செய்வன திருந்தச் செய்

(1948ல் வெளியான சிறுகதை, ஸ்கேன் செய்யப்பட்ட படக்கோப்பிலிருந்து எளிதாக படிக்கக்கூடிய உரையாக மாற்றியுள்ளோம்)

ஒரு வீட்டில் செல்லம் என்று ஒரு பெண் இருந்தாள். அவள் எந்தக் கரியத்தையும் முழுதும் செய்ய மாட்டாள். ஒரு வேலையைச் செய்து கொண்டிருக்கும் போதே அதை விட்டு வேறொரு வேலையைக் கவனிப்பாள். அல்லது வெளியில் சென்று வேடிக்கை பாப்பாள். 

ஒருநாள் அடுப்பில் சோறு கொதித்துக்கொண்டு இருந்தது. செல்லம் அப்படியே விட்டுவிட்டுப் பக்கத்து வீட்டுப் பெண்ணோடு பேசிக்கொண்டிருந்தாள். சோறு அடுப்பில் வழிந்துவிட்டது. அதனால் கணவன் திட்டினான்.

ஒருநாள் வீட்டு வாசலில் புளி, அரிசிமாவு முதலியவற்றைக் காயவைத்திருந்தாள். சாயங்காலம் வரையிலும் அவற்றை எடுத்து வைக்கவே யில்லை. அன்று சினிமா பார்ப்பதற்காகச் சீக்கிரம் சமைத்தாள், சமைத்ததை மூடாமலேயே சினிமாவுக்குச் சென்றாள். சினிமா பார்க்கும்போது மழை சோ’ என்று பெய்தது. ஆட்டம் முடிந்ததும் செல்லம் விட்டிற்கு வந்தாள். 

வாசலில் காயவைத்திருந்த புளியும், அரிசிமாவும் மழையில் கரைந்து வீணாகிவிட்டன. சமைத்ததை மூடாமையால், பொரியலையும், சோற்றையும் பூனைகளும் எலிகளும் தின்றுவிட்டன. அதனால் செல்லத்திற்கும் கணவனுக்கும் சண்டை உண்டாயிற்று. செய்யும் காரியத்தைத் திருந்தச் செய்யாமையால் அன்று இரவு பட்டினியாய்ப் படுத்துக் கொண்டார்கள். (ஆகையால்) 

எதையும் அரைகுறை யில்லாமல் திருத்தமாகச் செய்ய வேண்டும்.

– ஆத்திசூடி அமிழ்தம், குழந்தைக் கதை மலர், முதல் பதிப்பு: 30-8-1948, பைந்தமிழ்ப் பதிப்பகம், புதுச்சேரி.