Warning: Cannot modify header information - headers already sent by (output started at /home/content/42/10186442/html/index.php:2) in /home/content/42/10186442/html/wp-content/themes/Clipso/functions.php on line 189
Sirukathaigal - Sirukathai - Short Stories in Tamil

புரொபசர் சகல சந்தேக நிவாரணி!

 

பக்கத்து வீட்டில் ஒரு புரொபசர் இருந்தார். புரொபசர்னா புரொபசரே அல்ல; அசிஸ்டென்ட் லெக்சரர் & ஒரு தனியார் கல்லூரியில்! சென்னையிலிருந்து ரெண்டு பஸ் பிடித்து, ரெண்டு மணி நேரம் பிரயாணம் செய்தால், அவரோட காலேஜ் இருக்கிற கிராமம் தெரியும். அப்புறம் பொடி நடையா கால்மணி நடந்து, சரியா 11 மணிக்கு காலேஜை அடைந்து விடுவார். அங்கே ஃபிசிக்ஸ் டிபார்ட்மென்ட்டில் ஏறக்குறைய எடுபிடி மாதிரி. வயசு ஆயிட்டுது நாற்பதுக்கும் பக்கமா!

எங்கள் காலனி மீட்டிங்குக்கு அநேகமாக அவர்தான் தலைமை வகிப்பார். எது ஒண்ணும் ‘புரொபசரை ஒரு வார்த்தை கேட்டுக்கலாமே!’ என்போம்.

இலவச காஸ் அடுப்பு நமக்கும் உண்டா? முதியோர் பென்ஷனுக்குத் தேவையான தகுதிகள் என்ன? வேலையில்லா பட்டதாரிகளுக்கு ஏதோதுட்டு தராங்களாமே… யாரை அணுகி, எப்படி வாங்குவது?

கார்ப்பரேஷன் லாரி தண்ணி கொண்டுவந்து சப்ளை செய்யுமாமே… எங்கோ சொல்லிவிட் டால்? அது எப்படி?

ப்ளஸ் டூ படித்த பையனை யாரைப் பிடித்து, எந்தத் தொழில் கல்லூரியில் தள்ளலாம்? வெளி மாநிலத்தில் நம்ம கோட்டா எவ்வளவு? கிடைக்குமா? இது மாதிரி கேள்விகளுக்குச் சகலசந் தேக நிவாரணியாக இருந்து வந்தார் அந்த புரொபசர்.

காசு பணமெல்லாம் மோசடி செய்யமாட்டார். நல்ல மனுஷன்!

எப்பப் பார்த்தாலும் ஏதாவது எழுதிக்கொண்டு இருப்பார். மொட்டை மாடிக்குத் துணி உலர்த் தப் போனால், தன்னைச் சுற்றிலும் 20 புத்தகங்களைத் தலைக்குப்புறப் போட்டுக் காய்கறிகளைக் கூறு கட்டின மாதிரி வைத்துக்கொண்டு மும்முரமாக எழுதிக்கொண்டு இருப்பார்.

‘‘புவியீர்ப்பும் அன்ட்டார்ட்டிக் கரைசலும்–&னு ஒரு புத்தகம் எழுதியிருக் கேன். இதுவே வேற நாட்டிலேஎழுதி யிருந்தா புக்கர் பரிசே கிடைச்சிருக்கும்’’ என்று அங்கலாய்ப்பார்.

பல பதிப்பகங்கள் அவரை விஞ்ஞான சம்பந்தமான நூல்கள் எழுதித் தரச் சொல்லி உயிரை எடுப்பதாக அடிக்கடி சொல்வார். ஆனால், அவர் உயிர் அவரிடமேதான் இருந்து வந்தது. அவர் எழுதி எந்த விஞ்ஞான நூலும் வெளியான தாகத் தகவல் இல்லை.

இந்தச் சமயத்தில் தான், காலனியின் மேற்கு பிளாக்கிலிருந்த சந்தோஷ முருகேசன் என்பவர் ‘சமு பதிப்பகம்’ துவக்கினார்.

