மயில் கழுத்து நிறப் புடவை

 

மாலை மணி ஏழு.

கட்டிலின் மீது அமர்ந்து டி.வி. பார்த்துக் கொண்டிருந்தான் பாஸ்கர்.

அவனுக்கு இப்போது ரிசல்ட் தெரிந்து விடும். அதனால் மிகவும் பதட்டத்துடன் இருந்தான்.

அலுவலகம் விட்டு அப்போதுதான் திரும்பிய ரூம்மேட் ரமணன், “என்னடா மச்சி ரூம்லேயே அடைஞ்சு கிடக்க…உன் லவ்வு ஊத்திக்கிடுச்சா, நீ கொடுத்த லவ் லெட்டருக்கு இன்னிக்கு பதில் தெரியும்னியே?” என்றான் கிண்டலாக.

“இல்லடா அந்த டென்ஷன்லதான் ரூம்லேயே அடஞ்சு கிடக்கேன், சுகன்யா என்னைக் காதலிக்கிறாளா இல்லையான்னு இப்ப ஏழரை மணிக்கு கண்டிப்பா தெரிஞ்சிடும். மத்தியானமே என்னுடைய லெட்டரை படிச்சுப் பார்த்திருப்பா….ம்..அந்த ஏஞ்சல் எனக்கு கிடச்சா என்னுடைய அதிர்ஷ்டம், அவளுடைய அருகாமை எனக்கு யானை பலம்…” பெருமூச்சு விட்டான் பாஸ்கர்.

சுகன்யா….

பாஸ்கருடன் ஒரே அலுவலகத்தில் வேலை செய்பவள். அவளுடைய அபரிதமான அழகு, அளவான புன்னகை, பழகும் தன்மை, பொறுமை, நிதானம், ரெளத்ரம் பழகாத அமைதி என தன் சிறப்பான குணங்களால் பாஸ்கரை ஏங்க வைத்து விட்டாள். அவளின் அழகையும், நல்ல தமிழ் உச்சரிப்பையும் புரிந்துகொண்ட ஒரு பிரபல டி.வி. நிறுவனம் சுகன்யாவை தன்னுடைய சேனலில் செய்தி வாசிக்க தேர்வு செய்தது. ஒரு நாள் விட்டு மறு நாள் என அவள் மாலை ஏழரை மணி செய்திகள் வாசிப்பதில் அந்தக் காலத்து ஷோபனா ரவிபோல் மிகவும் பிரபலமாகி விட்டாள்.

தன் காதலை எப்படி அவளிடம் சொல்வது என தவித்த பாஸ்கர், இன்று மதியம் அவள் அலுவலகத்தில் இருந்தபோது, தன் காதலை அழகாக வெளிப்படுத்தி ஒரு மின்னஞ்சல் அனுப்பி விட்டான். அனுப்பி விட்டானே தவிர பயமும், எங்கே தன்னை காட்டிக் கொடுத்து புகார் செய்து விடுவாளோ என பயந்து சீக்கிரமாக ரூமுக்கு திரும்பி விட்டான்.

இப்பொழுது தவித்துக் கொண்டிருக்கிறான். தான் எழுதிய மின்னஞ்சலின் நகலை ரமணனிடம் காண்பித்து படித்துப் பார்க்கச் சொன்னான். ரமணன் ஆர்வமுடன் படித்தான்.

‘என் இனிய சுகன்யாவுக்கு,

ஒரே அலுவலகத்தில் உன்னுடன் பணிபுரியும் நான் உனக்கு ஈ மெயில்
அனுப்புவது ஆச்சரியமளிக்கலாம். என்ன செய்வது, நேரில் இந்த விஷயத்தை என்னால் கோர்வையாக, அழகாக பேசமுடியாமல் பயத்தினால் வார்த்தைகளை விழுங்கி விடுவேன். எனவே தமிழில் இந்த மெயில்.

