ஆவிகளின் ராஜ்யம்!

 

”புளியமரத்துக்கிட்டா போனா, ஆவி புடிச்சிக்கும்-ன்னு” சின்ன வயசில அம்மா சொன்னது அப்படியே மனசுல ஆழமா பதிஞ்சதல, புளியமர பக்கமே போக்கூடாது-ன்னு வைராக்கியமாய் இருந்த புண்ணியகோட்டிக்கு வந்த து சோதனை!

”பேய் காற்றுடன், பேய் மழையும் சுழற்றியடிக்க அவனின் வைராக்கியம் மழையில் கரைந்து வேறுவழியில்லாமல் அன்று புளியமரத்திடமே ஒதுங்கினான்.

ஒதுங்கிய நேரத்தில் மனதிற்குள்ளே….”ஆவிகள் உலாவி வருவதைப்போல நிழல் நிழலாக பிம்பங்கள் நடனமாடி அவனை இன்னும் பீதிக்குள்ளாக்கியது. மழையில் நனைந்ததால் உடம்பின் உதறலோடும், உள்ளத்தில் பீதியோடும் அவசரமாக வீட்டிற்குள் நுழைந்தான்.

பீதியிலேயே உறங்கி விட்டான். மறுநாள் காலை

”ஏங்க, பால்காரன் இன்னைக்கு வரலே, ஆதனால நீங்க போய் ”ஆவி-ன் வாங்கி வாங்க என்றாள் புண்ணியவதி.

இவன் காதில் ”ஆவின்” என்பது ”ஆவி” என்றே ஒலித்தது.

”என்னது ஆவியா ?, ஏன்டி காலையிலேயே பயமுறுத்துற” என்று படத்துல ராகவா லாரன்ஸ் பயப்படுவது போலவே புண்ணியகோட்டியும் பயந்தான்.

”ஆவி இல்லேங்க, ஆவின் பாலுங்க” என்று விளக்கமாய் சொல்லிவிட்டு…. பால் வாங்கிட்டு அங்கன…இங்கன ..உ”லாவி”ட்டு வராதீங்க…சீக்கிரமா வந்துடுங்க” என்றாள்.

மறுபடியும், அவன் காதில், உ”லாவி” என்ற வார்த்தையில் ”ஆவி” என்ற சத்தம் மட்டும் ஆவிக்கணக்காய் ஒட்டிக்கொண்டது. மனசுக்குள்ளே… ” புளியமரத்துக்கு கீழே ஒதுங்கினதுல, ஏதேச்சும் ஆவி…கீவி நம்மளை” புடிச்சுருக்குமோ…நல்ல சாமியாரா பார்த்து மந்திரிச்சுக்கணும்” என்று தனக்குத்தானே புலம்பிக் கொண்டான்.

ஆவின் பால் வந்த்து….சிறிது நேரத்தில் … டீபாயின் மேல் காபியை வைத்துவிட்டு …இந்தாங்க காபி….ஆவி பறக்குது, நல்ல ஆத்திக்குடிங்க” என்றாள் மனைவி.

மனைவி காபியின் ஆவியைச் சொல்ல, புண்ணியகோட்டி புளியமரத்தின் ஆவியை நினைத்து கொண்டான். அந்த பயத்திலேயே செய்திதாளைப் பிரித்து படிக்க…அதில் …… நடுரோட்டில் ஒரு விபத்து…அநேகமாக அது ஆவியின் வேலையாக இருக்கும் என்று கிராமவாசிகள் பூசாரியைக் கூப்பிட்டு பூஜைப் போட்டார்கள்” என்று முன்னால் வந்துநின்றது அந்த செய்தி

அந்த செய்தியை படிக்கும்பொழுதே…..”அடியே, அரிசியைதண்ணிய விட்டு நல்லா துழாவி….துழாவி” களைஞ்சு கழுவுனாதானே, அழுக்கு போவும்டி” என்று மருமகளுக்கு சொன்னாள் புண்ணியகோட்டியின் அம்மா.

ஏற்கனவே பீதியில் இருந்த புண்ணியகோட்டி…. அம்மாவின் துழாவி..துழாவி”யில் இருந்த ஆவிகள் வேறு பயமுறுத்த துவங்கி விட்டன.

காலை டிபன் நேரத்தில்…. ”சீக்கிரமா வாங்கோ, இட்லி ஆவி பறக்க சுடா இருக்குது. சுடு ஆறதுக்குள்ளாற சாப்பிடுங்கோ” இட்லி ஆவியின் வழியாகவும் மேலும் பயமுறுத்தினாள் மனைவி.

பயத்திலேயே இட்லியை அவசர அவசரமாக விழுங்கினான். மதியம் சாப்பாட்டு நேரத்திலும் சமையலில் ஆவி பறக்க சுட..சுட செய்து பறிமாறினாள் அன்பு மனைவி. ஆனால், ஆவி பயத்தில் சரியாக சாப்பிடாமல் அரைகுறையாக எழுந்துவிட்டான்.

