Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

தெய்வம் நின்று கொல்லுமோ?

 

கோவை மாநகரில் வீற்றிருக்கும் பத்ரகாளியம்மன் கோவில் கும்பாபிஷேகத் திருவிழா.

கோவில் அருகே வாகனங்கள் வராதபடி போக்குவரத்தை ஒரு நாள் முன்பே காவல் துறையினர் மாற்றி அமைத்து விட்டார்கள்.

இருந்தாலும் பல்லாயிரக்கணக்கான ஆண்களும், பெண்களும் காலை ஐந்து மணிக்கே கோவில் முன்பு ‘ஜே! ஜே!’ என்று கூடி விட்டார்கள்!

பட்டு சேலை பள பளக்க இந்துப் பெண்கள் தேங்காய், பழத்தட்டுகளை ஏந்தி கும்பல், கும்பலாகப் போவதே ஒரு கண் கொள்ளாக் காட்சி!

கோவை வாழ் பெண்களுக்கு இந்தப் பத்ர காளியம்மன் மேல் தனி மரியாதை! ஒரு குறிப்பிட்ட வருஷங்களுக்கு ஒரு முறை கும்பாபிஷேகம் செய்வது தான் சாஸ்திரம் என்று சில ஆன்மிக வாதிகள் சொன்னவுடன், கும்பாபிஷேகத் திருப்பணி குழு பக்தர்களால் அமைக்கப்பட்டது. அந்தக் கமிட்டியில் அரசியல் செல்வாக்கு மிக்க கோகுல கிருஷ்ணன் எப்படியோ நுழைந்து விட்டார். கமிட்டி மெம்பர்களுக்கு அது பிடிக்க வில்லை என்றாலும் அவர்களால் தடுக்க முடியவில்லை! அவருக்கு மேலிடத்தில் நிறைய செல்வாக்கு உண்டு. தாங்கள் ஏதாவது சொன்னால், தனிப்பட்ட முறையில் அவர் தங்களுக்குத் தொல்லை கொடுப்பார் என்று தெரிந்து யாரும் கண்டு கொள்ள முடிய வில்லை!

பல வழிகளிலும் நன்கொடை திரட்டப் பட்டது. நன்கொடை ரசீது புத்தகங்கள் அச்சிட்டு அதன் மூலமும் நன்கொடை வசூலித்து வந்தார்கள்.

கோகுல கிருஷ்ணன் கோவையிலிருக்கும் மிகப் பெரிய வியாபார நிறுவனங்களை எல்லாம் அணுகி நன்கொடை வசூலித்தார். அவர் கூட அவர் கட்சியைச் சேர்ந்த ஒரு சிலரையே கூட்டிக் கொண்டு போனார்.

நகரத்தின் மத்தியில் இருக்கும் காவல் தெய்வம் என்பதால் எல்லாப் பெரிய நிறுவனங்களும் கொஞ்சம் கூட தயங்காமல் நன்கொடையை வாரி வழங்கினார்கள்!

வசூலான தொகையில் பாதியைக் கூட அவர் கும்பாபிஷேகக் கணக்கிற்கு கொண்டு வரவில்லை. காரணம் தனிப்பட்ட முறையில் அவரும் நன்கொடைப் புத்தகங்கள் அச்சிட்டிருந்தார். கமிட்டி அவருக்கு கொடுத்த ஐந்து ரசீது புத்தகங்களில் வசூலித்த தொகைகளை மட்டும் கும்பாபிஷேகத் கணக்கில் கொண்டு வந்து விட்டார். மீதி பத்து புத்தகங்கள் மூலம் வசூலித்த தொகை அவர் வங்கிக் கணக்குக்குப் போய்விட்டது! அது சுமார் நாற்பது லட்சம் இருக்கும் என்று கூடப் போன கட்சித் தொண்டர்கள் பேசிக் கொண்டார்கள்! கமிட்டி மெம்பர்களுக்கு இது அரசல் புரசலாகத் தெரிந்தாலும் அதை பெரிசு படுத்தினால் ஒரு புண்ணியமும் இல்லை. கும்பாபிஷேகத்திற்குத் தான் தடை ஏற்படும் என்று அதை பேசாமல் விட்டு விட்டார்கள்!

