Warning: Cannot modify header information - headers already sent by (output started at /home/content/42/10186442/html/index.php:2) in /home/content/42/10186442/html/wp-content/themes/Clipso/functions.php on line 189
Sirukathaigal - Sirukathai - Short Stories in Tamil

காதல் பரிமாணங்கள்

 

“குமார் நான் உன்கிட்ட பர்சனலா பேசணும், காண்டீனுக்குப் போய் பேசலாம் இப்பவே வாயேன்.”

காண்டீன் சென்று கூப்பன் கொடுத்து இரண்டு கப் டீ வாங்கியதும் ஒதுக்குப் புறமான மேஜைக்குச் சென்று அமர்ந்தோம்.

தாமஸ் தொடர்ந்தான், “குமார் நானும் நீயும் அடுத்தடுத்த சீட்டில் கடந்த மூன்று வருடங்களாக வேலை செய்றோம். உன்னைவிட நான் வயதானவன், குடும்பஸ்தன் என்றாலும் நீ என்னை ஒரு நல்ல நண்பனாக ஏற்று என்னிடம் வெளிப்படையாக பழகுகிறாய். இப்ப உன்னால எனக்கு ஒரு பெரிய உதவி செய்ய முடியும், செய்வியா குமார்?”

என் கைகளைப் பற்றிக் கொண்டான்.

தாமஸின் இந்தப் பீடிகை எனக்குப் புதுமையாக இருந்தது. அவனின் வேண்டுகோள் மிகவும் பார்மலாகப் பட்டது.

“என்ன தாமஸ் பெரிய பெரிய வார்த்தைகளெல்லாம் பேசற, என்னன்னு சொல்லு கண்டிப்பா செய்றேன்.”

“குமார் நீ எமல்டாவை தீவிரமாகக் காதலித்ததும், பிறகு உங்களிடையே தோன்றிய சில மனஸ்தாபங்களினால் அந்தக் காதல் முறிந்ததும் எனக்குத் தெரியும். நீயும் எமல்டாவும் காதலித்த இரண்டு வருடங்களில் நீங்கள் சுற்றிய இடங்கள், சென்ற பிக்னிக்குகள், பரிமாறிக்கொண்ட கடிதங்கள் அனைத்தையும் என்னிடம் நீ சொல்லியிருக்கிறாய்.”

“………”

“ஆனா இப்ப நிலைமையே வேற, நம் அலுவலகத்தில் புதிதாகச் சேர்ந்திருக்கும் என்னுடைய அக்கா மகன் பீட்டரை எமல்டா வளைத்துப் போட்டிருக்கிறாள். அவர்கள் இருவரும் அடுத்த மாதம் திருமணம் செய்து கொள்ளப் போகிறார்களாம்… இதை பீட்டரே என்னிடம் சொன்னபோது என்னால தாங்க முடியல, அவனை கண்டபடி திட்டினேன்.

“உனக்கும் எமல்டாவுக்கும் இருந்த காதலை அவனிடம் எடுத்துச் சொன்னேன். பீட்டர் தன முடிவை மாற்றிக் கொள்ளவில்லையானால், அவனை வீட்டை விட்டுத் துரத்திவிடுவதாகவும் எச்சரித்திருக்கிறேன்.”

“சரி தாமஸ் இதுல நான் உனக்கு எந்த விதத்துல உதவ முடியும்?”

“நீ பீட்டரைப் பார்த்து அவன கன்வின்ஸ் பண்ணனும், என்னைப் பொறுத்தவரை இந்தக் கல்யாணம் நடக்கக்கூடாது. எமல்டா ஒரு நல்ல பெண் அல்ல என்பது என் திடமான முடிவு. ஒருத்தனை இரண்டு வருடங்கள் காதலித்து அவனுடன் ஊரெல்லாம் சுற்றிவிட்டு, பிறகு அவனைப் பிரிந்த மூன்று மாதங்களில் அவ இன்னொருத்தனை காதலிச்சு திருமணமும் செய்து கொள்ளப் போகிறாள்னா, அவ எப்பேர்ப்பட்டவளா இருக்கணும்? அதுவும் இந்தக் கண்றாவி என் குடும்பத்துலதானா நடக்கணும்? ப்ளீஸ் குமார், இவங்க கல்யாணம் நடக்காம இருப்பதில்தான் என்னுடைய கெளரவமே அடங்கியிருக்கு… யூ நோ பீட்டரை நான் இந்தத் தோள்ல தூக்கி வளர்த்தேன்…”

உணர்ச்சி வசப்பட்டு தன தோளைத் தட்டிக் காண்பித்தான்.

