பணயம்!

 

மாநிலத்திலேயே அந்தக் கல்லூரிக்குத் தான் மிக நல்ல பெயர். அந்தக் கல்லூரிக்கு மாநில அரசு, மத்திய அரசு எங்கும் நிறைய செல்வாக்கு உண்டு. ஒரு மாணவனுக்கு அந்தக் கல்லூரியில் இடம் கிடைத்து விட்டால் அவன் எதிர் காலத்தைப் பற்றிய கவலையை பெற்றோர் சுத்தமாக மறந்து விடலாம்!

அதற்கு முக்கிய காரணம் படிப்பு முடிவதற்குள், நாட்டிலேயே மிக அதிக சம்பளம் தரும் பெரிய நிறுவனங்கள் போட்டி போட்டு நான், நீ என்று வேலைக்கு உத்திரவு கொடுப்பது தான்!

பெற்றோர்கள் தங்கள் குழந்தைகளை அந்தக் கல்லூரியில் எப்படியாவது சேர்த்து விட வேண்டும் என்று தவம் இருப்பார்கள்!

பிளஸ் டூ வில் 1100 க்கு மேல் வாங்கியவர்கள் தான் அந்தக் கல்லூரியில் மெரிட் கோட்டாவைப் பற்றி பேச முடியும். மெரிட் கோட்டா அட்மிசன் முடிந்ததும், மேனேஜ்மெண்ட் கோட்டாவில் மாணவர்களைச் சேர்ப்பார்கள்.

அரசு வழக்கம் போல் நன்கொடை வாங்கக் கூடாது. அப்படி நன்கொடை வாங்கியது தெரிய வந்தால் அந்த கல்வி நிறுவனத்தின் அங்கீகாரம் ரத்து செய்யப்படும் என்று கடுமையாக எச்சரிக்கை செய்வது வருடா வருடம் ஒரு வழக்கம்! அதை யாரும் பெரியதாக எடுத்துக் கொள்வதில்லை!

மேனேஜ்மெண்ட் கோட்டா அட்மிஷன் அன்று நடந்தது! மாணவர்களை அவர்கள் பெற்றோர்களுடன் ஒரு பெரிய ஹாலில் உட்கார வைத்திருந்தார்கள்!

மாணவர்களின் பெற்றோர்கள் அந்தக் கல்லூரியில் எப்படியாவது அட்மிஷன் வாங்கி விட வேண்டும் என்று துடித்துக் கொண்டிருந்தார்கள்.

முதல் வரிசையில் உட்கார்த்து இருப்பவர்களில் ஒருவர் ஆளும் கட்சியின் முக்கிய பிரமுகர். அவருக்கு பக்கத்தில் உட்கார்ந்திருப்பவர் ஒரு அரசியல் பத்திரிகை ஆசிரியர். அவருகுக்குப் பக்கத்தில் உட்கார்ந்திருந்தவர் நகரத்திலேயே நெம்பர் 1 கிரிமினல் லாயர். மூவரும் ஏற்கனவே அறிமுகமானவர்கள்.

ஆர்வத்தோடு நிர்வாகத்தினர் என்ன சொல்லப் போகிறார்கள் என்பதை எல்லோரும் எதிர் பார்த்து காத்திருந்தனர்!

கல்லூரி பொறுப்பாளர் ஒருவர் இரண்டு ஜெராக்ஸ் காகிதங்களைப் ‘பின்’ பண்ணி இதில் உள்ளபடி நீங்கள் கல்லூரி நிர்வாகத்திற்கு தங்கள் கைப்பட ஒரு கடிதத்தை எழுதி, அத்துடன் அருகில் இருக்கும் வங்கியில் இரண்டு லட்சத்திற்கு ஒரு டி.டி. எடுத்து இணைத்து கொண்டு முதலில் வருபவர்களுக்கு உடனடியாக இன்றே அட்மிசன் தரப் படும் என்று சொல்லிக் கொண்டே அந்தப் படிவங்களை வழங்கினார்.

‘ இந்தக் கல்லூரி மேலும் சிறப்பாக செயல் பட வேண்டுமென்று ஆசைப் பட்டு கல்லூரிக்குத் தேவையான கட்டிடம் கட்டுவதற்கு என்னால் முடிந்த சிறு உதவியை என் சொந்த விருப்பத்தின் பேரில் தருகிறேன். நான் விருப்பப் பட்டு தரும் இந்த நன்கொடைக்கும், இந்தக் கல்லூரியில் படிக்கும் என்

2

குழந்தையின் அட்மிஷனுக்கும் எந்த தொடர்பும் இல்லை என்று உறுதியளிக்கிறேன்.’ என்று அந்த ஜெராக்ஸ் கடிதத்தில் இருந்தது.

