போன்சாய் மனம்

 

ரேவதி பள்ளிக்கூடம் விட்டு தூரத்தில் வந்து கொண்டிருந்தாள். அதைக் கவனித்த பக்கத்து வீட்டு பொன்னாத்தாள் மனதுக்குள் ஒரு முடிச்சு ஒன்றை போட்டவள் அதை பற்ற வைக்கவும் செய்தாள்.

“ ரேவதியம்மா…… என் மனசுக்குள்ளே ஒன்னு இருக்கு. அதை மறக்கவும் முடியல, உன்னக்கிட்டே சொல்லாம இருக்கவும் முடியல“

“ சொல்லிப்புடு பொன்னாத்தாள்“ என்றாள் சூடாமணி.

“ உன் வீட்டு பிரச்சனைங்கிறதுனாலே மேல்வாய் கிழ்வாய் மெல்ல வேண்டியிருக்கு”

சூடாமணிக்கு வயிற்றுக்குள் புளி கரைத்தது. “ என்னனுதான் சொல்லே பார்க்கலாம்?”

“ உண்மையோ பொய்யோ காதில விழுந்ததை சொல்றேன். உன் மவ ரேவதி பள்ளிக்கூடத்துல எவன் கூடவோ அடிக்கடி பேசிக்கிட்டு இருக்கிறதா கேள்விப்பட்டேன். எதுக்கும் உன் புள்ளய கொஞ்சம் கண்டிச்சு வை. இதை நான் சொன்னேனு உன் மவக்கிட்டே சொல்லிப்புடாதே . நான் வாறேன்……..” கிளம்பினாள்.

தன் மகள் திவ்யாவை விட சூடாமணி மகள் ரேவதி கூடுதலா மார்க் வாங்குவது பொன்னத்தாளுக்கு பிடிக்கவில்லை. பரீட்சை நேரத்தில் கண் ,மூக்கு ,காது வைத்து இப்படி எதையாவது கொழுத்திப் போட்டால் இறுதி தேர்வில் மார்க் குறைஞ்சிப்போகும் என்பது அவளது நினைப்பு.

ரேவதி புத்தகப்பையை வைத்துவிட்டு தாவணிக்கு மாறிக்கொண்டவள், வகுப்பில் தான் முதல் மதிப்பெண் எடுத்ததை சொல்லி அம்மாவை சந்தோஷப்படுத்த வேண்டும் என்கிற குஸ்தியில் ஓடி வந்தாள்.

“ ரேவதி ……”

” அம்மா?”

“நீ இனிமே பள்ளிக்கூடம் போக வேண்டாம்”

ரேவதி ஒடிந்த கீரைத்தண்டாட்டம் வாடி திண்ணையில் சரிந்தாள். அதற்குப்பிறகும் சூடாமணி எதை எதையோ வாய்க்கு வந்தப்படி பேசிக் கொண்டிருந்தாள்.

திவ்யா கன்னத்தில் கை வைத்தபடி சோகமாக உட்கார்ந்திருந்தாள்.

“நீ ஏன்டி குத்துக்கல்லாட்டம் எதையோ பரிக்கொடுத்தது மாதிரி உட்கார்ந்திருக்கே? ”

“ அம்மா … இனி ரேவதி பள்ளிக்கூடம் வர மாட்டாளாம். ”

“ அவள் வராட்டி உனக்கு என்னவாம்?”

“எனக்கே கணக்கு சரியா வரமாட்டங்குது. அடுத்தவாரம் அரசுப் பொதுத்தேர்வு. பரீட்சைக்கால்ல உனக்கு முன்னாடி ரேவதிதான். நீ ஒன்னும் கவலைப்படாதே உன்னை கணக்குல பாஸ் பண்ண வைக்கிறது என் பொறுப்புனு சொல்லிக்கிட்டிருந்தாள். இந்த நேரம் பார்த்து யாரோ அவள் அம்மாக்கிட்ட இல்லாததை பொல்லாததைச்சொல்லி பள்ளிக்கு வரவிடாம ஆக்கிட்டாங்க. அதான் என்ன பண்ணுறதுனு புரியாம முளிச்சிக்கிட்டுருக்கேன்.”

