சீதையும் ஸ்ரீராமனும் செய்த சூரிய வழிபாடு

 

ராம – ராவண யுத்தம் ஆரம்பமாவதற்கு முதல் நாள் ராவணன், சீதா தேவியின் முன்பாக ஒரு கபடமான யுக்தியைப் பிரயோகித்தான்.

மகா மாயாவியான ராவணன், ‘வித்யுஜ்ஜிஹ்வன்’ என்ற மந்திரவாதி அரக்கனை அழைத்து சீதையின் மனதை சிதற அடிப்பதற்காக ஒரு ஆலோசனை செய்தான்.

அதன்படி, “அரக்கனே! நீ ராமனுடைய தலையையும் பாணத்தோடு கூடிய கோதண்டத்தையும் ஸ்ருஷ்டி செய்து சீதையிடம் எடுத்துவா” என்று கூறி, அசோக வனத்திற்குச் சென்றான் ராவணன்.

“சீதே! ராமனின் தலையை அவன் தூங்கும்போது துண்டித்து விட்டோம். லட்சுமணனும் மற்றவர்களும் உயிரைக் காத்துக் கொள்ள ஓட்டம் பிடித்து விட்டார்கள். எனவே நீ என் வசப்படுவதைத் தவிர உனக்கு வேறு வழி இல்லை” என்று கொக்கரித்தான்.

ராவணனின் ஆணைப்படி மந்திரவாதி ஸ்ரீராமனின் தலையையும் கோதண்டத்தையும் கொணர்ந்து சீதை அருகில் வைத்துவிட்டுச் சென்றான்.

அவற்றைப் பார்த்த சீதை துக்கித்து மூர்ச்சித்தாள். அதற்குள் ஏதோ அழைப்பு வரவே ராவணன் அவ்விடம் விட்டகன்றான். அவன் சென்ற உடனே சிரசும் தனுசும் கூட மாயமாகி விட்டன.

மானஸீகமாக பலவீனமாகிப் போன சீதையின் மனத்தைத் தேற்றும் விதமாக விபீஷணனின் மனைவி ‘சரமா’ ஸீதையின் சகியாக அங்கு வந்து சேர்ந்தாள். ராமன் க்ஷேமமாக இருக்கும் விஷயத்தை எடுத்துக் கூறி அவளுக்கு தைரியமூட்டினாள். அதோடு,

கிரிவர மபிதோs நுவர்த மாநோ
ஹய இவ மண்டல மாஸுய: கரோதி !
தமிஹ சரணமப்யுபேஹி தேவம்
திவஸகரம் ப்ரபவோ ஹயயம் ப்ரஜாநாம் !! (யு -33-41)

“குதிரை போல மேருமலையை வெகு விரைவில் பிரதக்ஷிணம் செய்பவனும், இருளை ஒளியாகச் செய்யக் கூடியவனும் ஆன சூரியபகவானைச் சரணடை” என்று அறிவுறுத்தினாள் சரமா.

சீதா தேவி அப்போது முதல் திவாகர ஆராதனையை ஆரம்பித்தாள். ராவண சம்ஹாரம் முடியும் வரை சூரிய உபாஸனையை அவள் விடாமல் செய்து வந்தாள்.

இது இவ்விதம் இருக்கையில்,

ராம – ராவண யுத்தம் தொடங்கி முடியில் நிலையில் இருந்தது. ராவணனைத் தவிர அவனுடைய மித்திரர்கள், புத்திரர்கள், பரிவாரங்கள் அனைத்தையும் ராமன் வதைத்து விட்டான்.

ஆயினும் அவர்களில் இந்திரஜித்து போன்றவர்களால் ராமனும் மிகவும் சோர்வடைந்திருந்தான். இறுதியில் ராவணனோடு யுத்தம் செய்து அவனுக்கு அயர்ச்சியை உண்டாக்கி ஓய்வெடுத்துக் கொள்ளும்படி எச்சரித்து அனுப்பினானே தவிர, தானும் கூட மிகவும் களைத்துப் போனான்.