என் மனது மிகவும் சங்கடப்பட்டது.

எமல்டா என் முன்னாள் காதலி. நல்லவள், நேர்மையானவள். இருப்பினும் எங்கள் காதல் முறிவதற்கு நான்தான் முழுக் காரணம் என்பது எனக்கும் எமல்டாவுக்கும் மட்டுமே தெரியும்.

தாமஸ் என் அலுவலக நண்பன் என்றாலும் எனக்கு அவனின் இந்தக் கோரிக்கை முற்றிலும் அநாகரீகமாகப் பட்டது.

“இத பாரு தாமஸ், கல்யாணத்துக்கு முன்னால காதலிக்கிறது, பிரியறது, பிரிஞ்சவங்க மறுபடியும் இன்னொருத்தர காதலிச்சு கல்யாணம் பண்ணிக்கிறது இதெல்லாம் இப்ப ரொம்ப சகஜமானவைகள். மேலும் இதெல்லாம் அவங்கவங்க தனிப்பட்ட விஷயங்கள்… உன்னுடைய வேண்டுகோள் மிகவும் அநாகரீகமானது, ஐயாம் சாரி என்னால இதுபற்றி பீட்டரிடம் பேச முடியாது.”

“சரி குமார், நீ பீட்டரிடம் பேசவேண்டாம் அட்லீஸ்ட் எமல்டா உனக்கு எழுதிய காதல் கடிதங்கள் சிலவற்றையாவது என்னிடம் கொடு, அதைக் காண்பித்து பீட்டரிடம் பேசி அவன் மனசை மாற்ற முடியும்கிற நம்பிக்கை எனக்கு இருக்கிறது ப்ளீஸ்” என் தோள்களைப் பற்றினான்.

அவனின் ஸ்பரிசம் எனக்கு அருவருப்பாக இருந்தது. மெல்ல அவன் கைகளைத் தட்டிவிட்டு சொன்னேன். “தாமஸ் ப்ளீஸ் அன்டர்ஸ்டான்ட். நீ எனக்கு பக்கத்து ஸீட் என்பதால் உன்னிடம் எங்கள் காதலைப் பற்றி சொன்னேன். அவள் எழுதிய காதல் கடிதங்களை உன்னிடம் காண்பித்து அப்போது பெருமைப் பட்டுக்கொண்டேன். ஆனால் அதற்காக இப்போது மிகவும் வெட்கப் படுகிறேன். இனிமே நீ எமல்டா-பீட்டர் பற்றி என்னிடம் எதுவும் பேசாதே.” உறுதியாகச் சொல்லிவிட்டு காண்டீனிலிருந்து வெளியேறினேன்.

மறுநாள்.

தாமஸ் அலுவலகம் வரவில்லை. அவனது காலியான இருக்கையைப் பார்த்து என் மனது சிறிது சங்கடப்பட்டலும், நான் செய்தது சரிதான் என்பதில் உறுதியாக இருந்தேன்.

மாலை அலுவலகம் முடிந்து கிளம்ப எத்தனிக்கையில், பீட்டர் என் எதிரே வந்து நின்றான். புன்னகையுடன் சொன்னான், “சார் நான் எமல்டாவை மணப்பதில் உறுதியாக இருக்கிறேன். என்னுடைய மாமா தங்களுக்கும் எமல்டாவுக்கும் இருந்த காதலை கொச்சைப்படுத்தி, என் மனதை மாற்ற எவ்வளவோ முயற்ச்சித்தார்…