புரொபசர் உடனே சமு&வின் பிளாக்குக்கு மாபெரும் பொக்கேயுடனும், பழக் கூடையுடனும் மற்றும் நகரின் பிரபல ஸ்வீட் கடையிலி ருந்து இரண்டு கிலோ ஸ்வீட், காரம் இத்துடனும் சென்று, ஒருபொன் னாடையும் போர்த்தி, அவரை வாழ்த்திவிட்டு வந்தார்.

சந்தோஷ முருகேசன், செக்ரடேரியட்டில் மெட்ரோ வாட்டர் பிரிவில் பெரிய அதிகாரி. நியாயமான அளவில் கையூட்டு பெறும் கண்ணியவான்.கணிசமாகச் சேர்ந்த அந்தப் பணத்தைக் கொண்டு தான் பதிப்பகம் தொடங்கினார். பாரதியார், கம்பர், குறள், ராமாயணம், மகாபாரதம் என்று ராயல்டி கேட்காத பிரபல ஆசிரியர்களின் நூல்களை நல்ல முறையில் விறுவிறுவென்று போட்டதோடு, மேற்படி புத்தகங்களில் சிலதை ஓசிப் பிரதியாக புரொபசருக் கும் தந்தார்.

‘‘நம்ம ‘புவியீர்ப்பும் அன்ட்டார்ட் டிக் கரைசலும்’ கூட நீங்கதான் போடணும். இன்னும் ஒரே ஒரு செக்ஷன் தான் பாக்கி இருக்கு. ஓஸோன் ஓட்டையை முடித்துவிட்டால் ஸ்கிரிப்ட் ரெடி!’’ என்றார் புரொபசர்.

‘‘ஆஹா! பேஷா! ஜனவரியில் மாபெரும் புத்தகக்காட்சி வருகிற போது ஒரு ஸ்டால் எடுக்கிறதாக இருக்கேன். நீங்கள் அதற்குள் எழுதி முடித்துவிட்டால் ஓகோன்னு விளம்பரப்படுத்தி பிரமாதமாக விற்றுவிடுகிறேன்’’ என்றார் சமு.

புரொபசர் கல்லூரிக்கு விடுப்புப் போட்டுவிட்டு, அன்ட்டார்ட்டிக் கரைசலின் கடைசி சொட்டான ‘ஓஸோன் ஓட்டை’களை எழுதி முடித்து, சமுவிடம் சமர்ப்பித்தார். என்னுரை, முன்னுரை, பின்னுரை என எல்லா உரையிலும் சமுவின் புகழ் பாடியிருந்தார்.

புத்தகக் காட்சியின் வரவேற்புக் கொட்ட கையில், புரொபசரை அறிமுகப்படுத்தி பொன் னாடை போர்த்திக் கௌரவப்படுத்தியதோடு, ‘‘புவியீர்ப்பும் அன்ட் டார்ட்டிக் கரைசலும் 417&ம் நம்பர் ஸ்டாலில் கிடைக்கும். படித்துப் பார்த்துப் பொக்கிஷம் போல் பாதுகாக்கப்பட வேண்டிய நூல். விலை ரூ.100. ஸ்டாலில் வந்து வாங்குகிறவர்களுக்கு நூலாசிரியர் தன் கைப் படக் கையெழுத்திட்டுத் தருவார். அப்படி அவர் கையெழுத்திடும் நூலுக்கு 50% சலுகை தரப்படும்’’ என்று மேடையிலேயே அறிவித்துவிட்டார் சமு. கூடவே, ‘‘சரியாக மதியம் இரண்டு மணியிலிருந்து ராத்திரி ஸ்டால் மூடுகிற வரை நீங்கள் ஸ்டாலிலேயே இருக்க வேண்டும்’’ என்று அன்புக் கட்டளை போட்டார்.

‘‘அதைவிட எனக்கு வேறென்ன வேலை?’’ என்று புரொபசர் கல்லூரிக்கு மேலும் ஒரு பத்து நாள் விடுப்பு போட்டார். இரண்டு மூன்று பால் பாயின்ட் பேனாக்கள் வாங்கிக்கொண்டார்.

