உணவு

 

அந்த அடர்ந்த காட்டின் நதியோரம்….. நதி என்று சொல்வது சரியா என்று தோன்றவில்லை… காட்டாறு என்றே கொள்வோம்… அபரிமிதமாக தண்ணீர் ஓடிக் கொண்டிருந்தது…. கொஞ்சம் மேட்டிலிருந்து இறங்கும் பொழுது மீன்கள் துள்ளிக் குதித்து இறங்கியது…. கொஞ்சம் தூரத்தில் நிலம் சமனடைய நீரோட்டம் சற்று அமைதி அடைந்தது….. துள்ளிய மீன்கள் சுற்றி வலம் வந்து தன் கூட்டத்துடன் சற்று கரையருகே ஆராய்ச்சியில் இருந்தது……

தண்ணீரில் யாரங்கே ஒரு குச்சியை நட்டு வைத்தது…? இந்த நீரோட்டத்திலும் ஆடாது நிற்கும் குச்சி அந்தச் சிறிய மீனுக்கு வியப்பை உண்டாக்க தாய் மீனை அழைத்தது….. தூரத்தில் இருந்து பார்த்த தாய் ஓடிச் சென்று தன் குஞ்சை அழைக்க அந்தக் கண நேரக் கவனமின்மை….. அந்தக் கூரிய அலகுக்குத் தாய் பலி…. அந்தச் சிறிய மீன் தாயை இழந்து பாடம் கற்றுக் கொண்டது….. இரை கிடைத்த கொக்கு இடத்தைக் காலி செய்தது…. வேடிக்கை பார்த்த சின்னக் கொக்கு இரை தேடும் பாடம் கற்றுக் கொண்டது….. 

****

உச்சாணிக் கொம்பில் இருந்து இதை வேடிக்கை பார்த்துக் கொண்டிருந்த ராஜாளி தனக்கேற்ற இரை வரக் காத்திருந்தது… கொழுத்த மீன் கண்ணில் பட ஒரு விமானம் இறங்குவதுபோல் சீராகப் பறந்து வந்தது… இறக்கையை அடிக்காமல் சத்தமின்றி மிதந்து வர, நீரின் மேல் சிறிது தூரம் பின் தொடர்ந்து தன் கால் நகங்களால் மீனைக் கவ்வியது…. கொழுத்த மீனைத் தூக்க பலம் கொண்ட மட்டும் தன் இறகை அடித்துப் பறந்து தன் இருப்பிடம் அடைந்தது…. தன் குடும்பத்துடன் அன்றைய உணவுத் தேவையைத் தீர்த்தது….

காட்டின் மற்றொரு பகுதி…. அந்தப் பரந்த புல் வெளியில் மான் கூட்டம் அமைதியாய் மேய்ந்து கொண்டிருக்க சட்டென்று உள்ளுணர்வு உந்த ஓட்டம் பிடித்தது… சுற்றும் உள்ள மான்கள் சிதற தன்னை ஒரு சிறுத்தை துரத்துவதை அறிந்து ஓட்டம் பிடித்தது…. இப்படியும் அப்படியும் ஆட்டம் காட்டி வெகு நேர ஒட்டத்திற்குப் பின் சிறுத்தையின் வேகத்திற்கு ஈடு கொடுக்க முடியாமல் மான் துவண்டது…..
 
தூரத்தில் காத்திருந்த ஓநாய்களுக்கும், வானத்தில் வட்டமிடும் கழுகுகளுக்கும் அன்றைய உணவு உறுதியாயிற்று….. 

****

அவன் தன் முண்டாசைக் கழற்றி முகத்தில் வழியும் வேர்வையைத் துடைத்துக் கொண்டிருந்தான்…. இந்த முறை நல்ல விளைச்சல் கொஞ்சம் காசு பார்க்கலாம்… சிறிது நேரத்தில் லாரியுடன் வியாபாரி வந்தான்….. வெள்ளை வேட்டி வெள்ளைச் சட்டை, நாலு விரல்களில் தங்க மோதிரம், கழுத்தில் பட்டைச் சங்கிலி, புல்லட் பட படக்க வந்தவர் பேரம் பேசி அடிமட்ட விலைக்கு விளைச்சலை அள்ளிச் சென்றார்…. கையில் கிடைத்த காசை எண்ணிக் கொண்டிருக்கும் போதே கடன் கொடுத்தவர் வந்து நிற்க…. கொடுக்க வேண்டியதைக் கொடுத்து விட்டு துண்டை உதறித் தோளில் போட்டுக் கொண்டு கிளம்பினார் வீட்டை நோக்கி…. இன்றும் கஞ்சியோ கூழோ ஏதோ ஒன்று நிச்சயம். 

