பூட்டு, சாவி எங்கே?

 

மரக்காட்டில் முயல் குடும்பம் ஒன்று வசித்துவந்தது. நேகா அந்தக் குடும்பத்தின் கடைக்குட்டி. மிக அழகான நேகாவைப் பார்க்க தினமும் யாராவது விருந்தினர்கள் வந்துகொண்டே இருப்பார்கள்.

ஒருநாள் நரியும் பார்க்க வந்தது. முயல் குடும்பத்தினருக்குப் பயமாக இருந்தது.

“அடடே! இப்படி ஒரு அழகான முயல் குட்டியை நான் பார்த்ததே இல்லை!” என்றது நரி.

இந்தப் பொல்லாத நரியால் நேகாவுக்கு ஆபத்து வந்துவிடுமோ என்று எல்லோரும் அஞ்சினர். உடனே வளைக்கு ஒரு கதவை ஏற்பாடு செய்தனர்.

“நேகா, நீ எளிதில் எல்லோரையும் நம்பி விடுகிறாய். எதிரி யார், நண்பன் யார் என்றெல்லாம் உனக்குத் தெரியவில்லை. நாங்கள் எல்லோரும் உணவு தேடிச் செல்லும்போது, நீ மட்டும் தனியாக வளையில் இருப்பாய். அதனால் ஒரு கதவு போட்டிருக்கிறோம். பூட்டிக்கொள்” என்றது அம்மா முயல்.

“சரிம்மா, வீட்டைப் பூட்டிக்கொண்டால் பாதுகாப்பாக இருக்க முடியுமா?”

“ஆமாம் நேகா. வெளியே செல்லும்போது, வீட்டைப் பூட்டிச் சென்றால் யாரும் நம் வீட்டுக்குள் நுழைய முடியாது. நாம் எதிரி பயம் இன்றி நிம்மதியாக இருக்கலாம்.”

“ஓ! அப்படியா சரி. நம்ம காட்டுக்கு மனிதர்களால் ஆபத்துன்னு ஒருமுறை சொன்னீங்களே… அப்ப நம்ம காட்டைப் பூட்டி விட்டால் ஆபத்து இல்லைதானே?”

நேகாவின் கேள்வியைக் கேட்டு அம்மாவுக்குச் சிரிப்பு வந்தது. “காட்டைப் பூட்டி வைக்கிறதுக்காக ஒரு பிரம்மாண்டமான பூட்டும் சாவியும் தயார் செய்து வைத்திருந்தோம். ஆனால் அது எங்கோ தொலைந்துவிட்டது. அதைத்தான் இப்ப வரை தேடிக்கிட்டு இருக்கோம்” என்று விளையாட்டாகச் சொன்னது அம்மா முயல்.

அம்மா சொன்னதை உண்மை என்று நம்பிய நேகா, யோசிக்க ஆரம்பித்தது. ‘இந்தக் காட்டோட பூட்டையும் சாவியையும் தேடிக் கண்டுபிடிச்சிட்டால் மனிதர்களால் ஆபத்து வராது. அதைத் தேடுவதுதான் இனி என் வேலை’ என்று முடிவெடுத்தது.

இரவு முழுவதும் தூங்காமல் பூட்டும் சாவியும் எங்கே இருக்கும் என்று யோசித்தது.

விடிந்தததும் அம்மா முயலும் அப்பா முயலும் உணவு தேடிக் கிளம்பின.

“நேகா, நாங்க வெளியே போயிட்டு வந்துடறோம். நீ பாதுகாப்பா இங்கேயே விளையாடிட்டு இரு. ரொம்பத் தூரம் போகாதே. ஏதாவது ஆபத்து என்றால் வளைக்குள் வந்து கதவைப் பூட்டிக்கணும்” என்று அம்மா முயல் சொல்லிவிட்டுக் கிளம்பியது.

அம்மா சென்ற சிறிது நேரத்தில் பூட்டு, சாவி நினைவுக்கு வந்துவிட்டது. அம்மா வருவதற்குள், பூட்டு, சாவியைக் கண்டுபிடித்துக் கொண்டுவந்துவிடலாம் என்று நினைத்தது நேகா. தன் வீட்டைப் பூட்டி, சாவியைச் செம்பருத்திச் செடிக்கு அருகே குழி தோண்டிப் புதைத்தது.

தன் தேடலைத் தொடர்ந்தது. வழியில் நேகாவின் நண்பர்கள் விளையாடிக்கொண்டிருந்தனர்.

நேகாவைப் பார்த்ததும், “நேகா, வாஞ் சேர்ந்து விளையாடலாம்” என்று அழைத்தன.

