வேலை..!

 

செய்தித்தாளைப் புரட்டியதுமே அந்த விளம்பரம்தான் சேகர் கண்களில் பளிச்சென்று பட்டது.

சின்ன கட்டம் போட்ட விளம்பரம். பாஸ்போர்ட் அளவு படத்தில் ஒரு இளம் பெண். அதன் கீழே….

‘பெயர் கிரிஜாராணி. வயது 25. படிப்பு பி.ஏ. தட்டச்சு, சுருக்கெழுத்துத் தெரியும். கணனியில் எல்லா வேலைகளும் தெரியும். எந்த வேலை செய்யவும் தயார். வேலை கொடுக்க விருப்பமுள்ளோர் தொடர்புகொள்ள வேண்டிய முகவரி…121, மேல் கரை வீதி. கோட்டுச்சேரி, காரைக்கால். 609 608. கை பேசி எண். 54456 78899.

நிறுத்தி நிதானமாகப் படித்த சேகர் மறுமுறை படித்து ஒரு முடிவுடன் பரபரப்பாக எழுந்தான்.

கோப்புகள் பார்த்துக் கொண்டிருந்த மானேஜிங் டைரக்டர் தனி அறைக்குள் நுழைந்தான்.

“இந்த விளம்பரம் பாருங்க..”சொல்லி அவர் முன் செய்தித்தாளை விரித்து வைத்து எதிரில் அமர்ந்தான்..

படித்துப் பார்த்த பொன்னுரங்கம்….

“ம்ம்… இதுக்கு என்ன…?” கேட்டார்.

“எல்லாரும் வேலை தேடித் தேடி அலுத்துப் போவாங்க. இல்லே இன்னும் முயற்சித்துக் கொண்டே இருப்பாங்க. ஆனா… இவள் இப்படி ஒரு வித்தியாசமான விளம்பரம் கொடுத்து வேலை தேடி இருக்காள். இந்த புத்திசாலித்தனம் எனக்குப் பிடிச்சிருக்கு.!”என்றான்.

ஒரு நிமிடம் யோசித்து சேகரை உற்றுப் பார்த்த பொன்னுரங்கம்….

“ம்ம்… அதுக்கு என்ன..?”கேட்டார்.

“நம்ம கம்பெனியில் வேலை கொடுத்து இவள் புத்திசாலித்தனத்தை உபயோகப்படுத்திக்கலாம்ன்னு நினைக்கிறேன்.”

“வேலை காலி இருக்கா…?”

“ம்ம். மனசு இருந்தால் மார்க்கமுண்டு. !”

“சரி. கை பேசியில் தொடர்பு கொண்டு உடனே வரச்சொல்.”

அகன்றான்.

மறுநாள் சரியாய் 10.10 க்கு கிரிஜாராணி மானேஜிங் அறையில் பொன்னுரங்கம் முன் அமர்ந்திருந்தாள்.

அருகில் சேகர் உட்கார்ந்திருந்தான்.

பொன்னுரங்கம் ஏறிட்டார்.

மாநிறத்திற்கும் கொஞ்சம் கூடுதலான நிறம். அழகிய கண்கள். அதற்கேற்ற பொலிவான முகம். நெற்றியில் பொட்டு இல்லை. விளக்கடியில் நிழல்போல் மெலிதான சோகம் மட்டுமில்லை என்றால் முகம் இன்னும் களையாக இருந்திருக்கும். சத்தியமாய் இவள் விதவை இல்லை என்று அடித்துச் சொல்லாம்.! – பொன்னுரங்கம் கண நேரத்தில் ஆளைக் கணித்துவிட்டார்.

கிரிஜாராணி கையிலிருந்த கோப்புகளை நீட்டினாள்.

வாங்கி பார்த்தார்.

விளம்பரத்தில் கொடுத்த அனைத்தும் அதில் சரியாக இருந்தது.

“விளம்பரம் வித்தியாசமாய் இருந்தது…”என்றார்.

“பெரிய குடும்பம் சார். நான் திருமணமாகி தனிமரமாகி வீட்டோட வந்து பாரமாகிட்டேன். ஏதாவது வேலை பார்த்து நிமிரலாம்ன்னா… கிடைக்கலை. அதனாலதான் சார் அப்படி ஒரு விளம்பரம்.”

“எப்போ திருமணம் நடந்தது…?”

தேதி சொன்னாள்.

“கணவர் எப்போ காலமானார்..?”

தேதி சொன்னாள்.

துணுக்குற்ற பொன்னுரங்கம்….

“என்னம்மா…திருமணத் தேதி, கணவர் இறப்புத் தேதியையும் ஒன்னா சொல்றே..?”பார்த்தார்.

