படிச்சப்புள்ள…

 

‘ இன்றோடு வயசு முப்பதா…!!? வேலைக்கென்று நம்பி இருந்த வேலை வாய்ப்பு அலுவலகமும் இன்றோடு நம்மைக் கைகழுவி விட்டதா.? ச்சே..!! ‘ – மனசு வலிக்க மண்வெட்டியை வயல் வரப்பில் வைத்துவிட்டு சோர்வுடன் உட்கார்ந்தான் கோபால்.

‘படிச்சப் புள்ள ! வேலை செய்ய முடியல… ‘ – நினைத்துக்கொண்டு அவன் அண்ணன்கள் இருவரும் மற்ற ஆட்களோடு வயலில் வேலை செய்து கொண்டிருந்தார்கள்.

‘இவ்வளவு படித்து என்ன பிரயோஜனம்..? படிக்காத அண்ணன்களுடனும் , இந்த பாமர மக்களுடனும் தானே வயல் வேலை செய்ய வேண்டியதாய் இருக்கின்றது.! வயல் வேலைக்குப் படிப்பா..?!

இதற்குப் படிக்காமலேயே இருந்திருக்கலாம் ! அப்பா கஷ்டப்பட்டிருக்க வேண்டியதில்லை. அம்மா பத்துப் பாத்திரம் தேய்த்திருக்க வேண்டியதில்லை. அண்டா குண்டான்கள் அடகிற்கும் போயிருக்க வேண்டிய அவசியமில்லை.

படித்த படிப்பு உதவாக்கரையாகிவிட்டது.

படிப்பிற்குச் செலவழித்த பணத்திருக்கும் காலத்திற்கும் …. இப்போது முடிகின்றாற்போல் அப்போதே வயல் வேலையோ , எதோ ஒன்று செய்ய ஆரம்பித்திருந்தாலாவது அண்ணன்களைப்போல் இரண்டிரண்டு ஏக்கராவிற்குச் சொந்தக்காரனாய் ஆகி இருக்கலாம். அல்லது அந்த வேலையிலாவது தேர்ச்சி பெற்றிருக்கலாம். இப்போது அதுவும் கெட்டு , இதுவும் கெட்டு……’ நினைத்துப் பார்க்க வேதனையாக இருந்தது கோபாலுக்கு.

அப்பாவிற்கு ரொம்ப ஆசை. கிராமத்தில் நடுத்தர குடும்பத்தில் பையன் கல்லூரி வரைக்கும் சென்று வருவதில் பெருமை. இல்லையென்றால் இவ்வளவு கஷ்டப்பட்டுப் படிக்க வைத்திருப்பாரா..?!

அவரைச் சொல்லிக் குற்றமில்லை. பெற்ற மூன்றில் இரண்டுதான் மக்காக இருந்து மண்ணோடு மண்ணாகக் கிடக்கின்றதே… கடைக்குட்டியாவது படித்து வேலைக்குப் போய் வெள்ளையும் சள்ளையுமாய் முன்னேறட்டுமே என்கிற ஆசை. அந்த ஆசை பொய்யாகிவிட்டது. வாழ்க்கை உழவு மண்ணோடு என்றாகி விட்டது .

‘எவ்வளவு வேகமாகப் படித்தோம்..! ஒரு வகுப்பில்கூட தங்காமல் எவ்வளவு ஊக்கமாய்ப் படித்தோம்…! அடுத்தவனை முந்தவிடாமல் போட்டிப் போட்டுக்கொண்டு படித்தோம்.. ! அந்த உழைப்பு அத்தனையும் விழலுக்கு இறைத்த நீர்.

இந்த பி.ஏ படிப்பைப் பயன்படுத்திக் கொள்ள வேலைக்கென்று எத்தனைப் படிகள் ஏறி இறங்கியாகி விட்டாச்சு. சிபாரிசு , அது இஇதுவென்று ……. மந்திரி ,சட்டமன்ற உறுப்பினர் என்று எத்தனையோ பேர்களைப் பார்த்தாகி விட்டது. தன் தகுதிக்கு எவ்வளவு பணம் விரயம் செய்தாகிவிட்டது. எல்லாம் பணம் கொடுத்து வாங்கும் நிலையில் தகுதி , திறமைக்கு எங்கே மதிப்பிருக்கின்றது.