காவல் தெய்வம் அருளால் எதிர் பார்த்ததை விட தாராளமாக நன்கொடைகள் வந்து குவிந்தன. அதனால் அனைத்து ஏற்பாடுகளையும் சிறப்பாக செய்து முடித்து விட்டார்கள்!

அன்று பள்ளிகள் அனைத்தும் லீவு விட்டிருந்தார்கள். குழந்தைகளும் கும்பாபிஷே நிகழ்ச்சியில் குதூகலத்துடன் கலந்து கொண்டார்கள். கோவையே பத்தி பரவசத்தில் மூழ்கி விட்டது.

காவல் துறைக்குத் தான் கடுமையான வேலை. காவல் துறையின் மாவட்ட அதிகாரி காவல் தெய்வத்திற்கு நடக்கும் பூஜையை மெய் மறந்து பார்த்துக் கொண்டிருக்கும் பெண்கள் கூட்டத்தை ஒழுங்கு படுத்திக் கொண்டிருந்தார்.

அப்பொழுது அவர் கையில் வைத்திருந்த போன் மெதுவாக கூப்பிட்டதால் அதை எடுத்து காதில் வைத்தார்.

ரிஷிகேஷில் இருந்து ஒரு காவல் துறை உயர் அதிகாரி அவரை தொடர்பு கொண்டார்.

“ சார்!…இங்கு கங்கை பாலத்தின் மேல் நடந்து மறு பக்கம் போகும் பொழுது, கோவையைச் சேர்ந்த ஒரு நபர் தவறி விழுந்து விட்டார்…அவரைப் பற்றி கூட வந்தவர்களிடம் விசாரித்த பொழுது, அவர் கோவையில் பிரபலமான அரசியல் வாதி என்றும், அவர் பெயர் கோகுல கிருஷ்ணன் என்றும் சொன்னார்கள்….பிரேதம் தேடப் பட்டு வருகிறது!…கிடைத்தவுடன் தகவல் கொடுக்கிறோம்!…”

செய்தி மெதுவாக கமிட்டி மெம்பர்களுக்குப் பரவியது!

‘ தெய்வம் நின்று கொல்லும் என்று சொல்கிறார்களே!..அது நிஜமா…..அதுவும் சரியான நேரத்தில் தான் கொல்லுமோ?……’ என்று பலவாறு பேசினார்கள்!

