Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

நெருக்கம்!

 

இடியோசை இன்ப சாகரன் அந்தக்கட்சியின் அங்கீகரிக்கப்பட்ட முதல் நிலைப் பேச்சாளர். கிளைக் கழகச் செயலாளர்களும், கட்சி நிர்வாகிகளும் அவர் ‘டேட்ஸ்’ வாங்க படாத பாடு படுவார்கள்.

காரணம் பிரியாணி கொடுத்து, காசு கொடுத்து, லாரி வாடகை கொடுத்து கூட்டத்திற்கு ஆட்கள் தேட வேண்டியதில்லை. இன்ப சாகரன் படத்தைப் போட்டு பத்து சுவரொட்டிகளை குப்பைத் தொட்டிகளில் ஒட்டினால் போதும்!

அவர் பேசும் ஒவ்வொரு நகரத்திலும் அந்தக்கட்சி பிரமுகர்கள் அவரை நன்கு கவனித்து சிநேகிதம் பிடித்துக் கொள்வார்கள்.

இன்பசாகரன் ஒரு விளம்பரப் பிரியர். அவரைப் பற்றிய செய்திகளும் போட்டோக்களும் தினசரி பத்திரிகைகளிலும், டி.வி. சேனல்களிலும், ‘பேஸ் புக்’கிலும் வந்து கொண்டே இருக்க வேண்டும்.

அதற்காக யார் கேட்டாலும் வித விதமான போஸ் கொடுத்துக் கொண்டே இருப்பார். லாட்ஜ்களில் அவர் தங்கியிருக்கும் பொழுது கட்சித் தொண்டர்கள் சூழ்ந்து கொண்டு, தோளில் கைகள் போட்டபடி, கட்டிப் பிடித்துக் கொண்டு, முத்தம் கொடுத்தபடி செல்ஃபி எடுக்க தொண்டர்கள் முயற்சி செய்வார்கள். இன்ப சாகரன் அனைத்துக்கும் ஒத்துழைப்பு தருவார்.

அன்று காலை வெளியூர் கூட்டத்திற்கு இன்பசாகரன் கிளம்பிக் கொண்டிருந்தார். தடதட வென்று நிறைய போலிஸ்கார்கள் உள்ளே நுழைந்தார்கள்.

முன்னால் வந்து கம்பீரமாக நின்ற இன்ஸ்பெக்டர் “ சார்!…உளுந்தூர்பேட்டை பாங்கு கொள்ளை தொடர்பாக உங்களை விசாரிக்க வேண்டியிருக்கு!…நீங்க ஸ்டேஷன்க்கு வர வேண்டும்!..” என்றார்.

“ என்ன சார்!….பாங்கு கொள்ளைக்கும் எனக்கும் என்ன சம்பந்தம்?..” என்றார் இன்ப சாகரன் சிரித்துக் கொண்டே!

“ சார்! முக்கிய குற்றவாளி சேலம் ரங்காவை அரஸ்ட் செய்திட்டோம்… அவனை விசாரிக்கும் பொழுது நீங்கள் தான் அவனுடைய குரு என்று சொல்கிறான்… அவன் தங்கியிருந்த ரூம் முழுவதும் இருக்கும் அனைத்துப் போட்டோக்களிலும் நீங்க…ரங்காவின் தோள் மேல் கை போட்ட படி ஒரு போட்டோ, ரங்காவை கட்டிப் பிடித்தபடி ஒரு போட்டோ என்று அவருடைய எல்லா போட்டோக்களிலும் நீங்க தான் உடன் இருக்கிறீங்க!…”

“ சேலம் ரங்கா யார் என்றே எனக்குத் தெரியாது!..”

“ எதை சொல்வதாக இருந்தாலும் நீங்க ஸ்டேஷனுக்கு வந்து சொல்லுங்க!…”

முன்பின் தெரியாவர்களோடு எல்லாம் செல்ஃபி எடுத்துக் கொண்டால் இப்படி எல்லாம் கூட வருமா?

- 20-6-2016 

தொடர்புடைய சிறுகதைகள்
“ மூணாவதும் பெண் குழந்தையா?....இனி என்னடா செய்வது?.....ஸ்ருதிக்கு ஆண் குழந்தை பாக்கியமே இல்லே!....நீ பேசாமே உங்க அத்தை பெண் மாலதியை இரண்டாம் தாரமா செய்துக்கோ!....உன் அத்தையும் பெண் கொடுக்க தயாரா இருக்கா!....நம் சொத்துக்கும், குலத்திற்கும் ஒரு ஆண் வாரிசு கட்டாயம் வேண்டுமடா!....நீ ...
மேலும் கதையை படிக்க...
இப்பொழுதெல்லாம் ஒவ்வொரு வெள்ளிக்கிழமைகளிலும் நிறைய திரைப் படங்கள் ரிலீஸ் ஆகின்றன. போன வெள்ளிக் கிழமை நாலு புதுப் படம் ரிலீஸ். நானும் என் மனைவியும் ரிலீஸ் அன்று ஒரு படத்தின் காலைக் காட்சிக்குப் போயிருந்தோம்! அன்று தான் படம் ரிலீஸ் என்பதால் சற்று ...
மேலும் கதையை படிக்க...
அது சர்க்கரை நோயாளிகளுக்கான மிகப்பெரிய மருத்துவ மனை. சாப்பிடும் முன் ஒரு டெஸ்ட் எடுக்க வேண்டியிருந்ததால் காலை ஏழு மணிக்கே நான் அங்கு போக வேண்டியிருந்தது! மருத்துவமனை இருப்பது 5- வது மாடி. நான் ‘லிப்ட்’டுக்காக காத்திருந்தேன். என் அருகில் வந்து ஒரு ...
மேலும் கதையை படிக்க...
நீங்க ஒரு பக்கக் கதை, ஒரு நிமிடக்கதைகளில் கூட இதுபோல் படித்திருக்க மாட்டீர்கள்! நேற்று நடந்த உண்மைநிகழ்ச்சி இது! உங்களுக்கு மங்களத்தைத் தெரியாது! எனக்கு பத்துவருஷமாத் தெரியும்! எதிர் வீடு தான்! அந்தம்மாவுக்கு அறுபத்தி ஐந்து வயசுஎன்று யார் சொன்னாலும் நம்ப மாட்டார்கள்! பார்க்கும்பொழுது ...
மேலும் கதையை படிக்க...
“நேற்று ஏண்டி நீ நடைப் பயிற்சிக்கு வரலே?....” பூங்காவுக்குள் நுழைந்ததும் தோழிகள் மாற்றி மாற்றி சித்ராவைக் கேள்வி கேட்டார்கள்! “ அதை ஏண்டி கேட்கிறே?...எல்லாக் கடைகளிலும் ஆடி தள்ளுபடி போட்டிருங்காங்க! முதலிலேயே போனா நல்ல புடவைகளா ‘செலக்ட்’ பண்ணலாம்!...அதுதான் கடைவீதிக்குப் போயிட்டேன்!” “ அப்ப ...
மேலும் கதையை படிக்க...
ஆண் குழந்தை
வெள்ளிக் கிழமை லீவு வேண்டும்!
ஒரு நிமிடப் பயணம்!
மன அழுத்தம்!
தோழி!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)