பணமிருந்தால் படித்த படிப்பிற்கு ஏதாவது செய்யலாம். அதற்கும் நேரம் காலம் நன்றாக இருக்கவென்றும் இல்லையென்றால் பணத்திற்குப் பணமும் போய் … நிம்மதி இல்லாமல் போய்விடும்.

ஆக… என்னைப் பொறுத்தவரையில் படிப்பென்பது பயன்படாமல் போய்விட்டது. சாதகமில்லாமல் ஆகிவிட்டது. ம்ம்…. உழவு மண்ணில் உழலச் சொல்லி விதி சதி செய்து விட்டது. ‘ – உடல், மனசு வலிக்க.. மண்வெட்டியை எடுத்து தோளில் வைத்துக் கொண்டு நடந்தான் .

வீட்டில் இவன் தலையைக் கண்டதுமே…

” சித்தப்பா ! இந்தக் கணக்கைச் சொல்லிக் கொடுங்க…” – அண்ணன் மகள் ஒருத்தி நோட்டும் பென்சிலுமாக ஓடி வர…. பளிச்சென்று இவனுக்குள் ஒரு மின்னல். !

தன் படிப்பை தன் பிள்ளைகளுக்கு உபயோகப்படுத்தி அவர்களுக்குக் கல்விக் கண் திறந்து முன்னுக்குக் கொண்டு வரச் செய்தாலென்ன…?

அவ்வளவுதான்… ! அடுத்த வினாடி….

” இதோ.. சொல்லித் தர்ரேன்ம்மா.. ” என்று ஆசை ,ஆவலுடன் தன் அண்ணன் மகளை இழுத்தான் கோபால்.

அவன் பிள்ளைகள் அந்த குழந்தை உருவத்தில் இவன் கண்முன் விரிந்தார்கள். 

