பேகம், உனக்கு யோகம்!

(1989ல் வெளியான சிறுகதை, ஸ்கேன் செய்யப்பட்ட படக்கோப்பிலிருந்து எளிதாக படிக்கக்கூடிய உரையாக மாற்றியுள்ளோம்)

மும்தாஜ் பேகம் ஒன்பது வயதுச் சிறுமி. கோவை பெரிய கடை வீதி பாத்திமா கான்வென்டில் மூன்றாம் வகுப்புப் படிக்கிறாள்.

செலவுக்குக் கொடுத்த காசை சேமித்துவைத்தாள். ”ஈ மொய்த்த பண்டத்தை வாங்கிய ஈஸ்வரனை கண்டித்தாள். அம்மா தந்த காசு, அப்பா தந்த காசு, மாமா தந்த காசு… அனைத்தையும் சேர்த்து வைத்து தமிழக லாட்டரிச் சீட்டு ஒன்று வாங்கினாள். ‘உண்ணாமத் தின்னாம லாட்டரிச் சீட்டு வாங்குவாங்களாக்கும்” என்று அவள் தோழி கேட்டாள். பேகம் சொன்னாள்: “விழுந்தால் வீட்டுக்கு, விழாவிட்டால் நாட்டுக்கு, தமிழக அரசின் தர்ம காரியத்தில் என் பங்கும் இருக்கட்டுமே” என்றாள்.

ஆம் அவளுக்குத்தான் அடித்தது யோகம், ஒரு லட்சம் ரூபாய். பேகம் வாங்கிய 102ஆவது குலுக்கல் எல் எல் வரிசை. 607944 என்ற எண்ணுக்கு ஒரு லட்சம் பரிசு கிடைத்தது.

சிறு வயதில் சேர்த்துவைக்கும் சேமிப்பு குடும்பத்தை நடத்தும் காப்பு நிதியாயிற்று.

அதிர்ஷ்டத்தில் நம்பிக்கை கொள்ளக்கூடாது. ஆனாலும் உன் சிறுசேமிப்பு உன்னையும் உன் குடும்பத்தை யும் வாழவைத்தது.

சிறுக விதைத்து பெறுக அறுத்த சிறுமியே நீ வாழ்க!

”பணமோ எல்லாவற்றிற்கும் உதவும்” – [பிரசங்கி 10:19]

– எழுச்சியூட்டும் எழுபது கதைகள், சிரிப்புக் கதைகள், முதற் பதிப்பு: ஜூலை 1989, ஜெயா பப்பிளிகேஷன்ஸ், பாளையங்கோட்டை.