சருகு இளைஞன்!

 

சீக்’இளைஞன் போல இருந்தான்.ஆனால்,தலையில் சிறிய கொண்டையோ,சுற்றிய துணியோ..இருக்கவில்லை.வேற யாரோவோ? வோக்கருடன்,அவனுடைய உடம்பு அங்கையும்,இங்கையும் ஆட காலை இழுத்து இழுத்து வந்தான்.பார்க்க பரிதாபமாக இருந்தான். என் வயசை விட குறைவாகவே இருப்பான்.உருவத்தில் என்னை விட பெரிய தோற்றம்.மற்ற நாடுகளைச் சேர்ந்தவர்கள் சிறிலங்கனை விட பெரிய தோற்றத்துடன் தான் இருக்கிறார்கள்.அவன் நான் ஓடுற சிற்றூர்ந்தில் ஏற சிறிது நேரம் எடுத்தது. மூளைவளர்ச்சி குறைந்தவர்களைப் போல தோற்றம்.வெகுளியான சிரிப்புடன் “அக்கோடா”என்று பெலத்தாக கேட்டான். எனக்கு அவனுடைய மொழி புரியவில்லை.”என்ன பாசை” என்று கேட்டேன்.”எப்படி இருக்கிறாய்?,பேர்சியன் மொழியில் “என்று சிரித்தான்.அவன் சரியாய் தான் அந்த மொழியில் சொல்கிறானா..என்பதெல்லாம் எனக்கு தெரியாது.சீக் போல இருக்கிறவன் பஞ்சாபி அல்லவா பேச வேண்டும்.இந்தியனைப் போல இருக்கிறவனுக்கு எப்படி பேர்சியன் மொழி தெரியும்.ஒருவேளை 2-3 சொற்களை தெரிந்து கொண்டு வெளுத்து வாங்கிறானோ!இல்லாவிட்டால் ஈரானியன் தானோ?

ஸ்ரோக் வந்து பாதிக்கப்பட்டு தேறியவனாக இருக்க வேண்டும்.சிற்றூர்ந்தின் யன்னல் கண்ணாடிகளை எல்லாம் இறக்கி விட்டிருந்தேன்.வீதீயில் பக்கத்தில் செல்கிற நடைபாதை பயணிகளிடமும்”அக்கோடா”என்று அட்டகாசமாக கேட்டான் .சந்தோசமாக இருக்கிறான் போலும். மீற்றரை ஓன் பண்ண அது,$3 என சிவப்பு வெளிச்சத்தில் காட்டியது.”எங்கே போகணும்” கேட்டேன்.”முதலில் சேர்ச் அன்ட் வெலசியில் இருக்கிற TD வங்கிக்கு விடு”என்றான்.செலுத்தினேன்.”உனக்கு என்ன நடந்தது?இப்படி கால்,கை!, விபத்துக்குள்ளானாயா?”கேட்டேன்.

“நானும் சிற்றூர்ந்து ரைவராக இருந்தவன் தான்”என்று ஆச்சரியத்தில் ஆழ்த்தினான்.”அப்புறம்..?”.”இரவு நேரம்,ஜனநாயகத்தின் காவலர்கள்(பொலிஸ்),அதிவேக கார்க் குற்றவாளிகளை பிடிக்க துரத்திய போது,சந்தியில்..நின்ற என்ர சிற்றூர்ந்தை மோசமாக மோதித் தள்ளி விட்டார்கள்.நான் உள்ளே நசிங்கிப் போனேன்”என்றான் வருத்ததுடன்.இந்த காவலர்களின் கட்டுபாடற்ற ஓட்டங்களை நானும் ஓரிரு அதிகாலையில் பார்த்திருக்கிறேன். போதைப் பொருளை பாவித்து விட்டு ஓடுறவர்களைப் போல.. துரத்தல்களை செய்வார்கள்.

அதிகாலையிலே அந்த ஓட்டங்கள் அதிகம்.பகல்நேரத்தில் சிற்றூர்ந்து ஓடுறவர்கள் எல்லாம் ஏன் அதிகாலையிலே வேலை தொடங்குவதில்லை என்பது எனக்கு.. புரிந்தது.அவர்களில் பலர், அதிவேகமாக ஓடவேண்டும்’என்ற தம் ஆசைக்காகவும் துரத்தல்களைச் செய்கிறார்கள்.துரத்தியவர்களை குற்றவாளிகள் என்று பிடிக்கிறார்கள்.சட்டத்திற்கு முன் எல்லோரும் சமம் என்ற அளப்புகள் எல்லாம்’அரசு தான் புனிதம்’என்று சொல்லிக் காட்ட தான்.மிச்சப்படி..கடைபிடிக்கப் படுவதில்லை.

