M.D மார்த்தாண்டி

 

எனக்கு கொடுத்த அசைன்மென்ட்… பின்னால் அலைந்து ஓரளவுக்கு கண்டு பிடித்து விட்டேன்.

யார் இந்த M. D மார்த்தாண்டி. My Dear மார்த்தாண்டி தான் காலப்போக்கில் அவராகவே மாற்றிக் கொண்டு M. D மார்த்தாண்டி ஆகி விட்டார். பொதுவாகவே எந்த இலக்கிய நிகழ்வுக்கும் பார்வையாளராகவே சென்றாலும் மேடையில் ஒரு மூலையில் சேர் கேட்கும் அஷ்டாவதானி. மூன்று இஞ்ச்க்கு ஒப்பனை குறைந்து விட்டால் அன்று அவரின் அத்தனை களேபரங்களும் ரத்து செய்யப்படும். நான் யாரு… இவுங்கல்லாம் ஏன் இப்டி இருக்காங்க என்று பிரியாணி அதிகமாக உண்ட நாளில் போனிட்டு தாளிப்பார்.

எப்போதும் அவர்கள் சரி இல்லை. இவர்கள் நல்லவர்கள் இல்லை. கூட்டம் சேர்ந்து கொண்டு தன்னை ஒளித்துக்கட்ட திட்டம் தீட்டுவதாவே நம்பி மைண்ட் வாய்ஸ் என நினைத்து வெளிய நம்மிடமும் பேசி விடுவார்.

அவராகவே நான் ஏன் இப்படி இருக்கேன் என்று கேட்டு விட்டு பிறகு அமைதியாக கழன்று கொள்வார். வாய்ப்பு கிடைக்கையில் எல்லாம் எவர் ஒருவரையும் ஏமாற்ற தயக்கம் காட்டவே மாட்டார். புறங்கூறுதலில் Phd என்பது நம்பகத் தகுந்த வட்டம் கொடுத்த கூடுதல் செய்தி. நான் ராவா இருக்கேன் என்று பின் குறிப்பும் இடுவார். அது என்ன ரா என்று இப்போது வரை யாமறியோம்.

என்ன மாதிரி டிசைன் இது என்று நண்பர்களோடு சரக்கு சகிதம் பேசிக்கொண்டிருக்க… இங்கு நாம் சரக்கு போட்டால் அது எப்படியோ M. D மார்த்தாண்டிக்கு அங்கு மண்டை வேர்த்து விடும். கூப்பிட்டு விடுவார். தானாக அவராகவே வந்து கோட்டரில்… ச்சீ ஆப்பில் அமர்ந்து கொள்வார். நாமும் ஹக்சியில் சத்தம் வராமல் சிரித்துக் கொண்டு லவுட் ஸ்பீக்கரில் போட்டு விட…. அந்த பக்கம் பேச்சு….பேச்சென்ன பேச்சு… அது அரைச்ச மாவில் அப்பளம் சுடும் கதை.

இந்த பக்கம் நண்பர்கள் சிரித்து கதறி விடுவார்கள். இது காமெடி பீஸா தலை… என்று தலை தலையாய் அடித்து கொள்வார்கள். இப்படி சம்பவங்கள் நிறைய உண்டு.

உங்ககிட்ட மட்டும் தான் சொல்றேன் என்று ஊரெல்லாம் சொல்லி விட்டு… கர்வத்தோடு வடிவேலு நடை நடக்கும் M. D மார்த்தாண்டியை காலம் அவ்வை சரளாவாக்கி விட்டது. எப்போதும் பிரபஞ்சத்தில் கோலமிடும் M. D மார்த்தாண்டியை இந்த உலகத்தில் யாரும் புரிந்து கொள்ளவே இல்லை என்பது M. D மார்த்தாண்டியின் அசைக்க முடியாத நம்பிக்கை.

M. D மார்த்தாண்டி இப்படி இருக்க என்ன தான் காரணம் என்று தோண்டி துருவினேன்.

ஒரு 30 வருடங்களுக்கு முன்….சந்திரமுகி காலத்துல… ஒரு கிழட்டு க்ரூப் M. D மார்த்தாண்டியை தலையில் தூக்கி வெச்சு… நீ தான் இந்த இலக்கிய உலக திறக்க வந்த சாமின்னு இருக்கற பூவையெல்லாம் சரம் சரமாய் கோர்த்து சுத்து சுத்துன்னு சுத்தி விட்டுட்டானுங்க. பாவம் இப்ப வரை அந்த சந்திரமுகியே நான் தான்ன்னு அது கதறிக்கிட்டு இருக்கு.

சரி இப்படிப்பட்ட M. D மார்த்தாண்டி.. தினமும் காலைலேயே கிளம்பி பெருமாளை பாக்க… முருகனை பாக்க… அய்யப்பனை பாக்க என்று கிளம்பி விடுதல் சுவாரஸ்யத்தை ஏற்படுத்த… அங்க என்ன கூத்து நடக்குதுன்னு கவனிக்க… ஒரு நாள் பின் தொடர்ந்தேன்.

