நியாயம்

 

கண்கள் சிவக்க, கோபமாக கத்திக் கொண்டிருந்தான் குமார். அவன் கோபமாக இருக்கும் போது, நெருங்கவே பயப்படுவாள் அனு. அடுக்களையில் அவளுக்கு வேலையே ஓடவில்லை. பாவம் சந்தீப்… பத்து வயது சிறுவன்; அவன் முன் அழுதபடி நின்றுக் கொண்டிருந்தான்.

இதற்கும், தனக்கும் சம்பந்தமில்லை என்பது போல், உள் அறையில் உட்கார்ந்து சாமி ஸ்லோகம் சொல்லிக் கொண்டிருந்தாள் அனுவின் மாமியார் ஜெயலட்சுமி.

“”இங்க பாரு சந்தீப்… உன்னோட நடவடிக்கை வரவர சரியில்லை. கொஞ்சமும் மனசில் பயமில்லை. கூட படிக்கிற பிள்ளைங்களோடு தகராறு, சண்டை. மிஸ் சொல்றதை கேட்கறது கிடையாது. இதெல்லாம் நல்ல பழக்கம் இல்லை புரியுதா… மிஸ் சொல்றதை கேட்டு நடந்துக்கணும். என்ன சொல்றது விளங்குதா?”

நியாயம்

கையில் இருந்த ஸ்கேலால், முழங்காலுக்கு கீழ், கால்களில் சுளிரென அடித்தான்.

“”அப்பா ப்ளீஸ்பா. அடிக்காதீங்கப்பா… வலிக்குது.”

“”வலிக்குதா… அப்பதான் ஞாபகம் இருக்கும். இனி இந்த மாதிரி நடந்துக்க மாட்டே. நேத்து வாசலில் பஞ்சுமிட்டாய் வாங்க அம்மாகிட்டே காசு கேட்டு, அம்மா கொடுக்கலைன்னு பாட்டிகிட்டே கேட்டியாமே… உனக்கு எத்தனை தடவை சொல்லியிருக்கேன். பாட்டிக்கிட்டே காசு கேட்க கூடாதுன்னு…”

“”இல்லேப்பா… அம்மா தரமாட்டேன்னு சொல்லிட்டாங்க. அதான் பாட்டிகிட்டே கேட்டேன். சாரிப்பா… இனி அப்படி செய்ய மாட்டேன்.”

கெஞ்சுதலுடன், அழுத கண்களுடன் பிரதீப் பார்க்க, “”சரி, சரி… உள்ளே போய் முகம் அலம்பிட்டு, ஸ்கூலுக்கு கிளம்பு…”

அடித்த கணவனை விட, உள்ளே அமைதியாக உட்கார்ந் திருக்கும் மாமியார் மீது அனுவுக்கு கோபம் வந்தது. குழந்தையை திட்டி, அடிக்கிறாரே… போய் தடுப்போம் என்றில்லாமல், தனக்கும், இதற்கும் சம்பந்தமில்லை என்பது போல், கல் போல அமர்ந்திருக்கும் மாமியாரை நினைக்க, எரிச்சல் வந்தது.
அம்மா மீது மிகவும் மரியாதை வைத்திருப்பவன் குமார். அம்மா சொல்லை தட்ட மாட்டான். எந்த விஷயத்தில் குமார் கோபப்பட்டு கத்தினாலும், உடனே தலையிட்டு, அவனை சாந்தபடுத்துவாள். அப்படிபட்டவள், குழந்தையை குமார் அடிக்கும்போது, தடுக்க வராமல் அமைதியாக இருப்பது… மாமியாரின் மேல் அவளை கோபம் கொள்ள செய்தது.

முகம் சோர்ந்து சந்தீப், மவுனமாக ஸ்கூலுக்கு கிளம்ப, “”அனு… சந்தீப்பிற்கு தட்டில் டிபன் வைத்து கொடு; நான் ஊட்டி விட்டு அனுப்பறேன்.”

இதில், ஒன்றும் குறைச்சலில்லை. பேரன் மேல் அக்கறை இருப்பது போல் காட்டி கொள்கிறாள் என, மனதில் முணுமுணுத்தபடி, டிபன் தட்டை மாமியாரிடம் கொடுத்தாள்.

குமார் ஆபிசுக்கு செல்ல, சந்தீப் ஸ்கூலுக்கு சென்றுவிட, பாத்திரங்களை ஒழித்து தேய்ப்பதற்கு போட்ட அனு, வேலைக்காரி மரகதம் உள்ளே நுழைவதை பார்த்தாள்.

