மூடி!

 

கடந்த ஒரு வாரமாக சென்னையில் பழையபடி கத்திரி வெயில் சுட்டெரித்தது. காலையிலேயே 100 டிகிரிக்கு மேல் கொளுத்த ஆரம்பித்தது.

திடீரென இரவு எட்டு மணிக்கு யாரும் எதிர்பார்க்காமல் வானத்தை பொத்துக்கொண்டு மழை கொட்டியது.

தெருவெங்கும் வெள்ளம் பெருக்கெடுத்து ஓடியது. மழை நிற்பதாகத் தெரியவில்லை!

கணேசனுக்கு அன்று நைட் ஷிப்ட். வேறு வழியில்லாமல் ‘ரெயின் கோட்’டை மாட்டிக்கொண்டு மழையிலேயே நனைந்து கொண்டே பைக்கில் புறப்பட்டு கம்பெனிக்கு போனான்.

நடு ரோட்டில் ஒரு மேன் ஹோல் திறந்து கிடந்தது. சற்று ஏமாந்திருந்தால் அதன் மேல் பைக்கை விட்டு தடுக்கி விழுந்திருப்பான். நல்லவேளை, சமாளித்துக் கொண்டான். பைக்கை ஓரமாக நிறுத்தி விட்டு, சற்று தூரத்தில் கிடந்த மூடியைப் போய் எடுத்து வந்து மேன்ஹோலை மூட நினைத்தான். அதற்காக மூடி இருக்கும் இடத்திற்குப் போய் மூடியை தூக்கிக் கொண்டிருந்தான்.

அந்த நேரத்தில் அவன் பக்கத்தில் வேகமாக வந்த கார் ஒன்று நின்றது! மூடியைப் போட்டு விட்டு அண்ணந்து பார்த்தான் கணேசன்.

“ என்ன கணேசா!…என் கம்பெனி வேலையை ரிசைன் பண்ணி விட்டு கார்ப்பரேஷன் வேலையில் எப்ப நீ சேர்ந்தே?…..எனக்கு கூட தெரியலையே?…” என்று காரிலிருந்து கொண்ட கேட்டவர் அவன் கம்பெனி முதலாளி.

“ இல்லே!…முதலாளி.. மேன்ஹோல் திறந்து கிடந்தது….அதை மூடலாமென்று…”

“ ஏற்கனவே உன் ஷிப்ட்டுக்கு நேரமாச்சு…போய் ஒழுங்கா உன் வேலையைப் பார்…இந்த வேலையை எல்லாம் காலையில் கார்ப்பரேஷன்காரன் வந்து பார்த்துப்பான்!..”

அவன் முதலாளி ஒரு மாதிரி! மறு பேச்சு பேசாமல் கணேசன் ஓடிப் போய் பைக்கை எடுத்துகொண்டு கம்பெனியை நோக்கி விரைந்தான்.

மறுநாள். காலையில் நைட் ஷிப்ட் வேலை செய்த அசதியில் கணேசன் தூங்கிக் கொண்டிருந்தான்.

அவன் வீட்டிற்கு வந்த நண்பன் முருகன் “டேய் கணேஷ்!…எழுந்திரியடா!…நாமும் முதலாளி வீட்டிற்குப் போய் விட்டு வரலாம்!…”என்று எழுப்பினான்.

“எதற்கடா?..” என்று தூக்கக் கலக்கத்தில் கேட்டான் கணேசன்.

“ அட!..உனக்கு விஷயம் தெரியாதில்லே!…. நம்ம முதலாளியின் ஒரே மகன் நேற்றிரவு காலமாகி விட்டான்!… நம்ம கம்பெனிக்கு கொஞ்சம் முன்னாலே நேற்று மாநகராட்சி ஊழியர்கள் வேலை செய்தாங்க!… மழை வந்து விட்டதால் மேன்ஹோலை மூடாமல் அப்படியே போட்டு விட்டுப் போயிட்டாங்க!…..நம்ம முதலாளி மகன் செகண்ட் ஷோ பாத்திட்டு வந்திருக்கான்…மேன்ஹோலை கவனிக்காமல் அதன் மேல் விட்டு தடுக்கி விழுந்திட்டான்…அந்த நேரத்தில் வேகமாக வந்த கார் அவன் மேல் ஏறி விட்டது..அங்கேயே அவன் உயிர் போய் விட்டதாம்!..”

