கனா கண்டேன் தோழா நான்!

 

நண்பன் நாராயணன் ஏதாவது கனவு கண்டால் அவனது மனைவியிடம்கூடச் சொல்லமாட்டான். (அப்படியே அவன் சொன்னாலும் அந்த அம்மையார் பொறுமையாக காது கொடுத்துக் கேட்கமாட்டாள்.)

ஆகவே தனது கனவுகளை சுடச்சுட சொல்லுவதற்கு சில வேளைகளில் என் வீட்டிற்குக் காலை ஏழு மணிக்கெல்லாம் வந்து விடுவான்.

அன்றைக்குக் காஃபி சாப்பிட்டானதும் தன் கனவைப் பற்றிக் கூறினான். ஏதோ ஒரு சத்திரத்தில் நிறைய மனிதர்கள் மூட்டை முடிச்சுகளுடன் காத்திருக்கிறார்களாம். அவர்களுக்கு நடுவில் நாராயணனும் போய் உட்கார்ந்து கொள்கிறானாம். சாப்பாடு இன்னும் வரவில்லையே என்று ஒருத்தர் கத்துகிறாராம். நாராயணன் அவரை ஓங்கி அடிக்கிறானாம். ‘போடுவதே தர்ம சாப்பாடு. ஏன் கத்துகிறீர்,‘ என்று நாராயணன் கோபப்படுகிறானாம்.

விழிப்பு வந்துவிட்டதாம். ‘இதற்கு ஏதாவது பலன் உண்டா?‘ என்று கேட்டான். அவன் என்னிடம் கேட்டத்தில் ஓர் அர்த்தம் உண்டு.

’என்ன கனா கண்டால் என்ன பலன்’ என்பது பற்றி ஒரு பழைய புத்தகம் என்னிடம் இருந்தது. அதைப் பார்த்து அவனுக்குப் பலன் சொல்லவேண்டும் என்று விரும்பினான்.

கனவுகளின் பலா பலன்களைப் பற்றி தேவ குருவாகிய வியாழ பகவான் விரிவாக கூறியுள்ளார்.

’சில பேருக்கு கனவுகள் அதிபித்த ரோகத்தாலும், தேக அஜீரண பலவீனம் முதலியவற்றாலும் நேர்தல் உண்டு. அவை பலிக்கப்படமாட்டாது. ஆயினும் சில கனவுகள் பலிக்கக் கூடியவை. பெரியோரின் அனுபவத்தினாலும் கண்டிருக்கிறோம். ஆதலால் அதனைப் பொய்யெனத் தகாது’ என்ற முன்னுரையுடன் கூடிய ’கனா நூல்’ என்ற அந்த நூலைப் புரட்டினேன்.

அதிலிருந்து சில பலன்கள்:

1. இடுக்கான ஒரு வழியில் சிக்கிக்கொண்டு நடப்பதற்குக் கஷ்டப்படுவதுபோல் கண்டாலோ, ஏதாவது குகையில் தனித்து இருப்பதுபோல் கண்டாலோ ஏதாவது கஷ்டம் வரும். குகையில் கொடிய பிராணிகளைக் கண்டால் புத்திரருடன் விரோதம்.

2. சுடுகாட்டைக் கண்டால் வீட்டில் அபிவிருத்தி.

3. காய்கறிகளைக் கண்டால் புகழ்.

4. அழுக்கான தண்ணீரைக் கண்டால் எண்ணிய காரியம் முடியாது.

5. நீரின் மேலே மிதந்துகொண்டு போவதுபோல் கண்டால் சுக ஜீவனம்.

6. தீப் பந்தத்தை அல்லது தீவட்டியைத் தானே கையில் பிடித்திருப்பதுபோல் கண்டால் ஆபத்து நீங்கும். சிநேகிதர்கள் உதவுவார்கள். மற்றொருவன் தீப் பந்தம் பிடித்திருப்பதுபோல் கண்டால் தனக்குத் தீமை செய்கிறவன் கெடுவான்.

7. காற்றாடி விடுவதுபோல கண்டால் அதிர்ஷ்டம் உண்டாகும்.

8. இருளில் வழி தெரியாமல் இடி மின்னல் கூடிய சூழ்நிலையில் தப்பி ஓடுவதுபோல கண்டால் ஆபத்து ஒழியும்.

9. கடும் வெய்யிலில் நடப்பதுபோல கண்டால் திரவிய லாபம்.

10. வெண்ணையைக் கண்டால் உத்தியோக லாபம்.

11. பிணத்தைக் கண்டால் விருந்து சாப்பிடும் பாக்கியம் கிடைக்கும்.

12. பெண் போல் தலைமுடியை வளர்த்தவனைக் கண்டால் பெண்களால் மோசமடைவான். மொட்டைத் தலையனைக் கண்டால் ஆரோக்யம் ஏற்படும்.

13. சிங்கம், புலி முதலிய கொடிய மிருகங்களைக் கண்டாலும் அவைகள் கடித்ததாகக் கண்டாலும் விரோதம் உண்டாகும்.

