வலி…! – ஒரு பக்க கதை

 

அரசு மருத்துவமனையின் பிரசவ வார்டுக்குள் கையில் பொம்மைகளோடு குழந்தை பெற்ற ஒரு நாள் இரண்டு நாள் ஆன தாய்மார்களிடம் எல்லாம் பொம்மை வாங்கும்மா என கேட்டுக்
கொண்டிருந்தார் நவநீதன்.

யோவ் இடத்த காலி பண்ணுப்பா, பொறக்கற கொழந்தைங்க உடனே எழுந்திரிச்சு பொம்மைகளோட விளையாடவா போகுது?

எரிந்து விழுந்தான் கிருஷ்ணசாமி.

இந்த மாதிரி ஆளுங்ககிட்ட ஜாக்கிரதையா இருக்கணும். கொஞ்சம் அசந்தா குழந்தைகள திருடிகிட்டுப் போய் வித்துடுவாங்க!

பக்கத்திலிருந்த வேலுமணி சொன்னபோது நவநீதனுக்கு இதயம் சுக்குநூறாக உடைந்து தெறித்தது போலிருந்தது.

யோவ் இங்கபொம்மை வியாபாரம் பண்ற மாதிரி குழந்தைகள திருட நோட்டம் போடுறான் ஒருத்தன் பிரசவ வார்டுக்குள் நுழைந்த துப்புரவுத் தொழிலாளியை வழிமறத்து புகார் சொன்னார்கள் கிருஷ்ணசாமியும், வேலுமணியம்.

யோவ், அந்த பொம்மை வியாபாரி வந்ததுக்கு அப்புறம்தான் இங்க குழந்தைங்க காணாம போறது சுத்தமா கொறஞ்சு போச்சு. அவரு பொம்ம விக்குற சாக்குல எல்லா குழந்தைகளையும்
கண்காணிச்சுக்கிட்டே இருப்பார். இங்க பிரசவம் ஆகி தாயும், சேயும் நல்லபடியா வீடு போய்ச் சேருற வரைக்கும் அவர் கண்காணிச்சுக்கிட்டே இருப்பார். நாலைஞ்சு திருடன்கள் கையும் களவுமா பிடிச்சிருக்கார்.

பாவம், போன வருஷம் இதே ஆஸ்பத்திரியில் அவரோடு குழந்தை திருட்டுப் போயிடுச்சு. இன்னமும் கிடைக்கல. அதுக்கப்புறம்தான் இந்த பொம்ம வியாபாரமெல்லாம்!

கிருஷ்ணசாமியும், வேலுமணியும் சிலையாகி நவநீதனை தேடிக்கொண்டிருந்தார்கள். அவன் காலில் விழுந்து மன்னிப்புக் கேட்க.

- பால் ராசையா(ஓகஸ்ட் 2010) 

தொடர்புடைய சிறுகதைகள்
ஒரு பிரபல சினிமா நடிகர் நடித்த சினிமாவைப் பார்த்துவிட்டு வெளியே வரும்போது என்னை ஒரு குழு மடக்கி, "இந்தச் சினிமாவைப் பார்க்கலாமா ? கூடாதா என்று நீங்கள் சொல்லுங்கள்?" என்று மைக்கை நீட்டி, காட்சிப்பதிவு செய்தனர். நான் அந்தச் சினிமா கேவலமான சித்தரிப்புகளை மனித ...
மேலும் கதையை படிக்க...
இடுப்பில் துண்டைக் கட்டிக்கொண்டு குளக்கரை படிக்கட்டில் தன்னுடைய வேட்டியை துவைத்துக்கொண்டிருந்தார் கட்டையன். மொறத்தூர் கிராமத்திலிருக்கும் தனலட்சுமி டாக்கீஸில் டிக்கெட் கொடுப்பவர்தான் கட்டையன். அவரது சொந்தப்பெயரான நாராயணன் அவருக்கே மறந்துபோகும் அளவிற்கு கட்டையனென்றே அழைத்தனர் ஊர்மக்கள். கொஞ்சம் குள்ளம் என்பதால் வந்த காரணப்பெயர்தான் ...
மேலும் கதையை படிக்க...
ஜானகி வெடித்தாள்.. புருஷன் கிரி வற்புறுத்தியும்..! “இந்த வயசுலயா..? இதையா…? நெவர்..? ப்ளீஸ்.. எனக்காடீ.. நோ.. வளர்ந்த பசங்க பார்த்த மானம் போகும்..” “ஒரு வாட்டிதான்.. அப்ப உனக்கே ஆசைதானே..? அது அப்போ, இது இப்ப. முடியாது..” “டென்ஷனாகதே.. டேஸ்ட் பணணிப் பாரு,” ஜானகி அலறினாள். “”வயது நாப்பது ஆகுகு.. ஹால்ல ...
மேலும் கதையை படிக்க...
வேதனையாக இருந்தது எனக்கு சவாரியும் ஒன்றும் கிடைக்கவில்லை. கதை புத்தகங்கள் ஆட்டோவிலேய வைத்திருப்பேன், அதை படிக்க கூட மனம் வரவில்லை, பயம்தான் அதிகமாக இருந்தது. இந்த பிரச்சனை எனக்கு தேவையில்லாதது. ஆனால் நியாயம் என்று ஒன்று இருக்கிறதே, இருந்தாலும் நான் அதிகமாக ...
மேலும் கதையை படிக்க...
அந்த அமொரிக்க இளைஞர்களை பார்த்தால் பயமாகத்தான் இருந்தது. ஏதாவது ஸ்கூலில் எட்டாவது அல்லது ஒன்பதாவது படிப்பவர்களாகத்தான் இருக்க வேண்டும். இப்பொழுதே சித்ராவை விட உயரமாக, சூயிங்கம் மென்று கொண்டு, ரோலர் ப்ளேடில் அலட்டலாக வந்தார்கள். இங்கே பொதுவாகவே எல்லோரும் உருவத்தில் பொ¢யவர்களாக ...
மேலும் கதையை படிக்க...
இங்க்புளூ சாரியும், மிட்டாய் ரோஸ் பனியனும்
தனலட்சுமி டாக்கீஸ்
வயசு – ஒரு பக்க கதை
மனித நேயம்
நாடு அதை நாடு

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)