ஓட்டு வேட்டை! – ஒரு பக்க கதை

 

அந்த புற நகர் பகுதியில் அங்கொன்றும் இங்கொன்றுமாக வீடுகள் முளைத்துக் கொண்டிருந்தன.

நவநீதம் அங்கு புது வீடு கட்டி, தன் மனைவியாடு குடி வந்து ஆறு மாசம் தானிருக்கும். நவநீதத்திற்கு அறுபத்தி ஐந்து வயசாகி விட்டது.

இந்த வருஷம் வெயில் கொடுமை அதிகமாக இருப்பதால் கணவன் மனைவி இருவருமே இரவு ஒன்பது மணிக்கெல்லாம், கதவு, கேட் எல்லாம் பூட்டி விட்டுப் படுக்கப் போய் விடுவார்கள்

அன்று இரவு பதினொரு மணியிருக்கும்.

“ சார்!…சார்!….உங்களைத்தான்!….”

வாசலில் பல விதமான குரல்கள் சத்தமாக கேட்டது

தூக்கக் கலக்கத்தில் எழுந்து வந்து வெளி லைட்டைப் போட்டார் நவநீதம்.

வாசலில் பத்துப் பேர் கும்பலாக நின்று கொண்டிருந்தார்கள். சிலர் மாநிலத்தில் செல்வாக்குள்ள அரசியல் கட்சியின் கொடிகளைப் பிடித்திருந்தார்கள். மற்றவர்கள் சட்டையில் அந்தக் கட்சியின் சின்னத்தைப் ‘பேட்சா’க அணிந்திருந்தார்கள்.

“ சார்!….நாங்க வேட்பாளர் ‘சிந்தனைச் சிற்பி’க்கு நம்ம கட்சி சார்பா ஓட்டு கேட்க வீடு வீடா வந்து கொண்டிருக்கிறோம்!…உள்ளே வந்து பேசலாமா?….” என்று ஒருவர் கேட்டார்.

அந்தக் கட்சி அடிக்கடி மாநில ஆட்சியைப் பிடிக்கும் பலம் பொருந்தியது. அவர்களை வாசலிலேயே நிறுத்தி வைத்து அனுப்பினால், அவர்கள் நிச்சயம் பின்னர் ஏதாவது வகையில் தொல்லை கொடுப்பார்கள் என்பது நவநீதத்திற்குத் தெரியாதல்ல!.

வேறு வழியில்லாமல் நவநீதம் அசட்டுச் சிரிப்பு சிரித்துக் கொண்டே, “ அப்படி எல்லாம் இல்லை சார்!….நீங்கள் தாராளமா வரலாம்!,,,” என்று கேட், கதவை யெல்லாம் திறந்து “‘வாங்க!..வாங்க!…உட்காருங்க…” என்று உபசரித்தார்.

வீட்டிற்குள் நுழைந்தவுடன் ‘மள மள’வென்று அவர்கள் நவநீதம்,, அவர் மனைவி இருவர்களின் வாயை அடைத்து, கைகளைக் கட்டினார்கள்!

பீரோ, மற்றும் நகை நட்டுகள் இருக்கும் இடம் பற்றி உரிமையோடு விபரம் கேட்டு அத்தனையும் எடுத்துக் கொண்டு சாவகாசமாகப் புறப்பட்டுப் போனார்கள்!

- குமுதம் 23-3-2015 இதழ் 

தொடர்புடைய சிறுகதைகள்
“ இன்னைக்கு....ஞாயிற்றுக் கிழமை….சரியா ஒன்பது மணிக்கு நீங்களும், உங்க அருமைப் பொண்ணும் டைனிங் டேபிளில் வந்து உட்கார்ந்திடுவீங்க!...நான் அதற்குள் சிக்கன் குழம்பு, வறுவல், இட்லி, தோசை எல்லாம் தயார் செய்ய வேண்டாமா?...சீக்கிரமா போய் ‘லெக் பீஸா’ நீங்களே பார்த்து.... இளங்கறியா வாங்கிட்டு ...
மேலும் கதையை படிக்க...
காலி பிளவர் என்றால் கண்ணனுக்கு உயிர்! மாலைநேரத்தில் நாலு பேர் சாப்பிட ஒரு தட்டில் காலி பிளவர் சில்லி செய்து வைத்தால், இவன் ஒருவனே எடுத்து சாப்பிட்டு காலி செய்து விடுவான். அவனுக்காக அவனின் தாய் ஏதாவது ஒரு வகையில் காலி பிளவர் ...
மேலும் கதையை படிக்க...
“என்னங்க!.......இந்த அநியாயத்தைக் கேட்டீங்களா?....எங்களோட தினசரி ‘வாக்கிங்’ வரற சுந்தரிக்கு இன்று என்ன நடந்தது தெரியுமா?” “ சொன்னாத் தானே தெரியும்?....” “ சுந்தரியின் கழுத்து செயினை இன்னைக்கு அறுத்திட்டுப் போயிட்டாங்க!.....” “இதில் என்னடி அதிசயம் இருக்கு?....நம்ம கோயமுத்தூரிலே இது தினசரி நடக்கிறது தானே?...” “ என்னங்க அநியாயமா ...
மேலும் கதையை படிக்க...
என் தோழிக்கு மூணு வேளை சாப்பாடும், போட்டுக்கத் துணியும் கொடுத்தா வீட்டிலேயே தங்கி, கூப்பிட்ட நேரத்திற்கு ஆஜராகி இரவு பகல் எந்த நேரத்திலும் வேலை செய்ய ஒரு வேலைக்காரி தேடிக் கொண்டிருந்தாள்! இந்தக் காலத்தில் நடக்கிற காரியமா இது? எனக்கு நம்பிக்கை இல்லை! ஆனால் ...
மேலும் கதையை படிக்க...
என் நெருங்கிய நண்பன் மோகனின் மூத்த பையனுக்கு பத்து வயசு. சின்னப் பெண் சிநேகாவுக்கு எட்டு வயசுதான் இருக்கும். அவள் படு சுட்டி! விடுமுறையில் எங்கள் வீட்டிற்கு அவர்கள் சேலத்திலிருந்து வந்திருந்தார்கள். என்னுடைய குழந்தைகளுக்கும் ஏறத் தாழ அதே வயசு தான்! நாலு ...
மேலும் கதையை படிக்க...
சமயம் பார்த்து அடிக்கணும்
காலிப் பிளவர்
முன்னேற்றம்!
வேலைக்காரி!
காலம் மாறிப் போச்சு!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)