ஸிஸ்டம் ஃபெயிலியர்!!!!!

 

பாகம் – 1

எமலோகம்.

சித்ரகுப்தன் தலையைக் குனிந்துகொண்டு மிகவும் சோகமாக உட்கார்ந்து கொண்டிருந்தார்.

எமதர்மன் அதைப் பார்த்துவிட்டு, “என்ன, சித்ரகுப்தா, ஏன் இப்படி உட்கார்ந்திருக்கிறாய்? ஆபீஸ் நேரத்தில் இப்படி வேலை செய்யாமல் உட்கார்ந்திருக்கிறாய். இன்றையக் கணக்கெல்லாம் எழுதி முடித்துவிட்டாயா?” என்றார்.

“இல்லை, ப்ரபோ,”

“ஏன்? என்னாயிற்று?”

சித்ரகுப்தன் மௌனமாக தன் வலதுகைக் கட்டைவிரலைத் தூக்கிக் காட்டினார்.

“என்ன, கையில் கட்டு, சித்ரகுப்தா?”

“நகச்சுற்று, ப்ரபோ”

“நமது எமலோக வைத்தியரிடம் காட்டினாயா”

“என்ன சொன்னார்?”

“அவர் தன்வந்திரியிடம் போய்க்காட்டு. புண் செப்டிக் ஆகியிருக்கிறது என்று சொல்லிவிட்டார்.”

“போனாயா?

“இல்லைப் ப்ரபோ, அவர், ஏதோ கான்ஃப்ரன்ஸ் என்று சிவலோகம் போயிருக்கிறாராம்.”

“என்ன இது, சித்ரகுப்தா? நீ எழுதவில்லையென்றால் ஏகப்பட்ட கணக்கு சேர்ந்துபோகுமே” என்று கவலையுடன் கேட்டார்.

இருவரும் கவலையுடன் யோசனையில் ஆழ்ந்தனர்.

திடுமென்று சித்ரகுப்தன், “ப்ரபோ, எனக்கு ஒரு யோசனை தோன்றுகிறது. அப்படி செய்தால் என்ன?”

“என்ன யோசனை?”

“கையில் எழுதுவதினால்தானே இந்தப் பிரச்னை? நாம் ஏன் பூலோகத்தில் இருப்பதுப் போல் இதையெல்லாம் கம்ப்யூட்டர் வைத்துச் செய்யக்கூடாது.”

“செய்யலாம்தான். ஆனால் பிரம்மதேவர் அதற்குச் சம்மதிக்க வேண்டுமே?”

“நாம் வேண்டுமானால் முதலில் சரஸ்வதி தேவியிடம் இதைப் பற்றிச் சொல்லி, அவரைவிட்டு பிரம்மதேவரிடம் சொல்லச்சொல்வோம்.”

“ம்ம்ம்……….அதுவும் நல்ல யோசனைதான்.” மேலும் அதைப்பற்றி சிறிதுநேரம் விவாதித்தனர். “சரி வா. நாம் இருவரும் போய்ப் பார்த்துவிட்டு வருவோம்.”

பிரம்மலோகம்

அன்று சரஸ்வதிபூஜை தினமென்பதால் பூலோகத்தில் எல்லோரும் சரஸ்வதிதேவியைத் துதிபாடி ஆயுதபூஜை செய்துகொண்டிருந்த நேரம். அதனால் தேவியும் நல்ல புன்னகையுடன் மகிழ்ச்சியோடு வீணை வாசித்துக்கொண்டிருந்தார்.

எமதேவனும் சித்ரகுப்தனும் தேவிக்கு ‘வந்தனங்கள்’ என்றனர்.

“என்ன விஷயம், எமதேவா? அதிசயமாக என்னைக் காண வந்திருக்கிறீர்கள்.”

எமதேவர், சற்றுத் தயக்கத்துடன், “உங்களால் ஒரு காரியம் ஆகவேண்டும் தேவி”

“அதானேப் பார்த்தேன். வேலையில்லாமல் இங்கு வரமாட்டீர்களே என்று நினைத்தேன். சொல்லுங்கள், என்ன விஷயம்?”

எமதேவரும் சித்ரகுப்தனும் விவரித்தார்கள்.

“அதைப் பற்றின ப்ராஜக்ட் ரிப்போர்ட் எல்லாம் தயாராக வைத்திருக்கிறீர்களா?”

“எல்லாம் தயாராக வைத்திருக்கிறோம் தேவி.”