“எவ்வளவு காலம் சிற்றூர்ந்து ஓடினாய்?”கேட்டேன்.”2 வருசம்”என்றான்.அடப்பாவியே,லைசென்சுக்கு இறைத்து.., கஸ்டப்பட்டு ஓட வெளிக்கிட்ட காலத்திலேயே வந்து மோதித் தள்ளி இருக்கிறார்கள்.காவலரின் கார்களுக்கு முன்னால் இரும்பு பாதுகாப்பு வேற மேலதிகமாக இருக்கிறது.சிற்றூர்ந்து,அமெரிக்கன் காராக இருந்தாலும் கூட அப்பளமாக போய் விடுவது இருக்கிறது.

ஒருசமயம்,ஒருவழிபாதையில்,பல காவலர்களின் கார்கள் சைரன் ஒலியுடன் துரத்தி பல பக்கங்களிலும் ஒரு காரை மோதி நிறுத்தியதை நேரிலே பார்த்து அதிர்ச்சிஅடைந்திருந்தேன்.அடுத்த நாள் பேப்பரில்,குற்றவாளி எனக் கருதியவனின் சொந்தக் கார் அது என்றும்,சந்தேகத்திற்குரிய விதத்தில் ஓடியதால் மோதி நிறுத்த வேண்டியிருந்தது’எனசெய்தி வந்திருந்தது.காரின் ‘பொடிவேலையை நிச்சியமாக காவலர்களின் காப்புறுதி செய்திருக்காது’என நினைக்கிறேன்.அவர்கள் சிக்கனப் பேர்வழிகள்.அவர்களுக்கு ஒதுக்கப்படுற பணம்
பத்தாது என்பதற்காக’பார்க்கிங் டிக்கற்றுக்களை வைத்து பணம் பண்ணலாம்’என முனிசிபல் அரசாங்கம் அவர்களுக்கு அனுமதி அளித்திருக்கிறது.

“1-2 வருசமில்லை,4 வருசம் ஆஸ்பத்திரியிலேயே கிடந்தேன்”என்றான் கண்ணீர் பொங்க.கையிலே,காலிலே,உடம்பிலே என நிறைய சத்திர சிகிச்சைகள்.கம்பி வைத்தார்கள்.கோமாவில் கூட போய் கிடந்தேன்”என்றான்.அவன் பொய் பேசவில்லை என்று புரிந்தது.’எவ்வளவு காலம் கோமாவில் கிடந்தாய்’எனக் கேட்க மறந்து போனேன்.

சந்தியில் சிவப்பு லைட்டில் சிற்றூர்ந்து நின்றது.பக்கத்துக் கோட்டில்,சமர் வந்து விட்டதால் மெல்லிய அழகான ஆடையில்..ஆடைக்குறைப்புப் பற்றிய கவலை இல்லாமல்..,ஓரிளம் பெண்ணின் கார் நின்றிருந்தது.இவன் அவளைப் பார்த்து “அக்கோடா”என்று கத்தினான்.அவள் திரும்பிப் பார்த்தாள்.”கௌவ் வார் யூ? வெரி நைஸ் டே”என்றான் சிரிப்புடன்.வலது குறைந்தவன் போன்ற வெகுளித் தோற்றம் அவனுடையது.அவள் அனுதாபமாக பார்த்து சிரித்து விட்டு”பைன் மச் சனி,ஐ லைக் இட்”என்றாள்.இவன் என்னென்னவோ பேர்சியனில் சொல்லி கதைத்தான்.அவள் சிரித்துக் கொண்டு கையை காட்டி விட்டு போய்விட்டாள்.

