மிச்சம்!

 

காலை நேரம்.‘டவுன் பஸ்’லிருந்து இறங்கி வந்த குமாரைப் பார்த்த நண்பன் முத்துசாமி “ என்ன குமாரு உன் டூ வீலர் என்னாச்சு?….டவுன் பஸ்ஸில் வருகிறாய்?..”

“ தினசரி பெட்ரோல் விலை ஏறிட்டே போகுது!….டூ வீலரில் வந்தா குறைந்தது ஐம்பது ரூபா ஆகுது!….’டவுன் பஸ்’னா பத்து ரூபாயோடு போயிடும்!….”

“ அடேயப்பா!….நிறைய மிச்சம் பிடிச்சு பழகிட்டே!…” என்று நண்பர் முத்துசாமி சிரித்துக் கொண்டே போய் விட்டார்.

ஆபிஸில் தன் செக்சனில் நுழைந்த குமாரைப் பார்த்து, “என்னடா…குமார்!…..உன்னோட பேண்ட் சர்ட் சரியா அயர்ன் பண்ணவே இல்லை போலிருக்கு!..” நண்பன் மகேஷ் கேட்டான்.

“ஆமாண்டா!…இப்பவெல்லாம் அயர்ன் பண்ணறதுக்கு ஒரு செட்டிற்கு பத்து ரூபா கேட்கறாங்க!….அதனாலே இப்பவெல்லாம் நானே அயர்ன் பண்ணிக்கிறேன்!…”

“எதெதில் மிச்சம் பிடிக்கிறது என்பதில் வர வர உனக்கு விவஸ்தையே இல்லேடா!..” என்று நண்பன் மகேஷ் வருத்தப் பட்டான்.

மத்தியான சாப்பாட்டு வேளை. வீட்டு சாப்பாடு கொண்டு வராத நண்பர்கள் அண்ணபூர்ணா, ஆர்யாஸ் என்று தேடிக் கொண்டு போனார்கள்.

தெரு மூலையில் ஒரு ஆல்டோ கார். அதன் பக்கதில் நான்கு ஐந்து பேர் ஸ்டூல்களில் உட்கார்ந்து சாப்பிட்டுக் கொண்டிருந்தார்கள். குமார் கூட அங்கே உட்கார்ந்து சாப்பிட்டு வருவதைப் பார்த்த அவனுடைய நண்பர் கதிரவன் “ என்ன குமார்! அந்த சாப்பாடெல்லாம் நல்ல சுகாதாரமா இருக்காது! எதற்கடா..கூலிக்காரன் மாதிரி தெருவில் உட்கார்ந்து சாப்பிடறே?….”

“ வர வர ஹோட்டல் சாப்பாட்டுக்கு எழுபது ரூபா கேட்கிறாங்க!…இங்கே வெறும் பதினைந்து ரூபாயில் அந்த வேலை முடிஞ்சிட்டது!….” என்று சொல்லி விட்டுச் சிரித்தான் குமார்.

“ போடா!… பைத்தியகாரா…இதில் எல்லாம் மிச்சம் பிடித்து…என்னடா சாதிக்கப்போறே?..”.

குமார் நல்ல அரசுப் பணியில் இருக்கிறான். கூடவே கொஞ்சம் இதர வருமானமும் உண்டு. எதற்குத்தான் இப்படி எல்லாவற்றிலும் மிச்சம் பிடிக்க அலைகிறானோ? என்று நண்பர் கதிரவன் சலித்துக் கொண்டே போனார்.

மாலை ஏழு மணி.

“ குமார்!…. வேறு என்னடா சொல்லட்டும்?….”

“நேற்று நாம சாப்பிட்ட சிக்னேச்சர் விஸ்கியே ஒரு ‘ப்புல்’ சொல்லடா!..”

