எழுத்தாளர்களுக்கான கேள்விகள்

எழுத்தாளர்கள் கதை அனுப்புதல், கதை வெளியீடு மற்றும் எழுத்தாளர் அறிமுகம் தொடர்பான சந்தேகங்களுக்கு இங்கே பார்க்கவும்.

மின்னஞ்சல் முகவரி: sirukathaigal@outlook.com 

சிறுகதையை நான் எப்படி அனுப்புவது?

• முதலில், உங்கள் கதையின் உரிமையை உரிய நிறுவனத்தில் பதிவு செய்து கொள்ளுங்கள். அந்த உரிமையை எங்களுக்கு மாற்றி எழுதித் தர வேண்டிய அவசியம் இல்லை.
• சிறுகதைகள் இணையதளத்தின் செயல்பாடுகள், உரிமைகள் மற்றும் கொள்கைகள் அனைத்தையும் நன்கு புரிந்துகொள்ளுங்கள்.
• மின்னஞ்சல் வழியாக உங்கள் கதையை அனுப்புங்கள்.
• இதற்கு முன்பு ஏதேனும் புத்தகத்திலோ அல்லது இணையதளத்திலோ உங்கள் படைப்புகள் வெளியிடப்பட்டிருந்தால், அதைப் பற்றிய விவரங்களையும் குறிப்பிடுங்கள்.

கதைகளை எந்த வடிவத்தில் அனுப்ப வேண்டும்?

உங்கள் கதைகளை Microsoft Word (DOC/DOCX) கோப்பாக அனுப்புவது சிறந்தது. PDF கோப்புகளை அனுப்ப வேண்டாம். விரும்பினால், கதையை நேரடியாக மின்னஞ்சலிலேயே தட்டச்சு செய்து அனுப்பலாம்.

சிறுகதையை அனுப்பும்போது என்னென்ன விவரங்களைக் குறிப்பிட வேண்டும்?

உங்கள் சிறுகதையை மின்னஞ்சல் மூலம் அனுப்பும்போது, கீழ்க்கண்ட விவரங்களையும் தவறாமல் குறிப்பிடுங்கள்:

• எழுத்தாளர் பெயர்: உங்கள் உண்மையான பெயர் அல்லது புனைபெயர்.
• கதையின் தலைப்பு: சிறுகதையின் முழுமையான தலைப்பு.
• தொடர்பு முகவரி: உங்களைத் தொடர்புகொள்வதற்கான மின்னஞ்சல் முகவரி.
• கதைத்தொகுப்பு: முதன்மை தொகுப்பாக ஒன்றை தேர்வு செய்து விட்டு, புனைவு என்று கூடுதலாக தேர்வு செய்யலாம்.
  • அமானுஷம்
  • அறிவியல்
  • ஆன்மிகக் கதை
  • காதல்
  • கிரைம்
  • குடும்பம்
  • சமூக நீதி
  • சரித்திரக் கதை
  • சுட்டிக் கதைகள்
  • த்ரில்லர்
  • நகைச்சுவை
  • புனைவு
• கதைக்கரு (3 முதல் 5 வரிகளில் குறிப்பிடவும்)
• முழுக்கதை (attach word file)
• முன்னர் வெளியான விவரம்: உங்கள் கதை ஏற்கெனவே ஏதேனும் பத்திரிகை, புத்தகம் அல்லது இணையதளத்தில் வெளியாகியிருந்தால், அதன் பெயர் மற்றும் வெளியான தேதியைக் குறிப்பிடுங்கள்.

மேலும், உங்களைப் பற்றிய சிறிய அறிமுகத்தையும் புகைப்படத்தையும் அனுப்பினால், உங்கள் எழுத்தாளர் சுயவிவரத்தை உருவாக்குவதற்குப் பயன்படும்.

ப‌டைப்புக‌ளை த‌மிழ் ஒருங்குறியில் (Tamil Unicode) அனுப்பவும்.

ஒருங்குறியில் த‌ட்ட‌ச்சு செய்ய‌: http://www.higopi.com/ucedit/Tamil.html.