தான் பயந்துகிடப்பது மனைவியிடம் சொன்னால் கிண்டல் செய்வாளோ” என்று பயந்து….. அம்மாவிடம் சொல்வோம் என்று ” அம்மா, நீ சின்ன வயசில புளியமரம் பக்கம் போகாதே” சொன்னே. அப்போ போகல, இப்போ புளியமரம் பக்கம் ஒதுங்க வேண்டியதாயிடுச்சு. மனசுக்குள்ளாற ”ஆவிகளா உலாத்துற மாதிரி இருக்குதும்மா” நீதான் ஏதாச்சிலும் வைத்தியம் செய்யணும்” என்றான்.

”டேய் , இதுக்கு ஏன்டா பயப்படணும். கொஞ்சமா நெருப்பு துண்டங்களை எடுத்து, அதில் சாம்பிராணி தூளைத் தூவினா……… ஆவிக்கணக்கா புகைவரும் பாரு….. அதை முகத்தில காண்பிச்சா… ”ஆவி பறந்தே போயிடும்டா” என்றாள் அம்மா.

மறுபடியும் ஆவியா ? என்று மயங்கினான்.

புண்ணியகோட்டியின் அம்மா பூசாரிகிட்ட கூட்டி போகணும்-ன்னு சொல்ல…. மருமகளோ…. தம் புருஷனை டாக்டர்கிட்ட கூட்டி போகணும்-ன்னு சண்டை போட்டு ….கடைசியில் டாக்டரிடம் கூட்டி போய் விவரத்தை சொன்னார்கள்.

” திஸ் இஸ் வெரி சிம்பிள், அவருக்கு மனப்பிராந்தி. நான் குணப்படுத்திடறேன்னு சொல்லி புண்ணிய கோட்டியை உட்டகார வைத்து..

மெதுவாக……”பிளிஸ், கண்ணை மூடுங்கோ……அப்படியே நான் சொல்ற வார்த்தைகளை சொல்ல, நீங்க திரும்ப சொல்லுங்க” என்றார் டாக்டர்.

”மா”யாவியி”டம் கொஞ்சம் நேரம் அளவ”ளாவிய”தில், அவன் ஒரு ”மே-தாவி” என்றே தன்னைத்தானே, வானா-”ளாவி” புகழ்ந்து கொண்டது, பிடிக்காத்தால், அவனின் வா”னாளவிய” புகழ்ச்சிக்கு முற்றுப்புள்ளி வைக்க” என்று சொல்லிக் கொண்டே… ”நர்ஸ், எனக்கு குடிக்க வெந்நீர் கேட்டேனே” கொண்டு வா” என்றார் டாக்டர்.

”இருங்க டாக்டர், தண்ணீ ரொம்பவே சூடாக்கிட்டேன்… அதில ஆவி பறக்குது” என்றாள் நர்ஸ். அதைக்கேட்ட புண்ணியகோட்டி…அதோ பறக்குது ஆவி…ஆதோ ஆவி” என்று சொல்லியவாறு கண்விழித்தான்.

”எங்கே….ஆவி…எங்கே ஆவி” என்று கேட்டவாறே அரைமயக்கத்தில் வீழ்ந்தார் டாக்டர். 