“நான் விளையாட வரலை. இந்தக் காட்டோட பூட்டையும் சாவியையும் தேடிப் போறேன்” என்றது நேகா.

“என்னது காட்டோட பூட்டு, சாவியா!” என்று நண்பர்கள் ஆச்சரியத்துடன் கேட்டனர்.

தன் அம்மா சொன்னதை நண்பர்களிடம் சென்னது நேகா.

“காட்டைக் காப்பாற்றுவது எங்களுடைய கடமையும்கூட! அதனால நாங்களும் உன்னோடு சேர்ந்து தேடறோம்” என்றார்கள் நண்பர்கள்..

ஒவ்வோர் இடமாகத் தேடிக்கொண்டே சென்றனர். வழியில் வந்த வயதான ஆமை, “குழந்தைகளா, எதைத் தொலைச்சிட்டு இப்படித் தேடிட்டுப் போறீங்க?” என்று கேட்டது.

“தாத்தா, இந்தக் காட்டோ பூட்டு, சாவியைத் தேடிட்டுப் போறோம்” என்று எல்லாம் சேர்ந்து கத்தின.

“காட்டுக்கு யாராவது பூட்டுப் போட முடியுமா? என்ன சொல்றீங்க?” என்றது ஆமை.

“அம்மா சொன்னாங்க. அதைத்தான் தேடி வந்திருக்கோம்”ன்றது நேகா.

“சரி. அப்ப தேடுங்க. உங்க முயற்சிக்கு என் வாழ்த்துகள். கிடைச்ச உடனே சேதி சொல்லுங்க”ன்று வாழ்த்தி அனுப்பியது ஆமை.

நண்பர்களோடு காடு முழுவதும் மாலைவரை தேடிக் கொண்டே இருந்தது நேகா.

“நேகா, இருட்ட ஆரம்பிச்சிடுச்சி. காலையில் தேடலாம்” என்றார்கள் நண்பர்கள்.

“சரி” என்று சொல்லிவிட்டு வீட்டுக்கு வந்தது நேகா. நாளை காலை நேகா தேடப் புறப்பட்டுவிடும். அதற்குள் அவளிடம் ‘அம்மா சொன்னது சும்மா’ என்று சொல்ல வேண்டும். யார் சொல்லப் போகிறீர்கள்!