ஒருங்குறிக்கு மாற்ற: http://suratha.com/reader.htm

என்னுடைய கதை பத்திரிகையில் வெளிவந்துள்ளது. ஆனால், என்னிடம் அக்கதையின் புகைப்படம் அல்லது ஸ்கேன் நகல் மட்டுமே உள்ளது. என்ன செய்வது?

• அந்தப் புகைப்படம் அல்லது ஸ்கேன் கோப்பை எங்களுடைய மின்னஞ்சல் முகவரிக்கு அனுப்புங்கள்.
• நாங்கள் அந்தப் படக்கோப்பிலிருந்து எளிதாகப் படிக்கக்கூடிய உரையாக மாற்றித் தருகிறோம்.
• நீங்கள் அனுப்பும் படக்கோப்பு தெளிவாகவும், அதிலுள்ள வாக்கியங்களை எளிதில் வாசிக்கக்கூடிய வகையிலும் இருக்க வேண்டும்.

புதிய எழுத்தாளர்களுக்கு வாய்ப்பு வழங்கப்படுமா?

• புதிய எழுத்தாளர்களுக்கு வாய்ப்பளிப்பதே இந்த இணையதளத்தின் முக்கிய நோக்கமாகும்.
• உங்கள் கதையின் தரத்தை மட்டுமே எங்கள் ஆய்வுக் குழு மதிப்பீடு செய்யும். இருப்பினும், மற்ற எழுத்தாளர்களின் கதைகளுடனும் உங்கள் கதை தேர்வுக்காகப் போட்டியிட வேண்டியிருக்கும்.
• எனவே, உங்கள் கதையை அனுப்புவதற்கு முன்பு அதன் தரத்தை ஒன்றுக்கு இருமுறை சரிபார்த்துக் கொள்ளுங்கள்.

கதைகளுக்கு அதிகபட்ச அல்லது குறைந்தபட்ச வார்த்தை வரம்பு உள்ளதா?

கதைகளுக்கு என்று குறிப்பிட்ட வார்த்தை வரம்பு எதுவும் இல்லை. எவ்வளவு நீளமான கதைகளையும் அனுப்பலாம். இருப்பினும், மிக நீளமான கதையாக இருந்தால், அதனைப் பல பகுதிகளாகப் பிரித்து அனுப்புவது நல்லது.

ஏற்கெனவே வேறு பத்திரிகை அல்லது இணையதளத்தில் வெளியான கதைகளை அனுப்பலாமா?

ஆம், அனுப்பலாம். ஆனால், அந்தக் கதை எந்தப் பத்திரிகையில் அல்லது இணையதளத்தில், எப்போது வெளியானது என்ற விவரங்களைத் தவறாமல் குறிப்பிட வேண்டும்.

உங்கள் படைப்பின் உரிமை எப்போதும் உங்களுக்கே சொந்தம். சிறுகதைகள் இணையதளத்தில் வெளியிடுவதற்காக அதன் உரிமையை எங்களுக்கு மாற்றித் தர வேண்டிய அவசியம் இல்லை.

எனது கதையில் எழுத்துப்பிழைகள் இருந்தால் அவற்றைச் சரிசெய்வீர்களா?

நாங்கள் கதைகளில் உள்ள எழுத்துப்பிழைகள் மற்றும் இலக்கணப் பிழைகளைச் சரிசெய்ய முயற்சி செய்கிறோம். இருப்பினும், அதிகமான எழுத்துப்பிழைகள் மற்றும் மொழிப் பிழைகள் இருந்தால், கதையை வெளியிட இயலாது. எனவே, அனுப்புவதற்கு முன்பு உங்கள் கதையை ஒருமுறைக்கு இருமுறை சரிபார்த்து அனுப்புங்கள்.

நான் அனுப்பிய கதை சிறுகதைகள் இணையதளத்தில் வெளியிடப்பட்டுள்ளதா என்பதை எப்படித் தெரிந்துகொள்வது?

