கதைத்தொகுப்பு:ஊழியன்

1920-ல் சொ. முருகப்பா அவர்களால் ‘தன வைசிய ஊழியன்’ என்ற பெயரில் தொடங்கப்பட்டது. சொ.முருகப்பா ஆசிரியராகவும், ராய.சொக்கலிங்கன் துணையாசிரியராகவும் இருந்தார். இரண்டாண்டுகளுக்குப் பின் சொ.முருகப்பா ஆசிரியர் பொறுப்பிலிருந்து விலகியதால் ராய.சொக்கலிங்கன் ஆசிரியரானார். துணை ஆசிரியராக நெல்லையைச் சேர்ந்த ‘சிவம்’ பணியாற்றினார். 1925-ல் ‘ஊழியன்’ என பெயர் மாற்றம் பெற்றது. காரைக்குடியிலிருந்து வெளிவந்து கொண்டிருந்த ஊழியன் இதழ், 1934 முதல் சென்னையிலிருந்து வெளிவந்தது. இதழின் வடிவமும் மாறியது. புதுமைப்பித்தன் இவ்விதழில் சில காலம் உதவி ஆசிரியராகப் பணியாற்றியிருக்கிறார். வ.ராமசாமி ஐயங்கார், தி.ஜ.ரங்கநாதன் போன்றோரும் இவ்விதழில் ஆசிரியராகப் பணியாற்றியுள்ளனர். 1940-ல் இவ்விதழ் நின்று போனது.