“அவள் உங்களுக்கு எழுதிய காதல் கடிதங்களை என்னிடம் காண்பித்து என் உறுதியை கலைப்பதாக சபதமிட்டார். நேற்று இரவு எங்கள் வீட்டில் என்னைத் திட்டியதோடல்லாமல், உங்களையும் அவர் வாய்க்கு வந்தபடி பேசியதிலிருந்து, அவரின் அநாகரீகமான வீராப்பு உங்களிடம் பலிக்கவில்லை என்பதை நான் தெரிந்து கொண்டதும் – தங்கள் மீது எனக்கு மதிப்பும் மரியாதையும் அதிகமாகியது.. இன்பாக்ட் என் காதலை எமல்டாவிடம் நான் முதலில் வெளிப்படுத்தியபோதே அவள் உங்களைப் பற்றிச் சொன்னாள். எதையும் என்னிடம் அவள் மறைக்கவில்லை. எங்களிடையே பரஸ்பர அன்பும், நம்பிக்கையும் அதிகரித்து தற்போது எந்த எதிர்ப்பு வந்தாலும் திருமணம் செய்துகொள்ள முடிவு செய்துள்ளோம்” என்றான்.

சந்தோஷத்துடன் அவன் கைகளைக் குலுக்கி வாழ்த்துச் சொல்லியதும், “தாமஸ் ஏன் இன்றைக்கு அபீஸ் வரவில்லை?” என்று கேட்டேன்.

“எனக்குத் தெரியாது சார், நான் நேற்று இரவே மாமா வீட்டிலிருந்து வெளியேறி விட்டேன்” என்றான் அதே புன்னகையுடன்.

என்னை மாதிரி அவன் எமல்டாவை பொழுது போக்கிற்காக காதலிக்கவில்லை. மன ஆரோக்கியமும் நேர்மையுள்ளவர்களும் காதலிப்பது திருமணத்தின் பொருட்டுதான் என்பதை நான் பீட்டர் மூலமாக உணர்ந்து கொண்டேன். . 