ஜெயலட்சுமி குளித்துக் கொண்டிருக்க, “”மரகதம், முதலில் வீட்டை பெருக்கி துடைச்சுடு; அப்புறம் பாத்திரம் தேய்க்கலாம்.”

“”சரிம்மா. பெரியம்மா எங்கே… குளிக்கிறாங்களா?” கேட்டபடி, துடைப்பத்தை எடுத்து, வீட்டை பெருக்க ஆரம்பித்தாள்.

குளித்துவிட்டு வந்த ஜெயலட்சுமி, அனுவை பார்த்து, “”அனு… நீ சாப்பிடு. நான் சாமி கும்பிட்டு, அப்புறமா சாப்பிடறேன். டேபிள் மேலே நாலு இட்லி எடுத்து வச்சுட்டு, உன் வேலையை பாரு.”

“நேரத்துக்கு சாப்பிட்டு ப்ரஷர் மாத்திரை போட்டுக்கணும்… முதலில் சாப்பிடுங்க…’ சாதாரணமாக அனு அப்படி தான் சொல்லியிருப்பாள். இன்று மாமியார் மீது கோபமாக இருப்பதால், ஒன்றும் பதில் சொல்லாமல், அடுக்களையில் நுழைந்தாள்.

“”என்னம்மா முகம் வாடியிருக்கு… குளிச்சுட்டு வந்திருக்கீங்க… சாப்பிட வேண்டியது தானே. மணியாகலையா?” வீட்டை பெருக்கியபடி மரகதம் கேட்க, “”மனசு சரியில்லை மரகதம். சந்தீப்பையே நினைச்சுட்டு இருக்கேன்.”

சந்தீப் பெயர், அவர்கள் பேச்சில் அடிபட, என்ன பேசிக் கொள்கின்றனர் என்பதை கவனித்தாள் அனு.

“”ஏன்ம்மா… புள்ளைக்கு என்ன ஆச்சு… உடம்பு சரியில்லையா… நல்லா தானே ஸ்கூலுக்கு போயிருக்கு.”

“”அதில்லை மரகதம்… காலையில் குமார், அவனை சப்தம் போட்டு அடிச்சுட்டான். அவன் முகம் சோர்ந்து, ஸ்கூலுக்கு போனதை நினைச்சுக்கிட்டேன்; சாப்பிட கூட பிடிக்கலை.”

“”என்னம்மா இது, குமார் ஐயா உங்க பிள்ளை. நீங்க எது சொன்னாலும் மறுபேச்சு பேசாமல் கேட்கற தங்கமான புள்ளை. நீங்க போயி, “அடிக்காதே’ன்னு சொல்லி தடுத்து இருக்கலாமே… அதை விட்டுட்டு… இப்ப போயி அடிவாங்கிட்டு போன பேரனை நினைச்சு… வருத்தப்பட்டுட்டு இருக்கீங்க…”

அனு மனதில் எழுந்த கேள்வியை, மரகதம் கேட்க, மாமியார் என்ன பதில் சொல்ல போகிறாள் என்பதை கேட்க கூர்ந்து கவனித்தாள்…

“”புள்ளையோட பழக்க வழக்கங்கள் தப்பு. அப்படி செய்யக் கூடாதுன்னு பெத்தவங்க கண்டிக்கும் போது, நான் தலையிட்டால் அது, அந்த பிள்ளையை கெடுக்கிற மாதிரி ஆயிடும். தனக்கு ஆதரவாக பாட்டி இருக்காங்க… நாளைக்கு எந்த தப்பு செய்தாலும் பாட்டி தனக்கு ஆதரவாக இருந்து காப்பாத் திடுவாங்ககிற எண்ணம், அந்த பிஞ்சு மனதில் வந்துடும். அது, அவன் போக்கையே மாத்திடும்… அது தப்பு மரகதம்…

“”வயசான நாங்க, பேர பிள்ளைங்க மேல காட்டற பரிவும், பாசமும் அவங்க நல் வாழ்க்கைக்கே குந்தகமா அமைஞ்சுட கூடாது. நேத்து, வாசலில் பஞ்சுமிட்டாய் வாங்கி சாப்பிடக் கூடாதுன்னு அனு, காசு கொடுக்க மறுத்திட்டா. பாட்டி கிட்டே வாங்கிடலாம்ன்னு என்கிட்டே ஓடி வந்தான்.