கடந்த ஒன்பது மாதங்களாகவே என்னுள் உன்னுடைய ஆக்கிரமிப்பு அதிகரித்திருப்பதை என்னால் உணர முடிகிறது. அலுவலக லஞ்ச் இடைவெளியின்போது பொது விஷயங்களை நாம் நிறைய பேசுகிறோம்; கொண்டுவரும் உணவுப் பதார்த்தங்களை பரிமாறிக் கொள்கிறோம். ஆனால் உன்னைப் பற்றிய என் எண்ணங்களை உன்னிடம் பரிமாறிக் கொள்ளத் துடிப்பது உனக்குத் தெரியுமா?

ஒரு நல்ல சினிமாவை, டிராமாவைப் பார்த்தால்; நல்ல கதை கட்டுரைகளைப் படித்தால் உடனே உன்னிடம் ஓடி வந்து அது பற்றி அளவளாவ வேண்டும் எனத் துடிக்கிறேன். இரவில் தூக்கம் வராது உன் நினைப்பில் தவிக்கிறேன்.

நீ எனக்கு அத்தியாவசியமானவள். அவசியமானவள். உன்னுடைய சொக்கும் அழகு என்னை அடித்துப் போட்டது நிஜம் என்றாலும், அது மட்டுமே காரணமல்ல. உன்னுடைய சுறுசுறுப்பு, புத்திசாலித்தனம் இன்னும் எவ்வளவோ….

நீ ஒருநாள் அலுவலகம் வரவில்லை என்றால் எனக்குப் பைத்தியம் பிடித்தது போல் இருக்கிறது. வெறுமையான உன் இருக்கையைப் பார்க்கும் போது வெறுத்துப் போய் விடுகிறது.

ஒரு நல்ல திட்டமிட்ட அழகான வாழ்க்கையை நான் உன்னுடன் அமைத்துக்கொள்ள விரும்புகிறேன். நீ என்னை விரும்புகிறாயா இல்லையா என்பதை என்னால் புரிந்து கொள்ள முடியாவிடினும், வெறுக்கவில்லை என்பது மட்டும் நம்முடைய இந்த ஒன்பது மாத நட்பின் மூலம் என்னால் உறுதியாகச் சொல்ல முடியும்.

இந்த நட்பு காதலாகி, நம் திருமணத்தில் முடிய எனக்கு மிகுந்த விருப்பம் சுகன்யா. என்னுடைய இந்த அணுகுதலில் நேர்மை இருப்பதாக நம்புகிறேன். என் (நம்) எதிர்காலத்தை நிர்ணயிக்கும் உன்னுடைய சாதகமான பதிலை எதிர்பார்த்து இன்று மாலை ஏழரை மணிக்கு டி.வி.யில் நீ செய்திகள் வாசிக்கும்போது உன்னைப் பார்ப்பேன்.

உன்னிடம் இருக்கும் எனக்குப் பிடித்தமான மயில் கழுத்து நிறப் புடவையில், உன் தலையில் ஒரு ஒற்றை ரோஜாவுடன் வந்து செய்திகள் வாசித்தால் நம் காதலுக்கு நீ சம்மதம் சொல்லிவிட்டதாக எடுத்துக் கொள்வேன்.

ஆர்வமுடன், பாஸ்கர்

பாஸ்கர் மணி பார்த்தான். ஏழு இருபது.

டி.வி.யில் உப்புச்சப்பில்லாத ஒரு சீரியல் ஓடிக் கொண்டிருந்தது. ஏராளமான மார்பகங்களுடன் ஒருத்தி அழுது கொண்டிருந்தாள்.

பாஸ்கர் கட்டிலிலிருந்து எழுந்திருந்து, கண்ணாடி முன் நின்று தலையை வாரிக் கொண்டதும் மறுபடியும் கட்டிலின்மேல் அமர்ந்தான்.

மணி 7.28. மறுபடியும் எழுந்து கொண்டு கண்ணாடி முன் நின்று தன் முகத்திற்கு மெலிதாக பவுடர் பூசிக் கொண்டான். பதட்டத்துடன் கட்டிலின் மீது அமர்ந்து கொண்டான்.

ஏழு முப்பது.
.
பாஸ்கர் பர பரப்பானான்.

“வணக்கம்…செய்திகள் வாசிப்பது சுகன்யா, முதலில் தலைப்புச் செய்திகள்….”

