Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

மந்திரக்குச்சியின் மகிமை!

 

ஒரு நாள் வியாபாரி ஒருவர் வினோதமான வழக்குடன் அரசவைக்கு வந்தார்.

“அரசே, ஒரு தோல் பையில் தங்க நாணயங்களை வைத்து, அதனைப் பத்திரமாக அலமாரியில் பூட்டி வைத்திருந்தேன். ஆனால் மறுநாள், அலமாரியைத் திறந்து பார்க்கையில் அந்தத் தோல் பையைக் காணவில்லை. என்னிடம் நான்கு வேலைக்காரர்கள் உள்ளனர். அவர்களுள் ஒருவன்தான் இத் திருட்டைச் செய்திருக்க முடியும்!’ என்றார்.

மந்திரக்குச்சியின் மகிமை“ஆனால், அவர்கள் நால்வரும் தாங்கள் குற்றமற்றவர்கள் என்று கூறுகின்றார்கள். அவர்களுள் ஒருவனை நான் அடித்தாலும் மற்ற மூவரும் வேலையை விட்டுப் போய்விடுவர். அதனால் அவர்கள் நால்வரையும் தண்டிக்காத வகையில், நான் குற்றவாளியைக் கண்டுபிடிக்க வேண்டும்! அதற்கு நீங்கள்தான் உதவ வேண்டும்…’ என்று அரசனிடம் வேண்டினார் அந்த வியாபாரி.

அரசர், மந்திரியைப் பார்த்து, “நீங்கள்தான் இந்த வழக்கைத் தீர்த்து வைக்க வேண்டும். உண்மையான திருடனை, அப்பாவி வேலைக்காரர்களைத் துன்புறுத்தாமல் கண்டுபிடிக்க வேண்டும்’ என்றார்.

“தாங்கள் கூறியபடியே, அது நடக்கும்’ என்றார் மந்திரி.

மாலையில் அந்த நால்வரையும் மந்திரி அழைத்து, விசாரித்தார். நால்வருமே தாங்கள் நிரபராதி என்றனர்.

‘உங்களில் ஒருவர் உண்மையைக் கூறியிருந்தால் நன்றாக இருந்திருக்கும். எனக்கு வேறு வழியில்லை. எனது மந்திரக் குச்சிகளைப் பயன்படுத்த வேண்டியதுதான்’ என்று கூறிவிட்டு நால்வருக்கும் ஆளுக்கொரு குச்சியைக் கொடுத்தார்.

பின்னர், “இவை சாதாரணக் குச்சிகள் என்று நினைத்துவிடாதீர்கள். மந்திர சக்தி வாய்ந்தவை! இவற்றை இன்று இரவு முழுவதும் வைத்திருங்கள். யாருடைய குச்சி நான்கு அங்குலம் வளர்கிறதோ, அவர்தான் குற்றவாளி’ என்று கூறி அவர்களை வீட்டுக்கு அனுப்பிவைத்தார்.

அன்று இரவு, உண்மையான குற்றவாளிக்கு ஒரு யோசனை தோன்றியது. தனக்குத் தரப்பட்ட குச்சியை நான்கு அங்குலம் வெட்டிவிட்டால், மந்திரி கூறியபடி அந்தக் குச்சி நான்கு அங்குலம் வளர்ந்தாலும் அது பழைய நிலையிலேயே இருக்கும் என்று எண்ணி அந்தக் குச்சியில் நான்கு அங்குல நீளத்தை வெட்டிவிட்டான்.

மறுநாள் அரசவைக்கு எல்லோரும் வந்தார்கள்.

மந்திரி எல்லோருடைய குச்சிகளையும் வாங்கிப் பார்த்தார். உண்மையான குற்றவாளியைக் கை காண்பித்தார். மற்ற மூவரும் விடுதலை செய்யப்பட்டனர்.

அரசரிடம், மந்திரி, “நான் கொடுத்த குச்சிகள் மந்திரசக்தி வாய்ந்தவை அல்ல. யார் திருடன் என்பதைக் கண்டுபிடிக்கவே அவ்வாறு கூறினேன். குற்றவாளி தப்பித்துக் கொள்வதற்காக அந்தக் குச்சியில் நான்கு அங்குலம் வெட்டியிருக்கிறான். அதனால் அவனது குச்சி சிறிதாகிப் போய்விட்டது. இதைக் கொண்டுதான் உண்மைக் குற்றவாளியைக் கண்டுபிடித்தேன்..’ என்று கூறினார்.