ராமன் உடலளவில் சோர்ந்திருந்தான். ராவணன் ஓய்வெடுத்து யுத்தத்திற்கு சித்தமாக இருந்தான். அச்சமயத்தில் சகல வித்யைகளுமறிந்த அகஸ்திய மகரிஷி ராமனுக்கு சூரிய சக்தி மூலம் சிகிச்சை அளித்தார். ஸ்ரீ ராமனின் உடலில் சௌர சக்தியைச் செலுத்தினார்.

நம் சனாதன தர்மத்தில் மருத்துவர் தெய்வம். மருந்து அமிர்தம். மருந்து தயாரிக்கும் ரகசியம் மந்திரம்.

அதனால் தான் மனச் சோர்வடைந்த சீதா தேவியும், உடற்சோர்வைடைந்த ஸ்ரீ ராமனும் கூட சூரிய சக்தியை உபாசனை செய்து சகஜ நிலையைத் திரும்பப் பெற்று வெற்றிக்கு ஒருவருக்கொருவர் உதவிகரமாக அமைந்தனர்.

உலகியல் விஷயத்தில் கூட கணவன் மனைவி இருவரில் ஒருவர் உடல் நிலை பாதிக்கப்பட்டால் மற்றவரின் சிரத்தை மூலம் அது சரியாகிறது என்பதை நாம் பார்க்கிறோம்.

இங்கு வால்மீகி மகரிஷி ஒரு சிறிய ரகசியத்தை நமக்குத் புரிய வைக்கிறார். சீதையும் ராமனும் பெற்ற சூரிய உபாசனை என்னும் சிகிச்சையில் வேறுபாடு உள்ளது. சீதா தேவி சூரிய பகவானை திவாகர சொரூபமாக வணங்கினாள். ஒரு வேளை இது மானசீக பலவீனம் உள்ளவர்கள் வணங்கிப் பயன் பெரும் வழிமுறையாக இருக்கலாம்.

“தே அஸ்த்ய சர்வே திவமாபதன்தி கஸ்யபோ s ஷ்டம:
ஸ மஹா மேரும் சஜஹாதி” – என்பது வேதம்.

“மகா மேருவை மட்டுமே சுற்றி வரும் ‘கஸ்யப கிரணம்’ திவாகர ரூபம்”. அதனை வணங்க வேண்டும் என்று மகரிஷி சூட்சுமமாக சுட்டிக் காட்டுகிறார் போலும்.

ஸ்ரீராமன் ஆதித்ய சொரூபமாக சூரிய பகவானை வணங்குகிறான். இது உடல் பலகீனம் உள்ளவர்கள் வழிபட வேண்டிய வழி முறை போலும்.

ஆதித்யன், திவாகரன் என்ற சொற்களின் விளக்கத்தையும் அந்த சொரூபங்களின் சாமர்த்தியத்தையும் பற்றி விரிவாக அறிந்து கொண்டால் இவற்றின் பலன்கள் புரிய வரும்.

கணவன் மனைவி இருவரும் ஆதித்ய ஹ்ருதய ஸ்தோத்திரத்தை ஒருவருக்காக மற்றவர் உபாசனை செய்தால் அந்த குடும்பம் பலவீனத்தைக் களைந்து சைதன்யத்தைப் பெரும் என்பது உறுதி.