“அப்பொழுது வாருங்கள். இப்பொழுதே பார்த்துவிடலாம்” என்று பிரம்மதேவரிடம் சரஸ்வதிதேவி இருவரையும் அழைத்துச்சென்றார்.

பிரம்மதேவர் யோகநித்திரையில் ஆழ்ந்திருந்தார். தேவியார், லேசாக குரலெழுப்பினார். “பிரபோ”…….கண்விழித்தவர், “என்ன தேவி?” என்றார். “இவர்கள் இருவரும் தங்களைப் பார்க்க ஒரு நல்ல யோசனையுடன் வந்திருக்கிறார்கள்.” அதில் நல்ல என்ற சொல்லுக்கு தேவி கொடுத்த அழுத்தத்தை உணர்ந்த பிரம்மதேவர் இவர்கள் இருவரும் வந்துள்ள விஷயமாக தான் மறுதளிக்க முடியாது என்பதை உணர்ந்து பெருமூச்சு விட்டார்.

“என்ன, சொல்லு, எமதேவா.”

அவர்கள் சொன்னவுடன், “எல்லாம் சரிதான். அதையெல்லாம் யார் அமைத்துத் தருவார்கள்?”

“பிரபோ, பூலோகத்திலிருந்த ஸ்டீவ் ஜாப் என்பவர் இப்பொழுது இங்கிருக்கிறார். அவர் பூலோகத்தில் செய்தது பாவமா, புண்ணியமா என்ற விசாரணை நடந்துகொண்டிருப்பதால் இப்பொழுது எங்கள் கஸ்டடியில்தான் இருக்கிறார். அவரிடம் கேட்டதில் அவர் எல்லாம் அமைத்துக்கொடுப்பதாகச் சொல்லியிருக்கிறார். அவருக்கு பூலோகத்தில் மென்பொருள் வல்லுனர்கள், அங்கு அதிகப்பட்ச மன அழுத்தத்தினால் அவர்கள் விதி முடியும் முன்னரே இங்கு வந்துவிட்டவர்கள் உதவியாக இருப்பார்கள்.”

“சரி, அந்தக் கோப்பை என்னிடம் கொடுத்துவிட்டுச் செல்லுங்கள். நான் சற்று நேரத்தில் சிவபெருமானிடமும் விஷ்ணுவிடமும் கையெழுத்து வாங்கிவைக்கிறேன். நீங்கள் வேலையை ஆரம்பியுங்கள்” என்றார் இயலாமையுடன்.

தேவலோகத்தின் ஒரு நாள் என்பது பூலோகத்தில் ஒரு வருஷம்.

பிரம்மதேவனின் உத்தரவு கிடைத்தவுடன் சிறிது நாழிகையில் பிரம்மலோகமும் எமலோகமும் கணிணி மயமாகின. பூலோகம் பற்றிய தகவல்கள் எல்லாம் மென்பொருள் வல்லுனர்களை வைத்துக்கொண்டு கணிணியில் ஏற்றப்பட்டன. எமதூதர்கள் ஒவ்வொருவருக்கும் ஒரு ஆப்பிள் ஃபோன் கொடுக்கப்பட்டது. அதன் மூலமாக எமலோகத்திலிருந்து வரும் குறுஞ்செய்தியின்படி உயிர்கள் பறிக்கப்பட்டன.

பிரம்மலோகத்திலும் பிறக்கப்போகும் ஜீவன்களில் ஒரு சிப் பொருத்தப்பட்டது. பிரம்மலோகத்திலிருந்து வரும் உததரவுக்கேற்ப குழந்தைப்பிறப்பு நடந்தது.

எல்லாம் செவ்வனே நடந்து வந்தது.

ஒரு நாள் சித்ரகுப்தன் அலறியபடியே எமலோகத்தில் நுழைந்தான். “பிரபோ, மிகப்பெரிய விபரீதம் நடந்துகொண்டிருக்கிறது. தாங்கள் என்னை மன்னிக்கவேண்டும்”

எமதேவர், “ஒன்றும் புரியாமல் என்ன விபரீதம்? சீக்கிரம் சொல்” என்றார் பதறியபடி.

“ஸிஸ்டம் ஃபெய்லியர் பிரபு. பூலோகத்தில் பிறப்பு, இறப்பு எல்லாம் நின்றுவிட்டது.”