கோயில் கோயிலா ஏறி இறங்கி கொண்டிருந்த M. D மார்த்தாண்டிக்கு… கடவுள் கூட தனக்காகவே காத்திருப்பதாக தான் எண்ணம். பயங்கரமாக கண்கள் அசைந்து சிவாஜி புருவத்தில்… கடவுளை சித்திரவதை செய்து விட்டு பக்கவாட்டு பக்கம் வந்து சுடிதாரை மடித்து காட்டினார். துப்பட்டாவை தலையில் இறுக்கி கட்டி கொண்டு திடும்மென ஓடி வரிசையில் முந்தி தள்ளி… ஒரு நர்த்தனம் நிகழ்த்த… என்னடா நடக்குது என்று நடுங்கி கொண்டு கவனித்தேன்.

சற்று நேரத்தில் கூட்டத்துள் இருந்து புளி சோற்றோடு வெளியே வந்தார். கண்களில் ஈயாட பார்த்துக் கொண்டிருந்தேன். ஒரு கோயிலில் லெமன் சோறு. ஒரு கோயிலில் பொங்கல்… ஒரு கோயிலில் சுண்டல்.

நிழலை போல பின் தொடர்வதை இலக்கிய புத்தி கண்டு கொண்டு என்ன இந்த பக்கம் என்று வழக்கம் போல சீக்கு சிரிப்பை சிரிக்கையில்… பாவமாக இருந்தாலும்… இல்ல… அய்யப்பனை பாக்கலாமேன்னு வந்து…. இழுத்தேன்.

உங்களுக்கு இந்த சிவகாமி ராமையாவை தெரியுமா… என்னமோ அவுங்க தான் இலக்கியத்துக்கே ராணி மாதிரி நடந்துக்குறாங்க… எனக்கு இதெல்லாம் பிடிக்கவே இல்லை… நான் ஒரு பொயட் இங்க இருக்கேன்… என்ன யாருக்கும் தெரியல.. இனி இந்த கூட்டங்களுக்கெல்லாம் போறதா இல்ல… ரெண்டு பப்ஸ் எடுத்ததுக்கு முறைக்காரானுங்க…என்ற M. D மார்த்தாண்டி அனிச்சையாய் கையிலிருந்த புளி சோற்றை நீட்டினார்.

சிரிப்பு சிரிப்பாக வந்தாலும்… புளி சோற்றின் நெடி ஆல்ரெடி வாய்க்குள் உமிழ்நீரை சுரக்க செய்து விட்டிருந்தது. அப்பாடா என்று டபக்கென்று நானும் அனிச்சையாக எடுப்பது போல ஒரு பிடி எடுத்து வாய்க்குள் போட.. ருசி எல்லாவற்றையும் தூக்கி போட்டது.

வந்த காரியம் … எங்கள் சேனலுக்கான செய்தி சேகரிப்பை கூட மறந்து விட்டு இன்னொரு கவளத்தை எடுக்க ஆரம்பித்தேன்.

புளி சோற்றின் வீரியமா தெரியவில்லை. இன்னும் அதிக குரூரமாக திருநெல்வேலி திவ்யாவின் மூக்கு கோணையாக இருப்பதாக பொங்க தொடங்கி இருந்தார் M. D மார்த்தாண்டி. அவருக்கு தேவை எல்லாம் மறு பேச்சு பேசாமல்… கேட்க அல்லது கேட்பது போலவாவது கம்மென்று இருக்க இரு காது. ஒரு காது கூட போதும்.

திடும்மென இடுங்கிய கண்களை உருட்டி கழுத்தை கவிழ்த்துக் கொண்டு வேகமாய் சாப்பிட ஆரம்பித்தார். நாள்பட்ட இலக்கியம் பசி ஆற ஆரம்பித்திருந்தது. 

