பன்றியைக் கொன்று விடு!

 

ஊரில் அனைவருக்கும் அந்தத் துறவியைப் பிடிக்கும். ஊரின் ஒதுக்குப்புறத்தில் ஒரு சிறிய குடிசையைப் போட்டுக்கொண்டு தன் சிஷ்யனோடு எளிமையாக வாழ்ந்துவந்தார். தன்னைத் தேடி வருபவர்களுக்கு நல்ல கருத்துகளைச் சொல்லி ஆசீர்வதிப்பார்.
ஒரு நாள் அவர் தியானம் செய்துகொண்டு இருந்தார். அப்போது அவரது மனக்கண்ணுக்கு ஒரு விஷயம் தெரிந்தது.

திடுக்கிட்டவராகக் கண் விழித்த துறவி, தன் சிஷ்யனை அழைத்தார்.

‘‘அப்பனே, இதுநாள் வரை என்னிடம் நல்லுரைகள் பலவற்றைக் கற்றுகொண்டாய். குருவான எனக்கு என்ன தட்சணை தரப் போகிறாய்?’’ என்று கேட்டார்.

‘‘கடவுளுக்குச் சமமான ஆசிரியர் நீங்கள் எதைக் கேட்டாலும் கொடுப்பேன்’’ என்றான் சிஷ்யன்.

‘‘நான் சொல்லப் போவதைக் கேட்டு வருத்தப்படாதே. என் தீர்க்க தரிசனத்தின்படி, சீக்கிரமே நான் இறந்துவிடுவேன்…’’ என்று சொன்ன துறவி, ‘‘அங்கே பார்’’ என்றார்.

அவர் காட்டிய இடத்தில் நான்கைந்து பன்றிகள் மேய்ந்துகொண்டு இருந்தன. மேலே எல்லாம் சகதி. பன்றிகளிடமிருந்து பொறுத்துக்கொள்ள முடியாத நாற்றம் வெளிப்பட்டது. மிகவும் அழுக்காக பார்க்கவே அருவருப்பாக இருந்தன பன்றிகள்.

‘‘அடுத்த பிறவியில் அதோ முதலாவதாக நிற்கிறதே, அந்தப் பன்றியின் குட்டிகளுள் ஒன்றாகப் பிறப்பேன். இப்போது என் காதருகே இருக்கும் தழும்பு போல அந்தப் பன்றிக்குட்டிக்கும் தழும்பு இருக்கும். நான் பிறந்ததும் என்னை அடையாளம் பார்த்துக் கொன்றுவிடு. பன்றி வாழ்க்கையிலிருந்து எனக்கு விடுதலை கொடுத்தவன் ஆவாய்’’ என்றார்.

‘‘அய்யோ, குருநாதர் என்று தெரிந்தும் எப்படிக் கொல்வது? என்னால் முடியாது’’ என்றான் சிஷ்யன்.

‘‘எனக்குக் கொடுத்த வாக்குறுதியைக் காப்பாற்று’’ என்று சொன்னார் துறவி. சில நாட்களிலேயே இறந்தும் போனார்.

அவர் சொன்னபடியே அந்தப் பன்றி, சில குட்டிகளை ஈன்றது. அருகில் போய்ப் பார்த்தான் சிஷ்யன். குருநாதருக்கு இருந்தது போலவே ஒரு குட்டிக்கு தழும்பு இருந்தது.

குடிசைக்குள் சென்று ஒரு கத்தியை எடுத்து வந்தான். அந்தப் பன்றிக்குட்டியைக் குத்திக் கொல்லப்போனான்.

‘‘நிறுத்து…’’ என்று மனிதக் குரலில் கத்தியது அந்தப் பன்றிக்குட்டி.

பன்றி பேசுவதைப் பார்த்து சிஷ்யன் மிரண்டு போனான்.

‘‘என்னைக் கொன்றுவிடுமாறு உன்னிடம் கேட்டுக்கொண்டது உண்மைதான். மனிதனாக இருந்து பார்த்தபோது பன்றியின் வாழ்க்கை எனக்குக் கேவலமாகத் தெரிந்தது. பன்றியாகப் பிறந்த பிறகுதான் எனக்கு என் உயிர் எவ்வளவு முக்கியம் என்று தெரிகிறது. விடு, நான் பன்றியாகவே வாழ்ந்துவிட்டுப் போகிறேன்’’ என்றது பன்றிக்குட்டி.