சமு பதிப்பகத்தின் ஸ்டால் சுமாராக… டேபிள் துடைக்கிற சில துணிகள் வெலவெல வென்று இருக்குமே, அது போல பலவீனமாக இருந்தது. மற்ற பதிப்பகங்களிலிருந்தும் நூல்களை வாங்கி வந்து நிரப்பியிருந்தார் சமு.

அவரது வெளியீடு என்று நாலைந்து புத்தகங்கள். மற்றபடி புரொபசரின் ‘புவியீர்ப்பும் அன்ட்டார்ட்டிக் கரைச லும்’தான்.

புரொபசருக்கு ஒரு ஸ்டூல் போட்டிருந்தார். ‘‘நாற்காலி போடலையேனு நினைச்சுக்கா தீங்க. நாற்காலியில் உட்கார்ந்தா தூக்கம் வந்துடும். ஸ்டாலுக்கு வர்றவங்க… முக்கியமா உங்க கிட்ட ஆட்டோகிராஃப் வாங்க வர்றவங்க, ‘என்ன டாது புரொபசர் தூங்க றாரே!’னு நினைச்சுடக் கூடாது இல்லியா?’’ என்றார் சமு.

தினமும் புரொபசர் ஷேவ் செய்துகொண்டு, டிரைகிளினீங்கில் முன்கூட்டியே போட்டு ரெடி செய்து வைத்திருந்த பேன்ட், ஷர்ட், கோட் அணிந்து, டாணென்று 11 மணிக்கெல்லாம் ஸ்டாலுக்குப் போய்விடுவார்.

ஒரே ஒரு சின்னப் பயல்தான், ஞானப்பிரகாசம் என்று பெயர்… ஸ்டாலைத் திறந்து தூசி தட்டி வைப் பான். புரொபசர் அவனுக்கு உற்சாகப் படியாக தினமும் 20 ரூபாய் சொந்தப் பணத்திலிருந்து கொடுத்து விடுவார்.

தனது புவியீர்ப்பை மட்டும், ஜனங்கள் வந்ததும் கண்ணில் படுகிற மாதிரி ரிசப்ஷன் மேஜையில் அடுக்கி வைத்துக்கொண்டு ஆவலோடு காத்திருப்பார். ஆனால், சோதனையாக புத்தகம் ஒன்றுகூடக் கரைய வில்லை. வருகிற ஜனங்கள் ஒதுங்கி ஒதுங்கிப் போய்க்கொண்டு இருந் தார்கள்.

‘சரியான விளம்பரம் இல்லை’ என்று அலுத்துக் கொண்டு பெரிய கரும்பலகை வரவழைத்துக் கொட்டை எழுத்தில் கலர் கலராக புவியீர்ப்பை எழுதி வைத்தார். ‘ஞாபகமாகக் கேட்டு வாங்குங் கள் புரொபசரின் கையெ ழுத்தை’ என்று சற்றே பெரிய எழுத்தில் சிவப்புக் கலரில் எழுதி, கீழே பச்சை நிறத்தில் பட்டை யாகக் கோடும் போட்டுச் சிறப்பித்தார்.

தினமும் காலை 11 மணியிலிருந்து இரவு 8 மணி வரை உட்கார்ந்திருந்தார், டீயும் பகோடா வும் வரவழைத்துச் சாப்பிட்டுக் கொண்டு! ஸ்டூலில் உட்கார்ந்தும், நின்றும், நடந்தும்… ரொம்பத்தான் உடம்பு வலி! வயிற்றெரிச்சல் என்ன வென்றால், அவரது புத்தகம் ஒன்று கூட விற்பனை ஆகவில்லை. பாரதி யார், திருவள்ளுவர், கண்ணதாசன் என மற்றவர்கள் எழுதினதுதான் விற்பனை ஆயிற்று!