தொடர்புடைய சிறுகதைகள்
“எங்க குடும்பம் ரொம்ப பெரிசுங்க நான் “அவளை” இருபத்து நாலுமணி நேரமும் தொட்டுக்கிட்டே இருக்கணும் நினைக்கிறேன், ஆனா அவ படுத்துற பாடு இருக்கே, ஆதாங்க என்னால தாங்க முடியல! “நான் அவளைத் தொடும் அடுத்த நொடியில்… என்னிடமிருந்து விலகி ஓடிறாள்“ இருங்க அவள் பேரைச் ...
மேலும் கதையை படிக்க...
சங்கரன் முகம் மகிழ்ச்சியில் திளைத்தது. அதைவிட குட்டிப்பொண்ணு சர்மிளா முகமோ அதைவிட பிரகாசமாய் இருந்தது. அவருக்கு சரி. சர்மிளாவுக்கு என்ன?மீனுவுக்கு முகத்தில் பயம் ஒட்டிக் கொண்டது.காரணம், மாமியாருக்கு... மாமியார் வருவதாய் தகவல்மாமியாரே குடைச்சல்., இதில் மாமியாருக்கு மாமியாரா, ஐயோ வேண்டவே வேண்டாம் ...
மேலும் கதையை படிக்க...
ரங்கனை ஒரு மாதிரியாக ஏறஇறங்க பார்த்தார் டிராப்ட்ஸ்மேன் வாசு. ”என்ன ஸார் ஒரு மாதிரி பாக்குறீங்க? கேள்வி கேட்டான் ரங்கன். ”என்னப்பா, இந்த காலத்துல, வீடு கட்டுறதுக்கு, இப்படி ஒரு வரைப்படம் வரைஞ்சு கொடுக்க சொல்றீயே, இதெல்லாம் பழைய காலத்து ஆட்கள் கட்டுறது. ...
மேலும் கதையை படிக்க...
ஒங்களை காதலிச்சு கல்யாணம் கட்டிக்கிட்டது எவ்வளுவு தப்புன்னு "இப்பத்தான் புரியுது" முகம் சிவக்க மாலா கத்தினாள். இங்க மட்டும் என்னா வாழுதாம், அதேதான் நீ என்னிக்கு வாழ்க்கைல வந்தியோ, அன்னில இருந்தே எனக்கு நரகம்தான். பி.பி எகிற குதித்தான் கணேசன். கோபத்தை சாப்பாட்டுல காமிக்காதீங்க, டிப்ன ...
மேலும் கதையை படிக்க...
“உஷாரய்யா….உஷாரு” என்னைய காட்டிக் கொடுத்திட மாட்டியே” அலைபேசியில் கெஞ்சுகிற குரலில் மன்றாடிக் கொண்டிருந்தார். ”தலைவரே!, கவலைப்படாதீங்க, என் உசிரே போனாலும், ஒங்களைக் காட்டிக் கொடுத்திட மாட்டேன்” “ ரொம்பவும் நன்றி தம்பி! அப்புறம் நான் கொடுத்து வைச்ச அத்தனை மூட்டையும் மாத்தியாச்சா! பத்திரமா இருக்கா” ...
மேலும் கதையை படிக்க...
திரிலோக சஞ்சாரியான நாரதர் ஆப்பிள் போனை கையில் வைத்து பார்த்து கொண்டே…. தம்பூராவை மீட்டாமலும், நாராயணா பெயரை மறந்தும்… சிவலோகத்தில் நுழைகிறார். பூதகணங்கள் உடனே ஓடிப்போய் சிவனிடம்..வத்தி வைத்து விடுகிறார்கள். சிவனுக்கு கோபம் பொத்துக் கொண்டு வருகிறது.. வரட்டும்..வரட்டும் பார்த்து கொள்ளலாம் என்று உர்ரென்று ...
மேலும் கதையை படிக்க...
பிரபல புடவைக் கடையின் மேனேஐர்தான் கேசவன். ஆனால் அவன் மனைவி சித்ராவே சேலைக் கட்டுவதில்லை. என்ன செய்வது? சித்ரா தொலைக்காட்சி சீரியல்களில் நடிக்கிறாள். பெரும்பாலும், அவள் நடிப்பது மாடர்ன் பெண் கதாபாத்திரங்களில்தான். அதற்காக மாடர்ன் டிரஸ் போட்டுப் போட்டு அப்படியே அதற்கு ...
மேலும் கதையை படிக்க...
அண்ணாந்து பார்க்கும் அரண்மனையைப் போன்ற மாளிகை. அதில் வசிப்பதென்னவோ மூன்று பேர்தான். மூன்று பேரில் முக்கியமானவர்தான் மஞ்சுளா.அந்த மாளிகையைக் கட்டிக்காக்கும் மகாராணி. அந்த மஞ்சுளாதான், வீட்டின் பக்கவாட்டில் காலியாக உள்ள இடத்தில் மரங்களை வளர்ப்பதில் ஆர்வமுள்ளவர். அவள் வளர்த்து வரும் மரங்களில் கொய்ய ...
மேலும் கதையை படிக்க...
கழுத்துல பெரிய டால் பதித்த தங்க செயின், நான்கு விரல்களிலும் மோதிரங்கள் மின்னிக் கொண்டிருக்க …”தட்டுல தட்சிணை போடுங்கோ” ”தட்டுல தட்சிணை போடுங்கோ” என்று கேட்டால் எப்படி இருக்கும். பலரும் முகம் சுளித்தனர். …. ”ஏன்டி பங்கஜம். குருக்கள் நல்ல வசதியாத்தானே இருக்கார். ...
மேலும் கதையை படிக்க...
கதை கேளுங்கள்: பொறுப்பு சரியாய் ஆறுமணிக்கு வந்தவிடுவதாக பொறுப்பாய் சொன்ன ஜோஸ்வா, இன்னமும் வரவில்லை! இன்று அவனது காதலுக்கு பச்சைக்கொடி காட்டுவதாக ஜாடையாய்க் கூறியும் அவன் வராத்து, அவன்மீது நம்பிக்கை இழக்கச் செய்ததுடன், பொறப்பில்லாதவன் எனவும் நினைக்க வேண்டியதாயிற்று ஜானுவிற்கு. மணி ஏழாகிவிட்டிருந்த்து. ஒரு ...
மேலும் கதையை படிக்க...
காலாவின் கட்டளை
கதை
திண்ணை
காதல்
சால்வையின் விலை?
ஆப்பிள் போனும்…நாரதரும்…
சேலை
கொய்யாக்கனி!
தட்சிணை
பொறுப்பு

ஆவிகளின் ராஜ்யம்! மீது 2 கருத்துக்கள்

  1. subha says:

    it’s very nice

    • கருத்துக்கு மிக்க நன்றி. மேலும் இந்த கதை இந்த வலைளத்தளத்தில் இருந்து தேர்ந்தெடுத்து ”கதை சொல்லி” ஜுலை 2017 இதழில் வெளியாகி உள்ளது. வலைத்தளத்திற்கும் கதை சொல்லி மாதஇதழ் ஆசிரியருக்கும் மிக்க நன்றி

Leave a Reply to subha Cancel reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)