தொடர்புடைய சிறுகதைகள்
(இதற்கு முந்தைய ‘சில நிஜங்கள்’ கதையைப் படித்தபின் இதைப் படித்தால் புரிதல் எளிது) “கூட்டணி தர்மப்படி, நம்ம எம்.எல்.ஏ சீக்கிரமே சென்ட்ரல் மந்திரியாகப் போகிறார். அதனால நம்ம ஊருக்கு ஒரு இடைத் தேர்தல் வரப்போகுது... நாங்குநேரி, விக்கிரவாண்டி இடைத் தேர்தல்களுடன் நம்ம தொகுதிக்கும் ...
மேலும் கதையை படிக்க...
கெளதம புத்தருக்கு சிறிய வயதில் போதி மரத்தினடியில் ஞானோதயம் ஏற்பட்ட மாதிரி, என்னுடைய சிறிய வயதில் எனக்கு பெண்களைப்பற்றிய சுவாரஸ்யமான ஆர்வம் ஒரு மாமரக்கிளையில் அமர்ந்திருந்தபோது ஏற்பட்டது என்றால் அது மிகையல்ல. அப்போது எனக்குப் பதினைந்து வயது. நெல்லை திம்மராஜபுரம் அக்கிரஹரத்தில் வீடு. ...
மேலும் கதையை படிக்க...
(இதற்கு முந்தைய ‘தாமிரபரணி’ கதையைப் படித்தபின், இதைப் படித்தால் புரிதல் எளிது) சபரிநாதன் பேருந்து நிலையம் வந்து நின்றாரே தவிர, அவருடைய மனசு பூராவும் சுப்பையாவையும் ராஜலக்ஷ்மியையுமே நினைத்துப் பயந்து கொண்டிருந்தது. இருவருக்கும் இடையே உடலுறவு நிகழ்வது போலக்கூட மனசில் காட்சி விரிந்து சபரிநாதனை ...
மேலும் கதையை படிக்க...
(இதற்கு முந்தைய ‘அப்பாவும் காமராஜும்’ கதையைப் படித்தபின் இதைப் படித்தால் புரிதல் எளிது). இத்தனைக்கும் காமராஜ் அவன் வீட்டிற்கு வந்து அவன் அப்பாவுடன் நீண்ட நேரம் பேசிக் கொண்டிருந்து விட்டுப்போவார், ஆனாலும் அப்பா காமராஜிடம் அவரின் கல்யாண விஷயம் பற்றி மட்டும் வாயைத் ...
மேலும் கதையை படிக்க...
என் பெயர் நிர்மலா. சுவையற்ற உணவும், பொருந்தாத ஆடையும் போலவே நானும் எதற்கும் பயன் படாமல் இருந்தேன். குழந்தையாக இருக்கும்போதே எனது பெற்றோர்களால் கைவிடப் பட்டவள் நான். எனது பெற்றோர்கள் இறந்து விட்டார்கள் என்றா நினைக்கிறீர்கள்? இல்லை, இல்லை. நான் அனாதை இல்லை. அது மிகவும் ...
மேலும் கதையை படிக்க...
முட்டாள்தனமாக காதலித்து, அந்தக் காதலனுடன் சேர்ந்து தன் குடும்பத்தில் ஒரே இரவில் ஏழு கொலைகளைச் செய்துவிட்டு, தற்போது காதலனுடன் தூக்குக் கயிறுக்காக காத்திருக்கும் ஒரு பெண்ணின் உண்மைக் கதை இது... சுதந்திர இந்தியாவில் முதன் முறையாக தூக்கில் இடப்படப் போகும் பெண்மணி என்பதால் ...
மேலும் கதையை படிக்க...
(இதற்கு முந்தைய ‘மதம் பிடித்தவர்கள்’ கதையைப் படித்துவிட்டு இதைப் படித்தால் புரிதல் எளிது) “அனன்யா நீ ஒரு ஹிந்து. நம்மோட அருமை பெருமைகளைப் பற்றி உனக்கு நிறைய விஷயங்கள் தெரியாது...” “எனக்கு மனிதர்களை அன்புடன் புரிந்து, தெரிந்து கொண்டால் போதும்பா... மதங்களைப்பற்றி எதுவும் தெரிய ...
மேலும் கதையை படிக்க...
(இதற்கு முந்தைய ‘ஆண்டாள் பாசுரம்’ கதையைப் படித்தபின் இதைப் படித்தால் புரிதல் எளிது) “படிக்கிறதுக்கோ தெரிஞ்சிக்கவோ சந்தர்ப்பம் எதுவும் எனக்கு கெடைச்சது கிடையாது. ஆனா ஆண்டாள்னு சொன்னாலே மனசை என்னவோ பண்ணும். கேள்விப்பட்ட ரொம்பக் குறைச்சலான விஷயங்களை வச்சே, ஆண்டாள் என்னோட முற்பிறவின்னு ...
மேலும் கதையை படிக்க...
பசுபதிக்கு வயது முப்பத்தியிரண்டு. சொந்த ஊர் திசையன்விளை, திருநெல்வேலி. திருமணமாகவில்லை. படித்தது பத்தாம் வகுப்பு வரைதான். படிப்பு ஏறவில்லை என்பதால் வேலை தேடி பெங்களூர் வந்தான். பைக் ஓட்டத் தெரிந்ததால் Swiggy நிறுவனத்தில் டெலிவரி பையனாகச் சேர்ந்தான். மூன்றே மாதங்களில் சொந்தமாக ஒரு பைக் வாங்கினான். ...
மேலும் கதையை படிக்க...
(இதற்கு முந்தைய ‘இசக்கியின் அம்மா’ கதையைப் படித்தபின் இதைப் படித்தால் புரிதல் எளிது) சும்மா இருக்க வேண்டாம் என்கிறதுக்காக, பெரிய அளவில் முதல் போட்ட தொழில் எதுவும் ஆரம்பிக்க இசக்கிக்குப் பிரியம் இல்லை. கமிஷன் வருகிற வியாபாரம் ஏதாவது செய்யலாம்னு நினைத்தான். ஆவுடையப்பன் அண்ணாச்சிக்கு ...
மேலும் கதையை படிக்க...
அரசியல் ஆசை
மாமரங்கள்
முடிவிற்கான ஆரம்பம்
அப்பாவின் கல்யாணம்
கசக்கும் உண்மைகள்
காத்திருக்கும் தூக்குமேடை
ரத்தம் ஒரே நிறம்
ஞானோதயம்
பீட்ஸா
இசக்கியும் ஜோசியரும்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)