உத்தராயண ஆரம்பம் சூரியனின் தேஜஸ் நம்மை விசேஷமாக வந்தடையும் காலமாதலால், மாக (மாசி) மாதத்தில் சூரிய ஆராதனை செய்வது என்பது நமக்கு மகரிஷிகள் உபதேசித்த மார்க்கம். மின்சாரம் இல்லாவிட்டால் எத்தனை துன்பமோ அது அதிகமானாலும் துன்பமே, அல்லாவா? அதனால்,

“ஸ்வாமீ! உன் தேஜஸ்ஸை என் உடல் தாங்கும்படி அருள் புரிய வேண்டும்!” என்று பிரார்த்திப்பது மாக மாதத்தில் நம் கடமை. இதற்கு ஸ்ரீமத் ராமாயணம் யுத்த காண்டத்தில் உள்ள ஆதித்ய ஹ்ருதயம் ஒரு உபாயம். ஆதித்யனின் சொரூபத்தை அறிந்து கொண்டு வழிபடுவது விசேஷ பலன்களை அளிக்கும் என்பதில் ஐயமில்லை.

மொழிபெயர்ப்பு -ராஜி ரகுநாதன்.
தெலுங்கில் -பிரம்மஸ்ரீ காசீபொட்ல சத்யநாராயண.

- தீபம், 5-11-2016ல் பிரசுரமானது. 