நன்றி: தி இந்து 07.02.2018 

தொடர்புடைய சிறுகதைகள்
மதியூரில் ஒரு பெரிய குட்டை இருந்தது. அந்தக் குட்டையின் ஒரு புறத்தில் மீன்கள் வசித்துவந்தன. மற்றொரு புறத்தில் வயதான தவளை ஒன்று வசித்தது. அந்த மீன்களுக்குத் தவளையைக் கண்டாலே ஆகாது. அதுவும் இரவில் தவளை கத்தும் சத்தம் கொஞ்சம் கூடப் பிடிப்பதில்லை. அதனால் அந்தத் ...
மேலும் கதையை படிக்க...
குரங்கின் காற்றாடி!
அன்று ஞாயிற்றுக்கிழமை. பள்ளி விடுமுறை என்றாலே குட்டிக் குரங்கு முத்துவிற்கும், பாலுவிற்கும் கொண்டாட்டம்தான். அப்பா எவ்வளவு சொல்லியும், துணிப்பையைக் கொண்டு செல்லாமல், நெகிழி உறைகளில் காய்கறிகளை வாங்கி வருவார் முத்துவின் அம்மா. அந்த நெகிழி உறைகள்தான் முத்துவிற்கும் பாலுவிற்கும் ஞாயிற்றுக்கிழமைகளில் பொழுதைப் போக்கும். ...
மேலும் கதையை படிக்க...
பூனையிடம் கதை கேட்ட எலிகள்!
அழுதபடியே வந்தது மியா பூனைக்குட்டி. மிக அழகாக இருக்கும். அது அழுவதைப் பார்த்தால் உங்களுக்கும் அழுகை வந்துவிடும். பாட்டி பூனை, “ஏன் அழறே? கீழ விழுந்துட்டியா?” என்று கேட்டது. “இல்லை” என்று அழுதபடியே தலை ஆட்டியது மியா. “யாராவது அடிச்சாங்களா?” “இல்லை” என்று தலை ஆட்டியது. “அப்புறம் என்ன ...
மேலும் கதையை படிக்க...
மலை முழுங்கி சின்னக் குருவி!
சிட்டுக்குருவி, தவிட்டுக் குருவி, ரெட்டைவால் குருவி, உழாவராக் குருவி, தூக்கணாங்குருவி, ஊர்க்குருவி என இப்படிப் பல குருவிகளைப் பற்றி உங்களுக்குத் தெரிந்திருக்கும். மலை முழுங்கி சின்னக் குருவியைப் பற்றித் தெரியுமா? அதோ... ஒரு பெரிய மலை தெரியுது இல்லையா? அதற்குக் கீழ மலையடிவாரத்துல ...
மேலும் கதையை படிக்க...
பூனைகளைச் சிறைப்படுத்திய எலிகள்!
பூனைகள் இல்லா உலகில் யாருக்குக் கொண்டாட்டம்? சொல்லவும் வேண்டுமா? நிச்சயம் எலிகளுக்குத்தான். பூனைகள் இல்லாத ஊர் இந்த உலகில் இருக்குமா? இருக்கிறதே. நளினப்பட்டி என்ற ஊரில் பூனைகளே இல்லை. இந்தத் தகவலைப் பல நாடுகளில் உள்ள எலிகளுக்கும் கடிதம் மூலம் தெரிவித்தன நளினப்பட்டியில் ...
மேலும் கதையை படிக்க...
ஆற்றங்கரை அருகே ஒரு பெரிய மரத்துக்குக் கீழே சேவலும் கோழியும் வசித்து வந்தன. இரண்டும் அதிகாலை உணவு தேடிப் புறப்படும். மாலையில்தான் வீடு திரும்பும். அந்த மரக் கிளையில் ஒரு குருவியும் கூடி கட்டி இருந்தது. ஒருமுறை குருவி கூட்டில் சேர்த்து வைத்த ...
மேலும் கதையை படிக்க...
செண்பகக் காட்டில் ஏராளமான பறவைகள் இருந்தன. அவரவர் வேலைகளைக் கவனமாகச் செய்து வந்தன. சூரியன் உதிப்பதற்கு முன்பே, அதிகாலையில் இரைத் தேடப் புறப்படும் பறவைகள், மாலை வேளைதான் தங்களின் கூடுகளுக்கே திரும்பும். புங்கை மரத்தில் குருவி ஒன்று கூடுகட்டி வாழ்ந்துவந்தது. அது இரண்டு ...
மேலும் கதையை படிக்க...
“நரியாரே! அந்த தர்பூசணி என்ன விலை? “அதுவா! இருபது ரூபாய். கரடியாரே நீங்கதான் ரொம்ப சிக்கனம் பார்ப்பவராச்சே. தர்பூசணி வாங்க வந்திருக்கீங்க” எனக் கேட்டது நரி. “புதுசா ஒரு சட்டம் வந்திருக்கே, அது உங்களுக்குத் தெரியாதா?” என பதிலுக்கு கேள்விக் கேட்டது கரடி. “ என்ன சட்டம்? ...
மேலும் கதையை படிக்க...
“அம்மா! அம்மா! என்னம்மா நீ, பல்லு தேய்க்காம சாப்பிடச் சொல்ற, பல்லு தேய்க்காம சாப்பிட்டா கிருமி உருவாகாதா?’’ எனக் கேட்டது குட்டியானை கூகு. என்னடா இது! என்னைக்கும் இல்லாத திருநாளா, இன்னைக்கு நம்ம குழந்தை இப்படி கேட்குதேன்னு ஆச்சரியப்பட்ட அம்மா யானை, “கூகு! ...
மேலும் கதையை படிக்க...
குட்டிக் குரங்கு புஜ்ஜி
அது மலையடிவாரத்தில் அமைந்துள்ள பள்ளிக்கூடம். அந்த ஊர் மட்டுமன்றி அருகில் உள்ள ஊர்களிலிருந்தும் பலரும் அங்கு கல்வி பயின்று வந்தனர். மலைமீது பல குரங்குகள் கூட்டங்கூட்டமாக வசித்து வந்தன. அந்தக் கூட்டத்தில் புஜ்ஜி என்ற சிறிய குரங்கும் இருந்தது. அது மிகவும் புத்திசாலி. சரியாக பள்ளிக்கூட ...
மேலும் கதையை படிக்க...
குட்டையைப் பிரித்த மீன்கள்
குரங்கின் காற்றாடி!
பூனையிடம் கதை கேட்ட எலிகள்!
மலை முழுங்கி சின்னக் குருவி!
பூனைகளைச் சிறைப்படுத்திய எலிகள்!
மூக்கு உடைந்த குருவி!
குருவி வயிற்றுக்குள் மரம்!
கரடி தலையில் தர்பூசணி
குட்டி யானையின் கேள்விகள்!
குட்டிக் குரங்கு புஜ்ஜி

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)