தொடர்புடைய சிறுகதைகள்
நேரம்...மாலை 6.30 அவர்கள் விளையாடிக் கொண்டிருந்தார்கள்... மாலை மயக்கம்.... தயக்கம் உதறிய..... இரவை, இன்னும் சற்று நேரத்தில் பரவச் செய்யும் மாயங்களை ஆங்காங்கே விதைத்துக் கொண்டிருந்தது... காற்றில்லா வெளி எங்கும்... தீர்க்கமற்ற உருவங்களை சுமந்த சப்தம்.... அவர்களின் பெரு மூச்சாகவும்..எதிர் வரும் டென்னிஸ் பந்தை ...
மேலும் கதையை படிக்க...
அந்த அடுக்குமாடி குடியிருப்பில் 7வது தளத்தில் அன்றைக்கான விடியல் காதலாய் பூத்தது. அவள் என்றால் அது அவனும் அவளும்.... அவன் என்றால் அது அவளும் அவனும்... ஒரு கை ஜன்னல் திறக்க ஒரு அவளை நெஞ்சோடு அணைத்துக் கொண்டிருந்தது. நெற்றிகள் இரண்டும் ...
மேலும் கதையை படிக்க...
காரணம் எல்லாம் தெரியவில்லை என்பதெல்லாம் தற்கொலைக்கான காரணத்தில் சேராது. நான் தற்கொலை செய்து கொள்ள முடிவெடுத்து நிறைய இடங்களை யோசித்து இறுதியில்.. "குரங்கு அருவி"க்கு பின்னால் 5 கிலோ மீட்டர் தொலைவில் இருக்கும்..."குருவி அருவி"க்கு வந்திருக்கிறேன். காடும் பச்சையும்... சாக விடுமா எனத் தெரியவில்லை. ...
மேலும் கதையை படிக்க...
"எங்க அப்பாவுக்கு ஒரு பையன் வேணும்னு ஆசையா இருந்துச்சா.... வேணி அம்மு துர்கான்னு வரிசையா பொட்டையா போச்சா அப்பரம் நான் வேர பொண்ணா போய்ட்டனா... ரொம்ப கசந்துட்டனா......அதா வேம்புன்னு பேர் வெச்சுட்டாங்க.. அப்படி வெச்சா அடுத்து பையனா பொறக்கும்னு எவனோ சொன்னானா.. ...
மேலும் கதையை படிக்க...
இந்தக் கதை எல்லாருக்கும் தெரிஞ்ச கதைதான். "வெண்ணிற இரவுகள்" படிச்சிருந்தீங்கனா இன்னும் சுலபம். கிட்டத்தட்ட அதே கதை தான். சரி அதே கதையை ஏன் திரும்ப எழுதணும்னு கேக்க தோணுதுல்ல. அது அப்படித்தான். சித்தார்த்தன் ஏன் அந்த நேரத்துல வீட்டை விட்டு ...
மேலும் கதையை படிக்க...
அது வரை... மூடி மூடி வைத்துக் கொண்டிருந்த மேகம் பொத்துக் கொண்டு பொழியத் துவங்கியது. எடுத்ததுமே வேகமான மழைக்குள் தன்னை சிதறத் தொடங்கியிருந்தது. வந்த கூட்டம் ஆங்காங்கே வேகவேகமாய் கலைந்தது....அவளோ தான் என்பது போல. "என்ன.....வீட்டுக்கு போயி.. கால் நனைச்சிட்டுதான் வீட்டுக்கு போகனுமா... ...
மேலும் கதையை படிக்க...
கதை கிடைக்காத போது இப்படி நெடுஞ்சாலை பயணம் அமையும். நானும் தம்பி ராஜ்-ம் ஷைலோவில் ஓர் அற்புதமான பயணத்தில் இணைந்திருந்தோம். எது பற்றியெல்லாமோ பேசி விட்டு எங்கெங்கோ சென்றது தேடல். "என்ன செய்யலாம்...? ஒன்னும் சிக்க மாட்டேங்குதே...! என்றேன். அவன் வண்டியை ஓட்டிக் கொண்டே...சில ஐடியாக்களை ...
மேலும் கதையை படிக்க...
அர்த்தமுள்ளவை எல்லாம் அர்த்தமுள்ளவை தானா என்ன. தலைவன் கிம் கி டுக் - க்கு சமர்ப்பணம். *** கிம் கி டுக் சொன்னது போலவே... இந்த உலகம் என்பது நிஜமா கற்பனையா என்ற புள்ளியில் தான் சஜினிக்கு இந்த மலை உச்சியில்.... பனி தேசத்தில் திருமணம். ...
மேலும் கதையை படிக்க...
"இந்த விருது கிடைக்கும்னு நினைச்சிங்களா.....?" "இந்த விருதுன்னு இல்ல... ஏதோ ஒரு விருது கிடைக்கும்னு நினைச்சேன்......" "இன்னொரு கேள்வி...." "கேள்வி கேக்க ஆரம்பிச்சிட்டீங்க.. அதுல என்ன இன்னொரு கேள்வி.. எல்லாமே கேள்வி தானே..." "உங்க எழுத்து மாதிரியேதான் சார் இருக்கு.. உங்க பதிலும்..." "நன்றினு சொல்லிட்டு உங்கள கடந்து ...
மேலும் கதையை படிக்க...
நன்றாக யோசித்து எடுத்து முடிவல்ல. நன்றாக யோசிக்க முடியாத மனநிலை ஒன்றில் உள்ள சுகத்தின்பால்...வந்த தடுமாற்றத்தின் விளைவு தான்... இந்த சூனியத்தின் முக்கில் நிற்பது. வாகனங்களின் இரைச்சல் மரண அவஸ்தையைத் தந்து கொண்டிருந்தது. அந்த தோஷம் இந்த தோஷம் என்று ஜாதகம் பார்த்தே ...
மேலும் கதையை படிக்க...
இரவு சூரியன்
7வது தளத்தில் ஒரு சின்ன கதை
நிகந்தி
வேம்பு
மீண்டும் சில வெண்ணிற இரவுகள்
அதே கண்கள்
தூதுவன்
சஜினி
சிவப்பு பக்கங்கள்…
இரும்புப் பூக்கள்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)