பாகம் – 2

“இதிலென்ன விபரீதம் சித்ரகுப்தா? ஸ்டீவ்ஜாப்பைக் கூப்பிட்டுச் சரி செய்யவேண்டியதுதானே”

“இது ஏதோ புது வைரSaஸாம். அந்த வைரஸை அழிக்கமுடியவில்லை. புது ஆண்டிவைரஸ் செய்ய எப்படியும் நமது நாள் கணக்கில் ஒரு நாள் ஆகுமாம். அதுதான் ப்ரபோ, இப்பொழுது பிரச்னை.”

“அதிலென்ன பிரச்னை?”

“நமக்கு ஒருநாள் என்பது பூலோகவாசிகளுக்கு ஒருவருடம், ப்ரபோ”

எமதேவர் “அதனால்?” என்று கேட்டார் சிறிது கவலையுடன்.

சித்ரகுப்தன், தயங்கியபடி, “ப்ரபு, பூலோகத்தில் நமது செயல்பாடுகள் எல்லாம் ஒரு வருடத்திற்கு நின்றுவிடும். அதனால் பூலோகக் கணக்குப்படி ஒரு வருடத்துக்கு இறப்பும், குழந்தைப்பிறப்பும் இருக்காது. கருவிலிருக்கும் குழந்தை வெளியில் வர இருவருடங்களாகும். இறப்பும் இருக்காது.”

“நிலைமை மிகவும் விபரீதமாகிக் கொண்டிருக்கிறது பிரபு.”

அதே சமயம் “நாராயணா, நாராயணா” என்றபடியே நாரதர் பதட்டத்துடன் வந்தார்.

“வாரும் நாரதரே.” என்று வரவேற்றார் எமதேவர். “அமருங்கள்” தன் கவலையை மறைத்துக்கொண்டு உபசரித்தார்.

“அமருவது இருக்கட்டும். இப்பொழுது பூலோகத்தின் நிலைமை தெரியுமா?”

“பூலோகத்தில் எல்லோரும் கதறும் குரல் கேட்கிறதா?”

“என்ன ஆயிற்று?” என்று தெரியாததுப்போல் சித்ரகுப்தன் கேட்டார்.

“என்ன ஆயிற்றா? கர்ப்பிணிகள் பிரசவிக்காமல் வலியில் அலறுகிறார்கள். விதி முடிந்தவர்கள் உயிர் பிரியாமல் துன்பத்தில் கத்துகிறார்கள். “

எமதேவர், நாரதரிடம் விவரத்தைக் கூறினார்.

“நீங்கள்தான் இதற்கு ஒரு தீர்வு சொல்லவேண்டும் நாரதரே.”

“என்ன செய்யலாம்? சிவனிடம் போனால் கோபத்தில் நெற்றிக்கண்ணைத் திறந்து விடுவார். ஒரே வழிதான் இருக்கிறது. பிரம்மதேவருடன் போய் விஷ்ணுவிடம் முறையிடுவோம். வாருங்கள்.” மூவரும் துரிதமாகக் கிளம்பினார்கள்.

பிரம்மதேவனுடன் வைகுண்ட்த்தை அடைந்தார்கள்.

பெருமாள் பாவம் நல்ல உறக்கத்தில் இருந்தார்.

பிரம்மன் நாரதரைப் பார்த்து கண்ணசைத்தார். நாரதர், “நாராயணா, நாராயணா” என்று மெதுவாக குரலெழுப்பினார்.

கண்விழித்தப் பெருமாள், “என்ன நாரதா, எல்லோரும் சேர்ந்து வந்திருக்கிறீர்கள். என்ன விஷயம்?”

“அனாதரட்ஷகா, நீங்கள்தான் எல்லோரையும் ரட்க்ஷிக்கவேண்டும் ப்ரபோ” என்று எமதேவர் கதறினார்.

“ஏன்? என்ன ஆயிற்று?”

நடக்கும் நிகழ்ச்சிகளை கூறிவிட்டு, நீங்கள்தான் ஒரு உபாயம் செய்து எல்லோரையும் காப்பாற்ற வேண்டும், ப்ரபோ” என்றார் நாரதர்.

“ம்ம்ம், இப்படி ஒவ்வொரு முறையும் ஏதேனும் தவறு செய்துவிட்டு இங்கு வருகிறீர்கள்.”

“நீயே சரணம் கேசவா” என்றனர் எல்லோரும் கோரஸாக.

“தங்களால் மட்டுமே அந்த வைரஸை அழிக்கமுடியும். நாராயணா” நாரதர்.

“எப்படி அழிப்பது?”