அதை வாங்கிய அடுத்த நிமிஷமே அந்த ஆளும் கட்சிப் பிரமுகர், பத்திரிகை ஆசிரியர், கிரிமினல் லாயர் மூவரும் அவசர அவசரமாக ஜெராக்ஸ் படிவத்தில் உள்ளபடி தங்கள் கையால் ஒரு கடிதத்தை எழுதிக்கொண்டு, வேகமாக வங்கியை நோக்கி ஓடினார்கள். அவர்களுக்கு இது விஷயம் முன்பே தெரியும் போலிருக்கிறது.

அதற்கு தயாராக வராத சிலர் என்ன செய்வதென்று ஆலோசனை செய்து கொண்டிருந்தார்கள்

சிறிது நேரத்தில் ஆளும் கட்சிப் பிரமுகர், பத்திரிகை ஆசிரியர், கிரிமினல் லாயர் மூவரும் முதலாவதாக மேடைக்குப் போய், டி.டி.யும் ,லெட்டரையும் கொடுத்து, அங்கிருந்த பிரின்ஸ்பாலிடம் தங்கள் பையன்களின் அப்ளிக்கேஷனைக் கொடுத்து அதில் ‘அட்மிட்’ என்று எழுதி வாங்கிக் கொண்டு கீழே வந்து தங்கள் குடும்பத்தாரோடு இமயமலையில் கொடி நாட்டிய சந்தோஷத்தைப் பகிர்ந்து கொண்டனர்.

அதன் பின் தங்கள் அறிவும், ஆற்றலும் மற்றவர்களுக்குத் தெரியும் படி தங்கள் சமுதாயச் சேவையை ஆரம்பித்தார்கள்!

ஒரு குடும்பத்தினருக்கு பணம் போதவில்லை. உள்ளூரில் யார் யாருக்கோ போன் செய்து கைமாற்று கேட்டுக் கொண்டிருந்தார்கள். இன்னும் சிலர் தொகை அதிகம் என்று சொல்லிக் கொண்டிருந்தார்கள்.

அவர்கள் பக்கதில் போய் கிரிமினல் லாயர் “ இது சட்டப்படி ரொம்ப தப்புங்க!…இதை நாம இப்படியே விடக் கூடாதுங்க!..”என்று சொன்னார்.

“அரசே….. நன்கொடை வாங்கக் கூடாதுனு தெளிவாச் சொல்லியிருக்கு!….இந்த நிர்வாகம் நம்மளை முட்டாளுனு நெனைச்சிட்டிருக்கு! இதை இப்படியே நாம விடக் கூடாது!…..” என்றார் அந்த ஆளும் கட்சிப் பிரமுகரும்.

“நாளைக்கு நம்ம பத்திரிகையிலே இந்த மேட்டரை கிழி கிழினு கிழிச்சிடப் போறேன்!….” என்றார் பத்திரிகை ஆசிரியர்.

சமுதாயத்தின் ஆணி வேராக இருக்க வேண்டியவர்கள் தங்கள் தேவைகளை முதலில் கச்சிதமாக முடித்துக் கொண்டு, மற்றவர்களின் எதிர் காலத்தைப் பணயம் வைத்துத் தான் தங்கள் பொதுச் சேவையைத் தொடங்குகிறார்கள்!

