்டதும் அப்படியே மலை த்துப் போய் நின்றாள் தாய் விசாலாட்சி. சட்டென்று கையில் வைத்திருந்த மைசூர் பாக்கை அவன், தன் தாயின் வாயில் திணித்தான். வாய் ...
மேலும் கதையை படிக்க...
காலை... வழக்கம் போல் குளித்து, உடையணிந்து, கண்ணாடி முன் நின்று முகத்திற்குப் பவுடர் பூசி...ஒட்டுப் பொட்டெடுத்து கவனமாய் நடு நெற்றியில் ஒட்டிய நித்யா....சாமி மாடத்திற்கு வந்தாள். அங்கு கண்மூடி கைகூப்பி ஒரு வினாடி வணங்கி முடித்து கொஞ்சமாய் குங்குமம் எடுத்து நெற்றியில் இட்டுக் கொண்டவள் ...
மேலும் கதையை படிக்க...
' அறுபது வயதில் ஒருவருக்குத் திருமணம் ! அதுவும் இரண்டாவது திருமணம், மறுமணம் !! ' - கேட்கவே உள்ளுக்குள் கோபம் கொப்பளித்தது. அதே சமயம். .. அவர்.... அப்பாவின் நண்பர் என்பதால் எனக்கும் பழக்கம், நெருக்கம், உலகம் தெரிந்தவர். அவரா இப்படி. ..?! ...
மேலும் கதையை படிக்க...
தேர்தலில் வெற்றி பெற்று அமைச்சராகவும் ஆகிவிட்ட ஆளவந்தார் தன் உயர்விற்கு அல்லும் பகலும் பாடுபட்ட நெருக்கமானவர்களைத் தனியே சந்தித்தார். ''உங்களுக்கெல்லாம் நான் எப்படி கைமாறு செய்யப்போறேனோ !'' நெகிழ்ந்தார். ''பெரிய வார்த்தையெல்லாம் வேணாம். அதெல்லாம் அப்புறம். மொதல்ல நாம ஒரு முக்கியமான காரியம் செய்யனும்.'' ...
மேலும் கதையை படிக்க...
தொழில் ரகசியம்..!
சுருதி பேதங்கள்..!
மரம்
காதல் ..?!!
சாபம்..!
திருமணம்…!
தாய் நண்டு..!
பட்டுப் போன பசுமரங்கள்!
அப்பாவின் நண்பர்…!
ஆளவந்தவர்..! – ஒரு பக்க கதை

மகளுக்காக… மீது ஒரு கருத்து

  1. Muthu says:

    காரை ஆடலரசன் கதைகள் அருமை.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)