“” நான் காசு கொடுத்தா… அது, அவனை கெடுக்கற மாதிரி தானே அமையும். நல்லதை பெத்தவங்க எடுத்துச் சொல்லும் போது, நாம் குறுக்கிடாம, அமைதியாக இருக்கிறது தான் நல்லது. உண்மையான அக்கறையோடு கண்டிக்கிற உரிமை, பெத்தவங்களுக்கு மட்டும் தான் இருக்கு.

“”அதிலே மூணாவது மனுஷங்க, தலையீடு இருக்கக் கூடாது. அன்பையும், பாசத்தையும் காட்ட வேண்டிய நேரத்தில் தான் காட்டணும். என் பேரனை நல் வழிபடுத்தணும்ன்னு தானே கண்டிக்கிறான்னு, மனசை கல்லாக்கிட்டு உட்கார்ந்திருந்தேன்.

“”நிச்சயம் இனி அந்த மாதிரி தவறுகளை பேரன் செய்ய மாட்டான். அவன் நல்லவனா, வல்லவனா வளரணும் மரகதம். அதுதான் இந்த பாட்டியோட விருப்பம்.”

“”என்னவோ போங்கம்மா… நீங்க சொல்றது எனக்கு விளங்கலை. பேரன் மேலே அளவு கடந்த பாசம் வச்சிருக்கிறது மட்டும் புரியுது.”

மரகதம் வெளியேற, “”அத்தை… எழுந்திருங்க. வாங்க ரெண்டு பேரும் சாப்பிடலாம்… மணியாச்சு. சாயந்திரம் உங்க பேரன் வந்ததும் கூட்டிட்டு, கோவிலுக்கு போய்ட்டு வாங்க, உங்க மனசு சரியாயிடும்.”

உண்மையான பரிவுடன் கூறினாள் அனு.