• உங்கள் கதை வெளியிடப்பட்டதும் மின்னஞ்சல் வாயிலாகத் தெரிவிக்கப்படும்.
• கதையாசிரியர்கள்பகுதியில் உங்கள் பெயர் இணைக்கப்படும்.
• அனுப்பப்படும் அனைத்துக் கதைகளையும் வெளியிட வேண்டிய கட்டாயம் இல்லை. ஒரு கதையை வெளியிடாமல் இருப்பதற்கான உரிமை தள நிர்வாகத்திற்கு உண்டு.

எனது கதையை ஏன் வெளியிடவில்லை?

கதையின் தரம், எழுத்து நடை, உள்ளடக்கம் மற்றும் தளத்தின் கொள்கைகள் ஆகியவற்றின் அடிப்படையில் கதைகள் தேர்ந்தெடுக்கப்படுகின்றன.

பின்வரும் காரணங்களால் கதைகள் நிராகரிக்கப்படலாம்:

• கதையின் தரம் போதுமானதாக இல்லாமை.
• அதிகமான எழுத்துப்பிழைகள் மற்றும் இலக்கணப் பிழைகள்.
• ஆபாசமான அல்லது தகாத வயது வந்தோருக்கான உள்ளடக்கம் (Adult Content).
• இணையதளத்தின் கொள்கைகளுக்கு முரணான உள்ளடக்கம்.

அனைத்துக் கதைகளையும் வெளியிட வேண்டிய கட்டாயம் எங்களுக்கு இல்லை. ஒரு கதையை வெளியிடுவதா, வேண்டாமா என்பதைத் தீர்மானிக்கும் உரிமை தள நிர்வாகத்திற்கு உண்டு.

கதை வெளியிடப்பட்ட பிறகு அதில் திருத்தங்கள் செய்ய முடியுமா?

ஆம். உங்கள் கதையில் ஏதேனும் எழுத்துப்பிழைகள், தகவல் பிழைகள் அல்லது வேறு திருத்தங்கள் செய்ய வேண்டியிருந்தால், எங்களை மின்னஞ்சல் மூலம் தொடர்பு கொள்ளுங்கள். உங்கள் கோரிக்கையைப் பரிசீலித்து தேவையான திருத்தங்களைச் செய்கிறோம்.

எனது கதையை இணையதளத்திலிருந்து நீக்க முடியுமா?

ஆம். உங்கள் கதையை நீக்க விரும்பினால், எந்தக் கதையை நீக்க வேண்டும் என்பதையும், அதற்கான காரணத்தையும் குறிப்பிட்டு எழுத்துப்பூர்வமாக மின்னஞ்சல் அனுப்புங்கள்.

காரணத்தைக் குறிப்பிடுவது விருப்பமானது. இருப்பினும், உங்கள் கோரிக்கையைப் பரிசீலிக்க உதவியாக இருக்கும்.

எனது புகைப்படத்தையும் எழுத்தாளர் அறிமுகத்தையும் வெளியிட முடியுமா?

ஆம். உங்கள் புகைப்படம் மற்றும் சுயவிவரத்திற்குத் தேவையான விவரங்களை எங்களுக்கு மின்னஞ்சல் மூலம் அனுப்புங்கள்.

உங்கள் புகைப்படம் மற்றும் விவரங்களை எங்கள் இணையதளத்தின் ‘சுயவிபரம் – சிறுகதைகள்‘ பகுதியில் வெளியிடுவோம். மேலும், உங்கள் கதைகளின் கீழ்ப்பகுதியிலும் உங்கள் சுயவிவரப் பக்கத்திற்கான இணைப்பைச் சேர்ப்போம்.

உங்கள் அறிமுகத்தில் பின்வரும் விவரங்களைச் சேர்க்கலாம்:

• எழுத்தாளர் பெயர்
• புகைப்படம்
• பிறந்த ஊர் மற்றும் வசிக்கும் இடம்
• இலக்கியப் பயணம்
• வெளியிட்டுள்ள நூல்கள்
• பெற்றுள்ள விருதுகள் மற்றும் பாராட்டுகள்
• பிற இலக்கியச் சாதனைகள்

உங்களுடைய அறிமுகத்தைச் சுருக்கமாகவும் தெளிவாகவும் அனுப்புவது நல்லது.

