ஆடி அடங்கல் – ஒரு பக்க கதை
கதையாசிரியர்: ஜூனியர் தேஜ்
கதை வகை: ஒரு பக்கக் கதை 
கதைத்தொகுப்பு:
குடும்பம் 
கதைப்பதிவு: November 10, 2022
பார்வையிட்டோர்: 8,268
மாடிப் பால்கனியிலிருந்து ஹரிணியின் பெற்றோர் எதிர் வீட்டு ரோமியோ ‘ஹரனை’க் கண்காணித்தார்கள்.
மகள் ஹரிணி ஆபீஸ் கிளம்புகிற போது அவளைப் பார்த்து ஹரன் செய்யும் சேட்டைகளை செல்போனில் வீடியோ எடுத்தார் தகப்பன் குரு.
“ஹரனோட தகப்பனுக்கு இந்த வீடியோவை அனுப்பி. இதுக்கு ஒரு முடிவு கட்டறேன்.!.” என்று கருவினார்.
அப்போது ‘க்ளிங்..’ என வாட்ஸ் ஆப் மெசேஜ் வந்தது குருவிற்கு.
‘அரசு உயர் பதவி வகிக்கும் என் மகனை வளைத்து போடப் பார்க்கும் உங்கள் மகளைக் கண்டித்து வளர்க்கவும்.!’ என்ற ஹரனின் அப்பா அனுப்பிய மெசேஜ் உடன் இணைக்கப்பட்ட வீடியோவில், கிறங்கிய கண்களுடன் எதிர் வீட்டு ஹரனுக்கு பறக்கும் முத்தம் கொடுக்கும் ஹரிணியைக் கண்டு ஆடிப்போனதோடு திருடனுக்குத் தேள் கொட்டியது போல அடங்கியும் போயினர் பெற்றோர்.
 |
இயற்பெயர்: வரதராஜன் அ புனைப்பெயர்: ஜூனியர் தேஜ் ரத்த வகை: O Positive பிறந்த தேதி: 04.06.1962 குடும்பம்: மனைவி, மகன், மருமகள் பணி: உதவித் தலைமை ஆசிரியர் (பணி ஓய்வு ஓய்வு பெற்று இப்போது பணி நீட்டிப்பில். 31 மே 2023 ல் ஓய்வு) கல்வித் தகுதி: MA(English).,M.Sc (Counseling Psychology)., B.Ed., CLIS., முதல் ஜோக்: ஜூனியர் விகடன் 1980 களில், சரியான தேதி இல்லை முதல்…மேலும் படிக்க... |