அதுவரை மௌனமாக இருந்த பிரம்மதேவர், “நாராயணா, உங்கள் சக்ராயுதத்தை ஏவுங்கள், அது ஒன்றே சாத்தியம்” என்றார்.

அதன்படி விஷ்ணு தனது ஒரு கையிலிருந்து சுதர்சனசக்ரத்தை ஏவினார். சக்கரம் அவர் கையிலிருந்து சுழன்றபடியே நொடியில் பிரம்மலோகத்தின் கம்யூட்டரின் டிவிடி இயக்கியில் போய் அமர்ந்தது.

அது உள்ளே போய் பொருந்திய சிறிதுநேரத்தில் கம்ப்யுட்டரில் சில ஃபைல்களும், ஃபோல்டர்களும் திறந்தன. மறைந்தன. இதுமாதிரி அடுத்தடுத்து சிறிது நேரம் ஓடியது. திடுமென்று கம்ப்யூட்டர் ரிபூட்டாகி எந்தச் சிக்கலும் இல்லாமல் வேலைச் செய்யத்தொடங்கியது.

டிவிடி இயக்கியிலிருந்து சுதர்சனசக்கரம் சுழன்றபடியே பெருமாளின் கைவிரலில் வந்து அமர்ந்தது.

அங்கு கூடியுருந்த எல்லோரும் பரவசமாக “ஓம் நமோ நாராயணாய” என்று துதித்தனர்.

பிரம்மதேவரும், எமதேவரும் நிம்மதிப் பெருமூச்சு விட்டனர்.

எல்லா வேலைகளும் சரியாக நடக்கத்தொடங்கின. 