நான் சிற்றூர்ந்தை TD வங்கிக்கு அருகாமையில் நிறுத்தினேன்.அவன் இறங்கி வோக்கருடன் போனான்.தனது அலுவல்களை முடித்துக் கொண்டு வந்தான்.திருப்ப ஏறிய பிறகு “ஜாவஸ் அன்ட் குவின்ன்னுக்குப் போ”என்றான். செலுத்தினேன்.”உனக்கு கல்யாணம் ஆகிவிட்டதா?”கேட்டேன்.அவன் வெறுப்புடன் சிரித்தான்.”ஒரு மகள் கூட இருக்கிறது.ஆஸ்பத்திரியில் இருக்கிற போது,டாக்டர்கள் என் மனைவியிடம் மெசினுடன் உள்ள இணைப்புக்களை அகற்றி ‘கருணைக் கொலை’செய்ய விருப்பமா?என்று கேட்டார்கள்.அவள் ‘ஓம்’என்றிருந்தாள்.என்னுடைய சகோதரங்கள் தடுத்து விட்டார்கள்.பிறகு அவள் பிரிந்து’மகளுடன் சிங்கிள் மதராக போய் விட்டாள்..!” வருத்தத்துடன் சொன்னான்.அவன் மனைவியை நேசிக்கிறான் என்பது புரிந்தது.ஆனால்,4 வருசங்கள் என்பது கொஞ்ச காலமில்லை,நிலமை மோசமானது தான்.

அவனை இறக்கி விட்டு..அன்றைய நாளை ஓடி முடித்தேன்.சிற்றூர்ந்துக்கு எரிபொருளை நிரப்பி விட்டு திரும்புற போது..அவனுடைய அப்பார்ட்மெண்ட் கட்டிடத்திற்கு முன்னால் உள்ள வீதிக்கு வார நடைபாதையின் ஓரத்தில்,வோக்கரை நிறுத்தி,அதிலிருக்கிற இருக்கையில் இருந்து கொண்டு வீதியில் போறவாரவர்களை அவன் வேடிக்கை பார்த்துக் கொண்டிருந்தான்.

