யாரோ யார் அவன்?

 

ரயில் புறப்படத் தயாராக இருந்தது. ”என்ன கலா! புரியாமப் பேசற, எனக்கு முக்கியமான ஆடிட்டிங் இருக்கு” என்றான் வாசு.

”பாஷை தெரியாத ஊர், அவ்வளவு தூரம், இவன வேற வச்சுகிட்டு” இரண்டு வயது மகனைக் காட்டிய கலாவுக்குச் சற்றுக் கலக்கமாய் இருந்தது.

”கண்ணனுக்குப் போன் பண்ணிட்டேன்! ஸ்டேஷன்ல வெய்ட் பண்ணுவான். ஏதாவதுன்னா என் செல்லுக்குக் கூப்பிடு! சரி எனக்கு ஆபிஸுக்கு நேரமாச்சு” சென்றுவிட்டான். வாசு மீட்டிங்கில் பேசிக்கொண்டிருந்தான், செல் அதிர்ந்தது இருமுறை. வாசு கண்டுகொள்ளவில்லை. மீட்டிங் முடிந்ததும் அதை மறந்தும் போனான்.

மீண்டும் செல் அழைத்தது. கண்ணன்

”ம்ம்.. சொல்லுடா” வாசு.

”அண்ணா! S1 கூபேல அண்ணி வரலியே ஒருமணி நேரமா எல்லா பெட்டியும் தேடிட்டேன்” கண்ணன்.

”என்னது?” லேசாக அதிர்ந்தான். ரயில்வே ஸ்டேஷனுக்கு விரைந்த வாசு பயணிகள் பட்டியலைப் பார்த்தான். S1 கூபேயில் தன் மனைவி, மகன் தவிர வேறு ஒரு பெயர் ”பாலசுப்ரமணியன்” – ஆங்கிலத்தில் தெளிவாக இருந்தது. அலுவலக ஊழியரிடம் விசாரித்தான்.

ஒரு முடிவுக்கு வந்தவனாய் ரயில்வே அலுவலகத்தில் விசாரித்தான்.

எப்படியோ அந்த ”பாலசுப்ரமணியன்” போன் நம்பர் கிடைத்தது.

தொடர்புகொண்டபோது மறுமுனையில் பெண்குரல் ”அவுங்க இன்னும் வீட்டுக்கு வரலீங்க” முடித்துக்கொண்டாள் வேலைக்காரப் பெண்.

பேசாமல் ஒரு புகார் கொடுத்துடலாமா? என்னவென்று கொடுப்பது? மனைவியைக் காணவில்லை என்றா? பாலசுப்ரமணியன் மேல் சந்தேகம் என்றா?

போன் அடித்தது. அவசரமாக ஹலோ என்றவனுக்கு உயிர் வந்தது. கலாதான் ”என்னங்க நான்…. ” தடுமாறினாள். ”நீங்க இந்த ஆஸ்பிடல் வாங்க சொல்றேன்” ஏதோ ஒரு ஊர் சொன்னாள். போன் கட்டானது.

அவசரமாக டாக்ஸி பிடித்து மருத்துவமனை அடைந்தபோது ஒரு வசதியும் இல்லாத பொட்டல் காடு அந்த ஊர். வாசலில் கலா ”என்னங்க நம்ம ராஜாவுக்கு திடீர்ன்னு
வாந்தி, பேச்சு மூச்சே இல்ல. மயங்கிட்டான், அப்புறம் பாதியிலே இறங்கி இங்க சேர்த்தோம். இவங்கதான் என் கூடவே இருந்தாங்க. ” அந்தப் பெண்மணியைக் காட்டினாள்.

”ஹலோ! இங்கேர்ந்து என் செல்லுக்கு சரியா சிக்னல் கிடைக்கல, உங்களுக்கு ரெண்டு மூனு தடவ பண்ணினேன் நீங்க எடுக்கல ‘பை தி வே, ஐயாம் பாலா சுப்ரமணியன்” தலை சுற்றி மயக்கம் வருவதுபோல் இருந்தது வாசுவிற்கு.

- செப்டம்பர் 2007 

தொடர்புடைய சிறுகதைகள்
என் மகளுக்குக் கதை சொல்லிக் கொண்டே சாதம் ஊட்டிக் கொண்டிருந்தேன். அவளும், பாட்டியிடம் காகம் வடையைத் திருடியதையும், அதை நரி ஏமாற்றிப் பறித்ததையும் கேட்டுக் கொண்டே சாப்பிட்டு முடித்தாள். எனக்கு அவள் முழுதும் சாப்பிட்ட திருப்தி. மறுநாள். எனக்குத் தெரியாமல் ஃப்ரிட்ஜைத் திறந்து சாக்லேட் ...
மேலும் கதையை படிக்க...
''பரிமளம்! கொஞ்சம் காபி தா'' கொல்லைப்புறம் கை, கால், முகம் கழுவச் சென்றார் கேசவன். ''காபி டேபிள்-ல வச்சிருக்கேன்'' சொல்லிவிட்டு அடுக்களைக்குள் புகுந்தாள் பரிமளம். திரும்பி வந்தவர் கடுப்பாகிக் கத்த ஆரம்பித்தார். ''ஏய் பரிமளம், இங்க வந்து பார்! இந்தப் பூனையை'' காபியைக் கீழே கொட்டி முழுசாய் ...
மேலும் கதையை படிக்க...
ராசாத்திக்கு மயக்கம் தெளிந்தபோது அருகில் யாரும் இல்லை. பிரசவம் பார்த்த மருத்துவச்சி ''ஐயே! பொட்டப்புள்ளடா மருது'' சொல்லிவிட்டு சென்றது தெரியும். சிவத்தாயி குடிசை மூலையில் அமர்ந்தபடி கத்திக் கொண்டிருந்தாள். ''அதெல்லாம் பாவம்டா, அவ இவ பேச்செல்லாம் கேட்டுட்டு அந்தச் சிசுவக் கொன்னுடாதடா ...
மேலும் கதையை படிக்க...
எங்கே தவறு?
ஆசானுக்குப் பாடம்
ஐயே! பொட்டப்புள்ள!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)