****

அந்தப் பெரிய டவுனில் இடைத் தரகர் கோடவுனில்… லாரி லாரியாக வந்திறங்கும் தானிய மூட்டைகளை முதுகில் தூக்கி சிலர் அடுக்கிக் கொண்டிருந்தனர்…. கூடவே இயந்திரங்களும்…. நாள் முடிவில் அண்ணாந்து பார்த்த கூலி பெருமூச்சு விட்டான்… இன்று அவனுக்கு கூலி கிடைக்கும்… அதனால் கொஞ்சம் உணவும்…. தரகர் பெருமிதத்துடன் ‘நல்ல விலை வரும் பொழுது நாலு காசு பார்க்க வேண்டும்’ 
**** 

அது ஒரு பிரம்மாண்ட பல் பொருள் அங்காடி. அந்த மிடுக்காக உடை அணிந்த மேலாளர் ஒவ்வொரு அடுக்காகச் சென்று காலாவதியான உணவுப் பொருட்களை அகற்றிக் கொண்டிருந்தார். வாரா வாரம் அவர் இந்தப் பணியை செய்து கொண்டிருக்கிறார். ஒரு பெரிய பட்டியலைத் தயாரித்து அந்தப் பொருட்களுடன் தலைமை அலுவலகத்துக்கு அனுப்பிக் கொண்டிருந்தார்…. இவை எந்தக் குப்பைத் தொட்டி சென்றடையுமோ….. ? அவர் மனதுள் இதுபோல் எத்தனை லட்சம் கடைகளில் நடந்து கொண்டிருக்கும் என்ற எண்ணம் தோன்றி மறைந்தது. 

****
 
அந்தக் கடைக்காரர் புதிதாக வந்திறங்கிய காய் கறிகளைப் பார்த்து மலைத்தார்…. நேற்று முன்தினம் வந்தனவற்றில் வாடி வதங்கிய விற்காத காய், பழ வகைகள் ஒரு பக்கம் மலைபோல் குவிந்து கிடந்தது….

****
 
வானத்தில் வட்டமிடும் கழுகின் பார்வையில், அந்தத் தெரு, அடுத்த தெரு என்று உலகம் முழுக்க வீணாகிக் கொண்டிருந்த உணவு கண்ணில் பட்டது…. அதற்கு உலகமே வீணாக்கப்பட்ட உணவு நிறைந்த குப்பைத் தொட்டி போல் தோன்றியது….. ஆனால் அதற்குப் பசி இல்லை! 

ஆனால் மனிதனுக்கு கழுகு ஏன் தன் தலைக்கு மேல் வட்ட மடிக்கிறது என்பது புரியவில்லை….!  