- வெளியான தேதி: 16 நவம்பர் 2006 

தொடர்புடைய சிறுகதைகள்
ஒரு பண்டிதர் ஒரு வயல் வழியாகப் போய்க் கொண்டிருந்தார். வாய்க்குள் ஏதோ இருப்பதுபோல் தோன்றவே, காறித் துப்பினார். ஒரு சிட்டுக்குருவியின் இறகு வந்து விழுந்தது. அது எப்படி தன் வாய்க்குள் வந்தது என்று அவருக்குத் தெரியவில்லை. வீட்டுக்கு வந்து தன் மனைவியிடம் ...
மேலும் கதையை படிக்க...
குரங்குக் கூட்டம் ஒன்று ஒருநாள் உண்ணாவிரதம் இருக்க முடிவு செய்தன. ‘‘உண்ணாவிரதத்தைத் தொடங்குவதற்கு முன்னால், ஒரு காரியம் செய்யவேண்டும். விரதத்தை முடிக்கும்போது சாப்பிடுவதற்கான உணவை முதலிலேயே தயாராக வைத்துக் கொள்வோம்’’ என்றது கிழட்டு தலைமைக் குரங்கு. மற்ற குரங்குகளும் தலையசைத்து அதை ஆமோதித்தன. உணவு ...
மேலும் கதையை படிக்க...
நாடோடிக்கதை வரிசை-19: மணிப்பூர் அந்தப் பெண்ணுக்கு ஒரே மகன்தான். பிறர் வீடுகளில் பாத்திரம் தேய்த்து வாழ்க்கை நடத்தி வந்தாள். ஒருமுறை ஒரு வீட்டில் தானியம் அரைத்துக் கொடுத்தாள். பதிலுக்கு அவளுக்குக் கொஞ்சம் தானியம் கிடைத்தது. அதை விற்பதற்காக சந்தைக்குப் புறப்பட்டாள். ‘‘மகனே, உனக்கு ...
மேலும் கதையை படிக்க...
நாடோடிக் கதை வரிசை-24 : பஞ்சாப் ஒரு நரி ஆற்றுப் பக்கம் தண்ணீர் குடிக்கப் போனது. எதிர்க்கரையில் இருந்த ப்ளம் மரங்களில் நிறைய பழங்கள் பழுத்துக் குலுங்கிக்கொண்டு இருந்தன. என்ன செய்வது, அந்த நரிக்கு நீச்சல் தெரியாதே.... ஏக்கத்தோடு பழங்களைப் பார்த்துக்கொண்டு இருந்தது ...
மேலும் கதையை படிக்க...
நாடோடிக்கதை வரிசை-23 ஹரியானா மாநிலம் அந்த விவசாயி தன் தொழிலின் மேல் மிகவும் ஆர்வம் கொண்டவர். எந்த நேரமும் வயல்காடே கதி என்று கிடப்பார். தன் வயல், தோட்டம் ஆகியவற்றின் ஒவ்வொரு அங்குலமும் அவருக்கு அத்துப்படி. விவசாயத்தில் புதிது புதிதாக ஏதாவது செய்துகொண்டே இருப்பார். ...
மேலும் கதையை படிக்க...
ஒரு விவசாயி தன் குடும்பத்தோடு நகரத்தை நோக்கிப் போய்க்கொண்டு இருந்தார். பயணத்தின் இரண்டாவது நாள் மதியம் அவர்கள் ஒரு பெரிய ஆலமரத்தைப் பார்த்தார்கள். அதன் கீழ் சற்று நேரம் ஓய்வெடுக்க நினைத்தார்கள். சும்மா உட்கார்ந்திருக்கும் நேரத்தில் கயிறு திரிக்கலாமே என்று நினைத்தார் விவசாயி. ...
மேலும் கதையை படிக்க...
மீன் விற்கும் பெண் அரண்மனைப் பக்கமாகப் போனாள். ஜன்னலில் இருந்து எட்டிப் பார்த்த ராணி அவளை அழைத்தாள். அப்போது கூடையில் இருந்து ஒரு பெரிய மீன் வெளியே விழுந்து துள்ளியது. ‘‘இது ஆண் மீனா, பெண் மீனா? எனக்கு பெண் மீன்தான் ...
மேலும் கதையை படிக்க...
நாடோடிக் கதை வரிசை-21 (தமிழ்நாடு) மரத்தின் மீது அமர்ந்து இனிய குரலெடுத்துப் பாடிக்கொண்டு இருந்தது குயில். அதன் தொண்டையில் இருந்து வெளிப்பட்ட குக்கூ, குக்கூ என்ற இசை, கானகம் எங்கும் பரவியது. அந்த மரத்தின் அருகில் ஒரு குட்டை இருந்தது. அதில் ...
மேலும் கதையை படிக்க...
பறவைகள் படைப்பவன்!
குரங்குகளின் உண்ணாவிரதம்!
இது போச்சு… அது வந்தது… டிரம்..டிரம்..டிரம்!
கட்டிக்கோ!
எடு, என் பங்கை!
நாடோடிக்கதை வரிசை-23
யாரை கட்டிப்போடுவது?
ஏன் சிரித்தது மீன்?
பாட்டுப் பாடவா…

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)