தொடர்புடைய சிறுகதைகள்
கணேசனுக்கு இன்று காலையிலிருந்தே எல்லாம் அவசரகதி. aஅலுவலக வேலையாக காலை ஒன்பது மணிக்கு திருச்சி செல்லும் பேருந்து. பயணச்சீட்டும் முதல் நாளே எடுத்தாகிவிட்டது. இருந்தும் எப்படியோ இன்று படுக்கையிலிருந்து எழுந்ததிலிருந்து எல்லாமே தாமதம். குளித்து, தயாராகி மணி பார்த்தால் எட்டு. இனிமேல் ...
மேலும் கதையை படிக்க...
மீனாட்சிக்குத் தலைகால் புரியவில்லை. நல்ல வேளை! அவளுக்கு நடனம் தெரியாது. தெரிந்திருந்தால் ஒரு ஆனந்த நடனமே ஆடியிருப்பாள். என்ன ஒன்றும் புரியலையா? நான் பாட்டுக்கு இப்படிக்கு புதிர் போட்டிண்டிருந்தால் உங்களுக்கு எப்படிப் புரியும்? மீனாட்சியின் ஏகப்புத்திரன் விஸ்வா என்கிற விஸ்வநாதன் வெளிநாடு போய் ...
மேலும் கதையை படிக்க...
“குட்டி, அதைக் கலைக்காதேடா, என்னங்க, இங்க கொஞ்சம் வரீங்களா? உங்க பொண்ணை கொஞ்சம் தூக்கிட்டுப் போங்க, என்னை பீரோவில் துணி அடுக்க விட மாட்டேங்கறா. இன்னிக்கு ஞாயிற்றுக்கிழமைதானே, இன்னிக்காவது கொஞ்சம் குழந்தையைப் பார்த்துக்கொள்ளக்கூடாதா?” மனைவி கங்காவின் குரல் கேட்டு டிவியை அணைத்துவிட்டு உள்ளே ...
மேலும் கதையை படிக்க...
ஸர்ரென்று டயர் ரோடில் உரசி ப்ரேக் அடிக்கும் ஓசை. “என்னாப்பா, வூட்டுலே சொல்லிக்கினிவந்துக்கினியா?” என்ற குரல் கேட்டப்பிறகுதான் சுயநினைவுக்கு வந்தார் செந்தில்நாதன். ட்ராஃபிக்கைக் கவனிக்காமல் ராங்க்சைடில் வந்து நல்லவேலையாக இருபுறமும் வந்தவர்கள் ப்ரெக் அடித்ததினால் தப்பினோம் என்று நினைத்து வெட்கி, சாரி ...
மேலும் கதையை படிக்க...
பாட்டி, தட்டில் வைத்த களி உருண்டையைப் பார்த்த குமாருக்கு கோபமாக வந்தது. என்ன ஆயா எப்பப் பார்த்தாலும் களியைக் கிண்டிப்போடறே? அரிசிச் சோறு கிடையாதா? நானும் தங்கச்சியும் தினமும் இதத்தான் தின்னுக்கிட்டிருக்கோம் என்றான். நான் என்னப்பா பண்றது. ரேஷங்கார்டும் அடகுல இருக்கு. ...
மேலும் கதையை படிக்க...
செந்திலுக்கு இன்று சம்பளநாள். மகிழ்ச்சியாக இருந்தான். இரவுச் சாப்பாdட்டை வெளியிலேயே முடித்துவிட்டு இப்பொழுதுதான் அவன் தங்கியிருந்த அறைக்குள் நுழைந்தான். சம்பளப்பணத்தை பத்திரமாக பெட்டியில் வைத்து மூடினான். தன் மேசை இழுவையைத் திறந்து அதிலுள்ள குறிப்பேட்டை எடுத்தான். இரவு அறைக்கு வந்ததும் அன்றையச் ...
மேலும் கதையை படிக்க...
“நீயும் வாயேன் யமுனா.” “நீங்க இரண்டு பேரும் போயிட்டுவாங்க. இன்னிக்கு ஒரு நாளாவது உங்க இரண்டு பேர் தொந்தரவு இல்லாமல் நிம்மதியாக இருக்கேன்” “அம்மா” என்று சிணுங்கிய கௌதமையும், “அப்படியா சொல்றே, இரு, வந்துப் பேசிக்கிறேன்” என்ற முகுந்தையும் அனுப்பி விட்டு வாசல் கதவைத் ...
மேலும் கதையை படிக்க...
“பார்த்து ஓட்டுங்க, பழனிசார், நீங்க போற வேகத்தைப் பார்த்தா, நாம ரெண்டு பேரும் இன்னொரு ஆம்புலன்ஸில் போகவேண்டியிருக்கும் போலிருக்கே!” வேலு சொன்னதைக் கேட்டு மெதுவாகச் சிரித்தான் பழனி. “அதென்னவோ தெரியலை வேலு, இந்தமாதிரி விபத்துன்னு ஃபோன் வந்து உதவிக்குப் போகும்பொழுது, ஏதோ என் ...
மேலும் கதையை படிக்க...
“என்னங்க, எழுந்திருங்க.” என்று ரகுநாதனின் தோளைத்தொட்டு உளுக்கி எழுப்பினாள் நிர்மலா, அவர் மனைவி. என்னவென்று கேட்டுக்கொண்டு எழுந்தவரிடம் “ஏங்க மணி 12 ஆகுது. வந்தனா அறையில் விளக்கு எரிகிறது. வாங்க போய்ப் பார்க்கலாம்” என்றாள். வந்தனா அவர்களின் ஒரே மகள். கல்லூரியில் பட்டப்படிப்பு ...
மேலும் கதையை படிக்க...
இன்று காலையிலிருந்தே ஷண்முகத்திற்கு ஏதோ மனதே சரியில்லை. மனைவி ரேணுகூட கேட்டுவிட்டாள் “இன்னிக்கு என்னாச்சு உங்களுக்கு” என்று. அமெரிக்காவிலிருந்தாலும் மனசு என்னவோ இன்னிக்கு இந்தியாவையும் அம்மாவையுமே சுற்றிவருகிறது. அடுத்தமாதம் எப்படியாவது இந்தியாக்கு ஒருமுறை போக முயற்சிப் பண்ணணுமென்று நினைத்துக்கொண்டான். அலுவலகம் வந்தவுடன் கார் ...
மேலும் கதையை படிக்க...
ஆண்டவனில்லா உலகம் எது?
ஜெயுச்சுட்டேன்
அப்பாவின் கறுப்புக்கோட்டு
கீழே விழும் நட்சத்திரங்கள்
அரிசிச்சோறு
தர்மக்கணக்கு
ஃபிஃப்டி, நாட் அவுட்
108
செல்ஃபோன்
நிஜமிழந்த நிழல்கள்

ஸிஸ்டம் ஃபெயிலியர்!!!!! மீது 5 கருத்துக்கள்

  1. V.Gayathri says:

    Ellam narayanan seyal.

  2. saravanan says:

    செம பினிஷிங் .. dvd writer :) ..

  3. Santhana Gopalan says:

    ஹ ஹா., நல்ல கற்பனை, வாழ்க வளமுடன்..

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)