பதிப்பாளர் சமு தினமும் சாயந்திரம் 7 மணிக்குதான் வந்து எட்டிப் பார்ப்பார். வந்ததும், ‘‘உங்களது ஏதாவது மூவ் ஆச்சா?’’ என்பது தான் அவரது முதல் கேள்வியே!

‘‘பப்ளிஸிடி பத்தலை. நீங்க நுழைவாசல்கிட்ட ஸ்டால் எடுத்திருக்கணும். உள்ளே தள்ளி இந்தக் கடைசியிலே எடுத்தது மிஸ்டேக்!’’ என்று அலுத்துக்கொண்டார் புரொபசர்.

‘‘நீங்க கொஞ்சம் உங்களுடையதைப் போட்டுப் பண்ணுங்க. நான் அப்புறம் கணக்குப் பார்த்து ஸெட்டில் பண்ணிடறேன். உங்க ராயல்டியோடு சேர்த்துக் கொடுத்துடறேன். உங்க போட்டோவோடு பேனர் போடுங்க. இருபதடிக்கு இருபதடி! விளம்பரம்னா நெத்தியடியா இருக்கணும். எக்ஸிபி ஷன் இன்னும் அஞ்சே நாள்தான். அதுக்குள்ளே பார்த்துடணும் ஒரு கை! ஒண்ணுகூட மூவ் ஆக லேன்னா மனசுக்குக் கஷ்டமா இருக்கு. ரொம்ப ஒசந்த புஸ்தகம்… ஜனங்களை ரீச் ஆகலையே! உங்க பிரதி 1,100&லே ஒரு நூறு பிரதியாச்சும் நீங்க ஆட் டோகிராஃப் போட்டு வித்தாதான் உங்களுக்கு மரியாதை!’’ என்றார் சமு.

புரொபசருக்கு ரோஷமாகிவிட்டது. தன் சொந் தச் செலவில் தினசரிகளில் விளம்பரம் கொடுத் தார். பேனர் செலவு ரூ.25,000. மனைவியின் நகைகளையும் வைரத் தோட்டையும் விற்றார். அதையடுத்து புரொப சரின் குடும்ப உறவி லேயே ஓஸோன் ஓட்டை விழுந்துவிட்டது. அந்த அம்மணி, ‘‘உங்க சங்காத்தமே வேணாம்’’ என்று பிறந்த வீடு போய்விட்டாள்.

ஏறக்குறைய ரூ.60,000 செலவு செய்து, பத்து நாள் ஓய்வு ஒழிச்சலின்றி புத்தக ஸ்டாலில் காவல் தெய்வம் மாதிரி ஸ்டூலில் விறைப்பாக உட்கார்ந்து, ஸ்டால் வரவுக்குப் பில் போட்டு… எல்லா வேலையும் பார்த்தாகிவிட்டது. சொந்தக் கையெழுத்தை தான் தனது நூல் ஒன்றிலும் புரொப சரால் போட முடியவில்லை.

‘‘இன்னா சார், ஒண்ணியும் மூவ் ஆகலியே?’’ என்று இகழ்ச்சியாகக் கேட்ட ஞானத்திடம், ‘‘நம்ம சப்ஜெக்ட் கொஞ்சம் ஹெவி சப்ஜெக்ட் டுடா… அதான், மக்களை ஈர்க்கலை போல!’’

‘‘அடுத்தாப்ல எதுனா சமையல் பொஸ்தகம், ராசி பலன் பொஸ்தகம் போடுங்க சார், நல்லா மூவ் ஆகும்!’’ என்று டிப்ஸ் கொடுத்தான் பையன்.

‘‘பார்க்கறேன்’’ என்றார் புரொபசர் பலவீனமாக.