14. கல்யாணத்திற்குத் தான் உதவி செய்வதுபோல் கண்டால் எடுத்துக்கொண்ட காரியம் வெற்றி.

15. விரோதிகளைக் கண்டு பேசினதாகவும், சண்டையிட்டதாகவும் கண்டால் துன்பம் ஏற்படும்.

16. இறந்தவருடன் பேசினதாகக் கண்டால் புகழ் உண்டாகும்.

17. பிசாசைக் கண்டால் எடுத்துக்கொண்ட காரியம் நஷ்டம் அடையும்.

18. பசுக்கள் மேயக் கண்டால் நன்மை.

19. தான் பைத்தியமாக ஆகிவிட்டதுபோல் கனாக் கண்டால் செல்வம் உண்டாகும்.

20. குரங்கைக் கண்டால் கலகம் ஏற்படும்.

21. தான் நிர்வாணமாகத் திரிவதுபோல் கண்டால் தரித்திரம் உண்டாகும்.

22. அம்மை வார்த்திருப்பதாகக் கண்டால் தனப் பிராப்தி.

23. எண்ணெய் தேய்த்துகொள்வதாகக் கண்டால் வியாதி.

இன்னும் இதுமாதிரி ஏராளமான பலன்களை நான் படிக்கப் படிக்க நண்பன் நாராயணன் பொறுமை இழந்து ‘நான் கண்ட கனவுக்கு என்ன பலன்? அதைப் பார் முதலில்,‘ என்றான்.

‘நீ என்ன கனவு கண்டாய்?‘

‘சத்திரத்தில் இருப்பதுபோல கண்டேன்‘ என்றான்.

நான் புரட்டிப் பார்த்துவிட்டு ‘சத்திரத்தில் இருப்பதுபோல கண்டால், சிறை வாசம் ஏற்படும் என்று பலன் போட்டிருக்கிறது,‘ என்றேன்.

நாராயணன் பயப்பட்டான். ‘அய்யய்யோ, நான் ஜெயிலுக்குப் போய் விடுவேனா?‘

நான் சிரித்தேன். ‘நீ தான் ஏற்கெனவே ஜெயிலுக்குப் போய்விட்டு வந்தாயிற்றே.‘

நாராயணனும் சிரித்தான்.

ஆமாம், நாராயணன் சென்னை சென்ட்ரல் ஜெயிலுக்குப் போனது உண்மைதான். ’பழைய ஜெயிலை இடிப்பதற்கு முன் பொதுமக்கள் வந்து பார்வையிடலாம்’ என்ற அறிவிப்பு வந்திருந்ததல்லவா! ஜெயிலை வேடிக்கை பார்த்துவிட்டு வந்தவர்களின் நாராயணனும் ஒருவன்.

அவன் கனவு பலித்துத்தானே விட்டது? 

