பந்தயம்

 

“அந்த தெரு கடைக்கோடியில்  உள்ள ஒரு குட்டிச்சுவரில் உட்கார்ந்து அரட்டை அடித்துக் கொண்டிருந்தார்கள் பதின்மவயது பையன்கள். அந்த ஆறு பேர்களில் முத்துமாணிக்கமும்  இருந்தான்.

“இன்னைக்கு மழை வரமாதிரி இருக்குடா” என்றான்

“மழை வராதுடா….இது பாலுவின் பதில்… அந்த கூட்டத்தில்  இருவருமே எதிரெதினாவர்கள். முத்துமாணிக்கம் பாசீட்டீவ்வா சொன்னால், அதை நெகட்டீவ்வா சொல்றதும், செய்யறுதும்தான் பாலுவின் வாடிக்கை

ஒரு சில நேரங்களில் பேச்சு பேச்சாக இல்லாமல் கைகலப்பாகி விடும். அந்த நேரத்தில் சமாதானப்படுத்தி வைப்பதற்குள்;  நண்பர்களுக்கு. மூச்சிரைக்கும்.

பாலுவை எப்படி பாசீட்டிவ்வா நினைக்கவும்,  செய்யவும்  வைக்கமுடியும்…. இவன் ஒருவன் மட்டும் நம்ம  கூட்டத்தில்  அந்நியப்படுகிறானே”என உள்ளுக்குள் கவலைப்பட்டான் முத்துமாணிக்கம்.

அப்பொழுது எப்.எம்மில் “தோல்வி நிலையென நினைத்தால் வாழ்வை நினைக்கலாமா” பாட்டு ஒலிக்க…..முத்துமாணிக்கத்தின் மூளையின் மின்னலென ஒரு யோசனை தோன்றியது.

பாபு அந்நியப்பட்டு இருப்பதை தவிர்க்க இதை பயன்படுத்தினால் என்ன?

அந்த குட்டிச்சுவருக்கு அருகே இருந்த வீட்டில் குரல் கொடுத்தான்  முத்துமாணிக்கம் …..கீதா..கீதா… செஸ் போர்டு இருந்தா எடுத்து வாயேன்” என்றான்.

செஸ் போர்டு கொண்டு வர, அதை குட்டிச்சுவரில் வைத்து இதில் அறுபத்துநான்கு கட்டங்கள் இருக்கின்றன என்றான்.

“அதான் உலகறிஞ்ச விசயமாச்சே…புதுசா சொல்றாரு இவரு என நக்கலடித்தான் பாலு.

அவசரப்படாதே பாலு.. சொல்றேன்.

“பிரன்ட்ஸ், பாலுவுக்கான  பந்தயம் இது”

“முதல் வரிசையில் முதல் கட்டத்தில் பத்து  ரூபாய் வைக்க வேண்டும். இரண்டாம் கட்டத்தில் இருபது ரூபாய்….இப்படி அடுத்து..அடுத்து  இரட்டிப்பா… ஒரு ரெண்டு ரோ வைச்சா போறும் அப்படி வைக்கிற காசை நான் எடுத்து அநாதை இல்லத்திற்கு கொடுத்து விடுவேன்’அத்தோடு இல்லாமல் ஒரு வாரத்திற்கு அந்த அநாதை இல்லத்தில் வாலியண்டரா பாலு வேலை செய்யணும்” என்றான்; முத்துமாணிக்கம்.

இப்பொழுது பாலு சொன்னான்…. “ஏன்னடா சுஜிபி வேல…. இத போய் பெரிசா பேசறான்““என் பர்ஸ்ல  கத்தையாகவும்,  கனமாவும் ரூபா இருக்குடோய்  பாத்துடலாம்” ஒரு கை”என்று சொல்லி….       

“ நான் ஜெயிச்சா….. முத்து  நம்ம யாருகிட்டேயும்   ஒரு மாசத்துக்கு   பேசக்கூடாது..  இந்த குட்டிச்சுவர்  பக்கமே வரக்கூடாது சரியா” என்றான்

பதின்மவயது பையன்கள் “சபாஷ் சரியான போட்டிடா இது” என குட்டிச்சுவர்  அதிர கோஷமிட்டனர்

பாலு,  முதல் கட்டத்தில்  ஒரு பத்து ரூபாய்  வைத்தான்…அடுத்த கட்டத்தில் இருபது….இப்படியே போக…போக… பதினோறாவது கட்டத்திலேய அவன் சம்பள பணம் அம்பேல் ஆகி  பர்ஸ்   காலியானது. பிறகு  நண்பர்களிடம் பிராய்ந்து… வைக்க…வைக்க….. முத்து எடுத்து எடுத்து நண்பர்களிடம் கொடுத்துக் கொண்டே வந்தான்.

