ஐயே! பொட்டப்புள்ள!

 

ராசாத்திக்கு மயக்கம் தெளிந்தபோது அருகில் யாரும் இல்லை. பிரசவம் பார்த்த மருத்துவச்சி ”ஐயே! பொட்டப்புள்ளடா மருது” சொல்லிவிட்டு சென்றது தெரியும். சிவத்தாயி குடிசை மூலையில் அமர்ந்தபடி கத்திக் கொண்டிருந்தாள். ”அதெல்லாம் பாவம்டா, அவ இவ பேச்செல்லாம் கேட்டுட்டு அந்தச் சிசுவக் கொன்னுடாதடா பாவி! சொல்றதக் கேளு” அவள் முடிப்பதற்குள் அடி, இடி போல விழுந்தது. ”ஏய்! கெழவி வாய மூடு, இத வளத்து சீர், கல்யாணம் காட்சி பண்றதுக்கு எங்கப்பன் எனக்கு சேத்து வச்சிட்டு செத்தான் பாரு” இன்னும் எதேதோ திட்டிக் கொண்டிருந்தான் அவன்.

நெஞ்சுக்குள் பயம் படபடவெனப் படர்ந்தாலும் ராசாத்தி அமைதியாகப் படுத்திருந்தாள். மருது அருகில் வந்து குழந்தையைக் கையில் எடுத்த போது ” பொட்டப்புள்ள, அதுக்குப் பின்னால செலவு செய்யனுமுன்னு இப்பவே கொன்னுடனுங்கிற… செய்யி… ஆனா அடுத்து எனக்கு ஆம்பிள்ளைப் புள்ள பொறந்தா, அத நான் கொன்னுபுடுவேன்…..” மருது அதிர்ந்தான். கோபம் தலைக்கேற.. ”கழுத! என்னா தெனாவட்டு உனக்கு…” விட்ட அறையில் தலை சுற்றியது ராசாத்திக்கு.

”ஐயோ! இதெல்லாம் கேட்கத்தான் இன்னும் இருக்கேனா? புள்ள பெத்தவடா, அடிக்காதடா பாவி” அரற்றினாள் சிவதாயி.

ராசாத்தி வலுவற்ற குரலில், ”ஆமா! உனக்குப் பொறக்கற ஆம்பளப் புள்ள என்ன பெரிய உத்தமனாவா இருக்கப் போவுது? அது வளந்தோன நீ உன் ஆத்தாள அடிக்கிற மாதிரி என்னையும் இழுத்துப் போட்டு அடிக்கும். என்னைய மாதிரி எவளாவது அதுக்கிட்ட மாட்டிக்கிட்டு முழிப்பா, அதெல்லாம் வேணாம், பிள்ளையக் கருவுல வளக்கறதுதான்யா கஷ்டம். அதக் கொல்ல யாரு உதவியும் எனக்குத் தேவயில்ல. போ! உன் குலத்த வேர் அறுக்கறதுல நீயா நானான்னு பாத்துருவோம்” அவள் குரலில் அழுத்தம், தெளிவு.

அவள் பேசப் பேச…. சிவதாயி தலையில் அடித்துக்கொண்டு அழுதாள். இன்னும் ராசாத்திக்கு அடி உதை விழுந்தபடிதான் இருந்தது. ஆனால் மருது முகத்தில் இதுவரை அவள் கண்டிராத சிந்தனை ரேகைகள்! கண்கள் மயங்கச் சரிந்த ராசாத்திக்கு தன் மகளை காப்பாற்றிவிட்ட மகிழ்ச்சி.

- செப்டம்பர் 2007 

தொடர்புடைய சிறுகதைகள்
என் மகளுக்குக் கதை சொல்லிக் கொண்டே சாதம் ஊட்டிக் கொண்டிருந்தேன். அவளும், பாட்டியிடம் காகம் வடையைத் திருடியதையும், அதை நரி ஏமாற்றிப் பறித்ததையும் கேட்டுக் கொண்டே சாப்பிட்டு முடித்தாள். எனக்கு அவள் முழுதும் சாப்பிட்ட திருப்தி. மறுநாள். எனக்குத் தெரியாமல் ஃப்ரிட்ஜைத் திறந்து சாக்லேட் ...
மேலும் கதையை படிக்க...
ரயில் புறப்படத் தயாராக இருந்தது. ''என்ன கலா! புரியாமப் பேசற, எனக்கு முக்கியமான ஆடிட்டிங் இருக்கு'' என்றான் வாசு. ''பாஷை தெரியாத ஊர், அவ்வளவு தூரம், இவன வேற வச்சுகிட்டு'' இரண்டு வயது மகனைக் காட்டிய கலாவுக்குச் சற்றுக் கலக்கமாய் இருந்தது. ''கண்ணனுக்குப் போன் ...
மேலும் கதையை படிக்க...
''பரிமளம்! கொஞ்சம் காபி தா'' கொல்லைப்புறம் கை, கால், முகம் கழுவச் சென்றார் கேசவன். ''காபி டேபிள்-ல வச்சிருக்கேன்'' சொல்லிவிட்டு அடுக்களைக்குள் புகுந்தாள் பரிமளம். திரும்பி வந்தவர் கடுப்பாகிக் கத்த ஆரம்பித்தார். ''ஏய் பரிமளம், இங்க வந்து பார்! இந்தப் பூனையை'' காபியைக் கீழே கொட்டி முழுசாய் ...
மேலும் கதையை படிக்க...
எங்கே தவறு?
யாரோ யார் அவன்?
ஆசானுக்குப் பாடம்

ஐயே! பொட்டப்புள்ள! மீது ஒரு கருத்து

  1. Anuradha says:

    சூப்பர் சாட்டை அடி

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)