தொடர்புடைய சிறுகதைகள்
' நம்ம நாட்டுல வரதட்சணை என்கிறது பெரிய சாபக்கேடாய் போயிடுச்சு. எந்த படுவாவி இந்தத் தீயை முட்டினானோ...?! அவன் போயிட்டான். ஆனா.. அந்தத் தீ இந்த நாட்டை ரொம்ப உக்கிரமாய் பொசுக்குது. இதனால ரொம்ப பொண்ணுங்க திருமணம் ஆகாமலேயே ' நின்னுடுறாங்க..' ...
மேலும் கதையை படிக்க...
இரவு 10 . ௦௦. மணி. நாளை காலை அதிகால முகூர்த்தம். வரவேண்டியவர்களெல்லாம் வந்து மண்டபம் களை கட்டி இருந்தது. அதிர்ச்சியில் உறைந்து துடித்த... தணிகாசலம் தொங்கிப் போன முகத்தோடு மணமகன் அறைக்குச் சென்றார். வாசலில் நின்றார். சிவா நண்பர்களுடன் அரட்டை அடித்துக்கொண்டிருந்தான். அழைக்கவே தயக்கமாக இருந்தது. "சி...சி...வா !! ...
மேலும் கதையை படிக்க...
அலுவலகம் விட்டு இறங்கிய சுமதி எதிரில் அமர்ந்திருந்த ராஜூவைக் கண்டதும் முகத்தைத் திருப்பிக் கொண்டு பாதை மாறி நடந்தாள். ராஜு விடவில்லை. ஓட்டமும் நடையுமாக அவளைத் தொடர்ந்தான். "சு....மதி.. ! "அருகில் சென்றதும் அழைத்தான். அவள் பதில் சொல்லாமல் நடையை எட்டிப் போட்டாள். வேகத்தை அதிகப்படுத்தினாள். இவன் ...
மேலும் கதையை படிக்க...
இருபது வருடங்களாக பாரீசில் வேலை பார்க்கும் எனது மைத்துனன் வருடா வருடம் மகர ஜோதிக்கு ஐயப்பன் மலைக்கு வருவான். வரும்போது கூடவே துணைக்கு ஒரு ஆளையும் இழுத்து வருவான். இரண்டு வருடங்களுக்கு முன் இரண்டு வெள்ளைக்காரர்களை அழைத்து வந்தான். சென்ற வரும் ஒரு ...
மேலும் கதையை படிக்க...
நட்பில் நட்பைப் பார்த்திருக்கலாம். ஏன்...நம்பிக்கை, நயவஞ்சகம், துரோகம்., உதவி, ஒத்தாசை, அன்பு, அரவணைப்புகள்... என்று அனைத்தையும் பார்த்திருக்கலாம். இதையெல்லாம் மீறி... ஒரு உச்சம், உன்னதம், ஒளி, ஒலி, என்று அனைத்துக்கும் மேலாகிய ஒரு தெய்வீகத்தைப் பார்க்க முடியுமா.....? கதிவரன் என்னுடைய ஆத்மார்;த்தமான நண்பன். ...
மேலும் கதையை படிக்க...
சோத்து மூட்டையைக் கட்டிக்கொண்டு அம்மாவுடன் லொங்கு லொங்கென்று நடக்கும் பாவாடை தாவணி மீனாட்சிக்கு வேலைக்குச் செல்ல விருப்பமில்லை. அப்பா அல்ப ஆயுசில் இறந்து விட்டாலும் அனாதையாக விட்டுப் போகவில்லை. உழைத்துப் போட இரு அண்ணன் ஆண் வாரிசுகள். அப்புறம் இருக்கிற குக்கிராமத்தில் சொத்தாய் ...
மேலும் கதையை படிக்க...
நவீன் கல்லூரி ஓய்வறையைவிட்டு கடைசியாக வெளியே வந்த போது வாசலில் காயத்ரி. இவனுக்குள் லேசான மின்னதிர்ச்சி. அவளுக்குள்ளும் சின்ன சங்கடம், சங்கோஜம். ''.....நா..நான் உங்ககூட கொஞ்சம் பேசனும்.....'' தட்டுத்தடுமாறி மென் குரலில் சொன்னாள். நவீனுக்குள் இவள் என்ன பேசப்போகிறாள் ?! என்பது புரிந்தது. அது நேற்று ...
மேலும் கதையை படிக்க...
கையில் பூக் கூடையுடன் கோயில் பக்கவாட்டில் உள்ள மரத்தில் தொட்டில் கட்டில் திரும்பியவளை நெருங்கினாள் அவள். . தொட்டில் கட்டியவளுக்கு வயது 28. நல்ல களையான முகம். எடுப்பான நாசி. அழகு சொட்டும் நல்ல அகலமான கண்கள். புருவ மத்தியில் பொட்டு. இவளை நெருங்கியவளுக்கும் ...
மேலும் கதையை படிக்க...
மாலை மணி 7.00. நான் அறைக்கதவைச் சாத்தி மும்முரமாக எழுதிக் கொண்டிருக்கும் நேரத்தில் என் மனைவி வைதேகி மெல்ல கதவைத் திறந்து......'' கோயிலுக்குப் போகனும்ங்க.....'' தயக்கமாய்ச் சொன்னாள். எனக்குக் கோயில் பிடிக்காது. சாமி கும்பிடுபவனில்லை. அதனால் என் மனைவி உள்ளூரில் உள்ள எல்லா கோயிலுக்கும் ...
மேலும் கதையை படிக்க...
நான் வீடு வந்து சேர்ந்த வெகு நேரத்திற்குப் பிறகு இரவு ஏழு மணி சுமாருக்கு... சொல்லவா கூடாதா என்கிற நீண்ட போராட்டத் தயக்கத்தில் ‘‘ என்னங்க...! ‘‘ மெல்ல அழைத்தாள் என் மனைவி இந்திரா. ‘‘ என்ன...?‘‘ பக்கத்தில் வந்தவளைத் திரும்பி பார்த்தேன். ...
மேலும் கதையை படிக்க...
முதிர்ச்சி…!
முகூர்த்தம்
காதலி…. வா..!
வேர்கள்
நட்பு..!
அம்மா ஏன் இப்படி ?
மாணவியா?!… மனைவியா..?!
ரம்யா…!
இதய அஞ்சலி
அவர்கள் அடிமைகள் அல்ல….

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)