திருட்டுச் சிரிப்பு

(1989ல் வெளியான சிறுகதை, ஸ்கேன் செய்யப்பட்ட படக்கோப்பிலிருந்து எளிதாக படிக்கக்கூடிய உரையாக மாற்றியுள்ளோம்)

சிரிப்பு பிணிதீர்க்கும் சிறந்த மருந்து. உடலை வளர்க் கும் ஊட்டச்சத்து. நண்பர்களைத் தேடித்தரும் டானிக். ஆயுளைக் கூட்டித்தரும் காயகல்பம். மனிதன் மட்டுமே சிரிப்பான். மிருகம் சிரிக்காது.

சிரிப்பின் பெருமைபற்றி இப்படிப் பலபடக் கூறுவர். ஆனால் சிரிப்பு திருடனை விரட்டுமா? அமெரிக்காவில் ஒரு செயல் நடந்துள்ளது.

வின்ட்சர் நகரிலுள்ள சூப்பர் மார்க்கட் ஒன்றில் ஒரு திருடன் நுழைந்துவிட்டான். அது 1988 அக்டோபர் மாதம் முதல் வாரம். உள்ளேயிருந்த கணக்கரிடம் ஒரு சீட்டைக் கொடுத்தார். அதில் சூப்பர் மார்க்கட்டைக் கொள்ளை யடிப்பதாக எழுதியிருந்தான்.

தனியாக இருந்த கணக்கருக்கு ஏது செய்வதென்று தெரியவில்லை.

பயந்து நடுங்குவதற்குப் பதிலாகச் சிரித்தார். அட்டகாச மாகச் சிரித்தார். பலர் இருப்பதுபோல பல குரல்களில் விழுந்து விழுந்து சிரித்தார்.

திருடன் பயந்தான், நடுங்கினான். மிகத் துணிச்சலுள்ள பலர் இருப்பதாக எண்ணினான்.

மெள்ள நழுவி ஓடலானான். தன் திருட்டுத் தொழிலுக்கு ஊனம் ஏற்பட்டுவிடக்கூடாதென்று கருதி ஓடும்போதே ஆங்கிருந்த சுருட்டுக்கட்டு ஒன்றைத் தூக்கிக் கொண்டு ஓடினான்.

பின்பு காவல்துறைக்கு அறிவிக்கப்பட்டது. போலீஸ் அதிகாரி சொன்னார்:

“சிரித்து திருடனை விரட்டியது சரிதான். தீமையை நன்மையினால் வென்ற உனக்கு எனது வாழ்த்துக்கள். ஆனால் எந்நாளும், எல்லோரும் இப்படி வெற்றிபெற முடியாது. திருடர்களைக் குறித்து ஜாக்கிரதையாயிருக்க வேண்டும்.”

“தீமையை நன்மையினாலே வெல்லு.” – [ரோமர் 12:21]

– எழுச்சியூட்டும் எழுபது கதைகள், சிரிப்புக் கதைகள், முதற் பதிப்பு: ஜூலை 1989, ஜெயா பப்பிளிகேஷன்ஸ், பாளையங்கோட்டை.