பாஸ்கர் கட்டிலை விட்டுத் துள்ளி எழுந்தான். கண்களில் நீர் பொங்க சந்தோஷத்துடன் ரமணனை கட்டியணைத்தான்.

“மச்சி, காதலுக்கு சம்மதம் சொல்லிட்டாடா…கிளம்பு வெளில போய் சாப்பிட்டுவிட்டு செகண்ட் ஷோ சினிமா போகலாம்…இன்னிக்கி எல்லாமே என் செலவு” ரமணனை ஆயத்தப் படுத்தினான்.

சுகன்யா மயில் கழுத்து நிறப் புடவையில், தலையில் ஒற்றை ரோஜாவுடன் செய்திகளை தொடர்ந்து வாசித்துக் கொண்டிருந்தாள். 

தொடர்புடைய சிறுகதைகள்
(இதற்கு முந்தைய ‘காமராஜ் நாற்காலி‘ கதையைப் படித்தபின், இதைப் படித்தால் புரிதல் எளிது). இனி அவருடைய சாப்பாட்டில் மாமிச உணவை சேர்த்துக் கொள்ளப் போவதாக, மெட்ராஸில் இருந்த அவனுக்கு கடிதம் எழுதித் தெரிவித்தார். அந்தக் கடிதத்தைப் படித்ததும் அவனுக்கு ஆச்சரியமாகிவிட்டது. நம்ப முடியாமல் இருந்தது. ...
மேலும் கதையை படிக்க...
ராஜாராமன் சென்னையிலுள்ள அந்தப் பிரபல ஐ.டி. நிறுவனத்தில் ப்ராஜக்ட் மனேஜர். அவன் மனைவி வைகுண்ட ஏகாதசிக்கு பெருமாளை சேவிக்க மூன்று வயதுக் குழந்தையுடன் தன் ஊரான ஸ்ரீரங்கம் சென்றிருந்தாள். மனைவியை ஊருக்கு அனுப்பி வைத்துவிட்டு ஜாலியாக தனிமையில் ...
மேலும் கதையை படிக்க...
கதிரேசனின் மனைவி சரோஜாவுக்கு கேன்சர் முற்றிய நிலை. கடந்த இரண்டு வருடங்களாக அதனுடன் போராடிக் கொண்டிருக்கிறாள். கீமோதெரபியினால் அவளது தலைமயிர் முற்றிலும் உதிர்ந்துவிட்டது. கண்கள் வறட்சியுடன் முகம் பொலிவிழந்து அவளைப் பார்க்கவே பரிதாபமாக இருக்கிறது. கதிரேசனுக்கு வயது முப்பத்தி எட்டு. திருமணமாகி பத்து ...
மேலும் கதையை படிக்க...
சிதம்பரநாதனுக்கு வயது அறுபத்தி ஒன்பது. இவ்வளவு வயதாகியும் அவரிடம் மாறாத ஒரே வீக்னெஸ் ‘பெண்கள்’. பதினான்கு வயதில் பெண்களைப் பற்றிய புரிதலுக்கான ஏக்கமும் ஆசையும் அரும்ப ஆரம்பித்த விருப்பங்கள் அவரிடம் இன்றுவரை அடங்கவே இல்லை. அப்படியே வளர்ந்துவிட்டார். பாளையங்கோட்டையில் கல்லூரிப் படிப்பை முடித்துவிட்டு சென்னையின் ஏஜி ...
மேலும் கதையை படிக்க...
முகுந்தன் கடந்த இரண்டு வருடங்களாக முகநூலில் ரொம்ப சுறுசுறுப்பாக செயல்பட ஆரம்பித்து விட்டான். முகநூல் தொடர்புக்கு முன்பு, ஏதாவது கதை கட்டுரைகள் எழுதி அது பிரசுரமாகி தன் பெயர் பிரபலமாக வேண்டும் என்கிற ஆசையில் பல பத்திரிக்கைகளுக்கு எழுதி அனுப்பினான். ஆனால் ...
மேலும் கதையை படிக்க...
(இதற்கு முந்தைய ‘சங்ககாலப் பெண் புலவர்கள்’ கதையைப் படித்தபின் இதைப் படித்தால் புரிதல் எளிது) உலகிலேயே மிகப் பழமையான புஸ்தகம் ரிக்வேதம். சுதந்திரப் போராட்ட வீரர் பால கங்காதர திலகரும், ஜெர்மானிய அறிஞர் ஹெர்மன் ஜாகோபியும் வான சாஸ்திர அடிப்படையில் இதை நிரூபித்துள்ளனர். அவர்கள் கணக்குப்படி ...