- ஜூன் 2007 

தொடர்புடைய சிறுகதைகள்
குறுநாவல்: வேட்டை நாவலில் வரும் சம்பவங்கள், பாவிக்கப்பட்டுள்ள இயக்கப்பெயர்கள் இவற்றிலிருந்து இக்குறுநாவல் இலங்கைத் தமிழர்களின் விடுதலைப்போராட்டத்தின் சில கட்டங்களைத் தொட்டுச் செல்கின்றது என்பதைப் புரிந்து கொள்வீர்கள். இந்நாவலில் பாவிக்கப்பட்டுள்ள இயக்கப்பெயர்கள், சம்பவங்களிலிருந்து அவற்றின் உண்மையான இயக்கப்பெயர்களை நீங்கள் ஊகித்துக்கொள்ளலாம். பெரிதாக நடந்த இயக்க ...
மேலும் கதையை படிக்க...
இந்திரன்,மட்சூ,கந்தா,விமல்.மூர்த்தி ...ஒன்றாய் சேர்ந்தே திரிகிற‌ வகுப்பு. அவர்களுடன் சம வயதிலிருந்த சாரதா ஆளுமை கூடியவளாக இருந்தாள்.'அக்கா'போன்ற நிலை. கந்தா, அவளிடம் நிறைய கேள்விகளை கேட்டு திணறடித்துக் கொண்டிருந்தான்."நீங்களும் சாதாரணப் பெண் தானே.வெளியில் எங்களைப் பார்த்தால் ,பார்க்கக் கூடாத ஐந்துவைப் பார்ப்பது போல ...
மேலும் கதையை படிக்க...
வந்தான் வரத்தானாக மல்லிகைப்பூக் கிராமத்திற்கு போது எனக்கு 13 வயசு.8ம் வகுப்பில் படிக்கிற மாணவன். திருமதி சுப்பிரமணியம்-என்னுடைய அம்மா- சுகாதாரம் படிப்பித்தார். எல்லா வகுப்புகளுக்கும் அவரே சுகாதார ஆசிரியை.அதே போலவே கணிதம்,விஞ்ஞானம்,ஆங்கிலம் எடுத்த ஆசிரியர்களும் எல்லா வகுப்புகளுக்கும் அவர்களே படிப்பித்தார்கள்.10ம் வரையில் ...
மேலும் கதையை படிக்க...
என்ன எழுதலாம்?..சாந்தனுக்கு எதுவும் தோன்றுவதாய் தெரியவில்லை.ஒரு சிறுகதையை எழுதி நாளாந்தம் வருகிற பலகணி பத்திரிக்கைக்கு அனுப்பி விட்டால் ,அதில் வெளிவருவதற்கான சாத்தியமும் இருக்கிறது தான்.அதன் ஆசிரியர் ஜேம்ஸ்,சில அலம்பல்களை வெட்டி எடிட் பண்ணி, சனிக்கிழமை வாரமலரில் போட்டு விடுவார்.அவருடைய முதல் கதை ...
மேலும் கதையை படிக்க...
"முதலில் இந்த தலை மறைகளை (முறை,கிறை பார்க்கிற ,மரபுகளை ) ஒழிக்கணும்"சாந்தன் உள்ளுக்குள் குமுறினான்.அவன் ஏற்கனவே ...இவற்றை இனம் கண்டு தான் இருந்தான்.இருந்தாலும் எந்த ஒரு மாறுதலையும் அதில் ஏற்படுத்தி விட முடியவில்லை..ஆசிரியையின் பையன் என்ற பிம்பம் வேறு அவனை சுயமாக ...
மேலும் கதையை படிக்க...
கீதாவுக்கு அழுகை அழுகையாக வந்தது.அடக்க முயன்றால்.முடியவில்லை.கலங்கிய கண்களுடன்,வேலை செய்வதை விட்டு,எழும்பி நின்று பயிர்களைப் பார்த்தாள்.பச்சை விரித்தாற் போல்,பரந்து கிடந்தது.பூக்கிறதுக்கு காலம் இருக்கிறது கீதாவுக்கு அழுகை அழுகையாக வந்தது.அடக்க முயன்றால்.முடியவில்லை.கலங்கிய கண்களுடன்,வேலை செய்வதை விட்டு,எழும்பி நின்று பயிர்களைப் பார்த்தாள்.பச்சை விரித்தாற் போல்,பரந்து கிடந்தது.பூக்கிறதுக்கு காலம் ...
மேலும் கதையை படிக்க...
ராதா,வாகனத்தில் கண்ணுக்கு நேரடியாக சூரிய ஒளி வருவதை தடுப்பதற்காக உள்ள மேல்பகுதி மட்டையை இழுத்து விட்டான். கைத்தோலில் படும் வெய்யில் பூதக்கண்ணாடியினூடாக வருகிற மாதிரி சுடுகிறது. 'டாக்ஸி'யில் இருக்கிற ஓட்டி 'ஒவனு'க்குள் இருக்கிற மாதிரி துன்பப்பட வேண்டியிருக்கிறது.பின்னால் இருக்கிறவர்களுக்கு ஒருவித சொகுசுப் ...
மேலும் கதையை படிக்க...
எல்லாருக்குமே நேரான படிப்பு அமைவதில்லை. உயர்வகுப்பு வெறும் அனுபவங்களைக் காவியதோடு முடிந்து விட, கொக்குவில் தொழினுட்பக்கல்லூரியில் புதிதாக படம்பயில்வரைஞர் வகுப்பில் படிக்க குலேந்திரன் தெரிவாகி இருந்தான். முதல் நாள் பஸ்ஸில் வந்திருக்கலாம். ஓட்டைச் சைக்கிளில் உழக்கி வேர்க்க விறுவிறுக்க வந்திருந்தான். உடம்பு ...
மேலும் கதையை படிக்க...
குமரனோடு படித்து,எ.லெவல் படிக்க நகரத்தில்,வேறு பள்ளிக்கூடம் சென்று விட்ட செல்வனின் அக்கா, பஸ்ஸிற்கு நிற்கின்ற போதும், மீன் சந்தைக்கு அம்மாவோடு போகின்ற போதும்,தெய்வம் கொழுப்பு மெத்திப் போச்சுது போல மோட்டர் சைக்கிள்ளை அவளுக்கு கிட்டவாக விட்டு எதையாவது சொல்லி தனகுகிறான். இதை ...
மேலும் கதையை படிக்க...
இராசு அண்ணாவும் விடைபெறுகிறார்.அவனுக்கு நன்குத் தெரிந்த ,கிட்டடி உறவினர் போன்ற முகத்தோற்றமுடையவர்.முகநூலில் வரமுதலே ,அராலியக்கா ,ரேணுவக்காவிற்கு(அவனுடைய அக்கா)கைபேசியில் விபரத்தைச் சொல்ல,தொடர்ந்தாற் போல அலைபேசிகள் கிண ,கிணக்கத் தொடங்கின .கொரானகாலத்தில் இரண்டாம் கட்ட நிலையில், ஏற்பட்ட தளர்வுகளில், கிட்டடி உறவுகள் மட்டும் ஆஸ்பத்திரியில் ...
மேலும் கதையை படிக்க...
வேட்டை
புதியவர்கள்
பவானி அக்கா
இயற்கைக்காட்சி
அக்கா
கலங்கிய பார்வையில்
சமூகக்குற்றம்!
அப்பாவின் நண்பர்கள்
இருட்டடி
நினைவுகள்

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Enable Google Transliteration.(To type in English, press Ctrl+g)