“என்னடா இது பூதம் விழுங்குறது மாதிரி இருக்கே …” என ஒரு கட்டத்தில் மிரண்டு போய்….. “மழை வர்றா மாதிரி இருக்கே” என முணுமுணுத்த பாலு, “நண்பா,  என்னைக்கு அநாதை இல்லத்துக்கு வாலியண்டரா சேவை செய்ய  போகணும் நான் ரெடி… நீயும் வாயேன் துணைக்கு” என்றான். 

தொடர்புடைய சிறுகதைகள்
“என்னாப்பா இரகசியம் ஒன் முகம் எப்பவும் சந்தோஷமா மலர்ச்சியா இருக்கு”என்று கேட்பவர்களுக்கு மத்தியில்….. வயிற்றரிச்சல்காரர்கள் சிலர் ஒனக்கு பிரச்னையே இல்லியா எப்பவும் சிரிச்சுகிட்டே இருக்கீயே” என இரகுராமனிடம் கேட்பவர்களும் உண்டு. அதற்கும் பதில்... அதே புன்னகைதான். அந்த தொழில் நிறுவனத்தில் தொழிலாளியாக இருக்கும் ...
மேலும் கதையை படிக்க...
”புளியமரத்துக்கிட்டா போனா, ஆவி புடிச்சிக்கும்-ன்னு” சின்ன வயசில அம்மா சொன்னது அப்படியே மனசுல ஆழமா பதிஞ்சதல, புளியமர பக்கமே போக்கூடாது-ன்னு வைராக்கியமாய் இருந்த புண்ணியகோட்டிக்கு வந்த து சோதனை! ”பேய் காற்றுடன், பேய் மழையும் சுழற்றியடிக்க அவனின் வைராக்கியம் மழையில் கரைந்து வேறுவழியில்லாமல் ...
மேலும் கதையை படிக்க...
கிழக்கு திசையில் இருந்து ஒருவனும், மேற்கு திசையில் இருந்து ஒருவனும் அடர்ந்த காட்டின் ஒற்றையடி பாதையில் நடந்து வந்து, ஓர் இடத்தில் சந்தித்து கொண்டனர். "என்னப்பா?, இங்கே ஒரு துறவியின் குடில் இருக்கிறதாமே, ஒனக்கு தெரியுமா? என கிழக்கு திசையில் இருந்து வந்தவன் ...
மேலும் கதையை படிக்க...
“இராமாயி, கதவை நல்லா முடிக்கோ!, யாரு கதவைத் தட்டினாலும் திறக்காதே!” எச்சரித்து கதவைச் சாத்தினான் நல்லக்கண்ணு ”ஏனுங்கோ, அமாவாசை இருட்டுல எங்கே போறீங்க?” ”அமாவாசை இருட்டுதானே, நம்ம தொழிலுக்கு தோதா இருக்கும், அதான், சந்திரபுரிக்கு போறேன், அங்க போனா ஏதாச்சும் தேறும்” எனக் கிளம்பினான். ”ஏன்தான் ...
மேலும் கதையை படிக்க...
பிரபல புடவைக் கடையின் மேனேஐர்தான் கேசவன். ஆனால் அவன் மனைவி சித்ராவே சேலைக் கட்டுவதில்லை. என்ன செய்வது? சித்ரா தொலைக்காட்சி சீரியல்களில் நடிக்கிறாள். பெரும்பாலும், அவள் நடிப்பது மாடர்ன் பெண் கதாபாத்திரங்களில்தான். அதற்காக மாடர்ன் டிரஸ் போட்டுப் போட்டு அப்படியே அதற்கு ...
மேலும் கதையை படிக்க...
மகிழ்ச்சி
ஆவிகளின் ராஜ்யம்!
உபதேசம்
பயம்
சேலை

பந்தயம் மீது ஒரு கருத்து

  1. Asokan Kuppusamy says:

    பந்தயம் சிறுகதையினை வலைத்தளத்தில் பதிவிட்டதற்கு மிக்க நன்றி தொடர் ஆதரவிற்கு மகிழ்ச்சியை தெரிவித்து கொள்கிறேன். மேலும், நான் பல்வேறு பத்திரிகைகளிலும், வலைத்தளங்களில் (சிறுகதைகள் வலைத்தளம் உட்பட) எழுதிய சிறுகதைகள் ”அம்மா” என தலைப்பிட்டு கலைஞன் பதிப்பகத்தால் விரைவில் வெளியிட இருக்கிறது மகிழ்வோடு அனைத்து வாசக எழுத்தாள நண்பர்களுக்கும் தெரிவித்துக் கொள்கிறேன்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)