மேலும் கதையை படிக்க...
என் பெயர் அருண். வயது இருபது. மானேஜ்மென்ட் படிக்கிறேன். இரண்டு தங்கைகள். அடையாறில் வீடு. அப்பா சென்னையில் ஒரு பெரிய கம்பெனியின் மானேஜிங் டைரக்டர். நான் மிகவும் மென்மையானவன். என் அப்பாதான் எனக்கு ஆதர்ஷ புருஷர். அப்பா எனக்கு நல்ல நண்பர். என் முதுகில் அன்பாகத் ...
மேலும் கதையை படிக்க...
நானும் என் தோழி நாராயணியும் கடந்த நாற்பத்தியிரண்டு வருடங்களாக ஒரே வீட்டில் வசித்து வருகிறோம். நாங்கள் இருவரும் இப்போது எங்களின் எழுபதுகளில் இருக்கிறோம். ஒன்றாக சேர்ந்து வாழலாம் என்று முடிவு செய்தபோது எங்களுக்கு இருபத்தியெட்டு வயதுதான். அந்த இளம் வயதில்கூட, சாகசத்தைவிட வாழ்க்கையில் அமைதிக்காகவும் ...
மேலும் கதையை படிக்க...
(இதற்கு முந்தைய ‘காயத்ரி மந்திர மஹிமை’ சிறுகதையைப் படித்தபின் இதைப் படித்தால் புரிதல் எளிது) குடிலுக்கு வெளியே மழை முற்றிலுமாக நின்றிருந்தது. அந்த வயதான பெண்மணி தன் கைப்பையில் இருந்து தோசை போன்ற பெரிய மொபைலை எடுத்து குதிரை வண்டிக்காரனை வரச்சொல்லி போன் செய்தாள். “அவன் ...
மேலும் கதையை படிக்க...
மாலை மணி ஆறு. அலுவலகத்திலிருந்த அனைவரும் வெளியேறி விட்டனர். அவன் மட்டும் பியூன் சிங்காரத்தின் வரவிற்காக காத்திருந்தான். சிறிது நேரத்தில் சிங்காரம் ஒரு அசட்டுச் சிரிப்புடன், “சார் போகலாமுங்களா...கருக்கல்ல போனாத்தான் சீக்கிரம் திரும்பியாரலாம்” என்றான். இவன் ஒரு புன்சிரிப்புடன் மேஜையின் இழுப்பறைகளைப் பூட்டிவிட்டு, சாவிக் கொத்துகளை ...
மேலும் கதையை படிக்க...
அப்பாவின் அசைவச் சாப்பாடு
பாலியல் பாதைகள்
மண்ணுளிப் பாம்புகள்
ருத்ர காளி
முகநூல் முகுந்தன்
கிளியோபாட்ரா
ஈர்ப்பு
தோழியுடன் வாழ்க்கை
காயத்ரி அஷரங்கள்
சபலம்

மயில் கழுத்து நிறப் புடவை மீது 2 கருத்துக்கள்

  1. Amr says:

    Nice Love Story .. Like it

  2. Janani Ramnath says:

    மிகச் சிறந்த காதல் கதை. கதைக்குள் ஒரு அற்புதமான காதல் கடிதம். புதிதாக காதலிக்க விரும்புபவர்கள் இந்தக் கதையின் காதல் கடிதத்தை பைபிளாகக் கொள்ளலாம்.
    ஜனனி ராம்நாத், திருச்சி

Leave a Reply

Your email address will not be published. Required fields are marked *

* Copy This Password *

* Type Or Paste Password Here *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)