‘’ ஆமாம் சார். ரெண்டும் ஒரே தேதி.! தாலி கழுத்துல ஏறி சடங்கெல்லாம் முடிச்சபிறகு…எதையும் கலைக்காமல் மணமக்கள் மாலையும் கழுத்துமாய் பாலியைத் தண்ணீரில் விட மண்டபத்துக்கு எதிரில் உள்ள காவேரி ஆற்றுக்குப் போனோம். படித்துறை பாசியில் கால் வழுக்கி விழுந்த பின் மண்டையில் பலத்த அடி. தண்ணியில விழுந்து உடனே செத்துட்டார்.”- கமறினாள் .

பொன்னுரங்கம், சேகருக்கு மனசைப் பிசைந்தது.

“சா…. சாரிம்மா…..”என்று வெளிப்படையாகவே தன் வருத்தத்தை வெளியிட பொன்னுரங்கம் சேகரைப் பார்த்தார்.

அவன் தலை குனிந்திருந்தான்..

“ராணி! எந்த வேலை கொடுத்தாலும் செய்வீயாம்மா..?”- பரிவுடன் கேட்டார்.

“செய்வேன் சார் !”

“மறுக்கக்கூடாது !”

“மாட்டேன் சார்!”

“சேகர்! ஒரு நிமிசம் என் பின்னால வா”பொன்னுரங்கம் இருக்கையை விட்டு எழுந்தார்.

இருவரும் கதவைத் திறந்து அருகிலிருந்த அறைக்குள் சென்றார்கள்.

பத்து நிமிடங்களில் திரும்பி வந்தார்கள்.

அவரவர் இருப்பிடத்தில் அமர்ந்தார்கள்.

“பேச்சு மாறமாட்டியே..?”- கராறாகக் கேட்டார்.

“சத்தியமா மாறமாட்டேன் சார்.”

“பக்கத்தில் அமர்ந்திருக்கும் சேகர் என் பிள்ளை. இந்த கம்பெனியின் அடுத்த வாரிசு. இவனைத் திருமணம் செய்துகிட்டு குடும்பம் நடத்துறதுதான் உன் வேலை.”பொன்னுரங்கம் அவளைப் பார்த்து அமைதியாய் நிறுத்தி நிதானமாக சொன்னார்.

“சார் !..”கிரிஜா பதறி எழுந்தாள்.

“பதற்றம், பயம் வேணாம். ஒன்னும் அவசரமில்லை. இவனுக்கு எந்த கெட்டப் பழக்கமும் கிடையாது. அதுக்கு நான் உத்திரவாதம். பையனைப் பிடிக்கலைன்னா…கட்டிக்கனும் என்கிற கட்டாயமில்லே. ஆனால் உனக்கு இங்கே இந்த வேலையைத் தவிர வேறு வேலை இல்லே. வீட்டுல கேட்டு விருப்பம் இருந்தால் நாளைக்கே ஒரு நல்ல நாள் பார்த்து முறையாய் திருமணம் முடிச்சி தாலி கட்டி வேலையில் சேர்த்துக்கலாம்.”தெளிவாய் சொல்லி நிறுத்தினார்.

பூவைத் தேடிப்போன இடத்தில் புதையல்.!

கிரிஜாராணிக்கு மயக்கம் வந்தது. 