- ஜூலை 29 2016 

தொடர்புடைய சிறுகதைகள்
“என்ன....சரவணா...பேப்பரில் அப்படி முக்கியமான நியூஸ்?....அம்மாவும் மகனும் அப்படி விரித்து வைத்து பார்த்துக் கொண்டிருக்கிறீங்க?.....” “அப்பா!....நேத்து சாயந்தரம் என்ன நடந்ததுனு உங்களுக்குத் தெரியாதா?..” “சொன்னாத்தாண்டா.....தெரியும்.?....” “நம்ம ரயில்வே கேட் இருக்கல்ல?.....” “நீ காலேஜூக்குப் போகும் வழியில் இருக்கே!...அதுவா?...” “அதே தானப்பா!....நேத்து மாலை 5-30 மணிக்கு வழக்கம் போல கேட் மூட ...
மேலும் கதையை படிக்க...
முழு நிலவு பத்திரிகை ஆசிரியர் எழுத்து வேந்தன் தமிழ் எழுத்துலகில் மிகவும் புகழ் பெற்ற கதாசிரியர்களில் ஒருவர். அவர் எழுதிய பல நாவல்கள் திரைப் படங்களாக வந்து, வெள்ளி விழா கொண்டாடியுள்ளன! அதனால் அவர் தன் நாவல் ஒன்றுக்கு பத்து லட்சம் ...
மேலும் கதையை படிக்க...
அன்று அதிகாலை நான்கு மணிக்கே சமையறையில் லைட்டைப் போட்டுக் கொண்டு, பாத்திரங்களை உருட்டிக் கொண்டே பேசும் சத்தம் வீட்டில் யாரையும் தூங்க விட வில்லை! அந்த வீட்டின் மூன்று மருமகள்களும் தலைக்கு குளித்துக் கொண்டு, ஆளுக்கு ஒரு வேலையை இழுத்துப் போட்டுக் கொண்டு ...
மேலும் கதையை படிக்க...
“ அம்மா!....வரவர தம்பி ரத்தினத்தின் போக்கே சரியில்லே! தினசரி இரவு வீட்டிற்கு ரொம்ப லேட்டா வருகிறான்.. நேத்து ராத்திரி இரண்டு மணிக்கு வந்து கதவைத் தட்டினான்.. நான் போய் திறந்து விட்டேன்…குடிச்சிருப்பான் போலிருக்கு…எனக்கென்னவோ சந்தேகமா இருக்கு!....” “ அவன் சேர்க்கை சரியில்லே! நானும் ...
மேலும் கதையை படிக்க...
“ என்னங்க!...கொஞ்சம் இங்கே வாங்க!...கிச்சன் சிங் அடைச்சிட்டது….பாத்திரம் கழுவற தண்ணி வெளியே போக மாட்டேன்கிறது!....” “ அதற்கு நான் வந்து என்ன செய்யறது?...இரு பிளம்பருக்குப் போன் செய்யறேன்!..” பிளம்பர்க்குப் போன் செய்தேன். அடுத்த கால் மணிநேரத்தில் அவன் ஆஜர். அடுத்த அரை மணி நேரத்தில் ...
மேலும் கதையை படிக்க...
“ ஏண்டி!..மணி பதினொண்ணு கூட ஆகலே…….அதற்குள் என்னடி தூக்கம்?....எழுந்து போய் அந்த தைலத்தை எடுத்ததிட்டு வாடி!..” “ தினசரி இதே உங்களுக்குப் பொழப்பாப் போச்சு!.....ராத்திரியானா என் உசிரை எடுக்கிறீங்க!....உங்களுக்கு இந்த ஜவுளிக்கடை சேல்ஸ் மேன் உத்தியோகம் வேண்டாம்!....வேற ஏதாவது வேலை தேடிக் கொள்ளுங்க!…காத்தாலே ...
மேலும் கதையை படிக்க...
புரத சத்து மிகுந்த ‘ஹெல்த் பிளான்’ என்ற சத்துப் பவுடர் தயாரிக்கும் அந்தக் கம்பெனியின் முதலாளியும், அன்று அந்தக் கம்பெனி மானேஜர் ராம் பிரசாத்தும் விற்பனை தொடர்பாக ஆய்வு நடத்திக் கொன்டிருந்தார். ‘ஹெல்த் பிளான்’ பவுடரை ‘பாக்கெட்’டில் அடைத்து , மெடிகல் ஷாப்கள் ...
மேலும் கதையை படிக்க...
கோவை பீளமேட்டில் தொழிலதிபர் கோமதி நாயகத்தின் பங்களா. குழந்தை காணாமல் போய் இருபத்தி நான்கு மணி நேரமாகி விட்டது. குடும்பமே துடித்துக் கொண்டிருந்த நேரத்தில் அவர் செல்போனுக்கு ஒரு வீடியோ கால்! குழந்தை பற்றிய தகவலாக இருக்கும் என்று பதறிப் போய் பார்த்தார் ...
மேலும் கதையை படிக்க...
“ முரளி!....உங்கிட்டே ஒரு விஷயம் சொல்லணும்.....உன் ‘வொய்ப்’ அகல்யா சிநேகிதமெல்லாம் அவ்வளவு சரியில்லே!....” “ என்ன அண்ணா சொல்லறீங்க?...” “ நேற்று. ... புருஷனைப் பற்றி கண்டபடி பத்திரிகையில் பேட்டி கொடுத்து டைவர்ஸ் வாங்கிய அந்த சித்ராவோடு இவ ‘ஷாப்பிங்மாலில்’ பேசி சிரிச்சிட்டிருந்தா!...அந்த மாதிரி ...
மேலும் கதையை படிக்க...
முத்தமிழ் இலக்கிய வட்டம் இந்த ஆண்டு நாவலாசிரியர் புரட்சி வேந்தன் அவர்களின் ‘துணையா?...இணையா?..’ என்ற நாவலை பரிசுக்குரிய நாவலாகத் தேர்வு செய்துள்ளது!- என்ற செய்தியை பத்திரிகையில் கட்டம் கட்டி வெளியிட்டிருந்தார்கள்! அந்த செய்தித் தாளை எடுத்துக் கொண்டு தமிழ் செல்வி தன் கணவன் ...
மேலும் கதையை படிக்க...
இரண்டுமே வேறு! வேறு!
எழுத்துக் கூலி!
ஆன்மா சாந்தியடையுமா?
குடியிருந்த கோயில்!
கடன்!
மகளுக்கு கடமை இல்லையா?
வியாபாரம் என்பது அரசியல் மாதிரி!
டைட்டில் கார்டு!
குடும்ப கௌரவம்!
எழுத்தாளனின் மனைவி!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)