மாற்றி சிந்திப்பதில்தான் வெற்றி இருக்கிறது!

 

“குருவே பிரச்னைகளை எப்படி தீர்ப்பது என்று தெரியவில்லை’ என்ற கவலையுடன் ஒருவன் குரு முன் வந்து நின்றான்.

“என்னாச்சு?’

“பல பிரச்னைகளுக்குத் தீர்வு தேட இயலவில்லை. என் செய்வதென்று புரியவில்லை’ என்று அவன் சொன்னதும் அவனுடைய பிரச்னைகள் என்னவென்று குருவுக்குத் தெரிந்தது. அவனுக்கு ஒரு கதையை சொல்லத் துவங்கினார்.

“ஒருவனுக்கு ஒரு வினோத பிரச்னை. தூங்கும்போது அவன் கட்டிலுக்கு அடியே யாரோ படுத்திருப்பது போல் உணர்வு வரும். சட்டென்று விழித்துவிடுவான்.

ஒரு நாள் இரு நாள் அல்ல பல நாட்கள் இந்தப் பிரச்னை தொடர அவன் தூக்கம் கெட்டு, ஒரு மனோதத்துவ மருத்துவரை சென்று பார்த்தான். அவர் அவனை முழுமையாக பரிசோதித்தார். பல கேள்விகள் கேட்டார். பல ஆலோசனைகளைச் சொன்னார். சில மருந்துக்களையும் கொடுத்தார்.

அவனும் அந்த மருந்துகளை சாப்பிட்டான். அவர் சொன்ன ஆலோசனைகள்படி நடந்து பார்த்தான். புண்ணியமில்லை.

மறுபடியும் அவன் தூங்கினால் பாதித் தூக்கத்தில் யாரோ கட்டிலுக்கு அடியே படுத்திருப்பது போன்ற உணர்வு.

பயத்தில் சட்டென்று எழுந்துவிடுவான்.

வேறொரு மனோதத்துவ மருத்துவரைப் பார்க்கச் சொல்லி ஒருவர் யோசனை சொல்ல, அவரையும் சென்று பார்த்தான்.

அவரும் பல பரிசோதனைகள் செய்துவிட்டு அவனது வியாதிக்கு ஒரு பெயரைச் சொல்லி மருந்து மாத்திரைகள் தந்தார்.

அவற்றையும் சாப்பிட்டுப் பார்த்தான். நன்றாக தூக்கம் வந்தது, கூடவே கட்டிலுக்கு கீழே யாரோ படுத்திருப்பது போன்ற உணர்வும் வந்தது

அறையை மாற்றினான், வீட்டை மாற்றினான், கட்டிலை மாற்றினான். ஆனால் நடுராத்திரியில் வரும் அந்த உணர்வு மட்டும் மாறவில்லை. அப்போது நண்பன் ஒருவனை சந்தித்தான். அவனிடம் தனது தீராத பிரச்னையை சொன்னான். அவன் சட்டென்று ஒரு தீர்வு சொன்னான்.

“கட்டிலில் படுத்தால்தானே கட்டிலுக்குக் கீழே யாரோ படுப்பதுபோல் தோன்றுகிறது. தரையில் படு. அந்த உணர்வு போய்விடும்’ என்றான் நண்பன்.

ஆச்சரியம். அன்று இரவு அவன் கட்டிலில் படுக்காமல் தரையில் படுத்தான். அந்த மர்ம உணர்வு போயே போய்விட்டது.

இந்தக் கதையை குரு சொன்னதும் வந்தவனுக்கு வித்தியாசமாக சிந்தித்தால் எந்தப் பிரச்னைக்கும் தீர்வு கிடைக்கும் என்ற உண்மை புரிந்தது.

அப்போது குரு அவனுக்கு சொன்ன ‘விண்’ மொழி:

மாற்றி சிந்திப்பதில்தான் வெற்றி இருக்கிறது.

- வெளியான ஆண்டு: 2011 (நன்றி: http://ranjan360.blogspot.com) 

தொடர்புடைய சிறுகதைகள்
என்னால் வாழ்க்கையில் முன்னேற முடியவில்லை என்று சொன்னவனை நிமிர்ந்து பார்த்தார் குரு. என்ன பிரச்சனை? எல்லோரும் என்னை நல்லவன்னு சொல்றாங்க. ஆனா எனக்கு எந்த வாய்ப்பும் கிடைக்க மாட்டேங்குது. எதுவும் சம்பாதிக்க முடியல என்று வருத்ததோடு சொன்னவனின் பிரச்னை குருவுக்கு புரிந்தது.அவனுக்கு ஒரு சம்பவத்தை ...
மேலும் கதையை படிக்க...
“எனக்கு ஒரு பிரச்னை’ என்று சொன்னவனை நிமிர்ந்து பார்த்தார் குரு. வந்தவன் ஒரு இளம் தொழிலதிபன். “என்ன பிரச்னை, என்னாச்சு?’ என்று வினவினார் குரு. “என்னிடம் வேலை பார்க்க நல்ல வேலையாட்கள் கிடைப்பதில்லை. வேலைக்கு வருபவர்களும் நீடித்து இருப்பதில்லை. ஏதாவது பிரச்னையில் வேலையை விட்டுப் போய்விடுகிறார்கள்’ ...
மேலும் கதையை படிக்க...
தன் இளம் மனைவியை அழைத்துக் கொண்டு வெளிநாடு சுற்றுப்பயணம் போனான் ஒருவன். அவர்கள் பல இடங்களைச் சுற்றிப் பார்த்தார்கள். அத்தனை அழகான அற்புதமான இயற்கைச் சூழல் நிறைந்த இடங்கள். ஒவ்வொரு இடத்தையும் வெகுவாய் ரசித்தாள் மனைவி.கிட்டத்தட்ட பதினைந்து நாட்கள் ஊர் சுற்றினார்கள். வீடு திரும்பும்போது விமானத்தில் ...
மேலும் கதையை படிக்க...
”வேகமாக வெற்றி கிடைக்க எவ்வளவு உழைக்க வேண்டும்?” என்ரு கேட்ட இளைஞனை நிமிர்ந்துப் பார்த்தார் குரு. “ஏன்? என்னாயிற்றூ?” “நான் தொழில் துவங்கி ஒரு வருடம் ஆகிவிட்டது.ஆனால் இன்னும் என்னால் நான் நினைத்த இலக்கை அடைய முடியவில்லை” என்று படபடபாய் சொன்ன இளைஞனின் பிரச்சனை ...
மேலும் கதையை படிக்க...
"குருவே, நான் செய்யும் எதிலும் வெற்றியே கிடைப்பதில்லை. வெற்றி கிடைக்க நான் என்ன செய்ய வேண்டும்?” என்று பதட்டமாய் கேட்டவனை நிமிர்ந்துப் பார்த்தார் குரு. “ அப்படியா?” என்றார் குரு. “ஆமாம். நானும் நிறைய தொழில் செய்துப் பார்த்துவிட்டேன்” என்று சொன்னதும் குருவுக்கு அவன் ...
மேலும் கதையை படிக்க...
நல்லவனாய் இருந்தால் மட்டும் போதாது…
தண்டித்தலைவிட தட்டிக் கொடு…
ரொம்ப பிடிச்சது..!
அவசரப்பட்டால் காரியம் ஆகாது
அவசரப்பட்டால் வெற்றி கிடைக்காது

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)