“ அப்படியா!..” கன்னத்தில் கை வைத்து உட்கார்ந்த கணேசனை எழுப்ப படாதபாடு பட்டான் முருகன். 

தொடர்புடைய சிறுகதைகள்
“என்ன இருந்தாலும் ஆண்டவன் நம்ம பக்கம் தாண்டா இருக்கான்!..........இன்னைக்கு பேப்பரைப் பார்த்தாயா?.....”” “பார்த்தேன்!.........தங்கம் பவுன் விலை இருபத்தி நாலாயிரத்தைத் தொட்டு விட்டது!...படிக்கப் படிக்க ரொம்ப சந்தோஷமா இருந்தது!...........”.” “பவுன் விலை இருபதாயிரத்தையெல்லாம் தாண்டும் என்று நான் எந்த காலத்திலும் நெனைச்சுக்கூடப் பார்த்ததில்லை!........தங்கம் விலை ஏற ...
மேலும் கதையை படிக்க...
இரவு இரண்டு மணி.நல்ல தூக்கம். திடீரென்று “.......சத்தியமா எனக்குத் தெரியாதுங்க!....எனக்குத் தெரியாமலேயே அவங்க செய்திட்டாங்க!.....” என்று தூக்கத்தில் உளறிக் கொண்டே எழுந்து உட்கார்ந்தார் அருணாசலம்! மனைவி மணிமாலா எழுந்து லைட் போட்டு, கணவனின் அருகில் வந்து ஆறுதலாகக் கைகளைப் பிடித்துக் கொண்டாள். கொஞ்ச நாளாவே அருணாசலம் ...
மேலும் கதையை படிக்க...
உடல் ஆரோக்கியத்திற்கு நடைப் பயிற்சி அவசியம் என்று டாக்டர்கள் சொன்னாலும் சொன்னார்கள் அதிகாலை நேரத்தில் நகரத்தில் திரும்பிய பக்கமெல்லாம், ஆண், பெண் வித்தியாசம் இல்லாமல் நடைப் பயிற்சி தான்! ஐம்பது வயசானவர்கள் நடைப் பயிற்சி செய்வதில் ஒரு அர்த்தம் இருக்கிறது! ஆனால் எங்கள் காலனியில் ...
மேலும் கதையை படிக்க...
“ ஏண்டி! நேற்று நம்ம வீட்டில் முன் பக்கம் காலியாய் இருந்த போர்ஷனைப் பார்த்தவங்க ‘எங்களுக்குப் ரொம்பப் பிடிச்சுப் போச்சு.............நாளைக்கு அட்வான்ஸோட வருகிறோம்.’....’.என்று சொல்லிவிட்டுப் போனாங்களே அந்தப் பார்ட்டி இன்னைக்கு வந்தாங்களா?...”.” “அவங்க அட்வான்ஸோட நம்ம வீட்டுக்கு வந்த பொழுது, உங்க அம்மா ...
மேலும் கதையை படிக்க...
காலை ஆறு மணியிலிருந்து பரமசிவத்தின் வீட்டுப் போனும், கைபேசியும் தொடர்ந்து அடித்துக் கொண்டே இருந்தன. பரமசிவமும் விடாமல் எடுத்து நன்றி சொல்லிக் கொண்டே இருந்தார். காலை ஒன்பது மணி வரை அவருக்கு அதே வேலையாக இருந்தது. போன் மணி ஓய்ந்தவுடன், கம்பியூட்டரில் உட்கார்ந்து ...
மேலும் கதையை படிக்க...
தங்கம்
பயம்!
நடைப் பயிற்சி!
தொட்டி!
உண்மை!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)