Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

நுட்பம்!

 

“ என்ன…..மேஸ்திரி…..பையன் யாரு?….”

“எம் பையன் தான் முதலாளி!….இப்பவே நம்ம தொழில் நுணுக்கங்களையெல்லாம் கூடவே வச்சு சொல்லிக் கொடுத்துக் கொண்டிருக்கேன்!….”

“அப்படியா?….ரொம்ப சந்தோஷம்!… இப்ப நீ வேலை செய்யற கட்டிட வேலை எந்தளவுக்கு இருக்கு?..”

“ரூப் சிலாப் போட்டாச்சு….ரூப் பிரிக்கும் வரை சில்லறை வேலை செய்யச் சொல்லியிருக்காங்க!….”

“அப்ப இன்னைக்கு வேலை செய்ய என்ன என்ன உனக்கு வேண்டும்?….”

“ஒரு யூனிட் மணலும்,ஆயிரம் செங்கல்லும் இருந்தாப் போதும்!…”

“ஆத்து மணலுக்கு இப்ப ரொம்ப டிமாண்ட்…யூனிட் நாலாயிரம் ஆகிறது….ஒரு செங்கல் ஐந்து ரூபா ஆகும்…”

“என்ன முதலாளி இன்றைய மார்க்கெட் ரேட் கூடவா தெரியாமலயா இந்த தொழிலிலே இருபத்தி ஐந்து வருஷம் இருப்பேன்?….”.

“சரி…அப்ப விபரம் சொல்லு…லோடு ஏத்தி அனுப்பறேன்…”

“வழக்கம் போல் தான் முதலாளி…ஒரு யூனிட் மணலுக்கு 4500 ரூபாயும், ஆயிரம்செங்கல்லுக்கு 6000 ரூபாயுக்கும் பில் போட்டுத்தாங்க!.டிரைவரிடம் சொல்லி முக்கா யூனிட் மணலும், 900 செங்கல்லும் அனுப்பச் சொல்லுங்க…அப்படியே பழைய மணலும்,கொஞ்ச செங்கல்லும் சைட்டில் இருக்கும் அதன் மேலேயே இந்த மணலையும், செங்கல்லையும் சரித்து விடச் சொல்லிடுங்க…நான் முக்கா யூனிட் மணலுக்கு 3000 ஆயிரமும், 900 செங்கல்லுக்கு 4500ம் தந்திடறேன்!…”

“சரி…மேஸ்திரி..பணத்தைக் கொடு…” என்றுசிரித்துக் கொண்டே பணத்தை வாங்கிப் போட்டார் அந்த பில்டிங் மெட்டிரியல் சப்ளை செய்யும் அந்த கம்பெனி உரிமையாளர்.

கொஞ்சம் நகர்ந்ததும் பையன் மேஸ்திரியிடம், “அப்பா!….நீங்க காலையிலே வீட்டுச் சொந்தக்காரரிடம் மணலுக்கு 4500 என்றும், செங்கல்லுக்கு 6000 என்று சொல்லி 10500 ரூபாய் வாங்கினீங்க!…இங்கே 7500 தானே தந்தீங்க!…”என்று கேட்டான்.

“இந்தக் கட்டுமானத் தொழிலே அப்படித்தாண்டா!….வீட்டுச் சொந்தக்காரன் 10 லட்சம் கொடுத்தா…அவர் வீட்டுக்கு 7 லட்சம் தான் செலவு செய்வாங்க!…அஸ்திவாரம் தோண்டறவனிலிருந்து கடைசியா பெயின்ட் அடிக்கிறவன் வரை எல்லோரும் ‘பொய்’ மட்டும் தான் சொல்லுவாங்க!..அதையெல்லாம் பொறுத்துக் கொண்டு போனால் தான் சொந்த வீடு கட்டும் வீட்டுக்காரன் ஆசை நிறைவேறும்! இல்லாவிட்டா வீடு பாதியிலேயே குட்டிச் சுவரா நின்று விடும்!…அதெல்லாம் சொந்த வீடு கட்ட ஆசைப் படுபவனுடைய தலையெழுத்தைப் பொறுத்தது!..” என்றுகட்டுமானத் துறையின் நுணுக்கங்களை மேஸ்திரி தன் மகனுக்கு விளக்கிச் சொன்னான்.

- பொதிகைச் சாரல் அக்டோபர் 2014 இதழ் 

தொடர்புடைய சிறுகதைகள்
2054 ஆண்டு ஐனவரி மாதம் 26 ம் தேதி. ஞாயிற்றுக்கிழமை. அந்த பிரமாண்டமான கல்லூரி வளாகத்தில் நுழைவுத் தேர்வுக்கு அரசு ஏற்பாடு செய்திருந்தது. காலை 9 மணிக்கே சுமார் ஆயிரம் பேர்களுக்கு மேல் கூடி விட்டார்கள். எல்லோருடைய கைகளிலும் நோட்ஸ் புக், கைடு ...
மேலும் கதையை படிக்க...
அரசு ஆய்வுக் கூடம் ஒன்றில் உயர் அதிகாரி சத்திய சீலன். அவர் மனைவி சித்ரலேகா ஒரு கல்லூரி பேராசிரியை. அவர்களுடைய ஒரே மகள் ஐஸ்வரியாவுக்கு பத்து வயசுதான் ஆகிறது. சுட்டிப் பெண். நினைத்ததை ‘பட்’ டென்று கேட்டு விடும் சுபாவம் அவளுடையது! அவளுக்கு ...
மேலும் கதையை படிக்க...
அது சர்க்கரை நோயாளிகளுக்கான மிகப்பெரிய மருத்துவ மனை. சாப்பிடும் முன் ஒரு டெஸ்ட் எடுக்க வேண்டியிருந்ததால் காலை ஏழு மணிக்கே நான் அங்கு போக வேண்டியிருந்தது! மருத்துவமனை இருப்பது 5- வது மாடி. நான் ‘லிப்ட்’டுக்காக காத்திருந்தேன். என் அருகில் வந்து ஒரு ...
மேலும் கதையை படிக்க...
காலி பிளவர் என்றால் கண்ணனுக்கு உயிர்! மாலைநேரத்தில் நாலு பேர் சாப்பிட ஒரு தட்டில் காலி பிளவர் சில்லி செய்து வைத்தால், இவன் ஒருவனே எடுத்து சாப்பிட்டு காலி செய்து விடுவான். அவனுக்காக அவனின் தாய் ஏதாவது ஒரு வகையில் காலி பிளவர் ...
மேலும் கதையை படிக்க...
அது குறைந்த வருவாய் உள்ள ஒண்டுக்குடித்தனங்கள் நிறைந்த தெரு. அங்கிருக்கும் நிறைய பெண்கள் அருகில் உள்ள பங்களாக்கள், அபார்மெண்ட்களில் வீட்டு வேலைகளுக்கு போய் வருபவர்கள். அங்கு தான் ஆறுமுகமும் குடியிருக்கிறான். பக்கத்தில் உள்ள ஒரு பவுண்டரியில் அவனுக்கு வேலை. வேலை நேரம் போக மீதி நேரம் ...
மேலும் கதையை படிக்க...
2054
வயசுக்கு மீறிய புத்தி!
ஒரு நிமிடப் பயணம்!
காலிப் பிளவர்
பெருமை!

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)