- ஜூலை 2010 

தொடர்புடைய சிறுகதைகள்
தங்கமான மாப்பிள்ளை!
தம்பி பெண்ணின் வளைகாப்பிற்கு மனைவியுடன் வந்திருந்தார் ராஜன். வளைகாப்பு வைபவம் முடிந்து, சாப்பாடு பந்தி நடக்க, சுறுசுறுப்பாக ஓடி, ஓடி பரிமாறும் தம்பி மாப்பிள்ளையை பார்த்தபடி அமர்ந்திருந்தார். ""என்னங்க... என்ன யோசனை? நம் பெண் லதாவுக்கு, இந்த மாதிரி விசேஷம் எப்ப வரப்போகுதுன்னு ...
மேலும் கதையை படிக்க...
""அண்ணே சொல்றேன்னு தப்பா நினைக்காதீங்க. என் மக ஜோதியை, உங்க பிள்ளை பμணிக்குதான் கட்டிக் கொடுக்கணும்னு சின்ன பிள்ளையாக இருக்கும் போதே பேசினதுதான். இருந்தாலும் இப்ப நடைமுறைக்கு ஒத்து வμõதுன்னு தோணுது. எனக்கு இருக்கிறது ஒ÷μ மக. அவ சீரும், சிறப்புமாக ...
மேலும் கதையை படிக்க...
பத்து வயது பேரன் அந்த பேட்டரி காரை அழகாக வளைத்து, வளைத்து ஓட்டுவதை சந்தோஷம் மேலிட ரசித்துக் கொண்டிருந்தார் ராம்பிரசாத். ""என்னப்பா பேரனுக்கு இவ்வளவு விலையில் காஸ்ட்லி கார் வாங்கிக் கொடுத்துட்டு அவன் விளையாடுவதை ரசிச்சுட்டு இருக்கிங்களா?'' பக்கத்தில் வந்து நிற்கும் மகன் சிவாவைப் ...
மேலும் கதையை படிக்க...
எண்ணங்கள் மாறலாம்!
மகனும், மருமகளும் ஆளுக்கொரு காரில் வேலைக்கு புறப்பட்டுச் செல்ல, கதவை தாழிட்டு உள்ளே வந்தாள் சுந்தரி. ""என்ன சுந்தரி, இரண்டு பேரும் கிளம்பியாச்சா?'' ""ஆமாம்...'' அலுப்புடன் சொன்னபடி, கணவரின் அருகில் உட்கார்ந்தாள். ""சரி, நாமும் ஏதாவது சாப்பிட்டு... வாக்கிங் போய்ட்டு வரலாமா?'' ""என்ன பெரிசா சாப்பாடு... ஓட்ஸ், ...
மேலும் கதையை படிக்க...
அந்த ப்ராஞ்சிலிருந்து டிரான்ஸ்பராகி, ஐந்து வருடம் கழித்து வேலை விஷயமா, மோகனுடன் உள்ளே நுழைந்தார் சிவராமன். தெரிந்த முகங்கள் யாருமே கண்ணில் படவில்லை. எல்லோரும் புதியவர்களாக தெரிந்தார்கள். ""க்ளார்க் சபேசன், சிவராமனை பார்த்துப் புன்னகையுடன் அவரை நோக்கி வந்தார். ""சார், நல்லா இருக்கீங்களா. பார்த்து ரொம்ப ...
மேலும் கதையை படிக்க...
எண்ணங்களின் சுமைகள்
வேலை முடிந்து திரும்பிய கணவன், முகம் சோர்ந்து வருவதை பார்த்தாள் மாலதி. "ஆபீசில் ஏதும் பிரச்னையா? எதுவாக இருந்தாலும், வந்ததும் கேட்க வேண்டாம்...' என முடிவு செய்தவளாக, உள்ளே சென்று, சூடான காபியுடன், அவன் அருகில் வந்தாள்... ""இந்தாங்க... காபி குடிங்க.'' சிறிது நேரம் ...
மேலும் கதையை படிக்க...
உறவும் பகையும்!
""சித்தப்பா...'' வாசலில் உட்கார்ந்து பேப்பர் படித்துக் கொண்டிருந்தவர், குரல் கேட்டு நிமிர்ந்தார். விக்ரமைப் பார்த்ததும் கண்களில் கோபம் தெரிந்தது. ""இங்கே எதுக்கு வந்தே. உங்களோடுதான் ஒட்டு உறவு இல்லைன்னு, எல்லாத்தையும் அறுத்து விட்டாச்சே... அப்புறம் என்ன உறவு முறை சொல்லிக் கிட்டு வந்து ...
மேலும் கதையை படிக்க...
புரிந்து கொள்ளும் நேரம்!
இரவு சாப்பாடு முடிந்து, நளினி அடுப்படியில் ஏதோ வேலையாக இருக்க, "டிவி' பார்த்துக் கொண்டிருந்த மகன் அருகில் வந்தாள் தங்கம். ""பரணி... உன் பெரியம்மா, அவங்க சொந்தக்காரங்களோடு சேர்ந்து, ஷீரடி, பண்டரிபுரம் எல்லாம் அடுத்த மாதம் போகப் போறதாக சொன்னாங்க. நானும், அப்பாவும் ...
மேலும் கதையை படிக்க...
காலியான கூடு!
வாசலில், பால்காரனின் சைக்கிள் மணி சப்தம் கேட்க, "விடிந்து விட்டதா?' என்று, அருகில் இருந்த கடிகாரத்தை பார்க்க, அது ஐந்து என காட்டியது. அருகில், ரேணுவின் படுக்கை காலியாக இருந்தது. "எழுந்து விட்டாள் போலிருக்கிறது. பாவம் ராத்திரியெல்லாம் தூங்காமல், மனவேதனையுடன் புலம்பிக் கொண்டிருந்தாள்...' சமையல் ...
மேலும் கதையை படிக்க...
வேரில்லா மரம்
அடுப்பில் சாம்பார் கொதிக்க தாளித்து இறக்கி வைத்தாள் வத்சலா. ஹாலில் அபியும், அவள் அப்பாவும் சிரிக்கும் சப்தம் கையை டவலால் துடைத்தபடி வந்தாள். ""அப்பா, இந்த ப்ரோக்ராம் இன்னும் ஒரு வாரத்தில் முடித்தாகணும்'' லேப்டாப்பைத் திறந்து அதில் தலையைக் கவிழ்த்திருந்தார்கள் எட்டிப் பார்த்தாள். போஸ்ட்கவரில் ஏதோ ...
மேலும் கதையை படிக்க...
தங்கமான மாப்பிள்ளை!
அவமானம்
மனமே கடவுள்
எண்ணங்கள் மாறலாம்!
கடந்து போகும்
எண்ணங்களின் சுமைகள்
உறவும் பகையும்!
புரிந்து கொள்ளும் நேரம்!
காலியான கூடு!
வேரில்லா மரம்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)