அங்கே… பதிப்பாளரும் பிரசுரகர்த்தாவுமான சமு, தன் வீட்டில் மனைவியிடம் சொல்லிக் கொண்டு இருந்தார்…

‘‘தெரியாத யாவா ரத்திலே இறங்கினது முட்டாள்தனம். ஆனா, அதிலும் கொஞ்சம் புத்தி சாலித்தனமா வேலை செஞ்சேன்னு வெச்சுக்கோ. புரொபசரை ஒக்காத்தி வெச்சிட்டேன். இல்லாட்டி ஸ்டாலைப் பார்த்துக்க ரெண்டு ஆளைப் போட்டு தினமும் பேட்டா, சம்பளம் சாப்பாடுன்னு 500, 1,000 செலவாகியிருக்கும். அது மட்டுமில்லே… அவரோட புத்தகம் 1,100&ஐ யும் 50% பர்சன்ட் கமிஷன் அடிப் படையிலே லாட்டா அவராண்டையே தள்ளிடப் போறேன். 60% கூடத் தரலாம்; நமக்கு நஷ்டம் இல்லே. ‘உங்க புத்தகம் பிளாட்பாரத்துக்கு வந்தா உங்களுக்குதான் அசிங்கம்’ என்கிற மாதிரி சொன்னா, புரொபசர் தன் தலையை அடகு வெச்சாவது வாங்கிக்குவார்… ரோஷக்கார மனுஷன்!’’