தொடர்புடைய சிறுகதைகள்
கங்கைக் கரைத் தோட்டம்…
பூமி தன்னைத்தானே ஒருமுறை சுற்றிக் கொள்வதற்கு 23-மணி 56 நிமிடம் 4.095 வினாடி ஆகுமென்று எல்லாக் கலைக் களஞ்சியங்களும் கதறுவதைச் சீதாப்பாட்டி நன்கு அறிவாள். ஆனாலும் தபால்காரன் கொடுத்துச் சென்ற கடிதத்தைப் பிரித்ததும் கலைக் களஞ்சியங்களின் ஆய்வு அத்தனையும் பொய்யோ என்று ...
மேலும் கதையை படிக்க...
வாங்கய்யா வாட்ச் மேனய்யா!
இன்னும் கொஞ்ச நாள் போனால் வேலைக்காரர்களே கிடைக்க மாட்டார்கள்; சமையல்காரர்கள் அகப்பட மாட்டார்கள்; டிரைவர்களைப் பார்க்கவே முடியாது... இப்படியெல்லாம் ஒரு பயம் பரவிக்கொண்டு இருக்கிறது. எங்கள் அடுக்கக வாட்ச்மேன், டியூட்டி என்று எது ஒன்றும் குறிப்பாகப் பார்த்ததாகக் கூற முடியாது. ‘உளன் எனின் ...
மேலும் கதையை படிக்க...
கிளிண்டனை வரவேற்கிறார் அப்புசாமி
''அடியே கிழவி! இதெல்லாம் அபூர்வம்டி. பேப்பரிலே கொட்டை எழுத்திலே போட்டிருக்கானே. உன் காடராக்ட் கண்ணுக்குத் தெரியலையா? இருபத்திரண்டு வருஷத்துக்கு அப்புறம் நம்ம இந்தியாவுக்கு வர்றார்டி அமெரிக்க ஜனாதிபதி!'' அப்புசாமி மனைவியிடம் மன்றாடிக் கொண்டிருந்தார். ஆந்திரா மஹிளா மண்டல் என்ற சமூக அமைப்புடன் சீதாப்பாட்டிக்கு ...
மேலும் கதையை படிக்க...
அப்புசாமி சுற்றுமுற்றும் ஒரு தரம் பார்த்தார். மூன்று தரம் பார்த்தார். மனைவி சீதாலட்சுமியின் குறட்டை ஒலி உள்ளிருந்து வந்தது. ‘நல்ல காலம்’ என்று நினைத்துக்கொண்டு பொடிக் கடையை நோக்கி விரைந்தார். பொடிக் கடைக் கதவுகள், ஐயஹோ! அடைத்துக் கூடக்… இல்லை… இல்லை… அப்புசாமிக்கு ...
மேலும் கதையை படிக்க...
கல்யாண வீட்டில் சகல பேர்களும் செல்போன் வைத்துக் கொண்டு இருந்தார்கள். கல்யா ணப் பெண், மாப்பிள்ளைப் பையன், நடத்திவைக்கிற சாஸ்திரிகள், தலைமை நாகஸ்வரக்காரர், ஜால்ரா இளைஞன், சத்திரத்து வாட்ச்மேன்... பட்டியல் நீளம்! அழுதுகொண்டு இருந்த ஒரு ஆறு மாசக் குழந்தையின் கையில் ...
மேலும் கதையை படிக்க...
ஓட்டேரிப் பாதையிலே..
அப்புசாமி, சீதாப்பாட்டியின் மோவாயைத் தொடாத குறையாகக் கெஞ்சினார். சீதாப்பாட்டியோ கைக்குட்டையால் மோவாயைத் துடைத்துக் கொண்டு. "என்னைக் சும்மா தொந்தரவு செய்யாதீர்கள். ஐ டூ க் லை டமில் பிக்சர்ஸ். ஆனால் இந்தப் படத்துக்கு மட்டும் 'ப்ளீஸ்' என்னைக் கூப்பிடாதீர்கள்," என்று மறுத்தாள். சாதாரணமாகச் சீதாப்பாட்டி ...
மேலும் கதையை படிக்க...
கீழ் வானில் பெளர்ணமி சந்திரன் சோளா பட்டூரா மாதிரிப் பெரிசாகக் காட்சி தந்தது. நட்சத்திரங்களே சென்னா, நீலவானமே அவைகளை ஏந்தும் பிளேட். அழுக்கு மேகமே லாலா கடை சப்ளையர், ஆனால் அப்புசாமி காளிதாச மனோநிலையில் இல்லாததால் சந்திரனை ரசிக்காமல் மொட்டை மாடியிலிருந்து ...
மேலும் கதையை படிக்க...
‘‘சரி... நடந்தது நடந்து போச்சு! இனிமே நடக்கறது நல்ல தாவே நடக்கும். நம்பிக்கை யோடு இரு. ஒண்ணு சொல்றேன், நல்லாக் கேட்டுக்கோ. எது ஒண்ணும் நிரந்தரமில்லே. வர்றப்ப யார் கூட வந்தே? நினைச்சுப் பார். நம்ம கூடவே யாரும் இருக்கப் போறதில்லே, ...
மேலும் கதையை படிக்க...
கொலை வெறி! கொலை வெறி! டீ!
"வேண்டாம். ப்ளீஸ். சொன்னாக் கேளுங்க... நான் என்ன சொல்லிட்டேன்னு இப்படிக் கிளம்பறீங்க?'' ""ஏன், கடைத்தெருன்னா மானம் போயிடுமாக்கும்? நீ எப்படி வேண்டுமானால் நடந்துக்கலாம், பேசலாமாக்கும்?'' ""நான் மன்னிப்புக் கேட்டுக்கறேன்...'' ""வேண்டாம். நான் ராத்திரியே தீர்மானிச்சுட்டேன். உன் கையாலே ஒரு டம்ளர் தண்ணிகூட வாங்கிச் சாப்பிடமாட்டேன்..'' ""சாப்பிடாட்டாப் பரவாயில்லே. ...
மேலும் கதையை படிக்க...
"டைனிங் டேபிள் மேலே காப்பி வைச்சேன். குடிக்கிறதுக்கென்ன?" என்றாள் சீதாப்பாட்டி. "சீதே! காப்பி என்கிறது ஒரு குடும்பத்துக்குள்ளே ஒற்றுமையை வளர்க்கிறது. அதைக் குடிக்கிறப்போ உடம்பும், உள்ளமும் தெம்பாயிருக்கு. எப்போ நம்ம உடம்பும் மனசும் தெம்பா இருக்குதோ அப்போது நாம செய்யற காரியமும் நல்ல ...
மேலும் கதையை படிக்க...
கங்கைக் கரைத் தோட்டம்…
வாங்கய்யா வாட்ச் மேனய்யா!
கிளிண்டனை வரவேற்கிறார் அப்புசாமி
மஞ்சள் பிசாசே! கொஞ்சம் நில்!
நரிக்குறவி அம்மையாருக்கு செல்…
ஓட்டேரிப் பாதையிலே..
தேள் அழகர் அப்புசாமி
நடந்தது நடந்துவிட்டது!
கொலை வெறி! கொலை வெறி! டீ!
வளவளா வைரஸ்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)