- ஆகஸ்ட்29-செப் 4 பாக்யா இதழில் வந்தது 

தொடர்புடைய சிறுகதைகள்
சூலூர் சுகுமாரனுக்கு சினிமா என்றால் உயிர்! அவனுக்கு நிறைய சினிமாச் செய்திகள் தெரியும் பிலிம் நியூஸ் ஆனந்தனைப் போல! எதைப் பற்றி பேசினாலும், அதை சினிமாவோடு தொடர்பு படுத்தித் தான் பேசுவான். நடிகர் சிவக்குமார், சூர்யா, கார்த்தி, டைரக்டர் மணிவண்ணன் எல்லோருமே இந்த சூலூர் ...
மேலும் கதையை படிக்க...
“ஏய்! ……வாட்ச்மேன்!...உள்ளேபோய்உங்கமுதலாளியைஉடனேவெளியே வரச்சொல்!....” “ எதற்குசார்?...” “ சொன்னதைச்செய்!...இல்லாவிட்டால்உனக்கு உதை கிடைக்கும்!...ஜாக்கிரதை!..” என்றுகைகளைஓங்கிக்கொண்டுஅந்தகோடவுன்வாசலில்வந்துசத்தம் போட்டான் முரளி. அந்தவயசானவாட்ச்மேன்பயந்துபோய்விட்டான். உள்ளேஓடிப்போய்முதலாளியிடம், “சார்!...யாரோஒருஆள்வாசலிலில்உங்களைக்கூப்பிடச்சொல்லிஅடிக்கவருகிறார்!” ஆடி தள்ளுபடி விற்பனைக்காகஒருபெரியகோடவுனைவாடகைக்குப்பிடித்துதற்காலிகமாக ஜவுளிவிற்பனைக்கடையைப்போட்டிருந்தார் அருமைநாயகம். வடநாட்டுமில்களிலிருந்துஏகப்பட்டஜவுளிகளைக்கொண்டுவந்துகுவித்திருந்தார்! நிறையவிளம்பரம்செய்திருந்தார். அதனால்ஏகப்பட்டகூட்டம்! அருமைநாயகம்ஒருஅமைதியானமனுஷன்! வாட்ச்மேன்சொன்னதைக்கேட்டுஎன்னவோஏதோஎன்றுவெளியேஓடிவந்தார். அவரைப்பார்த்தவுடன் “நீங்கஎன்னநெனைச்சிட்டிருங்கீங்க?....ரோட்டைஎல்லாம்விலைக்குவாங்கிட்டநெனப்பா?...கொஞ்சமாவதுஅறிவுவேண்டாம்?..” “ தம்பி!....என்னவிஷயம்என்றுசொல்லு!...தப்பாஇருந்தாசரிசெய்திடலாம்!...” “ உங்களுக்குகண்ணாஇல்லை?....அங்கேநீங்களேபாருங்க!...” முரளிசுட்டிக்காட்டியபகுதியில்காம்பௌண்ட்சுவர்ஓரம்நிறையவாடிக்கையாளர்கள்தாங்கள்கொண்டுவந்தடூவீலர்களைவரிசையாகநிறுத்தியிருந்தார்கள். யாரோஒருவர்அந்தவரிசைக்குப்பின்னால்ரோட்டில் தன்டூவீலரைநிறுத்தியிருந்தார். “யாரோஅவசரத்தில்நிறுத்திவிட்டுப்போயிருக்காங்க…தம்பி! வேண்டுமானால்வாட்ச்மேனைவிட்டுத்தள்ளிவைக்கச்சொல்கிறேன்…நீங்கடூவீலரில்தானேவந்தீங்க..அப்படியேகொஞ்சம்தள்ளிஒதுங்கிப்போயிருக்கலாமே?..” “ என்னசார்!.. நீங்கரோட்டைஅடைச்சுஉங்கவண்டியைநிறுத்துவீங்க!...நான்ஒதுங்கிப்போகவேண்டுமா?…. இப்படிஅறிவுகெட்டத்தனமாபேசறீங்க?...நான்அந்தவண்டிமேலஎன்வண்டியைஏற்றி அதைடேமேஜ்செய்திடுவேன்!..அல்லது ...
மேலும் கதையை படிக்க...
பகல் உணவு நேரம். அந்தப் பிரமாண்டமான அரசு அலுவலகத்தில் ஊழியர்களுக்கு பகல் உணவு சாப்பிட ஒதுக்கியுள்ள விடுதியில் கண்காணிப்பாளர் கந்தசாமி பிள்ளை டிபன் பாக்ஸை பிரித்து வைத்துக் கொண்டு சாப்பிடாமல் மோட்டு வளையைப் பார்த்து எதையோ யோசித்துக் கொண்டிருந்தார். அருகில் உட்கார்ந்து சாப்பிட்டுக் ...
மேலும் கதையை படிக்க...
சாந்தியின் அன்பு மகன் மோகனுக்கு அவனுடைய மூன்றாவது வயசிலேயே போலியோ தாக்கப்பட்டு வலது கால் சூம்பிப் போய் விட்டது. பிறப்பும், இறப்பும் யார் சொல்லியும் வருவதில்லை. அது போல் தான் இந்த ஊனமும்! யாரும் விரும்பி ஊனம் அடைவதில்லை! பிறப்பால், விபத்தால், வியாதியால் ...
மேலும் கதையை படிக்க...
நிலா குழந்தையிலேயே நல்ல அழகு. வீதியில் போவோர் வருவோர் எல்லாம் கொஞ்சிக் கொண்டு போவார்கள். பனிரண்டு வயசில் வயசுக்கு வந்து விட்டாள். பூத்துக் குலுங்கும் அந்த அழகை வர்ணிக்க வார்த்தைகள் இல்லை. நிலாவின் அம்மா அன்னத்திற்கொரு ஆசை! அதற்கு ஒரு விழா எடுத்து அதில் ...
மேலும் கதையை படிக்க...
சூலூர் சுகுமாரன்
ஆடித் தள்ளுபடி!
கந்து வட்டியும் கந்தசாமி பிள்ளையும்!
உலகை மாற்றும் திறனாளி!
பருவம் வந்ததும்…

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)