- 04th ஏப்ரல் 2007 

தொடர்புடைய சிறுகதைகள்
பாவம், இந்த மனைவிமார்கள்!
மூடநம்பிக்கைகள் பலவிதம்! அதிலும், நம்ம ஊர்ப் பெண்மணிகளுக்கென்று... குறிப்பாக, மனைவிமார்களுக்குத் தங்கள் கணவன் பற்றிய மூடநம்பிக்கைகள் ஏராளம். அவற்றில் ஒரு சிலவற்றை இங்கே பார்க்கலாம். சமையலறையில் மிக்ஸி அரைத்துக் கொண்டே, ‘என்ன... உங்களைத்தானே?’ என்று கூப்பிட்டால், ஹாலில் பேப்பர் படித்துக் கொண்டு இருக்கும் ...
மேலும் கதையை படிக்க...
கீழ் வானில் பெளர்ணமி சந்திரன் சோளா பட்டூரா மாதிரிப் பெரிசாகக் காட்சி தந்தது. நட்சத்திரங்களே சென்னா, நீலவானமே அவைகளை ஏந்தும் பிளேட். அழுக்கு மேகமே லாலா கடை சப்ளையர், ஆனால் அப்புசாமி காளிதாச மனோநிலையில் இல்லாததால் சந்திரனை ரசிக்காமல் மொட்டை மாடியிலிருந்து ...
மேலும் கதையை படிக்க...
மணக்காத மாலை!
சுமார் ஐந்து வருடங்களுக்கு முன் என் மாமா தன் அலுவலகத்திலிருந்து ஓய்வு பெற்றார். அந்தத் தினத்தை அவர் மறந்திருந்தாலும் நான் மறக்கவில்லை. அவருக்கு அன்றைய தினம் போட்ட சந்தன மாலையைப் பாதுகாத்துப் பத்திரப்படுத்த வேண்டிய பொறுப்பு என்னுடையதாகிவிட்டது. சந்தன மாலைக்கும் சந்தனத்துக்கும் ...
மேலும் கதையை படிக்க...
"அம்மா தெய்வம்டி! எங்க அம்மா தெய்வம்டி!" அப்புசாமி உணர்ச்சி வசப்பட்டுக் கத்தினார். "ஸோ வாட்?" என்றாள் சீதாப்பாட்டி சர்வ அலட்சியத்துடன். "நீயெல்லாம் ஒரு பொம்பிளையா?" என்று அடுத்த கணையை ஏவினார் அப்புசாமி. சீதாப்பாட்டி, "ஐ திங்க் ஸோ.." என்றாள். மகாபாரத டி.வி. யுத்தக் ...
மேலும் கதையை படிக்க...
சிவலிங்க செட்டியாரின் பங்களாவுக்கு நிகரான பங்களா எங்கள் கிராமத்தில் அப்போது ஏதுமில்லை. மதிப்புக்குரிய செல்வந்தர்களான நாடார் இனத்தவரை 'செட்டியார்' என்று மரியாதையாக குறிப்பிடுவது எங்கள் வட்டார வழக்கு. அசல் செட்டி நாட்டுப் புகழ்பெற்ற பங்களாக்களைப் போலவே கட்டிட நேர்த்தியும், பளபளப்பும் மழமழப்புமாக ஊரே ...
மேலும் கதையை படிக்க...
அப்புசாமி கோபாவேசமாகக் கத்தினார்: "சரிதான் போடா! பெரிய சந்தன வீரப்பன் இவுரு! உன் மாட்டை அவுத்து விட்டுடுறேன் பார். அப்பத்தாண்டா உனக்கு புத்தி வரும்." பால்கார நாதமுனி, மாட்டுக்கு 'சத்தக்' என்று ஊசி போட்டான். பால்காரர்கள் இரண்டு வகை. பருத்திக் கொட்டை வைத்துச் சில ...
மேலும் கதையை படிக்க...
ஜெய் கார்கில்!
இரவு ஒண்ணரை மணிக்கு அப்புசாமியின் படுக்கை காலியாயிருந்தது. அவரது அறையிலிருந்த கொசுக்கள் பின்வருமாறு பேசிக் கொண்டன: எருமைக் கொசு: எங்கே தொலைஞ்சான் ஆசாமி? நான் சரியாவே இன்னும் கடிக்கலை? செரியான சாவு கிராக்கி. குஞ்சுக் கொசு: திட்டாதீங்க பெரீயப்பா. நாங்களெல்லாம் வாய்க்குள்ளே புகுந்து வெளையாடினாக்கூட ...
மேலும் கதையை படிக்க...
செடி நட்டவர் தண்ணீர் ஊற்றுவார்
அப்புசாமிக்குப் பல விஷயங்கள் ஆரம்பத்தில் புதிராகத்தான் இருக்கும். ஆனால் சீதாப்பாட்டி லாரி ஒன்று அழைத்துக்கொண்டு வருமாறு ஒரு நாள் காலையில் கட்டளையிட்டது அப்புசாமிக்கு விளங்கவேயில்லை. மேஜைமீது நாலைந்து வருட வரவு செலவுக் கணக்குப் புத்தகங்கள் பிரித்துப் போடப்பட்டிருந்தன. அப்புசாமி சொன்னார்: ''ஓ! வருமான ...
மேலும் கதையை படிக்க...
இப்போதெலலாம் கல்யாண வீடுகளுக்குப் போனால் முன் மாதிரி 'பந்திக்கு முந்திக்கோ' என்று அநாகரிகமாக விழுந்தடித்தவாறு ஒருத்தர்மேல ஒருத்தர் இடித்துக் கொண்டு, மியூஸிகல் சேரில் இடம் பிடிப்பதுபோல் டைனிங் ஹாலில் காலி நாற்காலியை நோக்கிப் பாயவேண்டிய அவசியமே இல்லை. முதலில் சாப்பிட்ட எச்சில் ...
மேலும் கதையை படிக்க...
"என்ன பிரசிடென்ட்ஜி! உங்களுக்கே இது நன்றாக இருக்கிறதா?" என்றாள் அகல்யா தேவி. பா.மு.கழக செயலாளி. "ஐ டோண்ட் காச் யூ.. என்ன சொல்கிறீர்கள் அகல்யா தேவி...?" என்றாள் சீதாப்பாட்டி. அகல்யா தேவி இன்னோர் அங்கத்தினரிடம் அதற்குள் காதில் என்னவோ கிசுகிசுத்தாள். அந்த அங்கத்தினர் புன்சிரிப்புடன் ...
மேலும் கதையை படிக்க...
பாவம், இந்த மனைவிமார்கள்!
தேள் அழகர் அப்புசாமி
மணக்காத மாலை!
அம்மா வா..ரம்
சிவலிங்க செட்டியார் பங்களாவில் தபாலாபீஸ்!
சீதாப்பாட்டி விட்ட சவால்!
ஜெய் கார்கில்!
செடி நட்டவர் தண்ணீர் ஊற்றுவார்
பந்தியும் ப·ப்வேயும்
எல்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)