கிட்டத்தட்ட பிரக்ஞை தட்டிய நிலையில் சூடாமணி வீட்டை நோக்கி ஓடினாள் பொன்னாத்தாள். 

தொடர்புடைய சிறுகதைகள்
“ஒரு விவசாயி கோடீஸ்வரனாக முடியலையே ஏன் சார்?” இப்படியொரு சந்தேகத்தை கேட்டவுடன் மொத்தத் தலையும் முனியாண்டியை வையாத குறையாகத் திரும்பிப் பார்த்தது. பின்னே எத்தனை முறைதான் இதே கேள்வியை கிளிப்பிள்ளை போல திரும்பத் திரும்பக் கேட்பது. புயலுக்கு விலகிக்கொடுத்து நிமிர்ந்து நிற்கும் கோரைப் புல் ...
மேலும் கதையை படிக்க...
சீரியலுக்கு இடையில் வந்துபோகும் விளம்பரத்தைப்போல மின்சாரம் வந்த சடுதியில் துண்டித்துக்கொண்ட போது மாடசாமிக்கு ஒரு யோசனை உதித்தது. கொட்டகைக்குள் கட்டப்பட்டிருந்த இரண்டு காளைகளையும் நோட்டமிட்டார். கிளிங்க், கிளிங்க் என மணியாட்டிக்கொண்டு மொய்க்கும் ஈக்களை விரட்டுவதும் அசை போடுவதுமாக இருந்தன. மாடசாமி, கொட்டகைக்குள் நுழைந்ததும் ...
மேலும் கதையை படிக்க...
எழுதப்பட்டிருப்பது கில்லியா?, தில்லியா? என இமைகள் சுருங்க உற்றுப்பார்த்தார் சண்முகம். கில்லி என்று தான் எழுதப்பட்டிருந்தது. புது தில்லி என்பதற்கு தில்லி என்று எழுதியிருந்தால் போனாப்போகுதென்று ஒரு மதிப்பெண் கொடுக்கலாம். இவன் கில்லி என்றல்லவா எழுதியிருக்கிறான். கில்லிக்கும் தில்லிக்கும் ஏணி வச்சாலும் எட்டாது. ...
மேலும் கதையை படிக்க...
மருத்துவர் கொடுத்த மாத்திரையைமுந்தானை முனையில் முடிந்துகொண்டு அம்மா கேட்டாள் “ டாக்டர்..............இந்த மாத்திரை அலோபதியா,ஹோமியோபதியா, யுனானியா ? ” மருத்துவர் அம்மாவை ஒரு புதிர்போல பார்த்தார்.“ பரவாயில்லையே ! உனக்கு இத்தனைமருத்துவமும் தெரிஞ்சுருக்கே! நீ என்னம்மா படிச்சிருக்கே?” என அவர் கேட்கும் பொழுது ...
மேலும் கதையை படிக்க...
பயணிகளின்கனிவான கவனத்திற்கு. திண்டிவனம், மயிலாடுதுறை, தஞ்சாவூர் வழியாக மன்னார்குடி வரை செல்லும் மன்னை எக்ஸ்பிரஸ் ஒன்பது மணிக்கு மூன்றாவது நடைப்பாதைக்கு வந்து சேரும் என எதிர்ப்பார்க்கப்படுகிறது................... அறிவிப்பை கேட்டதும் நடைமேடையில் மனிதத்தலைகள் மொய்க்கத்தொடங்கின. சாவிக்கொடுக்கப்பட்ட பொம்மைகளைப்போலபயணிகள் அதற்கும் இதற்குமாக நடந்தார்கள். மேடையின் விளம்பில் ...
மேலும் கதையை படிக்க...
விவசாயி கோடீசுவரனாக முடியுமா?
மண்ணும் மாடசாமியும்
வினோதன் என்கிற மெண்டல்
மாத்திரை
திற

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)