தொடர்புடைய சிறுகதைகள்
அந்தத் திரை மலர்ந்து ஒரு மெல்லிய காலை வணக்கம் கூறியது... அந்த பெரிய அறையில் சற்று இடைவேளி விட்டு இரண்டு கட்டில்கள்.. இரண்டுக்கும் பொதுவாக ஒரு சிறிய மேசையில் இரண்டு சிறிய குப்பிகளில் குடி நீர், தனித்தனியாக.... ஒரு நோட்டுப் புத்தக அளவிலுள்ள ...
மேலும் கதையை படிக்க...
அம்மா! அம்மாவுக்கு இன்னொரு பெயர் 'உழைப்பு'. எப்போதும் ஏதாவது வேலை செய்து கொண்டே இருப்பாள். சும்மா இருப்பது என்பது ரொம்ப கம்மி. இப்பவும் நான் அந்த கல்யாண மண்டபத்தின் மாடியிலிருந்து பார்த்துக் கொண்டிருக்க கீழே கோலம் போட்டுக் கொண்டிருந்தாள். தன் தங்கையின் இரண்டாவது ...
மேலும் கதையை படிக்க...
எப்பொழுதாவது ராஜியைப் பற்றி பேச்சு வந்தால் உடனே சித்தி என்னைக் காண்பித்து இவன்தான் சரியான நேரத்தில் மருத்துவ மனையில் சேர்த்து அவள் உயிரை காப்பாற்றினான் என்பார். ஆனால் உண்மை உலகுக்கு தெரிய வேண்டாமா? இதோ நடந்தது இதுதான்..... கிட்டத்தட்ட முப்பது ஆண்டுகளுக்கு முன் இருக்கும். ...
மேலும் கதையை படிக்க...
நண்பனிடம் தொலை பேசியில் பேசும் பொழுது இந்த வாரம் ஒரு சிறுகதை எழுத நல்லதொரு கரு கிட்டவில்லை என்று அங்கலாய்த்த பொழுது அவர்: "நீ ரொம்ப சாதாரணமா ஒரே நேர் கோட்டில் வர்ணித்து எழுதுகிறாய், நல்ல திருப்பங்களுடன் எழுதினால்தான் உன் கதை இன்னும் ...
மேலும் கதையை படிக்க...
பால்கனிக்கு தமிழில் என்ன வார்த்தை என்று சட்டென்று நினைவுக்கு வரவில்லை. அதிகாலை கண் விழித்த பின் எவ்வளவு புரண்டும் தூக்கம் வரவில்லை. சீக்கிரம் எழுந்து வெட்டி முறிக்க வேண்டிய வேலை எதுவும் இல்லை.... வேலை ஓய்வுக்குப் பின் ஐந்து வருடமாக நானே ...
மேலும் கதையை படிக்க...
களம்: கல்லூரி காலம்: 1972 சீக்கிரமாக எழுந்து அவசர அவசரமாக கல்லூரிக்குக் கிளம்பினேன். அம்மா என் அவசரத்தைப் பார்த்து அதிசயமாகப் பார்த்தாள். நான் எப்பொழுதும் பின் தூங்கி பின் எழுபவன். இவ்வளவு சீக்கிரமாக நான் கிளம்பியதில்லை. அம்மாவின் தலைக்கு மேல் தெரிந்த ஆச்சரியக் குறியை ...
மேலும் கதையை படிக்க...
மூன்று நாட்களாக கடும் சுரம். நான்கு மணி நேரதிற்கு ஒரு முறை மாத்திரையால் கட்டுப் பட்டது இப்போது முன்னேறி ஏழு மணிக்கு ஒரு முறை கட்டுப் படத் தொடங்கி இருந்தது.... சென்னை வெய்யிலின் உக்கிரம் தணியும் மாலை வேளை. மணி 6:30. ...
மேலும் கதையை படிக்க...
வேலுவுக்கு தகவல் வந்த போது பதறி விட்டான்.  ஓரு கணம் என்ன செய்வது. ஏது செய்வது என்று புரியவில்லை.  மனைவிக்கு இரண்டாவது பிரசவம்....   மருதுவர் சொன்னபடி பார்த்தால் இன்னும் இரண்டு வாரம் தள்ளித்தான் ஆக வேண்டும்..... இப்பொழுதேவா.....?   உடனே மருத்துவமனை செல்ல ...
மேலும் கதையை படிக்க...
நாம் சில சமயம் வெளியூர் பயணம் செல்லும் பொழுதோ, மலைவாச ஸ்தலங்களுக்கு விடுமுறையில் செல்லும் பொழுதோ அப்படியே அதன் அழகில், அமைதியில், குளிரிச்சியில் சொக்கிப் போய்விடுவோம். போகும் வழியெல்லாம் தோன்றும் வழிகளும், கிளைவழிகளும் நமக்கு ‘அது எங்கே போகும்..?, அதன் முடிவில் ...
மேலும் கதையை படிக்க...
அந்தப் பேருந்து நிறுத்ததில் நான் செல்ல வேண்டிய பேருந்துக்காக காத்திருந்தேன். நடு வீதியில் பேருந்தை நிறுத்தி இரு பல்லவன் அதிகாரிகள் பயணச் சீட்டு சோதனை செய்து கொண்டிருந்தனர். பின்னால் போக்குவரத்து தடை பட்டு நிற்கும் வண்டிகள் ஓயாமல் ஒலி எழுப்பிக் கொண்டிருந்தன.. ...
மேலும் கதையை படிக்க...
விதையின்றி விருட்ஷம்
அம்மா
மருத்துவர் எங்கே..?
திருப்பம்
VIP
கதையல்ல
கடவுள் வந்தார்
ஏ டீ எம்
இனி
உயிர்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)