இதுவரை எந்தப் பத்திரிகையிலும் எனது கதை வெளியாகவில்லை. நான் கதையை அனுப்பலாமா?

நிச்சயமாக! புதிய எழுத்தாளர்களின் படைப்புகளுக்கும் சிறுகதைகள் இணையதளத்தில் வாய்ப்பளிக்கப்படுகிறது.

நான் பள்ளி அல்லது கல்லூரி மாணவன். எனது கதைகளை அனுப்பலாமா?

மாணவர்களும் தங்களுடைய படைப்புகளை அனுப்பலாம். இளம் எழுத்தாளர்களை ஊக்குவிப்பதே எங்களுடைய நோக்கங்களில் ஒன்றாகும்.

கவிதைகள், கட்டுரைகள், நாவல்கள் போன்ற பிற படைப்புகளையும் அனுப்பலாமா?

கட்டுரைகளைத் தவிர, கவிதைகள், நாவல்கள் உள்ளிட்ட பிற இலக்கியப் படைப்புகளையும் அனுப்பலாம். சிறுகதைகள் இணையதளம் தமிழ் இலக்கியத்தின் பல்வேறு படைப்புகளை வாசகர்களிடம் கொண்டு சேர்க்கும் நோக்கத்துடன் செயல்படுகிறது.

எனது கதையின் பதிப்புரிமை யாருக்குச் சொந்தம்?

உங்கள் கதையின் பதிப்புரிமை முழுமையாக உங்களுக்கே சொந்தம். சிறுகதைகள் இணையதளத்தில் வெளியிடுவதற்காக அந்த உரிமையை எங்களுக்கு மாற்றித் தர வேண்டிய அவசியம் இல்லை.

எனது அனுமதியின்றி எனது கதையை வேறு இணையதளங்களில் பயன்படுத்த முடியுமா?

சிறுகதைகள் இணையதளம் அனைவரும் அணுகிப் படிக்கக்கூடிய திறந்த இணையதளமாகும். எனவே, இங்கு வெளியிடப்படும் கதைகளைப் பிறர் நகலெடுத்து வேறு இணையதளங்களில் வெளியிடுவதற்கான வாய்ப்பு உள்ளது.

இத்தகைய நகலெடுப்புகளை எங்களால் முழுமையாகத் தடுக்கவோ, கண்காணிக்கவோ இயலாது. எனவே, உங்கள் படைப்புகளின் பதிப்புரிமையைப் பாதுகாப்பது தொடர்பாக எழுத்தாளர்கள் தகுந்த முன்னெச்சரிக்கையுடன் இருப்பது நல்லது.

எனது கதையை சமூக ஊடகங்களில் பகிரலாமா?

நிச்சயமாக! உங்களுக்குப் பிடித்த கதைகளை Facebook, WhatsApp, Telegram உள்ளிட்ட சமூக ஊடகங்கள் வழியாக நண்பர்கள் மற்றும் உறவினர்களுடன் பகிர்ந்து கொள்ளலாம்.

நான் அனுப்பும் கதைக்கு வகையைத் தேர்ந்தெடுப்பது அவசியமா?

சிறுகதைகள்.காம் இணையதளத்தில் ஒவ்வொரு முறையும் ஒரு எழுத்தாளரின் கதை வெளியிடப்படும்போது, அந்தக் கதை எந்த வகையைச் சேர்ந்தது என்பதையும் தேர்ந்தெடுக்க வேண்டும்.

ஒரு கதை பல்வேறு வகைகளுக்குப் பொருந்தக்கூடியதாக இருந்தாலும், அதன் முக்கியக் கருப்பொருள் அல்லது உள்ளடக்கத்தைப் பிரதிபலிக்கும் வகையைத் தேர்ந்தெடுக்க வேண்டும்.

ஒவ்வொரு கதையும் அதற்குரிய வகையின்கீழ் கதையாசிரியரின் பெயருடன் இடம்பெறும்.

நீங்கள் கதையின் வகையைக் குறிப்பிடாவிட்டால், நாங்களே அதற்குப் பொருத்தமான வகையைத் தேர்ந்தெடுக்க வேண்டியிருக்கும்.