குற்றவாளி தனது தவறை ஒப்புக்கொண்டு தங்க நாணயங்களைத் திருப்பிக் கொடுத்தான்.

மந்திரியின் தந்திரத்தை அரசர் மெச்சி, அவருக்குப் பரிசு வழங்கினார்.

மு.ஆறுமுக விக்னேஷ்,
8-ம் வகுப்பு, பி.ஏ.சி.எம்.மேல்நிலைப் பள்ளி,
இராஜபாளையம்.
மார்ச் 2012 

தொடர்புடைய சிறுகதைகள்
முத்தம்
அம்மா.. நீயும் கூட வாம்மா..'' முதுகில் புத்தகப் பையைச் சுமந்தபடி வள்ளி அம்மாவைப் பார்த்து கேட்டாள். அம்மா.. நீயும் கூட வாம்மா..'' முதுகில் புத்தகப் பையைச் சுமந்தபடி வள்ளி அம்மாவைப் பார்த்து கேட்டாள். ""அதான் சேர்ந்து மூணு நாள் ஆச்சே.. இன்னும் கூட வா ...
மேலும் கதையை படிக்க...
ரொட்டிக் கடை வைத்திருந்த ஒருவருக்கு, கடைக்கு வெண்ணெய் சப்ளை செய்பவர் மீது வெகுநாட்களாக ஒரு சந்தேகம் இருந்தது. தன்னை அவர் ஏமாற்றுகிறாரோ என்று எண்ணிக் கொண்டேயிருந்தார். அவர் தரும் வெண்ணெய் எடை குறைவாக இருப்பதாக நினைத்தார். ஒருவழியாகத் தீர்மானம் செய்து அவர்மீது வழக்கு ...
மேலும் கதையை படிக்க...
கோயிலுக்குச் சென்று ஓர் அர்ச்சனை. வீட்டில் ரவாகேஸரி அல்லது பால்பாயாசம். பிறந்தநாள் ஓடிவிடும். ஆனால் குழந்தைகளுக்கு அப்படியில்லை. அக்கம்பக்கத்தில் கொண்டாடுவதைப் பார்த்து அவர்களுக்கும் அந்தப்பழக்கம் தொற்றியிருந்தது. வளர்ந்துவிட்ட அவர்கள்தான் அம்மாவை வற்புறுத்தினார்கள். சண்முகநாதன் யோசித்தார். பையன் ப்ளஸ்டூ. பெண் இந்தவருடம்தான் பொறியியல்கல்லூரியில் ...
மேலும் கதையை படிக்க...
கபாலிபுரம் என்ற மாநகரில் கபிலன் என்ற ஓவியன் இருந்தான். ஓவியம் வரைவதில் மிகுந்த திறமை உடையவன். யாரைப் பார்த்தாலும் அவர்களை அப்படியே ஓவியம் வரைந்து விடுவான். ஓவியத்திற்கும் அந்த ஆளுக்கும் சிறு வேறுபாடு கண்டுபிடிக்க முடியாது. அவ்வளவு பொருத்தமாக ஓவியம் வரைவான். பணக்காரர்களை ...
மேலும் கதையை படிக்க...
தஞ்சை வளநாட்டின் இளவரசி இளவேனில் மிகவும் இனிமையானவள். இளவரசி மேல் மிகவும் அன்பு வைத் திருந்தார் மன்னர். அவள் விரும்பியதை எல்லாம் மறுக்காமல் வாங்கித்தந்து மிகவும் செல்லமாக அவளை வளர்த்துவந்தார். இளவரசிக்கு சிறு வயதில் இருந்தே சோளப் பொரி என்றால் உயிர். அரண்மனை ...
மேலும் கதையை படிக்க...
முத்தம்
செழியரசு
அம்மாவின் பிறந்தநாள்
பீர்பால் – ஏமாற்றாதே, ஏமாறாதே
சோளக்கொல்லை பொம்மை!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)