தொடர்புடைய சிறுகதைகள்
விஜயாவுக்கு மிகவும் எரிச்சலாக இருந்தது. வேலை முடிந்து வீட்டுக்குப் போகும் போது இந்த வேலைக்காரி சொல்லிக் கொண்டு போக மாட்டாளோ? ஒரு நாளைப் பார்த்தாற் போல் சத்தம் போடாமல் பூனை மாதிரிப் போய் விடுகிறாளே! ஏதாவது மிச்சம் மீதியிருந்தால் கொடுக்கலாம். இல்லை, ஏதாவது அதிகப்படியாக ...
மேலும் கதையை படிக்க...
"இந்த கீதம் புகழ் பெறப் போவதைக் காண நான் இல்லாமல் போகலாம். ஆனால் இதனை ஒவ்வொரு இந்தியனும் தேச பக்தி ததும்பப் பாடுவான் என்பது திண்ணம்" என்று தீர்க்க தரிசனத்தோடு உரைத்தார் பங்கிம் சந்திர சட்டர்ஜி. அவர் வாக்கு பலித்தது. எண்ணற்ற இந்தியர்களின் ...
மேலும் கதையை படிக்க...
நம் ஆலயங்களின் அமைப்பில் உள்ள அற்புதங்களை விளக்கும் ​ஆன்மிகம். ​கோவிலுக்குப் பக்கத்தில் குளம் வெட்டியது ஏன்? -​ நம் நாட்டுக் கோயில்களின் கட்டுமான அமைப்பின் சிறப்பை புரிந்து கொள்ள எந்த வித முயற்சியும் நாம் எடுத்துக் கொள்வதில்லை என்றே கூற வேண்டும். மற்ற மதங்களோடு ...
மேலும் கதையை படிக்க...
பிராணிகளின் பராமரிப்பு பற்றியும் அவற்றின் உரிமைகள் பற்றியும் இன்றைய தினம் நிறையவே பேசப்படுகிறது. ஆனால் உலகிலேயே மிகப் பழைய நூலான ரிக் வேதத்தில் நாய்களைப் பற்றிய உயர்வான குறிப்புகள் காணப்படுகின்றன. தெய்வீகப் பசுக்களை போலவே தெய்வீக நாய்களும் தேவதைகளுக்கு சேவை செய்த்துள்ளன. ...
மேலும் கதையை படிக்க...
சிவ​பெருமா​னுடைய குடும்பத்தை எடுத்துக் கொண்டால் ஒரு பூரணமான ஒற்றுமையைக் காண முடிகிறது.​ ​ அனைத்து தேவதைகளிலும் குடும்பமுள்ள தெய்வம் சிவன் மட்டும் தான் போலும். கைலாச குடும்பத்தில் ஒரு பரிவார பாவனை தெளிவாக தெரிகிறது. பரம சிவன் ஒரு நல்ல யோகி. ஆதி​ ​சக்தியான ...
மேலும் கதையை படிக்க...
"ஏம்மா, நீங்க படிக்கும் போதும் ஸ்பைடர் மேன் பாத்தேளா டிவில?" மூன்றாவது படிக்கும் ஆனந்த் கேட்கிறான். எனக்குச் சிரிப்பு வருகிறது. "போடா! அப்பல்லாம் டிவியே கிடையாது". "டிவி கிடையாதா? நிஜம்மாவா?" குழந்தை அகல விழிக்கிறது. அவனால் நம்ப முடியவில்லை. நேற்றைய நிஜம் இன்று சந்தேகத்துக்கிடமாகி விட்டது. எங்களுக்கெல்லாம் அன்று ...
மேலும் கதையை படிக்க...
அவர்கள் இப்படிப் பேசுவார்கள் என்று நான் கொஞ்சமும் எதிர்பார்க்கவில்லை. மனம் வலித்தது. மனிதர்கள் தூரத்தில் இருந்தால் மனதுகள் அருகில் இருக்கும் என்று கூறுவார்களே! இங்கு ஏன் இப்படி? மகிழ்ச்சியாகத் துவங்கப் பட்ட இந்த என் பயணம் இப்படிப் பட்ட துன்பச் சுமையைச் சுமக்கத்தான் ஏற்பட்டதா? ...
மேலும் கதையை படிக்க...
"பாரத தேசத்தவரான நாம் பசுமாட்டினை தாயாக வணங்கும் கலாசாரம் கொண்டுள்ளோம். இது வெறும் நம்பிக்கை மட்டுமல்ல. விஞ்ஞானம் கூட கோமாதாவின் சிறப்பினை பல விதங்களில் நிரூபித்துள்ளது. பசுவின் பால், தயிர், நெய் சிறுநீர், சாணம் இவற்றை 'யக்ய திரவியங்களாக' உபயோகிக்கிறோம். 'பஞ்ச கவ்யம்' ...
மேலும் கதையை படிக்க...
வால்மிகியின் மறு அவதாரமாக துளசிதாசர் கருதப்படுகிறார். பவிஷ்யோத்தர புராணத்தில் பரமசிவன், "வால்மீகி முனிவர் ஹனுமனிடம் வரம் பெற்று கலியுகத்தில் பிறந்து எளிய பேச்சு நடையில் ராமாயணத்தைப் புனைவார்" என பார்வதியிடம் கூறினார். வால்மீகி ராமாயணத்தை போலவே துளசி ராமாயணமான 'ராம சரித மானஸும்' பக்தியுடன் ...
மேலும் கதையை படிக்க...
புகழ் பெற்ற விதேக ராஜ்ஜியத்தின் அரசரான ஜனக மஹாராஜா உண்மை உணர்ந்த ஞானி. மிகப் புலமை வாய்ந்த மன்னரான அவர் அடிக்கடி தம் அரசவையில் தத்துவ விசாரணைகளை நடத்தி தர்க்கங்களையும் வாதங்களையும் ஊக்குவிப்பது வழக்கம். அதில் பங்கேற்கும் பண்டிதர்களுக்கு விலை உயர்ந்த ...
மேலும் கதையை படிக்க...
அம்மா போயிட்டு வரேன் – ஒரு பக்க கதை
கணவனைத் தேடிய கல்யாணி
கோவிலுக்குப் பக்கத்தில் குளம் வெட்டியது ஏன்?
காரணமின்றி துன்புறுத்தினால் காரணமின்றியே அழிவு வரும்
சிவ பரிவாரம் கூறும் தலைவனின் இலக்கணம்
பொய்யாய்ப் பழங்கதையாய்…
தாய் மண்ணே! வணக்கம்!
பசுமாட்டு உருவில் பூமா தேவி
ராமர்தான் வேண்டும்
ஜனகரின் அவையில் நடந்த சுவையான நிகழ்ச்சி

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)