“டேய்!…அது கொஞ்சம் வெலை ஜாஸ்தியடா!…”

“என்னடா…பெரிய வெலை?…..வாழ்க்கையை நல்லா அனுபவிக்க வேண்டுமடா!…இதில் எல்லாமா மிச்சம் பிடிப்பாங்க…போய் வாங்கிட்டு வாடா!…” என்று சொன்ன குமார், தன் பார் நண்பனிடம் ஒரு ஐநூறு ரூபாய் தாளை எடுத்து அலட்சியமாக மேசை மேல் வீசி எறிந்தான். . 

தொடர்புடைய சிறுகதைகள்
“நேற்று ஏண்டி நீ நடைப் பயிற்சிக்கு வரலே?....” பூங்காவுக்குள் நுழைந்ததும் தோழிகள் மாற்றி மாற்றி சித்ராவைக் கேள்வி கேட்டார்கள்! “ அதை ஏண்டி கேட்கிறே?...எல்லாக் கடைகளிலும் ஆடி தள்ளுபடி போட்டிருங்காங்க! முதலிலேயே போனா நல்ல புடவைகளா ‘செலக்ட்’ பண்ணலாம்!...அதுதான் கடைவீதிக்குப் போயிட்டேன்!” “ அப்ப ...
மேலும் கதையை படிக்க...
பகல் உணவு நேரம். அந்தப் பிரமாண்டமான அரசு அலுவலகத்தில் ஊழியர்களுக்கு பகல் உணவு சாப்பிட ஒதுக்கியுள்ள விடுதியில் கண்காணிப்பாளர் கந்தசாமி பிள்ளை டிபன் பாக்ஸை பிரித்து வைத்துக் கொண்டு சாப்பிடாமல் மோட்டு வளையைப் பார்த்து எதையோ யோசித்துக் கொண்டிருந்தார். அருகில் உட்கார்ந்து சாப்பிட்டுக் ...
மேலும் கதையை படிக்க...
கோவை திருச்சி ரோட்டில் வேகமாக வந்த ரமேஷ் கூட்டத்தைப் பார்த்து பிரேக் போட்டு, காரை நிறுத்தினான். தேர்தல் நெருங்கும் நேரத்தில் கூடவா சாலை மறியல்? காவல் துறையினர் மறியலில் ஈடுபட்டிருந்தவர்களிடம் பேச்சு வார்த்தை நடத்திக் கொண்டிருந்தார்கள். ரமேஷுக்கு மேற்கொண்டு அந்த சாலை வழியாகப் போவது ...
மேலும் கதையை படிக்க...
அன்று அதிகாலை நான்கு மணிக்கே சமையறையில் லைட்டைப் போட்டுக் கொண்டு, பாத்திரங்களை உருட்டிக் கொண்டே பேசும் சத்தம் வீட்டில் யாரையும் தூங்க விட வில்லை! அந்த வீட்டின் மூன்று மருமகள்களும் தலைக்கு குளித்துக் கொண்டு, ஆளுக்கு ஒரு வேலையை இழுத்துப் போட்டுக் கொண்டு ...
மேலும் கதையை படிக்க...
“உமா!.....சூடா ஒரு கப் காப்பி! ..””என்று மாமா குரல் கொடுத்தார். “உமா காப்பியைக் கொடுத்து விட்டு வருவதற்குள்,வசந்தியின் குரல்! “அண்ணி!...காலேஜூக்கு நேரமாச்சு.......இன்னுமா டிபன் முடியலே?...” “ வசந்தி!.....எனக்கும் ஆபிஸுக்கு நேரமாச்சு....காலை நேரத்திலே நீங்க யாராவது ஒருத்தர் ஒத்தாசை செய்தா சீக்கிரம் டிபன் வேலையை முடிச்சிடலாம்...”.” அதைக் கேட்டுக் ...
மேலும் கதையை படிக்க...
தோழி!
கந்து வட்டியும் கந்தசாமி பிள்ளையும்!
தடை செய்யும் நேரம்!
ஆன்மா சாந்தியடையுமா?
அதிர்ச்சி வைத்தியம்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)