தொடர்புடைய சிறுகதைகள்
காலைமணி. 10. 30. இதமான குளிரில் ஊட்டி தொட்டபெட்டா அருகில் உள்ள காமராசர் முதியோர் காப்பகம் எவ்வித கூச்சல் குழப்பமின்றி வெகு அமைதியாக இயங்கிக் கொண்டிருந்தது. எல்லா ஆண், பெண், முதியவர்களும் தங்கள், தங்கள் இடம், இருக்கை, படுக்கைகளிலிருந்து பிரிந்தும் பிரியாமலும் தங்கள் விருப்பத்திற்கு ...
மேலும் கதையை படிக்க...
எதிர் வீட்டிற்கு வேலையாய்ச் சென்ற மனைவி திரும்பி வரும்போது சுருசுருவென்று வந்தாள். ''உங்களுக்கு நல்ல இடம் பெரிய இடம் பார்த்துப் பழகத் தெரியாது.'' முணுமுணுத்து அருகில் அமர்ந்தாள். ''என்ன ?'' துணுக்குற்றேன். ''எதிர்வீடு.....எவ்வளவு தாய் புள்ளையாய்ப் பழகுறாங்க. அவுங்க மனசு வருத்தப்படுறாப்போல நடந்துக்குறீங்களே நியாயமா ?'' ...
மேலும் கதையை படிக்க...
காலை 8.00 மணிக்கே கைபேசியில் அழைப்பு. சோபாவில் உட்காhர்ந்து தினசரி விரித்துப் படித்துக்கொண்டிருந்த கோபால் அதை எதிரிலுள்ள டீபாயில் வைத்து விட்டு ஒலித்த கைபேசியை எடுத்துப் பார்த்தார். அருமைக்கண்ணு.! ஆத்மார்த்தமான நண்பர். நான்கு வருட வயது வித்தியாசமிருந்தாலும் சிறுவயதிலிருந்தே ஒரே ஊர். பக்கத்துப் பக்கத்துத் தெரு. ...
மேலும் கதையை படிக்க...
சண்டை போட்டா வீட்டுக்காரியைச் சரி படுத்தத் தெரியனும்.! இல்லேன்னா வில்லங்கம், விவகாரம், விவாகரத்து ! - இதுக்குப் பயந்துக்கிட்டுத்தான் இத்தினி காலமா பொண்டாட்டியோட சண்டை போடாமல் இருந்தேன். ஆனாலும் எத்தினி காலத்துக்குத்தான் இப்படி இருக்க முடியும்..? நேத்திக்கு முதல் நாள். முந்தாநேத்து. எனக்கும் என் ...
மேலும் கதையை படிக்க...
மாதவி.... அன்றைய தினசரியில் வந்திருந்த அந்த விளம்பரத்தையே வெறித்தாள். 'வாடகைக்கு மனைவி தேவை. மாதச் சம்பளம் ரூபாய் 20,000. இருப்பிடம், உணவு இலவசம். சாதி மதம் தேவை இல்லை. 30 வயதிற்குள் உட்பட்ட படித்த இளம் பெண்கள், மணவிலக்குப் பெற்றவர்கள், விதவைகள், அனாதைகள்.... ...
மேலும் கதையை படிக்க...
மாலை மணி 7.00. நான் அறைக்கதவைச் சாத்தி மும்முரமாக எழுதிக் கொண்டிருக்கும் நேரத்தில் என் மனைவி வைதேகி மெல்ல கதவைத் திறந்து......'' கோயிலுக்குப் போகனும்ங்க.....'' தயக்கமாய்ச் சொன்னாள். எனக்குக் கோயில் பிடிக்காது. சாமி கும்பிடுபவனில்லை. அதனால் என் மனைவி உள்ளூரில் உள்ள எல்லா கோயிலுக்கும் ...
மேலும் கதையை படிக்க...
பூங்காவின் ஓரத்தில் தன் மூன்று சக்கர வாகனத்தை விட்டு இறங்காமல் தூரத்தை வெறித்தான் தினகரன். அருகில் உள்ள சிமெண்ட் இருக்கையில் மாதவி. அதிக நேர வெறிப்பிற்குப் பின்....... ''நீ உன் முடிவை மாத்திக்கோ மாதவி..! "மெல்ல சொன்னான். "ஏன்...??...." "சரிப்படாது !" "அதான் ஏன்னு கேட்கிறேன்..!" "உன் காதலை என்னால் ஏத்துக்க ...
மேலும் கதையை படிக்க...
கடற்கைரையில் ஒன்றாக அமர்ந்து, பேசிப் பிரியும் ஜோடியைப் பார்த்ததும் நளாயினிக்கு அதிர்ச்சி. '' ஏய்ய்...! நில்லு... நில்லு. ..! தன்னைக் கவனிக்காமல் சென்ற தோழியைப் போய் வழி மறைத்தாள். '' ஏய்ய். ..! நளா....! '' அவளுக்கும் தோழியைப் பார்த்த மகிழ்ச்சி, ஆனந்தம். '' நான் ...
மேலும் கதையை படிக்க...
எதிரில் வந்த என்னைக் கவனிக்காமல் தெரு திருப்பத்தில் திரும்பி ஐம்பது மீட்டர் தூரத்தில் உள்ள வீட்டின் முன் வண்டியை நிறுத்தி படியேறும் ரமேசைப் பார்க்க எனக்குள் பரவசம். நான் இவனைப் பிஞ்சிலேயேத் தூக்கி கொஞ்சிய பக்கத்துவீட்டுப் பிள்ளை. பத்து வயதுவரை என் மடியில் ...
மேலும் கதையை படிக்க...
கடலில் தத்தளித்துக்கொண்டிருப்பவன் கையில்.... தொற்றிக்கொள்ள ஒரு கட்டை கிடைத்தது போல.... வறுமையில் கணவனுடன் கவலையில் ஆழ்ந்திருந்த ரம்பாவுக்கு திடீரென்று அந்த எண்ணம் பளிச்சிட்டது. பற்றிக்கொண்டு நிரம்ப யோசித்தாள். மனதுக்குள் கொஞ்சம் திருப்தி ஏற்பட்டு வழி தென்பட்டது போலிருந்தது. '' என்னங்க..? '' அருகில் அமர்ந்திருக்கும் ...
மேலும் கதையை படிக்க...
மரபணு மாற்றங்கள்
பாடம் !
சுருதி பேதங்கள்..!
மனைவியை நைஸ் பண்ணத் தெரியனும்..!
வேலைக்கு வந்தவள்…!
இதய அஞ்சலி
காதல் ..?!!
அழகி…!
வலி..!
பங்கு கொடுப்பாரா அப்பா?!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)